تبين تصيرين ملكة وشيخة نفسج أدخلي

[سعوديه]

المها حبيبتي موضوعك راااااائع
الف شكر عليه
على فكره انا خريجة علوم ادارية قسم اقتصاد وعندي خبرة في التسويق والمبيعات والبحوث والتطويروالتدريب
والحين انا في اول خطوات مشروعي -الله يوفقني- وان شاء الله اذا وقف المشروع على رجوله جيت وحطيت لكم قصتي

حبيبتي شما ​

طيب إذا كنانت الوحدة موظفة وتصرف على عمرها من راتبها وتوفر جزء منه

على الأقل زوجك لازم يوفر المأكل والمشرب للبيت انتي مو مكلوفه بكل شي

​

في حساب عائلي مشترك للزوجين للأزمات وللاكتتاب في الشركات الجديدة

هذا الحساب المشترك غلط في غلط
لازم يكون لك حساب توفير مغلق خاص فيه فقط ولا يدري عنه زوجك

​

وزوجها لا يصرف عليها إلا مصاريف الطلعات فقط من عشاء وسينما ومشتريات بسيطة شو تسوي؟؟؟؟؟؟؟​

علما أن حالته المادية بعد جسيفه يعني ضعيفه شو تسووووي؟؟؟؟؟

حالته ضعيفة لأي حد يعني...كم راتبه
مايكفي مشربكم ومأكلكم؟؟

​

وهي مش قادرة تمسك إيدها من ناحية المصاريف شو تسوي؟؟؟؟​

ويجيها أحيانا نص الشهر إلا وجيبها فاضي وتستحي تطلب منه ​

كيف توفق بين انها تحب نفسها وتدللها وتصرف عليها وبين حسن صرف المال؟؟؟؟

حبيبتي في انواع دلال ما يبي لها صرف وبذخ
ومو شرط كل اسبوع تروحين وتشترين السوق كله ...خليها في الشهرين مره

​

تلح عليها فكرة المشروع التجاري بس ما تعرف تبدا من ويييين؟؟؟؟​

يا ترى شو أحسن الأفكار؟؟؟؟ ​

مخها استوى هالـــــــــــــــــــكـــــــبــــر مالتفكير ​

أنقذوهااااااا​

انا بخبرك شو احسن الافكار

الفكره الأولى والمهمة الحين:
إنك تسوين لك حساب توفير مغلق

كل شهر خذي لك نسبة 20% من راتبك وحطيه فيه واذا تقدرين اكثر ما يمنع:icon30:

ثانيا: جيبي ورقة واكتبي عليها كل مصارفيك بالتفصيل
وشوفي اغلب دخلك وين يروح وحاولي تخفيف ميزانيته

ثالثا: راتبك الباقي -بعد خصم 20% للتوفير- وزعيه بين احتياجاتك بالنسبة
50% من الباقي معيشة (مأكل-مشرب-ملبس-صحة-بنزين-...)
30% رفاهية (طلعات - سفريات- اكل برى- تمشية-تغيير سيارة-...)

رابعا: حاولي تحطين ميزانية كل اسبوع بالباقي
والمصروف الباقي من الاسبوع على البنك على طول

خامسا: لا تخلين معاك سيولة في محفظتك عشان ما تتعودين على الصرف

وحاولي انتي بذكائك تخلين زوجك يشيل المصارف الأساسية ويتكفل بها:detective2: والباقي على البنك

وانشاء الله ما راح تخلص السنة غير وانتي حسابك فيه راس مال مناسب لمشروع صغير

وامشي على مقولة (مد لحافك على قد رجليك):surrender:

والله يوفقك​

 

[اللوتس]

الله يوفق الجميع ان شاء الله

 

[الرائعه في الحب]

واااااااو
انت رائعه

 

[ضحكتي دموع]

تسلمين يالغلا طرح رائع

 

[حانية الروح]

ماشاء الله

كتبت اغلب النقاط بدفتر للرجوع اليه

موفقة

 

[جوجو فني]

