تقدم لخطبتي رجل متزوج.... ممكن استشيركم؟

[د سحر]

لو مشاعرك هتقدر تتحمل ان يكون ليكى ولغيرك وافقى

 

[امي هي حياتي]

لاتبني سعادتك على قهر غيرك وبعدين لاتصدقي اي رجال يقولك عيوب زوجته هاده كداب عشان مافي خير في الاولى حطي في بالك ماحيكون ليه خير فيكي ابدا العمر قدامك ولاتوافقي حطي نفسك محلها وطمنيني عليكي

 

[خان حبي]

لااااااااااااااااااااااااااااااااا لاتوافقين والله تدفنين نفسك بالحياة زيي اقسم بالله الثانيه مظلومه خوذي واحد لحالك وعيشي حياتي والله اني بعد الجمال صرت شيفه من الهم والمشاكل نصيحه لوجه الله لاتطيحين بالنار مثلي

 

[اهات14]

ليش ماتسوين فيها معروف وتكلمنيها تنتبه لنفسها ولزوجها لاتحرمين عياله من حظنه ليش تيتمينهم ليش تهدمين بيت مستور حاله بنت عمه وام عياله وسوى فيها كذا انتي وش مصيرج معه خاص بذي الزمن الى كثرت فيه البنات حطي نفسج بمكانها وربي الريل اذا يبي يبيع بيبيع ولايفتكر ناكر المعرووف اذا جاء بخاطره شئ يسويه بس تااكدي راح يمل منج بيوم من الايام خذيها من وحده اعرفت الظلم من زوجها الى هي انا بعد كل الي سويته الى يعلمه الخلق والي يعلمه الرب ماقصرت ابد فيه حرمت نفسي من شئ اسمه امومه لاجله اخلصت بحبي له وبعد مادخلت وحده بحياته وانكسته وخذته مني تزوجها وبعد زواجه منها بشهرين رجع يدورني بدى يحاول فيني شفت اشلون احتقرها بسهوله اخربت بيتي الله لايوفقها ولايسعدها تكلمه تلفون اطرش له رسايل وهو يكون معي انشالله ذوق نفس ماذقته لو فيني عيب واحد كن قلت استاهل انه يتزوج علي حرمني صغري ومراهقتي وامومتي خذني عمري15 وبعد اربعة عشر سنه تركني بسبب يبي يبدل حياته صار عمري 28 وربج المستعان ربج يمهل ولايهمل دامه يخطبونج غيره بدون مره وش لج بوجع الراس ذي مايبيله تفكير اكيييييييييييييييد لا تخربين بيت المراه وقوليله بعد انصحيه الحياه تفاهم والله يوفقج

 

[السحر الحلال]

صلي استخارة واتأكدي لانه مو سهل تنزلي على ضره

الله يكتب اللي فيه الخير ​

 

[نور الدنياا]

بجيك اللي افضل منه

حرام تهدمي بيت

هو صديح انك عندك مشاعر واحاسيس زي زوجته الاولى بس بعد لا تبني سعاتك على تعاسة غيرك

اذا تبين نصيحتي لا تقبلي اذا كان فيه مضره لاسرته وهو اكيييد راح تتغير حياتهم بسبب دخول شخص جديد يحتل مكان امهم ..

واذا حابه الله يوفقك ويسعدك ابحث لك عن زوج اخر عازب ، واكيييد اللي يسوي خير لأحد الله ييسر له كل اموووره ويرزقه بالافضل ..

وهو في الاصل قرارك .. وكلشي راجع لك ..

الله يسوي اللي فيه الخير والصلاح ..

 

[قاهرة الاحاسيس]

السلام عليكم مشكورات خواتي على ردودكم اسعدني اهتمامكم...


احب اوضح لكم نقاط تم التساؤل عنها في صفحات الموضوع...

وراح اعلمكم سبب موافقتي له...





قبل مايخطبني باسبوع كان تنزل امطار علينا

وكنت ادعي ربي انه يرزقني الزوج الصالح

ودعيت ربي بنصف الليل في وقت سقوط المطر

وبعدها بيوم تقدم لخطبتي...

وفعلا سويت استخاره وحسيت براحه...

رغم اني خايفه من المستقبل وخايفه يقصر علي...


هو من البدايه علمني... انه مايبي يجرح بنت عمه ويقهرها

عشان كذا ماطلقها(مثلماقالوا بعض البنات لو ماكان يبيها كان طلقها)

هو قال صعبه لانها بنت عمي وام عيالي وماابي اجرحها

وقال لي ان العلاقه بين العيلتين من زمان مختربه

يعني امه وخواته وابوه مايدخلون بيته!


وقال لي انه بيعطيني مصروف شهري لي...

وهو دايما يقول ماراح اقصر بحقك...


والحين صارت لي مشكلة ومتردده فيها

ان ملكتنا قريبه والزواج بعد بعد شهرين تقريباً

هو لمح لي ان الزواج بيكون بسيط

يعني ماراح يسويه بقصر افراح وعشا كبير وكثير

لانه هو الي بيتزوج من فلوسه ..ومحد راح يساعده

وانا محتاره ومتردده مره اقول له مايخالف لاتكلف على نفسك

ومره اقول له لا ابي زواجي حلو...


هو ماقال ان ماراح يسوي لي زواج

قال بيسويه متوسط ...

