بعد إغلاق موضوع "محبوبة الجميع " الاخت "يافرح وينك" موضوع جديد للتواصل والردود

[قلوب العذارئ]

بسم الله الرحمن الرحيم اختي فروووحه اول مره اكتب لاني قريت يومياتك وتالمت لالمك فاتمنئ من الله العلئ الكريم ان يفرج همك وهم جميع المسلمين وان يرزقك الذريه الصالحه التي تفرح بهاقلبك ويسخرلك زوجك ويجعله زوج الدنيا والاخره

 

[عيوني كحيله]

أنا ما قريت موضوعك إلا متأخر
البلرحه بديت فيه
وزوجي جا وما قدرت أكمل إلا اليوم
و بصراحه من كثر ماحزنت وتألمت من قصتك حلمت فيج وكل إشوي أصحا وأدعيلج
إنتي تستاهلين كل خير الله يرزقج بالذريه الصالحه ويحفضج من كل حاسد ويجمعج ويازوجك ولا يفرق بينكم أبد
عليج بسورة البقره والرقيه الشرعيه والله يحفضج

 

[غنوة مشاعر]

مساء الخير جميعا,,

صراحه أستغربت من غلق الموضوع؟؟؟

المهم يافرح وينك
هذا الكلام من القلب عيشي حياتك ولايهمك أحـــــــــــــد
أذا كانت بتتعيد عند بيت جدك ماعليك منها والحقران يقطع المصران دائما أذا كانت ساكت يحتار فيك عدوك
في الامكان تسلمين على أهلك سلام العيد وترجعين مع بندر وتغيرون جو مع بعض ولاتنسين أنها بتكون لاهيه يعني فرصة للتجديد بينك وبين بندر ويتغير شيء في حياتك لاتقولين يومين والله الانسان هو اللي يقدر يسعد نفسه لو في شرب فنجال قهوة وطالما أنك حملتي بأذن المولى بتحملين أكثري من الاستغفار لأنها نجاة وأذا حملت على طول أقرأ الرقيه الشرعيه ودهني بطنك وظهرك بزيت زيتون مقري أيات التثبيت الحمل خذيها من خدمة شفاء ورحمة للشيح يوسف الدوس من قناة الرايه 84499ممتاز والله ينفع به
وسالفة أبراهيم أسكتي لأنه بينفتح باب مسكر وشيء أنتهاء لا تفتحينه لأنه بيشك فيك وبيختزن في عقله الباطن مع مرور الايام بس لو بيجي عندكم لأتكوني في البيت روحي لحنان أو لأهلك مهما كان لأتكوني في البيت وبندر موموجود وأذا قال بندر شيء قولي أنا ماأرتاح أجلس في البيت أذا كنت موموجود وغير كيلون الباب وأقطعي الشك باليقين وطولت عليك

 

[عذرا قلبي]

قرات قصتك وحزنت وبكيت على حالك وعلى الحياه القاسيه اللي مريتي فيها
الله يفرج همك ويرزقك الذريه الصالحه عاجل غير اجل

 

[البرنسيسه2010]

فروحه وينك طولتي يالغلا

 

[قلوب العذارئ]

وينك يا فرحة القلوب

 

[نوني الدلوعه]

بهلوله ووووينك اشتقت لك

 

[@ام مصعب@]

ووووييييييييييييينننننننننننننككككككككككككككككك

 

[**أموووله**]

آه باابتهال
تصدقين جالسه على قصتك من الفجر لحد الظهر
ومانمت لحد الحين
ماقدرت اقاوم صرااااحه
اش سويتي فيني اسلوبك راااااااااااااائع ودخلت معك جو
وكأني انا اللي اعيش الاحداث
بكيت لبكائك وضحكت لضحكك وفرحت لفرحك
ودعيت لك من كل قلبي
اهنيك على قلبك الكبير اللي تحمل كل هذا
واهنيك على زوجك الرائع اللي يندر وجوده في هالزمن
حبيتك من كل قلبي
وهذا ان دل على شئ فأنما يدل على صفاء وطهر قلبك

ربي يديم السعاده بينكم ياااااااااااارب
ويبعد عنكم الحساد ويريح قلبك ويثبتك على الحق ..
ويرزقك الذريه الصالحه ..
ويجمعنا بك في جنات النعيم ..

