بعد ما استمتعنا بوجبتنا رجعنا البيت بعد ما سوينا جولة في المدينة -أدري بتقولون مساطيل الفجر تفترون بالسيارة شعندكم بس لما غلبنا النوم قررنا نرجع الفندق عشان ننمام ونقوم الصبح نلف بالمدينة لأنه يوم الأحد عطلة والشغلة اللي جايين لها المدينة ما تنقضي الا يوم الاثنين مع بداية الدوام الرسمي مثل ما انتو عارفين في الدول الاجنبية نمت أنا والاطفال وبعدين قررت انزلهم على الريوق الساعة 10.30 الصبح في بوفيه الفندق وما صورت بعد لأنه شكلي كان بيكون كلش مضحك على حجابي وعبايتي وأصور بالأكل قدام الناس كانوا بيقولوا مو شايفة نعمة أو أكل فنادق وانا أطبع لكم ترى ميتة من الضحك -زوجي كان يقول والله لو مصورة بالبوفيه لأخليكي انتي وعيالك بتكساس وأرجع البيت :e130:
بعدين قررنا نروح جالستون واهيه مدينة بحرية على الشاطي وقلنا نقضي فيها اليوم
طبعا يا بنات من أحلى الاماكم اللي شفتها الى الان في امريكا وما نزلت لكم كل الصور لأنه خارج الموضوع وانا أدري النت عند البعض ما يساعد على عرض الصور بس بعطيكم مقتطفات منها
هذا على الشاطي يبيعون بطيخ أحمر ومانجا طبعا الناس لابسة من غير هدوم قبل لا نقرب من الشارع كانت فيه سيدةكبيرة بالعمر تمشي بجاكيت واندروير داخلي وبكل ثقة وانا اقول لزوجي هذي اشفيها تمشي بالشارع جذيه
بس لما قربنا من الشاطي بانت الرؤية الناس كلها كانت مو لابسة
واللي كنت فاكرته اندوير كان قطعة من البكيني تحت الجاكيت :c028:
الجو كان حلو والناس كانت كلها راكبة داجات هوائية مثل اللي بالصورة ورجلي وألف سيف الا اركب نفسهم وركبي أبو عيالي واليهال حطيتهم في السلة الامامية للدراجة وشكلنا كان تحفـــــــــــــــــــة
:c028:
طبعا يا بنات الناس كلها مايوهات كبير صغير متين ضعيف الحريم كانوا طبعا شي ثاااااااااااني
الي متينة وما تقدر تمشي ولابسة بكيني شي مو حلو صراحة واللي كرشه نازلة بالارض ومو قادر يمشي وهم لابس مايوه أما الاجسام فمن المانيكان الى اللي ما تقدرين تتخيلينه وأنا امشي بالسيارة واطالعهم من الدريشة اقول الحمد لله اللذي عافاني مما ابتلى به غيري وفضلني على كثير ممن خلق تفضيلا :a144:
وفيه أجسام ما ودج تشيلين عيونك من عليها :c018: وللأمانة هذا السر في الاثونة اتوقع -الثقة بالنفس شنو ما كان حجمك ووزنك أبدا لا تحسين انك أقل أو قبيحة أو غير مغرية أو غير جميلة الله سبحانه حط في كل انسان جمال معين واللي تدقق على ايجابياتها والشي المميز فيها وبجسمها راح تلاحظ انها في سبيل الرشاقة والركض وراء أوهام انها بتصير مانيكان يوم من اايام تضيع الاشياء الحلوة اللي الله عطاها اياها وما تشوفها وتعمي عيونها وعيون الناس عنها بسبب السلبية في التفكير :e094:
خلج واثقة من نفسج ايا كان شكلج او جسمج وعلى قولتهم كل فولة ولها كيال
طيور النورس كانت عجيبة وفي قمة الروعة واهي تطير على الناس على الشاطي