بعد إغلاق موضوع "محبوبة الجميع " الاخت "يافرح وينك" موضوع جديد للتواصل والردود

[هدوء أميرة]

زورنا على هذا الرابط حياكم وتفاعلو معنا
◆فـــــعاليات عيد الأضحي الـــمبارك ◆​

 

[رياح الود]

اه يافرح وينك من قرأت قصتك وانتي مالكة كل تفكيري ..
نصيحة إذا حصل حمل لا تعلمين اي أحد حتى حنان لا تعلميها (اكيد تعذرك لانها تحبك وتقدر ظروفك) أذكر كانت معنا معلمة جلست ثماني سنوات بدون حمل ولما كتب الله لها تحمل بعد مراجعات كانت تسقط اول ماينتشر خبر حملها فقررت انها ما تخبر احد. وعندما دخلت الشهر الخامس لاحظ الناس حملها وبدأ ينتشرالخبر وعلى طول تتعب وتظل ترقد في المستشفى الى حين الوضع..ماشاء الله معها حاليا ولد وبنتان ولله الحمد..
أختي أكبر مني عندها بنتين جلست بعدهما أكثر من سبع سنين أجهضت خلالها خمس اجهاضات ذهبت الى شيخ واستمرت على خلطة الشيخ الرومي والان ماشاء الله على وشك ولادة.هناك شيخ الكل يمدح رقيته وقراءته والله اعلم لكنه يتواجد في مدينة الخفجي..استخيري واذهبي اليه وانتبهي ان تخبري احدا اذا حصل حمل.وان شاءالله نفرح فيك دعواتي الصادقة لك أخذتي كل تفكيري احدث نفسي فيكي دائما لو لم تتم الخيانة لكنت زوجته الوحيدة ....كان الله معاك..

 

[بيعجبني ستايلي]

الحمدالله على سلامتــــــك
في معنى الاية
وعسى أن تكرهوا شيئا وهو خيرا لكم ....
دااااااااااااااااااومي على الررررقية
المشكلة أني انصح غييري وانااا مااااادوم عليها يجيني كســـل وملل بسررررررررررررعة
ثلاثة أرااباع أعرااض العين و الحسد و المس فيــــــني ..
رغم إني ماالي متزوجة لكن مخطووبة
لكن إنشاءالله رااح أداوم عليها وما تركها أبدا ((أدعولي الله يثبتني عليها ))لان دايما أتحمس وتركها على طووول وأخر الصلاة و...الخ
نفسي أسأل سؤاال وأحد يجااوب عليه ؟؟؟!!!!!!
ليـــــــــــــــه النااس ماتنظر الي عندها بس الى عندغيرهاا !؟ليـــــــــــــــــــــــــــــــه
ويمكن الي عندها احســــــــن بكثييير من غيرها لييييش تحسد أجل ؟؟؟

 

[فراولة.]

صدقينى يابهلولة المرة الجاية ان شاء الله هيثبت بس خدى بكلام البنات وشوفى الرقية اللى قالوا لك عليها والمواقع كمان وخلى بالك من نفسك واول ما مبعادة الدورة يتاخر وتتحللى تذهبى للدكتورة فورا لان بيبقى فى تثبيتات وكل شىء بيد الله وايضا معاك الرقية والاستغفار والله وانا حامل ذهبت للدكتورة ف الاول خالص وكل مرة ارجع من عندها خايفة وتقولى الجنين ضعيف وشوية مش باين ماافتكر ان رجعت مرة مبسوطة غير لما بقى يتحرك والحمد لله دلوقتى مجننى عنده سنة ونصف الخلاصة انك لاتهملى
الرقية والاستغفار والطب
وعرفى الدكتورة بحالتك هم بيبقوا عندهم دراية اكتر وبعدين بيبقى فيه تحليلات تانية ف الشهور الاولى لازم تراجعى الدكتورة المهم حمدلله على سلامتك لما تتحسن حالتك شوية روحى زى ماقلتلك للدكتورة وهى ادرى وان شاء الله خير

 

[احبك يايمن]