كيف تكونين شيخة نفسك بمعاشج بطريقتي

موضوعج فعلا رائع وبقولج انا شنو سويت من 6 سنوات اشغل ومن سنة صرت اوفر الف ريال من معاشي وهي توني من سنة وعيت على نفسي 00وجاتني زيادة بعد على طول وفرت منها 3 الاف قطري يعني صارو 4 الاف ريال كل شهر تتحول بروحها لحساب توفير تدرون اشلون واشلون قدرت اوفر ----صار عندي اكتفاء ذاتي من كلشي 000ماشتري شي ماله لزمة فقط الضروري الى اعرف انه بيستهلك وقبل كنت اخذ كلشي ووينقط 000واهم شي ماخذ شي مايستاهل مثلا لما اروح لمجمعات الكبيرة ماشتري اي شي غالي مثلا 300 او 200 ريال ادور الى عليه خصم لكن ااذا المناسبة تستاهل هي شي ثاني او لما اسافر اخذ كمية وتكفيني لمده طويلة وسعرها مقبول وحتى اهناك اكاسر المحلات ماخذ اي شي ماستاهل 00والحمدلله ومن يومها صار معاشي مايصير ووافر منه بحساب خاص--وماصرف منه كلش عدو بعد سنه كم بيصير000لو ولدي كبر اقدر اخذ له سياره كاش---وانا عندي سيارة كشخة من الاسهم ماقصرت 000احس كله اعيالي هم لزم ياذخذون الى في خاطرهم اذا كبرو احس اني شريت وشريت وشريت وصار كلشي عندي عادي وهي بعض الامور وبكمل لكم مرة ثانية لني تعبت وووواتمنى اسمع ارائكم وابي اشوف كم وحدة تتاخذ القرار وتروح للبنك وتحط لها حساب توفير صدقوني بتعيش ملكة وتحمس باقي الحريم 00000وابي اكمل بس تعبانة اذن الفجر بصلي بارقد الله معاكم

 

[الدرب السوي]

موضوع رائع

 

[نونة الحب]

واوووووووووووو

موضوع اكثر من روعه واسلوبك جميل ومبدع وراقي

حبيت الفكرة

بصراحة اتمنى اشارك بمشروع حلو مثل هذا بس اتمنى اجد الدعم المعنوي والتشجيع

واهم شي البداية لازم تكون صح

يسلمو على هذا الموضوع المتميز ولاتحرمينا من افكارج الحلوة

تحياتي

نونة

 

[همس همدان]

صباااااااااااح الخيراااااااااات يا حلوات

أختي المها ماشاءالله عليك مبدعه

أختي أنا أعمل تجاره بسيطه بس للأسف الشديد ما أدخر شيء على طول أصرفه

كيف أتصرف؟

بارك الله فيك​

 

[كنز حبايبي]

جوجو فني ماشالله تبارك الله قمه في اتفكير الله اكبر


اللهما لا حسد عيني عليج بارده ايوالله هذي المره

مهيب خبيله مثلي يجيني 1000 ريال زياده على

طول ليه الازم اطيرهاا بغلا العطورات والمكياجات الله

المستعان

 

[مجرد الم]

مرحبا يا اميرات
موضوع رووووووووووووعة
انا ببدء معاكم بإذن الله من هالشهر ابدا التوفير
انا راتبي الحمد لله حلو جزء منة اساهم في ميزانية البيت (اهلي) والباقي لي بس مشكلتي مسرفة شوي واحيانا اضبط اموري عدل بس اختي الله يهداها تخرب على يعني كل شهر تطلع لي بسالفة جديدة يا اما هدايا غالية يا اما تبي نغير شي في بيت اهلنا...

بس الان بحاول اضبط اموري وعسى ربي يوفقنا جميعا

الله يرزقكم الى تتمنون يا رب

 

[غلااا زايد]

يسلمو على هاذي الافكار الحلوه والمفيده وان شالله احاول اوفر فلوسي
وانا صراحه فلوسي كلها طير بس بحاول قدر المستطاع ويعطيكم العافيه على المواضيع الي تحمس الواحد على الاستمرار