تمنيت القصه ماتخلص من كثر مااستمتعت بها
ترى ادمنا مو تقطعينا اعطينا جرعات من حياتك كل فتره ربي يسعدك ..

 

[موية ورد]

ووووووووووووووووووووووووييييييييييييييييييييييينننننننننننننننننننننننكككككككككككككك

 

[موية ورد]

ووووووييييينككككك

 

[قلـب طفلـه]

وينج اشتقتنا لسواليييفك

عسى المانع خير

 

[فراولة.]

فروووووووووووووووووحة وينك

 

[البرنسيسه2010]

فرووووووووووووووووووحه وينك والله لك وحشه

 

[يافرح وينك]

السلام عليكم والرحمة..
كيف حالكم خواااتي الغاليات
أسعدكم الله كما أسعدتموني بدعواتكم الحلوووه..

أذكركم ونفسي بأننا نعيش أيام مباركه يضاعف فيها الأجر....
قال رسول الله صلى الله عليه وسلم
~{ما من ساعة تمر بابن آدم لم يذكر الله فيها إلا تحسر عليها يوم القيامة } ...


أم مصعب تسلمين يالغلا قصدك الحجامة حتى يحصل الحمل!!
أو هي مفيده للأمراض الروحية؟
أنا إذا ماأستخدمت موانع حمل يحصل عندي الحمل
بس بالشهر الثاني أوالثالث أسقط
أمة الله الضعيفة الله يجزاك كل خير
ايوه حبيبتي سبق وأن سمعتها لكني سمعتها بعد مانصحتيني وكأني لأول مره أسمعها الحمدلله أستفدت منها كثييير
جمانة الدر فديتك والله
NOUARA81ياقلبي أنتي..كيف حالك وكيف عيونك أن شاء الله أحسن؟..أسأل الله أن يشفيك
فرحة الأيام الله يجزاك كل خير قلت لنورة تقول ليــــش وش شايفيني؟ ههه
وقالت عادي والله برضعه

