جرحت زوجي بكلام كبير...ساعدوني كيف اصلح غلطي..والله تعبت

[تفائول]

شو الي مستحيل مافي شي مستحيل بين الزوجيين تنازلي ها المره ورووحي له واحضنيه وبوسيه
وقوليله آسفه ع الكلام الي قلته .. ومن غير ما تضيفين انك قلتي ها الشي بسبته وغيره لانه بيكون عارف ها الشي .. المهم إذا رضى كان بها إذا ما رضى قوليله كيف بنستمر بها الوضع..؟ انا مو عاجبني الوضع و لازم نشوف حل لها الزعل......؟
وحآولي فيـه لمدة يوميين وعقب ان شاء الله شوي شوي بيرضى من نفسه وبيجيكي


هيه صح قبل لا أنسى إذا فاتحك بالموضوع قوليله انته حريتني وقلت احرك بس مافي احد مثلك انته اصلا تسوى الذهب وتسوى نظر عيوني بعـد يابعد قلبي هاه قلنا تراضينه مب تزعلينهـ أوووكي..؟ نآآآيس موفقه.~

والله لو اجي احضنو اكيد بيدفني ويقولي ايش تبغي ومن دا الكلام ويرفع خشمه وينتفخ علي :blow:

 

[تفائول]

شوفي حبيبتي اي وحده بمكانك بتقول الي قلتيه من القهر والي صار صار يعني ماينفع الندم لكن انتي زي ماارسلتي للمنتدى عن الي بخاطرك ارسلي له على ايميله او بجواله الي يريحك انك متاسفه على الي صار وانك لاشعوري قلتي هالكلام وحاولي مره ومرتين وثلاث لايطول الزعل وبعدين هذا درس لك دائما اذا غلط لاتردين الغلط بغلط ماشاءالله رجلك عنده احساس وحاول يعتذر بطريقه تناسبه كرجل لان الرجل مايحب ان المراءه تمشيه والله يسخركم لبعض ولااوصيك استغفري بنيه حل المشكله

جزاكي الله خيرا

 

[@باونتي@]

هلا فيك عزيزتي...
ممكن تكون ردة فعلك جايه من ضغوط تجمعت عليك بسبة جلوسك بالبيت مع اطفالك ولامبالاة زوجك في حالتكم خصوصا انه يطلع مع اصحابه ويسهر ويتعشى وموسع صدره وانتي مخليك على جنب ولا حتى فكر فيك نهائيا
......
حبيبتي..
هذا طبع الرجال....لازم تفهمين طبعه..مو كل زوج يحب يطلع زوجته ويمشيها بشكل دائم..انسي الفكره هذي خصوصا اذا مر على زواجهم سنين وصار عندهم اطفال
الزوج بعدها مايفضل يطلع معهم ويتمشى معهم...طبيعته كذا الا من رحم الله
اللي عليك الحين تسوينه......
لاتعتذري منه لكن خليك طبيعيه معه كلميه طبيعي..اطلبي منه اللي تبين تغدي معه نامي معه...مشي الحياة طبيعيه حتى هو يلين ويطيب خاطره من نفسه...
بعدها ارجعي لوضعك الطبيعي بل الافضل من الطبيعي..
وغيري من طبعك معه ومن طريقة حياتك
يعني اخرجي مع اطفالك وانبسطي لكن من دونه..
انا هذا اسلوبي الان...
صدقيني والله بتنبسطين انتي وياهم اخر وناسه من دون الرجال اللي بينكد عليك جوك بكل مكان تروحين له.لانه بيروح مجبور ومغصوب
هذا غير المشاكل اللي بتجي قبل الطلعه.,
اتمنى اكون افدتك
باونتي:icon26:

 

[تفائول]

الله يصلحك ايام العيد كله زعل العيال مالهم ذنب؟؟؟؟؟
روحي عنده زوجك ونامي في المجلس عنه
وبعدين تفهمي معه ع الضرب والسب وترى فيه كلام ما يقال مثل طلقني والشيطان شاطر

