خبر اختي احزنني

[أحساس دافي]

حبيبتي مايعلم مافي الأرحام الأالله .....
وبقولك عن أختي مثل حالتك جابت ثلاث بنات والحمل الرابع ماكانت تبيه وحاولت تسقطه ولاطاح وكانت تدعي وتتصدق تبي ولد مع ان زوجها ماوضح لها بالعكس يواسيها ويقول كلهم واحد بس أنتم الي فيكم البلا ؟؟؟؟
المهم سوت 4 أشاعات وفي كذا مستشفى وكلهم يقولون بنت مثل القمر؟؟؟؟
لا وتقول يوروني الأعضاء التناسليه ووشفتها ؟؟
لكن مهما وصلوا من العلم يبقون جاهلين في أشياء كثيره...
ورزقها الله ولد الله يصلحه ...
والحين تعالي شوفي مطلع عيونها يتضارب مع خواته ومدلع نفسه بالمررررررررره
وأنتي الله يكتب الي فيه خيره لك والله ماتدرين وين الخيره فيه...
ماراح ينفعك غير بناتك والبنوتات قلوبهم ع قلب أمهم ...

 

[رومانسية أنثى]

اولا احمدي ربك على النعمه غيرك يتمنى ظفر طفل

ولا تقولين حامده وراضيه لان الحمد مو بس بالسان وش هالسخط على نعمة ربك

ثانيا زوجك عايش في العصر الحجري ولا وش السالفه مايدري ان تحديد جنس الجنين منه هو وانت مالك دخل

ثالثا اعرف وحده تقرب لنا جابت 4 بنات وراء بعض بعدين سبحان الله صار ماتجيب الا اولاد وجابنت 3اولاد وراء بعض

رابعا اللي اعرفه ان اذا مابان يعني بنت لان الولد يبان على طول بس يمكن مسكر رجوله

وبعدين يااختي فرحي لاختك ولاتتعلمين تحسين بالنقص اذا طالعتي احد خلي عندك قناعه بقسمتك

وماتدرين يمكن بناتك يكون اخير من ولدها والايام تبين والله سبحانه عادل بقسمته ومااحد بياخذ رزق احد

كله مقدر ومكتوب

ويارب يطلع ولد وان طلعت بنت عرفي ان فيها خير لك اكثر من الولد مااواسيك بس رب العالمين مستحيل يظلم عبيده

 

[أم تحب بناتها]

الحمدلله والشكر لله

البنات والاولاد كلهم من رب العالمين

وصراحة في هالوقات كثرة الامراض والاعاقات الواحد يسال الله العافيه

اهم شي يجي سليم ومعافى

وانتبهي لا تتسخطين وتتلفظين وبعدين يجيك ولد وفيه قصوراو عاهه لا سمح الله

كرري اللهم قنعني بما رزقتني
وادعي لنفسك بالذريه الصالحه الباره اللي فيها خيره لك

بعدين ترتبيب البنت والولد لله حكمه في ذلك

خواتي 2 وحده جاها 6 بنات بعدين جاها الولد
والثانيه جاها 7 بنات واللحين حامل وندعي لها بالصالح

استغفري ربك لان يغفر الله لك ليس من اجل ان ياتيك ولد
وكرري على نفسك اللي يجي من ربي هو من صالحي
وابعدي عنك الجاهليه اللي مالها داعي صح الولد له فرحه من رب العالمين
لك الواحد ما يتلفظ يخاف من شي لا قدر الله ويكون هو السبب
اعذريني على الاطاله​

 

[انتـ غلاي]

اختي في شيخ يقول ساعات انساان يدعي ويتعبد الله فترة طويله عشان يحقق له رغبه ولما تقرب تحقيق الي يبيه الشيطان يبدا يلعب في انسان ويخليه يعيش حاله ياس فيبطل يدعي ويتعبد فتتاخر قبول الدعوه

فانيت لاتايسين واحسني الضن بالله

 

[دانيـا]

حبيبتي غيرك ماعنده لاولد ولا بنت

ارضي بقسمتك واحمدي ربك على النعمة اللي انتي فيها

والامر هذا بيد الله عز وجل

هو اللي يرزقنا لكن لا امنعك من الدعاء ولا تكبرين السالفة

لك خالص مودتي

دمتي بحفظ الرحمن

 

[نور زوجها]

الحمدلله انتي جاك بنات غيرك يتمناهم

 

[احساس الاماني]

لاحول ولا قوه الابالله يا اختي قولي الحمدلله انا لي 8سنوات وانا اتمنى الضنى وانتي مو عاجبتك البنت والله قادر يحرمك منها وبتنحرقين وبتقولين ياليتها جات لكن الله يجعلك تجيبين الولد اللي تتمنينه ويفرح قلبك ليس ذلك على الله بعزيز

 

[مصحفي]

من راقب الناس مات هما وش عليك من الناس تلمح والاتقعداحمدي ربك انتي في نعمه غيرك محرووووووووومين منها سبحان الله والله البنوتات يجننون الا متى والجهل مسيطر على عقولكم الله يهديك ويسرلك أمورك ويقومك بالسلامه

 

[!i حلمي لي i!]