يااااااااااااااااااااااااااااااااااااي بهلوله وحشتيني
وحشتيني
موووووووووووووووووووووووووووووت
والله اول ما شفت انه انفتح موضوع ثاني نتواصل فيه معاكي
فرحت كثييييييييييييييييييييييييييررررررررررر
ومشكوره من فتحت الموضوع عشان نعرف اخبارك ونتواصل معاك
تصدقي اول ماقريت العنوان بسرعه فتحته وانا الي كنت كل ما ادخل اجلس ادور في المواضيع عنك واقول الله يجمعنا وياكي على خييييييييييييرررررررر
واول ما قرأت اخبارك بكيت عليكي وقلت الله يفرج همك ويرزقك الذريه الصالحه ويبعد عنك كل شر وعين كل حاسد واتمنى انك لما تحملي مره ثانيه ما تكلمي احد حتى امك عشان اكيد من فرحتها فيكي اكيد بتكلم اي احد من العائله وبينتشر الخبر يعني اقصد تكتمي عن موضوع حملك في البدايه من الشهور الأولى والله يكتب لنا ولك مافيه الخير ويرزقك الذريه الصالحه.
تصدقي احلى شي الآن اني بكون اعرف مكان اسأل عليكي فيه وزي ما كنت ادخل اول شي طوالي على قصتك الان على يومياتك واشوف اخبارك اول بأول
والله فرحاااااااااااااااااااااااااانه كثير اني لقيتك واعذريني دوشت راسك سامحيني بس والله اني حبيتك من صدق .
اشوفك على خير
مع السلامه

 

[ضياءالروح]

غَفر الله لكِ وجَعلكِ مبـآركة إينما كُنتِ

" ربي "
بقدر آلامنا ألهمنا صبراَ ,

وبحجم صبرنا ! اسقنا اللهم أمـلاَ ,,,

وأجعلنا [نبتسم ] لجعل الأسى
يصبح أج ـمل !
يَـارب ..
لانفهم القدر أحيانا /
ولا نفهم لما نصاب بِ
الهم , الحزن , الفقدان
الألم !
ولكن ..

ليس هناك من هو "أحكم منك سبحآنك"
فَ عندك كل شي بحكمه لتيّسير كل مافيه خيرُ لَنا بدُنيَانا وآخرتُنا !
ووحدك يآرجآئي تعلمُ مَالآنعلم وتقدِرُ عَلى مَالآنَقدِر





​

 

[لك غلا محد وصله]

اللة يفرح
قلبك ويشرح صدرك ويرزقك بالذرية واللة تقطع قلبي عليك بس ماشاللة على زوجك عسى ربي مايفرقكم انا سالفة التسقيط مرت علي والحمدللة على الرقية وسورة ياسين شفيت خذيت اعلاج

منشط واستمريت على العلاج ورزقني ربي بتؤام عسى ربي يرزقك رزق من عندة

 

[منى25]

مساء الورد حبيبتي..ويارب يعوض صبرك خير وصدقيني كله مكتوب ومقدر من عند الله وياقلبي عليك مثل ماقالوا أخواتي بالرقيه واكثري من الأستغفار في الليل لأنه والله علاااااااج فعال لكل شي ..والله كل ماجيتي في بااالي دعيت لك لأنك من جد دخلتي قلبي وقصتك أثرت فيني واذا عن الحمل صدقيني ربي ماينسى أحد انا لي أخت اصغر مني جلست تنتظر الحمل ثمانيه سنوااات وحملت قبل رمضان والكل فرح فيها وسوينا لها حفله وانبسطنا والله ماانسى يوم جت تصحيني من نومي وتقولي انا حامل ولاأنسى يوم تجي تمسك يدي وتحطها على بطنها وكأنها مو مصدقه وكل يوم أشوفها تحط يدها على بطنها وتستودعه الله واخترنا حتى الأسم وراحت في رمضان تبغى تسوي اشاعه تتطمن لأن الوحم عندها توقف وللأسف طلع كيس الجنين فااااضي والجنين فيه سبحان الله صار له ذوبان والله العظيم ماانسى دخلتها علينا وهي تقولنا خلااااص لازم ينزل انا من صدمتي جلست على رجولي ولاشعوريآ جلست أبكي وتعبت تعب مو طبيعي وكنت معها وقت التنظيف وماأنسى وجهها وهي ماسكه يدي وتقولي ادعيلي صدقيني كان على فمها دايم كلمة الحمدلله والله العظيم صبرت صبر والحين الحمدلله ربي عوضها وحملت والكل خايف ومنتظر يارب يتممها عليها ويرزقك أنتي كمان بالذريه الصالحه وصدقوني مافي أقوى من علاج الأستغفار وعندك أنا كنت متزوجه تسع سنوات وربي مارزقني بالذريه وكنت مقتنعه والحمدلله لأني سويت اللي علي وكنت عارفه أن هذا الشي من عند ربي ومستحيل اقدر أغير شي حبيبتي طولتها عليك بس والله لأني حاسه فيك ونصيحه لك عيشي حياتك ولاتتركين هذا الشي يأثر عليك وعلى زوجك وكل تاخيره فيها خيره ولي نصيحه حبيتبي حاولي تريحين الحين وبعدين فكري في الحمل لأن جسمك الحين بحاجه لعلاج من أثر الدم اللي فقدتيه لاتزعلين علي ياقلبي بس والله من غلاتك عندي...أسأل الله العلي العظيم أن يرزقك واخواتي بالذريه الصالحه المعافاااة أنه سميع للدعاااااء وعلى فكره أنا متابعتك بس على الصااااامت ههههه فديت قلبك ويارب يعطيك كل ماتتمنينه وثقي تمامآ أن دعواتي وقلبي معك....أختك منى...