نسيت عمري جزاكي الله خير ...انا ما اقول الكلمه هذي الا لما يقولي روحي لبيت اهلك .. هذا يكون ردي عليه .. ونفسي ابطل العادع الي فيني

 

[تفائول]

انا اشوف انك تروحي له المجلس وتقفلي عليكم الباب وتقولي له انا جيتك عشان نتفاهم الوضع كذا مو عاجبني وماثر على نفسيات الاولاد

وقولي له انت تبدا او انا ابدأ حتى لو ما تجاوب معاك تكلمي ولو كان ساكت وقولي الي بخاطرك وبيني اول شئ غلطك وانك غلطانه وبعدين بيني غلطه وعتبيه عليه ولاتنسي تقولي له انا احبك وانت اغلى شئ بالوجود لو ما حبك كان من اول ماممديت ايدك علي ضفيت عفشي ورحت لاهلي لكن انا مااحب احد يشوف عيبك واحب الناس كلها تشوفك احسن واحد بالوجود
وانا لما طلبت منك تخرجنا عشان اولادك والناس عيد وحبيت عيالك يفرحوا

وانت واضح من اسلوبك انك كانك تامريه يخرجكم وكثير من الرجال ما يحب هذا الاسلوب من زوجته
انت اذا حسيتيه رايق قولي له ماودك يفلان باسمه الدلع تطلعنا
انا زهقت من البيت بين اربع جدران نفسي اشوف الشارع نفسي اشوف الاوادم انت تخرج وماتحس فينا كيف نحس بالملل انت اذا مليت خرجت مع اصحابك واحنا من لنا غير الغالي يطلعنا

ترى هذا الاسلوب ينفع مع الجنوبي وانا اجربه مع زوجي دائما والله صارت كل طلباتي تنفذ

هذي مو اول مره يمد ايده علي سبق ومد يده علي وتركت البيت

...........جزاكي الله خيرا

 

[تفائول]

فديتج روحي له ف المجلس ايلسي جنبه ..

امسكي ايده بلطف ,,قولي له حبيبي,, اذا مارد عليج ردي قربي عيونج منه وقولي حبيبي ,,

حرام يصير لنا كذا ,,!!!

انا غلطت وانت غلطت ,,!!شوفي هو بيهدا لانج قلتي انا غلطت ,,عادي تنازلي الريال يبي وحده هينه ف التعامل ,,!!

وكملي ,,

اسمح لي والله ماعرفت كيف اكلمك ,,!! ضايقتني لما ضربتني ,,! ماتوقعت هالشي منك ,,لاني احبك ,,!!

حبيبي انا قلت الكلام وماحسيت فيه انا اسفه ,,!!

صدقيني هو بيرضا عليج وبيلوي عليج ,,والله يرجع الاامووور لمجاريها ,,

كلامك مؤثر :tears: بس ما اقدر اقوله .. كرامتي ما تسمحلي

 

[حايلية واعتز]

اختي تفائول انا زوجي مكن نفس زوجك مرة ضربني بس ماسكتلة
لانة مااجاء وراضاني على فكرة هو اللي غلطان بحقي والمسائلة ماتوصل للضرب
بس انا كنت راح ازعل عند اهلي
وبعدين فكرت بعيالي
وكتبتلة رسالة على باب بيتي المدخل رسالة عتب وحب وتقدير
وعرف غلطة وجاء اعتذر مني وليومك هذا الحمدلله مامد ايده علي
على فكرة لي معة 6سنوات وهو دايم يقولي (الضرب ماهو حل)



تقبلي مروري

 

[حايلية واعتز]

وعلى فكرة دايم اذا قالي اطلعي من هالبيت وروحي لبيت اهلك اقوله هذا بيتي وبيت عيالي
واذا مو عاجبك انت روح لبيت اهلك وانا اعرف متى اطلع من هالبيت
والسبب اللي يخليني اطلع