أنا فكرت بكذا بس بندر ماراح يرضى أعرفه زييين..
أم منورة الله يجزاك خير كلامك ريحني
أم سهررر الله يجزاك كل خير الحين فهمتك
رواق الخريف الله يجزاك خير
موية ورد جزاك الله كل خير
ريح التوت ياليت ياغاليه أقدر أطبق كلامك
المتفائلة 1
أم يالا
الله يجزاكم كل خير
مزيونه هههه الله يخليلك عيالك لوماعندك كان تركضيييين بحث عن الحمل هههه
حاولي تهجدين عيالك خخخ أقصد حاولي تسيطيرين على الوضع السياسي في البيت
صحيهم بدري ونوميهم بدري عشان تجلسين كم ساعه مع زوجك بدون ازعاج..وهذي الساعات كفيلة بإعادة الحب من جديد..الله يسعدك أسعدتني بردك وكلامك الجميل..
البرنسيسه...نوني فديتكم يالغاليات
أم تحب بناتها الله يسلمك ياغاليه..أمممم ترى المثل جاء في بالي ساعة اللي حصل..
أما عن ثقة بندر فيها أوأن الوضع عندنا عادي
ماتوقع عادي عند مجتمع سعودي بدوي هع
والثقة بينهم بصراحه مدري عن شئ
لأن هذا بين الإثنين
بس اللي أنا شايفته أنه ماااااااااره موحابها ومو مرتاح معها أو لها...والدليل أن بندر الطيب الوديع سبق أن ضربها..وكثير تروح لأهلها..
واللي شايفته بعد أنه متعللللق كثير بأطفاله ومايقدر يبعد عنهم..يتنازل عن أشياء لأجلهم..
أنا مدري ليش بعض البنات تخطط وتلف وتدور على المتزوج...لوصبرت بيجيها نصيب يمكن أحسن منه..
رياح الود تسلمين حبيبتي
عزيزة نفس والله أن مواساتك لي تسوى الدنيا
أشكرك يالغاليه
ساندوتش بالتونة
هلا فيك جزااااااااك الله كل خير
أيوه عرف..نورة قالت له عن السبب..
لك غلا محد وصله مشكوووورة حبيبتي
منتظرة الفرج
الله يفرج همك وهمي ويفرررحنا قريبا" بالذرية الصالحة
حسيت فيك حبيبتي..الله يرحم والدك..لاأوصيك على بره
الماس الله يسعدك ويجزاك خير تصدقين عمري مافكرت آخذ آثر من أحد!!
أنا فله بتواصل معاك مدامك بالرياض عن أيش جربتي وماجربتي يمكن أفيدك لأن لي خبرة بس مشكلتي حلها بالرقية
قلب طفله آمييييييييين هههه الله يسعدك
قلوب العذارى
عيون كحيلة
الله يجزاكم خييييير
غنوة مشاعر والله أنا أحقرها ولاأنطق بحرف وأحسها تتعذب من صمتي خخخ بس أنا برضو تنحرق أعصابي
عذرا قلبي فديتك يالغالية
أموله تسلميييييييين
موية ورد جزاك الله كل خير
....
وأنا أشتقت لكم أكثر
فراولة لك كل ودي يالغالية
...........
أذكركم ونفسي بأننا نعيش أيام مباركه يضاعف فيها الأجر....
قال رسول الله صلى الله عليه وسلم
~{ما من ساعة تمر بابن آدم لم يذكر الله فيها إلا تحسر عليها يوم القيامة } ...

آسفه تأخرت عليكم ولكن ظروووف
فاتحت بندر بموضوع كفالة يتيم
قال خليني أفكر ومايصير إلا الخير
قلت له أنا محتاجه طفل و..و..
وترى هووأمي موصيني ماأترك المانع بعد آخر مره سقطت..يقولون تعبتي..خليه بعدين
وأنا بصراحه مافيني صبر وتركته بعد ماآخذت شور
حنان..قالت بكيفك أتركيه وإذا حملتي لاتقولين لأحد أنك حامل..وبعد ماقريت ردودكم تحممممست أني احافظ على الرقية وصار عندي أمل أن حملي يتم وأفاجأ بندر

وقبل كم يوم سافر بندر الصباح يودي هدى لمطار خارج منطقتنا
لمنطقة تبعد عنا ساعتين هي المنطقه اللي ساكن فيها أبوه وقال بيتأخر إلى الساعه 12 في الليل لأنه بيجلس مع أبوه وأخوانه
قلت له عادي حنان الليلة عندي لأن زوجها موموجود ولاراح يرجع إلا بكره ..يعني بجلس عندها أوهي تجلس عندي إلين ترجع
بعد ماودعني وطلع أرسلت له رسالة
( تدري أني اشتقت لك..)
رد علي
(وأنا أكثر..أنتبهي لنفسك)
بعد العصر رحت مع حنان لدار وكان فيه محاضرة عن فضل عشر ذي الحجة وأستفدت منها كثير
قلت لحنان أني تركت مانع الحمل من فترة يمكن الحين حامل وأبي أحلل
رحنا للمستوصف وطلبنا تحليل حمل
وكانت النتيجة مثل ماتوقعت حامل
رجعنا للبيت وصلينا المغرب وحمدت الله وسألته يثبته
وقريت أذكاري..وطول الوقت أفكر أبدأ أرقي نفسي من الليلة...دخلت حنان المطبخ وضبطت قهوة وجابت حلا
وجلسنا نذاكر لأطفالها
أرسل لي بندر رسالة