 

[night moon]

حبيبتي ابتهال اسال الله العظيم رب العرش العظيم ان يرزقك الذرية الصالحة ويكتب لك ما فيه الخير
نصيحة اخت هالمرة استمري على المانع كم شهر علشان ترتبي نفسك وتستعيدي عافيتك وصحتك بعد النزيف واعملي لك جدول يومي تستمري عليه طوال هالفترة
* نظام غذائي جيد يحتوي على اللحوم والفواكة والخضار والتمر والعسل وسبعة حبات حبة البركة في الصباح .
*الرقية الشرعية يوميا وسورة البقرة كل ثلاث ايام انتي وزوجك خصصي لها وقت وجلسة خاصة مثلا جهزي ركن مخصص بالبيت بطريقة حلوة ولمسات رومانسية تجلسون فيه يوميا للرقية علشان تتشجعي وما تملي .
* خلطة الرومي مرة كل شهر انتي وزوجك .
* حمض الفوليك حبة وحدة يوميا ابدائي عليه من الان وحتى بعد ان يتم حملك بإذن الله لانه بعد الله يساعد على تثبيت الحمل و ضروري للبيبي بالثلاث شهور الأولى .
*اإستغفار قد ما تقدري طوال اليوم .
اعذريني طولت عليك وهذا من اجتهادي بس يشهد الله اني حبيتك وحريصة عليك حبيت افيدك.

 

[يافرح وينك]

مساء الخير
الله يعطيكم العافيه
تكفي دعواتكم اللي خففت من ألمي
جزاااااااكم الله كل خيررر
أم مصعب الله يجزاك كل خير أن شاء الله بسوي حجامة بعد ماأطلع من التعب
ولا ماأشوف كوابيس..أحيانا موشرط وقت أسقط الجنين
كواااااابيس فظيعه حتى بين النوم واليقظه أشوفها
سحابة نجد الله يجزاك خير ياغالية ...مدري ماعرفت قصدك
بس بروح لدكتورة أقولها كذا
لأني ناوية أروح لمستشفى في الرياض
هبة الله يجزاك خير بإذن الله بحافظ على الرقية
ماريا جزاك الله خير
رواق الخريف جزاك الله خير مااااااااقدر أستمر إلى 21 يوم
ضياء الروح فدييييييييت أمك سلمي لي عليها والله فرحت بدعواتها ياقلبي أنتي ...والله حسيتها مثل أمي..الله يفرحها فيك ياقمر..الله يجزاكم كل خير
وتسلمين على كلماتك الروووعه
نوني الدلوعه ياعمري تسلمين الله يعطيك العافيه
أنا فله الله يجزااااااك كل خير
الثرياا الله يجزااااااك خير فديت دموعك..
ام اسارين جزاااااك الله كل خير.. أبشري..
البرنسيسه ..أموله الله يجزااااااااااااكم كل خير بإذن الله راح أجرب
قلوب العذارى الله يسلمك ويعافيك
الواضحه هلا وغلا..أرسلت لك على الخاص..أنتي اللي وينك ههه
قلب طفله الله يجزاااك كل خير بإذن الله أنا محافظه عليه بس أحيانا أنسى..
دمعتي خانتني
القلب المهموم
الله يجزاكم خير..ويعطيكم العافيه
اجمل شعور الله يسعدك يالغلا ..
لين الله يجزاك خير ياعمري
رياح الود الله يجزاك خير ويوفقك ويوفق أختك
كلللل شئ مقدر ومكتوب
وأنا موقنه أن كل اللي حصل ماهوإلا خير كثيييييييير لي
الحمدلله على كل حال...
دائما" أردد بنفسي أني ماراح أبكي أوأحزن على شئ يحصل لي مع بندر من أطفال أوغيره لأني متأكده أن حياتي قدرها لي من هوأرحم بي من أمي..لكن سرعان ماأنهزم وسرعان ماأعود...
بيعجبني ستايلي الله يجزاك خير..أنا مثلك أستمر فترة وأتركها بدون سبب..أحاول أضغط على نفسي وماقدر..الله يعين
فراولة أن شاء الله حبيبتي ..دعواتك
أحبك يايمن وأنا بعد اشتقت لك وفقدتك أقوووول ويييين أحبك يايمن مانورت الموضوع..والله مانسيت ردودك في موضوعي الأول..الله يعطيك العافيه