 

[الشوق المغترب]

لا ياختي غلطانه روحي تسامحي منه لا تخلين شيطان يقول لاعاد تحبها ترلى ماتستاهل دور على وحده غيرها ماوقفت معك ترى يقعد يوسوس له لمن يكرهك اسمعي نصيحتي وارجعي

 

[وردة الماء]

أنت غلطتي وبعد هو غلط، بس الرجال حس بغلطته والعشا كان يبغى يجيبلك ك وسيلة أنه يعتذر وحاس بغلطته، بس أنت كبرتي الموقف لو جلستي معه وتفاهمتي معه وتاخذي منه وعد أنه ما يضربك ولا يسمح لأنفسه يمد يده عليك............



نصيحتي لك : روحي وجلسي معه لأنه مثل ماقلت يجوز محتاج لك

 

[وردة الماء]

هو غلط عليك وأنت بعد غلطتي عليه،،،،،، والرجال حس بغلطته وبغى يعتذر من اللي سواه وحب يجيب لك عشا من برع ك وسيلة أنه يصلح غلطته ويعتذر بس أنت كبرتي الموقف...

نصيحة تنفعك::: لا تكابري وروحي لزوجك وتناقشي مه بهدوء وتفاهم وخذي وعد مره ثانية لا يمد يده عليك ولا يجيب طاري أهلك بشين,,,,

روحي له يجوز متضايق من حاجه في الدوام ومحتاج ل وقفتك معه...

 

[محبة النبي محمد]

الله يسعدك ويسخر لك زوجك :blushing:
ويرضا عليك وترضين عليه عاجلا غير اجلاااااااا :a025:
اليوم انا صايمه بدعي لك عند الفطور:essen:

والله يقبل :a200:
احبك في الله :cupidarrow:

 

[محبة النبي محمد]

والله دعيت لك على الافطار وانتظررررررررررررك تبشرينا

 

[حضني حييييل]

الله يعيين البنات ردووا وكفوووا

 

[غدير الكويت]

الله يفرج همج يااارب ويسخر لج زوجج

 

[فديت اعيالي]