ووصفه للزواج شبيه بكثير من زواجات عيلتنا

اكثر من زواج (لشباب ماتزوجوا قبل)سوو زواجهم نفس الشي


وش اسوي علموني

 

[نور الدنياء]

استخيري وفكري بمستقبل لاتخلين تفكيرك سطحي وكلنا ندعى ويمكن هذاااااااا
اول الخير
الخطاب جايين بطريق
استخيري وفكري 100 مره وشوفى اش قال الاغلبيه اهلك امك ابوك اخواتك واخواتك هما وخذا راي الاغلبيه اذا حبيتي

 

[الدلع بأسمي أنا]

أستخيري ياقلبي ولازم تعرفين إنو الزوجه الثانيه لها سلبيات وكمان لها إيجابيات بس لازم ماتتسرعين بالقرار
وتقبلي مروري

 

[*روعة*]

اعتقد ان الحلوات البلقيسيات كفّوا ووفوا,,
حبيبتي..طالعي الأسباب اللي يتعذّر فيها ويبرر لنفسه فيها منشان يتزوج!!!
سمينه!!
مدللة!!
اللي خلاه يتكلم عن ام عيالهوقريبته بهالظريقة يخليك تفكرين بالموضوع عدل
انتي بعدك صغيرة ليش تدخلين في زويعة الأولى والثانية
الإستخارة اكيد ولابد منها..
بس استشيري واستخيري
وموفقة حبيبتي

 

[خطري مكسور]

لا لا لا حبيبتي لا توافقي ابددا وغذا وافقتي كانك تقولين اهلا بالمشاكل......
انت صغيرة على وشو مستعجله وذا تزوجك ثانيه وما عجبتيه بيجيب ثالثه ورابعه وصدقيني ما راح نحسين بالاستقلاليه معه ابدا وما بيعطيك كامل حقوقك ليش تجيبين لنفسك الهم والغم في صغرك منتي والله إلى نقول فاتها القطار وما عندها خيار إلا هو لا والله عيشي حياتك وتر ا الحيااااااااااااااه مو لازم لها رجال وّا انت حيل ودك بالزواج اقبلي بشاب واستخيري اولا واخيرا فالله خير معين!!!!!
اتمنالك التوفيق​

 

[ام البطل]

صدقيني ان اي رجال يبغى يتزوج لازم يدور مبررات لنفسه وصدقيني لوتزوجتيه ممكن بعد فتره يشتهي يتزوج وبيلقى فيك الف عيب
وعادة البنت قبل الزواج ماتقدر تتخيل مشاعرها بعد الزواج يعني رح تحسين بقهر اول ماتشوفينه رايح يقضي ليله عندها او يكلمها بالتلفون ولو يوم زودلها يوم بتطيرين.
ولاتحسبين انك بتسيرين اشطر واحلى واطيب ترى تجد على الانسان ظروف ما كان حاسب حسابها ابسطها الحمل والوحم والاربعين وصحة الانسان مو بيده انا ما افول عليك بشر بس انا شايفه انك تستحقين حياه هانئه ملأها الحب
والأمان -وشلك بعوار الراس وصدقيني اذا سكتي على حقوقك بتروح وتحسين بالضيم وان تكلمتي سرتي نكديه
وان شكيتي ما احد بيتعاطف معك كل الناس بقول تستاهل ماحد قلها تاخذ متزوج
وبيحس انك غلطه لازم يصححها
الله يكتبلك الخير

 

[مصاصه بالفراوله]

حبيبتي في مثل قديم يقول
الاولى تحلى لو كانت وحلى

يعني مهما صار و الاولى هي الجميله في نظرة و تحلى في عينه دائما و صح لو انه ما يبغاها كان طلقها من زمان الرجال ما يفكر في الاطفال دائما لانه يهمه راحته اولا عمرك شفتي رجال يصبر على حرمه عشان الاكفال زي الروجه لمن تصبر على زوجها السكران ولا المدمن لالالا حبيبتي انتي صغيرة و متعلمه و اللي ربي كاتبه رح يصير بس حكي عقلك و بدري على المشاكل الوحده لمن تتزوج واحد بطوله بدون زوجه ولا اولاد بتصير مشاكل لرب السما من كل جهه فما بالك بزوجه غنيه و صدقيني امكن قويه عشان كدا ما قدر يطلقها

انتبهي اختي

 

[شعشبونة66]

والله صغيره لاحقه على الزواج
الله يرزقك بالزوج الصالح

 

[بدون مدح]

سبحان الله يوم الزوج يبي يتزوج على زوجته يطلع عيوبها من تحت الارض ويمكن يكون اكثر عيوب منها
عالعموم الله يوفقج ويكتب الخير لج وين مايكون

 

[MISS_FEMININE]

اللي يقول للغريب انه زوجته سمينه ومو نظيفه
مب ريال بصراحه
لو انه قايلج انه زوجتي على عيني وراسي وام عيالي
بس انا عندي ظروف خاصه ما احب اقولها
يمكن كنت اقدر هالشي
بس كلامه يقهررر

 

[فوفي21]

نصحيتي لا تاخذين مزوج همه رغبته بس انا خذت مزوج عرفت يبيني رغبه كل زياره يجيني رغبه حنا تونا ملكه ماصار عرس كشفته ع حقيقته واحين ابي الطلاق اتطلق وانا بنت افضل بكرا اكمل واجيب عيال واتحسف

 

[الأنور جميله]

حبيبتي ليش تاخذي متزوج لسه صغيره وبيجيك افضل منه انتي تستحقي افضل من كذا وغير كذا ماتدري اذا اتزوجتيه زوجته تتطلق منه وترمي الاطفال عليك حتى لو فيها عيوب يقدر ينصحها وهي تتعلم بس عيب عليه يقول هالكلام عن زوجته
وبالاخير استخيري افضل شي