ضيــاء الروح فعلا" صدقتي..
وحدك يآرجآئي تعلم مالآنعلم..وتقدر على مالآ نقدر
لك غلا محد وصله تسلمين والله يخليلك الحلوين
منى ياقلبي عليك..ماشاء الله ربي يزيدك ايمان
الله يتمم على أختك ياااااارب ويتمم فرحتكم
Night moon
تسلمييييييييييييييين حبيبتي
جزاااااااك الله كل خير
..........

الحمدلله انا اليوم أفضل من الأيام الماضيه
وحنان سافرت اليوم لأهلها
وبندر صايم ومن بعد العصر جالس عندي يقطع خضار
ويقول البصل بقطعه بالمطبخ عشان عيونك خخخخ
عمل صينية خضار إنما إيييه يقول هذا عشى مفيد
العشى خلص قبل المغرب ههه
وقبل المغرب بنص ساعه أتصلت أم ماجد (اللي تعرفت عليها بالمستشفى) قالت ان بناتها ثنتين جايين عندي
وهي ماتقدر تجي مافيها حيل تطلع الدرج ياقللللبي هي..
وصتني آكل من العشى اللي جاي معهم لأنه من طبخها..
أول ماقلت لبندر
قال ونااااااسه بيجيبون لي فطور خخخ
وصلوا وأنبسطت معهم وأذن المغرب وتمنيت أن بندر عندي أشوفه وهويفطر
ولاطولوا ..أطلعوا بعد صلاة المغرب بدقايق
رجع بندر يكمل أكله وقال بطلع لسوق أشري لك ملابس
قلت له لاااا مولازم(أصلا مايعرف)
قال لا لازم بشري لك زيادة ملابس عشان الجو برررد وبشري لك للعيد
وكلمتني أمي ولاقلت لها عن اللي صار لأنها بتضايق
وسألتني إذا بنسافر قلت لها لا بجلس أنا وبندر ماراح نسافر لمكان وبعد مرور أسبوع من العيد بجي عندكم
قالت لي أنها قابلت هدى عند جدتي
تقول أن خالتي ام فهود سألتها
وشلوون جارتك(اللي هي أنا خخ)
قالت بسخريه: مسكره عليها الباب ماتبي أحد يجيها
(لأن بندر قالي قبل فترة أنها قالت له عادي بزور ابتهال في بيتها..يقول قلت لها ابتهال ماتبيك)
مدري هويبغى يشوف ردة فعلي أو أيش
قلت له..أيه فعلا مابيهااااا

بعدين خبرتني أمي ان أخواني أثنين(أصغر من أخوي زوج نورة..وأكبر من محمد خطيب العنود)
بيتملكون على بنات عمي
وجلست أضحك أنا وأمي ونعلق عليهم لأنهم دايم بموضوع الزواج يبينون أنهم ماااااااايفكرون فيه
أول ماسكرت من أمي
جلست أفكر في بنات عمي سبحااان الله أحيانا أحنا نبكي من همومنا وغيرنا عنده هم أكبر منا...
بنات عمي
أعمارهم18 و19
أبوهم (عمي) توفى وهم صغار أعمارهم سنة وسنتين
تزوجت أمهم(الزوجة الثانيه لعمي)
وماعندهم إلا أخ واحد من الزوجة الأولى لعمي
عمره فوق 35 وعنده 5 أطفال وأخذهم عنده
وعاشوا معه ومع زوجته
نادرا" أقابلهم لأن ولد عمي يجي لحاله ويتركهم عند زوجته
إذا شفتهم وااااضح مومرتاحات
جلست أفكر بحال الدنيا
الله المستعان