السلام عليكم و رحمة الله و بركاته
حبيبتي الاخوات كفوا و وفوا خاصة محبة النبي محمد اوافقها في كل كلامها
بس في موضوعين الاول اقوله لج و للاخوات اللي قعدوا يلفون و يدورون على موضوع ضربك و سامحيني بكون صريحة و اقول لج اذا كان هو غلط مرتين والقصة كلها مليانة اخطاء متتالية منج و انتي كاتبتها بنفسج محد متبلي عليج
1- تقولين زوجك عنده مشكلة بالشغل ( و لهذا السبب هو ماخذ اجازة عشان يرتاح و يغير جو قلبتي عليه حرب داحس و الغبراء بدل ما تريحينه من النكد و المشاكل:busted_red: في ازواج يطلقون زوجاتهم لان عنده مشاكل ومضغوط و هي مالها خص بالموضوع ولا سوت شي له فاحمدي ربج زوجك مب منهم و هذه حسنه له )
2- طلبتي منه يطلعج و اعتقد الطريقة ما كانت حلوة و واحدة من الاخوات قالت لج طريقة حلوة للطلب بهدوء بدون صراخ ( حسنه ثانيه لزوجك ما قلب وجهه في الطلعة و الدخلة :santa_1:و عكر عليكم يبي يسلي نفسه بنفسه بدون ما يزعجكم بمشاكله )
3- كلامه انج ما تستاهلي هذي غلطته الاولى و اسمحي لي معاه حق و انا احب لج الخير ما بقول هو غلطان و يشوف باقي الازواج شيسوون لزوجاتهم اقول لج شوفي البلاوي اللي يسوونها بعض الازواج الله يهديهم لزوجاتهم و الموقع مليان اللي يخون و اللي يتزوج على زوجته و يظلمها :thumbdown:و اللي يسويها زعله كل يوم لاسباب تافهه تافهه تافهه هذه حسنه ثالثة)
4- غلطته الثانيه انه ضربج و اسمحي لي لو سكتي من اولها و قلتي له الله يسامحك ما كان ضربج و لا سب اهلج يعني هي غلطتج بالاساس وكان حس بغلطته و انتهى الموضوع و يمكن كان طلعكم اليوم الثاني و واضح من تصرفاته انه يرد للحق بعد ما يهدى لكن انتي صعدتي الحرب من حرب كلامية الى تناوش بالاسلحه فتعلمي انج تهدين الوضع مب تزيدينها شعلله ( و هاذي حسنه رابعةازواج يطلقون زوجاتهم بعد هالعركة و هو طلع يهدي نفسه بدل ما يطلقج )
انا اعرف واحد متدين لين زعل مع زوجته قالت له : الله يهديك .قال : ليش انا مجنون. و هذا متدين يعني الزعلان ما يدري شيقول
5- طلبتي الطلاق و هو ماطلق هذه حسنه خامسه ( اقري بالموقع مشاكل المطلقات اللي يبون يرجعون لازواجهم و ما قادرين مثل قصة البي و حلم العودة بتمسكين لسانج بدل ما تقولين كلام تندمين عليه مثل هالمشكلة اللي كبرتيها و تدورين حل عليها الحين )
6- اسمحي لي كلامج انه يطلقج و يطلع من البيت يزعل يعني انتي قاعدة بالبيت بس عشان عيالج بس و هو مب مهم موجود و لا لا ( يمكن هذا سبب زعلته عشان يحسسج باهميته في البيت )
7- رجع بسرعة للبيت و جاب عشا ( حسنه سادسة حس بغلطته و يبي يلطف الجو ) طينيتيها مع انج قلتي ما ابي عشا واحد غيره هرب من البيت ايام و راح مع اصدقائه بلد شقيق و سوى بلاوي الدنيا و لا سال عنكم و عن عشاكم يمكن لسانه زفر شوي و ما يعرف يقول كلام حلو و طبعا مستحيل يعتذر :santa_1:لكن اعماله تدل على اصله الطيب و انه يحبك و يقدرك و الدليل سكوته عن اخطائك المتتالية
8- جاب الاكل و ورجع قفلتي باب الغرفة عليج شيسوي المسكين :sadwalk:طلع لحد ما تهدين رميتي الاكل (حسنة سابعة واحد غيرة سوى هالحركة مشكله جبت اكل و رمته ما تستاهل و ما يبن بعينها و اخر مرة يدخل بالاكل عليج المسكين رجع و يحاول يهديج و انتي مصرة عالمشاكل - ما تلاحظين انقلبت الادوار الحين و انتي تدورين رضاه كانت فرصتج تاخذين طلباتج منه و فوتيها عليج -)
9- بعدين تعصبين و تصرخين على كلامه و ما طلقج للحين واحد غيره كان طلقج عناد و سوى لكم مصيبة تدورون حلها الحين ( حسنه ثامنة )
مش بالقوة تاخذين حقج لانه هو اقوى لكن بانكسار و هدوء ( انا ما استاهل يا ابو فلان افا و الله افا ..)
مب دور غيري تستاهل و الله اعرف وحدة زوجها جنوبي هي كاملة و الكامل الله تزوج وحدة ساحرة (تعبير بلاغي)مطلعه عيونه وحاطها فوق راسه و لا حاس بنفسه لا تعيدينها ليسويها و تندمين
10 - تطلبين الطلاق و بتدورين اللي يقدرج هاذي فيها تقطع روس و اظنه يعاقبج عليها الحين ( حسنه تاسعة ) واحد غيره طلقج و قال اشوف من ياخذج بعدي و يقدرج عناد بس و يضيع العيال بسبب كلامج يعني لو لقيتي احسن منه بترتاحين و انتي بعيده عن عيالج احنا نستحمل اللي عندنا و لا نقول هالكلام ونصبر نفسنا و نتذكر الحسنات و لا تنزلين نفسج من عينه و يقول ما تمشي الحياة معاها الا بالضرب عزي نفسج و ترفعي بكلامج
يا اختي يا حبيبتي و الله زوجك فيه خير كثير لكن انتي نسيتيها و قاعدة تشوفين موضوع ضربج و سبج ( و اسمحي لي انتي السبب فيها )
اذا هو عصبي و ما يرضى بسهولة هدي اعصابج و لا تزعلينه و بعدين تدورين حل
انشاء الله تتقبلين كلامي و الله ما كتبته الا لمصلحتج
و حاولي تراضينه يعني مثلا تنادينه للاكل و اذا رفض او تسالينه للحين زعلان او و هو طالع نادي الاولاد و قولي بطريقة مسرحيه ( يا عيال ابوكم زعلان هجووووووووووووووووووم ........او القوات تتقدم ....) و خليهم يهجمون عليه يقبلون راسه و يده او يدغدغونه
اي حركة عشان يحس باهميته عندكم و انكم ما ترتاحون و هو زعلان و مرة ثانية خلي العيال يطلبون و خليكي على جنب:shiny:
سامحوني على الاطالة
.. الله يهديكم و يسهل امركم و يرضيكم و يرزقكم الذرية الصالحة و تكون اخر خلافاتكم ويطلعكم كل اسبوع ...يا رب

