تبين تصيرين ملكة وشيخة نفسج أدخلي

[ضاع الوفا]

حسبي الله على بليسكن بطني يصوفر من الحماس .. وزغللت عيني وانا يالسة افكر .. بس نبغي التنفيذ ...


اللي في بالي الحين ....نفتح ملف في المنتدى او آخر للاغراض المستعمله وللبيع بس يا إما يكون السعر او الورقة مال السعر على البضاعة او يكون الغرض غير مستخدم الا مرة واحده ... اللي عندج بيعيه واحتفظي بالمال ... وانا بسوي جذي .. هذا اللي عندي .. مع اني اشتغل بس راتبي والحمدلله تعيس جدا ..

 

[همـ الجراح ـس]

خلاص من اليوم وراايح راح اجمع مصروفي الشهري
لانه ودي افتحلي مشروع فالمستقبل انشالله واصير بزنز ومن:smoke1:
ومنكم اخواتي نتعلم

 

[المها]

سلااااااااااااااام يا أميراتي الغاليات والله أشتقت لكم وأسمحولي قطعت لأني سافرت مرة ثانيه مرافقة لزوجي
والا والله ما ودي أترككم ,,
عالعموم فرحت كثيييييييير بالبنات الحلوات اللي دخلوا الموضوع ما شالله عليكم والله أنكم جيدات..
بحاول أرد واذا نسيت حد ذكروني..

أولا أمل أمة:دورات التصميم تلاقينها في جامعة فرجينيا كمونولث عندهم بالصيف دورات ممتازة بس على ما أظن خلط يعني مو بس نساء بس أنتي أسألي أحسن..وحتى لو تقدرين تتخصصين في ملابس البنات فقط وتلاقين مصمم وخياط شاطر وتشغلينهم على حسابج..يعني أنتي عليج الأفكار وهو والمصمم عليه متابعة التصميم مع الخياط..وتكونين أنتي صاحبة المشروع والمشرفة عليه..


أختي نوال تدرين انج شاطرة واجد ماشالله عليج؟؟
وحطيتي مبدأ تسويق ممتاز جدا تعتمد عليه الشركات الأمريكية الكبيرة وهي التسويق الشفوي يعني يختارون بعض النساء الأجتماعيات ويخلونهم يمدحون في منتجاتهم وخبرك الحريم على طول تقلدهم وتحس أن لهم مصداقية أكثر من الإعلان المطبوع...
أنتي فنانة...وأتمنى تزيدينا من تجاربك الحلوة لأن مبين عليج أنسانة تحبين الخير للناس..

أختي دانة ربي يوفقج وأتمنى تتشجعين وتكونين بديتي بمشروعك الأول بإذن الله..بس لا تنسين تخبرينا التفاصيل يا حلوة..

 

[المها]

ضاع الوفا حلوة فكرتج والله!!
لأن في أشياء واجد تستخسرين عليها أنج تعطينها أي أحد خاصة لما تكون غالية وغير مستخدمة..

بس لازم يكون أقسام لكل بلد قسم لأن الشحن راح يكلف واجد أكثر من الجديد..

شرايج تبدينها؟؟

فكري حياتي والله لو تبدين من الجامعة بس بتربحين لأن البنات يحبون التغيير ولبس الماركات بس ما يقدرون على الأسعار العالية وفي بنات يقدرون بس يلبسون الشي مرة ومرتين ويحبون يجددون عقب..وانتي تكونين الكسبانة

 

[المها]

الرأي الحر أسمحيلي الغالية توني أدري أن الرد ما نكتب هنية بالمنتدى!!!!

كنت كاتبة رد لج من زمااااااااااااان بس الظاهر أنه انمسح وأنا ماانتبهت وسافرت عقبها!!

اسمحيلي أختي..والله القلب يتفطر على اللي يصير في العراق وخاصة للسنة!!!!

الله يرد كيد أعداء المسلمين في نحورهم ويخلصنا من هالأمريكان الأنذال!!!

وأتمنى أختي انج تبدين مشروعج قريب وتتوفقين فيه...بس علميني ايش المشروع اللي تفكرين فيه؟؟

 

[Ameerat El Ward]

حمستوني ...

بس انا زوجي فضولي .. اعرفه بسأل كم ارباحك وانا ما اريد اقوله اسراري المالية :icon31:

بعدين زوجي للاسف حاط في راسه ان فلوسي هي فلوسه .. والموضوع كله شراكة .. وانا ما اشوف هالشي .. ولو قلته بنصدم .. بس من وراه فتحت حساب سري لي :flex:

 

[المها]

برافو عليج اميرة الورد ابدي وماعليج من زوجك واذا سأل قوليله أرباح بسيطة يعني لا تعطينه أرقام

وعلمينا جديدك

 

[الريــم]

بنااااااااااات صار لي سنه ونص مشتغله

وما وفرت شي

اول ما اشتغلت خذت سلفيه يعنني بضارب في البورصه

واسهمي كلها انزلت اكثر من نص القيمه وطبعاً خسرانه وما اقدر ابيع بخساره

كل شهر يسحبون 2500

وانا من النوع الي ما امسك نفسي مسرفه درجه اولى

وادفع الحين بعد شيكات بقيمه 4000 لمحل مجوهرات لين شهر 6

مااااااااااااااا ادري ايش اسوووي

راتبي مايكفيني مع انه قووي و احسن من غيري

تعبت من قلب

كل شهر اقوول بوفر

ويطلع لي شي

مب عارفه شاسوي!!!!!!!!!!

