حكايتى مع الزواج

[eleen]

ماشاء الله عليكـــــــــــــــ
تصرف حكيم
منتظرينكــــــــــــــ

 

[aliaa33]

الله يكون بعونك حبيبتي

و الله حكايتك ألمتني كتير

الله يفرج همك و يخليلك اولادك يا رب و يفرحك بهم

 

[@الأميرة@]

يارب يحفظلك عيااالك

ويوفقك ويكفيكي شر من ظلمك

 

[قبل الرحيل]

الله يكفيكى شر الظلم والظالمين ويرد لك عيالك رداً جميلا

 

[ساره الاموره]

الله ينصرك على كل من ظلمك .....................​

 

[هادئه]

متابعينك عزيزتي ومعاك عالخط ...ما شاء الله عليكِ ..بنت أبوكِ ما ينخاف عليكِ...

 

[elegent lady]

ونكمل معاكم الحكاية​

- بعدها قمت ادورعلى مسكن لى ولامى ((على فكره امى من احد الدول العربيه يعنى تزورنا فى بلدنا بين فتره والثانيه )) علشان اقدراسكن فيه لان مو معقوله بسكن عندى اختى وزوجهااا كثير
- وفعلا بفضل الله لقيت مسكن لى ولامى ورتبتهااا وجهزتهااا بالاى اقدر عليه
- وفى يوم اتصل على زوجى وقال لى انه بيسافر رحله علاج بالخارج مع ابوه ويمكن يتاخر بره اكثر من شهرين فا اذا تبين الاولاد موجودين فى بيت جدهم اخذيهم ((بس اهم ما يحبون بيت جدهم ولا جدتهم البخيله شلون جذيه تخلى اليهال ؟؟!!! ))
– يااا سلام اخذ العيال الحين مو هذول الاى انت حرمتنى منهم الحين لما بتسافر وما فى احد يدير باله عليهم تقول اخذيهم
– قلت له مو مشكله اخذهم بس عطنى مصروف لهم انااا مااقدر اصرف عليهم
– قالى عيل خليهم عند جدتهم واذا تبينهم اخذيهم بلا مصروف شهرى – حقير وبخيل شنو اتوقع منه – المهم سكر الخط
– طيب شلون اناا اصلا ما اكلم احد فيهم وشلون اقدر اوصل لهم – ورحت للمحامى استشيره
– قالى المحامى بالحرف الواحد (( انا عارف انه توفير مبلغ مصروف شهرى للاولاد صعب عليج حاليا نظرا لظروفك بس ميخالف الاولاد اهم من فلوس المصروف اخذيهم حاليا وخليهم بحضنك ينامو والله بيفتح لك بابا رزق لان وجود عيالك معاكى حاليا والاب غايب راح يخلى العيال ما ينسو التضحيه والعطاء الاى انتى سويته حتى لو بعد 100 سنه ميخالف حطى حمولك على الله وربك راح يفرجهااا عليك)) – المهم فعلا
– سافر زوجى بنفس اليوم
– واتصل على السائق وقالى (( ماما انتى بيبى يبجى – انتى ولد بالشارع ما يبى يدخل البيت وانتى بنيه مريض حراره والثانيه اسهال وما يبى ياكل بس يبجى داخل غرفه )) انا احترقت من الداخل
– وقلت شسوى شسوى
– قمت وصليت ركعتين بدون فرض وطلبت ربى يوجهنى ويهدينى للطريق الصحيح ويفتح لى باب رزق
– وطبعا بعد ما خلصت صلاه لقيت نفسى اتصل على السائق واقوله جهزو الاولاد بكل ملابسهم اناا باخذهم كلهم و ركبت السياره واتجهت الى بيت جدهم ولقيت- شنو لقيت
– اولادى على رصيف البيت مع الشنط والاغراض الشخصيه لهم وطبعا ركبوا السياره مستعجلين ومسرعين وفرحين وقالولى ما نبى نرجع بيت جدى ما بنى نرجع عند جدتى
– قلت لهم لا تخافون ما راح ترجعون – حتى الشغاله لقيتهاااا سعيده وفرحانه
– المهم رحت الى مركز التسوق اشترى لهم اغراض تعرفون هذول اطفال يحتاجون كورن فليكس معين – حليب – بسكوت – وغيره
– طبعا انا احاتى الفلوس ما عندى فلوس بس قلت ميخالف بصرف على قد الاى عندى بالبنك حاليا
– ولما رحت البنك اسحب سميت باسم الله قبل ما ادخل كرت لسحب الالى
- سبحان الله
– لقيت فى مبلغ نزل بحسابى مبلغ ضعف الاى طلبته من زوجى قبل السفر علشان اقدر اامن للعيال مستلزماتهم
- مشاءالله من وين هالفلوس ومن وين هالفلوس
– ولما سالت بالدوام عن هالمبلغ – لقيته مبلغ انااستحقه عن مشروع انا عملت فيه ولم اخذ مستحقاتى كامله وقتهااا لعدم توافر الميزانية ولما توفرت الميزانيه عطونى حقى
– الحمدلله يارب – الحمدلله يارب – وشريت مستلزمات عيالى ورحنا بيتنا الاى اناا وامى فيه
– طبعا لقيت امى جزاهاا الله الف خير مجهزة سرير لابنى الكبير وسرير لبنتى الكبيره وبنتى الصغيره تنام جمبى
– الحمدلله يارب يوم ما جمعت شملى مع عيالى ونامو بحظنى مره ثانيه
– طبعا دخلو الحمام بسرعه تسبحوو وتعشو ونامو كل واحد بمكانه بعد ما اخذوا كفايتهم من حظنى والاى اثر فينى وخلانى انهار
– بنتى الصغيره واناا لامتهااا علشان تنام قامت تلمنى وتبوسنى لا مو تبوسنى الاه تشمنى اى والله يا خواتى تشمنى وتقول لى الله ريحتك حلوه يا ماما ريحتك حلوه يا ماما
– انا طبعا – كتمت حرقه قلبى – ولما نامت
– رحت عند امى وقلت لهاااا واناا ابجى الاه بموت من البجى بنتى تلمنى وتشمنى ما تبوسنى تشمنى اول مره اشوف احد من عيالى يشمنى بهالقوه وتقول لى ريحتك حلوه يا ماما
– وامى لمتنى وقامت تهدينى وتقول لى مخالف يا بنتى الحبيبه هذا اختبار وانتى ام صالحه وتحبين اولادك عشان جذيه لازم اولادك يحبونك الله لا يفرقكم وحسبى الله ونعم الوكيل ...............