انا كنت حامل بولد و كانوا احيانا يقولولي ما يبين

الله يرزقج بس ترا البنات يدخلن اهلهن الجنة

 

[اطراف البدايه]

اهلين اختي
انتبهي ترى كل شي يعكر مزاجك يؤثر على الجنين وتنشئه كطفل في المستقبل
دايما الدكتوره تقول الطفل الي تحمل به الام من غير رغبه يجي مهتز الشخصيه وهذا ياثر عليه طول العمر
يصير ماعنده ثقه بنفسه ودايم في باله انه منبوووووووووذ انبهي وهذا كله ينتج عنه حياه فاشله في جميع المجالات
<<<<<<<<<ادرس رياض اطفال
وقولي الحمد لله

 

[رشا حسن]

بسم الله الرحمن الرحيم
اختى لا تقلقى سيبى كل شى على الله سبحانة وتعالى
ملحوظة اختى عملت اشاعة كام مرة و يقوله بنت و اشترت ملابس بناتى و كانت فرحانة و عند الولادة اكتشفنا انها جابت ولد و كل شى بيدى الله ​

 

[عنب ازرق]

:32::20:اهلين اختي اول شي الله يخلي لك بناتك ويصلحهم وبعدين لايعلم مافي الارحام الا الله واصلا اللي يحدد جنس الجنين زوجك انتي مالك ذنب وامر المؤمن كله خير
حبيبتي انالي سنتين ماحملت واتمنى ربي يرزقني:11:الذريه الصالحه المعافاه الحسنة الخلق والخلقه مايهم بنت او ولد اهم شي العافيه والصلاح
اسال الله لي ولك الخير والخيره يارب
عذرا طولت مع فائق حبي وودي:32:

 

[شـوكـولاته]

يااختي استغفري ربك كل شي من ربي كامل مكمل حلوو

تخيلي يجيك ولد ناقص؟؟

ساعتها تتمنيين الخلفه السليمه
ياشيخه مافي احد ما معه هم انتي تبين ولد ووحده تبي بس تحمل

تحمدي ربك ترااك في نعمه كبيره
واسمعيها مني اذا ربيتي بنات التربيه الصحيحه هم بكرا يشيلونك اكثر من عيالك

الزمن اللي جاي زمن البنات زمن الأولاد خلاص بح صاروا ماينفعون بقرش مع مشاكلهم لمن يكبروا

 

[ارجووانه]

ارضي بحكم ربك انتي احسن من غيرك انا اختي سبع بناااااااااات حملت بثلاث تؤائم بنتين وولد ومات الولد وعاشو البنتين وبعدها حملت وجابت بنت وبعدها جاء الولد <<<اخيرا وبعدها حملت وجاها بنت
قولي الحمدلله على كل شي في ناس تتمنى تحمل ومن ضمنهم انا
ابن ادم مايعجبه شي

 

[#سهارى#]

غاليتي انا كنت حامل ببنتي وزوجي كان شوي متضجر يبي الولد وكان يقول اذا جابت بنت بوديها عند اهلها ومن هالكلام
بعدها رزقني الله ببنت من ذوي الاحتياجات الخاصه (متلازمة داون ) والحمد لله والان هو متعلق فيها اكثر من كل خواتها ووجودها كان خيره لنا جميعا ولله الحمد والشكر والمنه فهي باب من ابواب الجنه

فالطفل السليم نعمه من الله نشكره عليه سواء بنت او ولد ولايعلم الخيره الا الله سبحانه تعالي

 

[الدنيا دنى]

الله يرزقك بالولدالصالح يارب

تأكدي أن في قدرالله حكمه لكم ماتعرفيها لوماجبتي ولد الان وربي

رادان اللي في بطنك بنت!!!!فكري قليلا رعاك الله وحفظ لك بناتك وزوجك

وتمم عليك حملك وفرح بالولد الصالح عن قريب
تحياتي...

 

[وليفة الحيرة]

اناام البنات مثلك عندي 3بالدنياكلهاصحيح اني اتمنى اجيب ولدلاكن كل شي من عند ربي استغري ربك واحمديه عالنعمة والله يرزقناالاولاد انشاللة البنات حلوين لاكبرووشفتيهم حولك و الله مايشيلك الابنتك وولدك يروح ورى حرمته

 

[ابتعد لا اجرح]

استغفر الله وافق شان طبقه انتي وزوجك وين الوازع الديني ..

ايش قال رحمك مضروب
اللهم لآاعتراض .. خلي ثقتك بالله موب بزوجك ,, الذريه معدوده عند الله ويوزع لمن يشاء ,,

تدرين اتمنى 10 بنآآآت اهم شيء ظنـآ يرد الروح ,,,

 

[ميسولين]

اختي كانت مثلك الدكتوره تقولها مش بايين ولمن ولدت جابت ولد وان شا الله ربي بيرزقك بالولد الصالح

 

[فداك الجرح]

ااااااه وش اقول

احمدي ربج والله لو يجوووني عشر بناااات لافرح واهللل واحمد ربي ليل بنهاااار مب اجحد نعمة رب العالمين
ناس غيرك مثلي ومثل كثير بنااات معانا في المنتدى محرومين من الا نجاااب يتمنون ضفر طفل وانتي مايعجبك انك تجيبي بنت وتبكين لانك حملتي وخايفة من كلام الناس؟؟ امرك عجيب..
هذا وانتي متعلمة وفاهمة ..اي علم هذا اللي يخليج تمشين ورا كلام الناس ..

استغفري ربج واطلبيه ان يكون جنينج بصحة ويكون تقي وبار ..

الله يهديج