بعد مارجع بندر جايب لي ملابس للعيد
آااااااه موووحلووووه خخخ
بس قلت له تجنن عشانها منك
وقالي أن ابراهيم كلمه
أول ماسمعت اسمه بطني عورني
قال أنه يقول ابتهال عندها خوات
وقاله بندر لا
قال أسألها عن بنات عمها
عاد بندر يسألني
أنا عصصصبت والله وقح
قلت لبندر سبحان الله تو أمي قالت أخواني بيملكون
واساسا ماعندي بنات عم غير ثنتين
وحتى لوعندي ماراح يوافقون
قال ليش
قلت كذا مااانعرفه..أنت ولد خالتي بس هو لااا
قوله ابتهال تقول دور بعيد عنا
قال لافشلة أقوله كذا..بقول مالك نصيب راحوا..

وكلمه قدامي
والله أنقهرررت
..
وقررت انا وبندر بعد العيد أروح لرياض عند أهلي
بجلس فترة أرتاح وأحضر ملكة أخواني وبراجع عند دكتورة أشوف شو يصير..

 

[منتظرة الفرج]

هييييييييييي:tears::sadwalk::no::sly::35:​

كلهم ذكرتيهم ودعيتي لهم بهلوله​

الا أنا ​

إيش معنى​

لا وبعد أنا أول من رد؟؟؟؟؟؟!!!!!!!!​

تراني أمزح بس طمعانه بدعواتك​

الله يسعدك يا عسل:a194::a200::e032:​

 

[يافرح وينك]

هههههه
منتظرة الفرج
الله يجزاااااااااك كل خير
والله أدعي للكل
بس أنسى أكتب بعض الأسماء
الله يسعدك ياقمرر

 

[منتظرة الفرج]

تسلمين يا عزيزتي

واسأل الله العظيم رب العرش الكريم

في هذه الساعة المباركة

من هذه الأيام الفاضلة

أن يهب لنا ذرية صالحة

تكون قرة عين لنا في الحياة

وإمتداداً لعمل صالح بعد الممات

يارب يارب يارب يا كريم يا أرحم الراحمين

وفرج ياربي هم كل مهمومة وكرب كل مكروبة

وصلى الله على محمد وعلى آله وصحبه وسلم​

 

[انا للبدر ام]

ياعمرررررررررررررررررري يابهلوله

الله يرزقك بالذريه اللي تفرح قلبك

واشوفك كل يوم مرتزه بقسم الأطفال تشتكين من اطفالك ^_^

 

[نوني الدلوعه]

الله يحفظك يابهلوله وانشاء الله تكوني سعيدها في حياتك
(وكل عام وانتي بخير )
ا

 

[ماريز]

الحمد لله على السلامة ابتهال واجر وعافية

ويارب انه شر وزال عنك ويعوضك ربي خير

عقبال ماتفتحي موضوع تستشيرينا فيه كيف تهدي اطفالك خخخخخخخخخخخخ

وما على الله بعزيز احدى صديقاتي كانت مثلك وماحملت الا بالعلاج بعد اكثر من خمس سنين وقالولها عندك اجسام مضادة وكنت اصبرها بانه راح يجي اليوم الي تتصل علي فيه وهي بتتجنن من عيالها ووالله انه حصل

رزقها الله بتؤام وواحد ينام وواحد يقوم وجننوها خخخخ مايخلوها تنام

 

[قلـب طفلـه]

يافديتك يابهلوله الله يووفقج قلببي كله معك

وع شين وقوت عين ذا الهدى وابراهيم الله يهديهم

 

[القلب المهموم]

الله يرزقك باالذريه الصالحه المعافاة الخلقه والخلق
ويفرج همك وييسر امرك ويجعل لكي من كل ضيق مخرجا
ويرزق منتظرة الفرج وانا فله وام الجوهره الذريه الصالحه ويرزق كل محروووم

​

 

[الواضحة]

أهلين بهلولة كان النت مفصول من الشركة والله وانا أقول اكيد ابتهال بعتتلي عالخاص هههههه
تسلمي ياروحي والله طول الوقت افكر فيكي
وقلبي بيدعيلك والله الله يفرج همك ابعتيلي ايميك........
بانتظارك
:31::31::31:

 

[الواضحة]

بهلولة الخاص عند ممتلئ ما عم بقدر ابعتلك