نكمل بالحلقه القادمة انتظرونى....

 

[غبووش]

كم هو صعب التحدث عن الماضي
الله ييسر امرج والمراة القوية هي التي تملا عين الزوج
واولا انتي ثم انتي ثم انتي ثم ياتي زوجج وعيالج
الله يحفظلج عيالج يارب
كملي نحن معاج

 

[ملكة...وزود]

والله بكيت من موقفك مع عيالك ....
والمني طريقة بنتك ........
وحسبي الله على كل من يفرق ام عن عيالها .....
اللهم اجمعني باولادي على خير حال
اللهم ارحم ضعفي وذلي وقلة حيلتي
اتمنى من يقرا مشاركتي يدعو لي ولاولادي بلم الشمل​

 

[أم رفيعة]

قصه مؤثره إختي الله يسعدك ويا عيالك

 

[أم رفيعة]

نترياج إختي.......................

 

[ملكة ببلقيس]

بانتظااااااار
اكمال
حكاية
الشمالية
مع الزمان ,,

 

[@الأميرة@]

بانتظاااااارك

 

[جراده شياكه]

سبحان الله الدعاء يغيرالقدر باءذن لله
كملي متابعين ماشاء الله على شخصيتك

 

[الاماسة]

كملي اليوم انتظرك

 

[زوبعة]

نترياج إختي.......................

 

[أم البيان]

ما شاء الله على صبرك و قصتكي فيها العبرة في التكمله

 

[أم البيان]

و ننتظر التكمله

 

[دلوعةالبدر]

:tears::tears::tears:.....قصتك مرررررره مؤثره...وبإنتظارتكميلتهاااااااااااا

 

[الاماسة]

وووووووووووووينك اتاخرتي ياالغالية0000