 

[*فوز*]

حبيبتي اذا لكم اسبوعين ومطنشك فلازم انتي اللي تعتذرين منه لان كلامك صراحه قووي ايش اللي يعوضك وذهب وكلام فاضي ترى الحياة الزوجيه مو طلعات ووناسه وذهب على قولتك بقدر مايكون ود وتفاهم من الطرفين الله يسعدك وييسر امرك ويهدي مابينكم ويسخرلي ياااارب

ههههههههه اجل ضربه لها سهل عادي تمشيه يعني

هاذا مشكله الحريم ينظرون لخطا الرجل انه عادي من حقه يضرب وهي مو من حقها تتكلم
اجل لانلوم الرجال اذا تفرعنو علينا:santa_1:

 

[حواء في ارض ادم]

الله يهديكم ليعض
ياااااااااااارب

 

[&عاشقة الجنان&]

الموضوع ما يستاهل التكبير
الله يهداكي
راضيه هو جنتك ونارك
والله لوفقدتيه لتحسي بقيمته

 

[اعشق خياله]

السلام عليكم
اختي الغاليه الحياه الزوجيه يبا لها صبر وتحمل وبعض التنازلاتانا واثقه انك في موقف حرج ولاتتقبلين اللوم والعتاب بس الي صار بينك وبين زوجك نتيجه لضغوط موجوده داخلكم من زمان وكان يبي لها شراره عشان تنفجر والمفروض انكم تحترمو بعض ولا تغلطو على بعض..


نصيحه اخيتي في الله انتبهي لبيتك ولزوجك وحضري له مفآجأه في المجلس الذي ينام فيه وغرفه النوم وعندما يدخل للمجلس انتي تكوني في غرفه النوم وان شاء الله ثواني وتجديه عندك زترجع المياه لمجاربها وانسي انه ضربك او شتمك لانه معصب ووضح لي من كلامك انه حس بالندم فلازم انتي تبادري با الاعتذار مشانك ومشان اولادك ومشانه هو احس انك ما تستغني عنه ولما تتفاهمو قولي له انك ما تتقبلي انه يضربك وخليه يوعدك مايعيدها

وخيركم من يبدأ بالسلام
والله يوفقكم ويهدي سركم

تحياتي اعشق خياله