 

[المها]

الريم اذا تقدرين خذي أستشارات مع الأستاذة ناعمة عشان تقدرين تخططين لمستقبلج المالي لأنج عندج راتب حلو حرام تصرفينه كله ...أدفعي لنفسج أول عقب للناس

pay ur self first

 

[fatimah]

الواحدة كيف تبدا وهي لا تعمل وتاخذ مصروف من زوجها
اتمنى اعتمد على نفسي

 

[ما((الشوق))طرة]

الغلا عندج مشروع لنا وانا اول من بيدخل معاج فديتج

 

[ضاع الوفا]

بنات انا الحمدلله بديت اوفر.. كيف:

راتبي للبيت : لأ طبعا ... البركه فالزوج شو خانته زوج عالفاضي خخخ

بديت آخذ بضايع من التاجرات في المنتديات المعروفه والمضمونه ... ابيعلهم وآخذ نسبتي .. وماشاء الله ناويه افتح لي رصيد ثاني في بنك ثاني بدون علم زوجي بس اوفر فيه ارباحي من البيع .. ما اشتري شي لأ .. بس ابيعلهم وازيد من عندي عالبضاعه .... والحمدلله الحين ما اقدر ...لازم اذا شفت عمري برديت فالتجارة ادور وابحث واجمع لي كم بضاعه واشتغل عليهم ...


جربوا بنات ... والله فايده اكبر من كبيره ...

ادعولي ..

 

[LaSt WoMeN]

موضوع مميز و مفيد سأتابعك بإذن الله و لي عودة

 

[دانة الزين]

تصدقين انا مارتاح الالمن اخلص الفلوس اللي عندي بالبنك ولمن يخلصون يضيق خلقي

 

[المها]

ضاع الوفا بعدي عليج والله فرحت فيج أستمري يالغالية وان شالله بتنمو فلوسج أكثر وأكثر ولا تنسين تخلين جزء بسيط صدقة والله راح تشوفين شلون ربي يطرح البركة في فلوسج

وباقي البنات خاصة دانة الزين تحملوا من أساليب صرفكم عقب والله بتندمون يوم تحتاجون القرش مابتلاقونه

 

[زي العسل]

مرحباااااااااااا

موضوع حماااااااااااس وجا فوقته

انا بتوظف قريب ومو متزوجه

ياريت تساعدوني احط خطه مدروسه وتجيب نتايج حلووووووة

للعلم بكون عندهم كمتدربه لمده سته اشهر براتب 3500 درهم
وعقب 6 اشهر 4500

انتظر ارائكم بليززززززززز

 

[((شـمـا بـوظـبـي))]

طيب إذا كنانت الوحدة موظفة وتصرف على عمرها من راتبها وتوفر جزء منه

في حساب عائلي مشترك للزوجين للأزمات وللاكتتاب في الشركات الجديدة

وزوجها لا يصرف عليها إلا مصاريف الطلعات فقط من عشاء وسينما ومشتريات بسيطة شو تسوي؟؟؟؟؟؟؟

علما أن حالته المادية بعد جسيفه يعني ضعيفه شو تسووووي؟؟؟؟؟

وهي مش قادرة تمسك إيدها من ناحية المصاريف شو تسوي؟؟؟؟

ويجيها أحيانا نص الشهر إلا وجيبها فاضي وتستحي تطلب منه

كيف توفق بين انها تحب نفسها وتدللها وتصرف عليها وبين حسن صرف المال؟؟؟؟

تلح عليها فكرة المشروع التجاري بس ما تعرف تبدا من ويييين؟؟؟؟

يا ترى شو أحسن الأفكار؟؟؟؟

مخها استوى هالـــــــــــــــــــكـــــــبــــر مالتفكير

أنقذوهااااااا​

 

[بنت الصيبا]

​

جزاك الله كل خير
الله يرزقنا من الخير كله ولا يحملنا مالا طاقة لانا به


:fish::fish::fish::fish:

 

[خلود الحب]

اختي المها ...موضوعج رائــــــــــــــــــــــــــــع جـــــــــــــــدا واتحفتينا بنصايحج الحلوه.....وبارك الله بالبنات كلهم افادونا بتجاربهم.....انا حابه اني اشارككم بتجربتي المتواضعه..
انا بديت بروحي من غير مساعدات.....
اول ما اشتغلت خذت سلفيه 100.000 درهم وحطيتها بالبورصه.........وصارت 400.000
على طول سددتها لاني ما احب الديون والالتزام....
وقعدت اضارب فيها لين ما خسرت ثلاث ارباعها.......للاسف!
الحين ابي اسوي مشروع ومتحمسه وعندي افكار ......
.بس ما اعرف الطريقه...؟شلون....؟وكيف......؟
ياريت اللي يعرف ومجرب يفيدني!
بالنسبه للعمال والحسابات و اساله وايد ما عندي لها ايجابات...........؟؟؟؟؟​

 

[((شـمـا بـوظـبـي))]

أنا بعد أفكر في إنشاء مشروع تجاري خاص بي

يا ترى كيف تكون البداية؟؟؟؟؟؟؟؟