قلت الوداع وجاوبـت دمعـة العيـن
تجـرح بساتيـن الخـدود النديـه

واغضت وشفت بعينهـا الحزن حزنيـن
وصاحت على الفرقا انـا مـو قويـه

وجاوبتها ارجـوك تكفيـن تكفيـن
والله دمعك يشعـل النار فـيّـه

وقالـت تعاهدني عـهـاد المحبـيـن
الله يخـون اللـي يخـون بخويّـه

قلـت ابشري واللـي خلقـك لاتظنيـن
حرااااام ماغيرك عشقـت آدمـيـه

قلت لحنان بروح لبيتي وإذا خلصتي تعالي
دخلت غرفتي
ودقيت على بندر وبعد السلام سألته
:بندر شو هالرساله الحزينه
:ههه خلاص ماأرسلك مثل كذا
:متى بتجي
:أمممم مدري ..أنتي تبين أجي الحين أو أتأخر
:ههه لاأكيد الحين
:طيب أنا ماشي من ربع ساعه بتعشى معك
:صدق..توصل بالسلامه
:الله يسلمك ياقلبي..
:وش تبي أجهزلك عشى
:أي شئ من يدينك حلو...ابتهال مبسوطه صوووح
:أكيييد صووح ههه
:ههه يالله حبيبتي تبين شئ أجيبه معي
:لا سلامتك في آمان الله

بعد دقايق جاتني حنان وأطفالها جلسنا إلين الساعه 9
جهزت معي العشى وكانت تطردني من المطبخ
وقالت لي إذا جاء بندر خبريه عن حملك عشان مايخليك تتحركين
قلت لها مومن الحركه..كل شئ من الله
بدأت حنان تبث فيني الأمل وأنا من قبل كلامها كلي أمل هذي المره أن يثبت حملي وأسعد فيه وتفرررررح أمي
طول الوقت أتخيل فررررحة أمي وأبوي وأخواني
وبندر...
طلعت من المطبخ لغرفتي أتخيل بندر راجع
وأفكر فيه
أحبك يابندر كيييف أفكر بالإنفصال لأجل الأطفال!!!!
حسيت بألم في بطني كعادة هذا الألم ..بعده سقوط من أنتظره آااااااااه..
بكيت مو من الألم لكن رحمة على أفكاري وآمالي وفرحتي اللي ماتكمل..توني عرفت النتيجه لاحول ولاقوة إلا بالله
ناديت حنان...وجات دخلت عندي
:وش فيك
:حنان أكيد بسقط ..ألم شديد في بطني
جابت لي موية زمزم وشربتها
:لاتقولين كذا أن شاء الله يخف الحين
:
:هاه خف
:يعني
:أوديك مستشفى..أصلا كيف أخليك تمشين..شوفي بنزل لجارتنا اللي تحت
:لا حنان مابي أروح ..يعني وش بيسون لي..خليني إذا الله كاتبه لي فالحمدلله..وإذا لا..فالعوض من الله
:لا حول ولاقوة إلا بالله..يابنت على الأقل يتابعونك حتى لوسقطتي..
:لامابي أروح مليت من المستشفى..وبندر جاي ..ماباقي شئ ويوصل
طول الوقت حاطه المخده وأبكي
وحنان رايحه وجايه وأطفالها واقفين يتفرجون علينا
:ابتهال دقي على بندر شوفي وينه
:لا حنان بيخاف ويسرع ويصيبه شئ
:آااااه منك
:
:تعالي وين بتروحين
:بروح لدورة المياة
عشر دقايق وأنا رايحه..جايه للغرفه
تكورت على السرير من الألم ماجاء في بالي إلا أمي
ياااااااليتك يمه عندي..
:آااه منك وساكته شوفي وجهك صار ألوان من الألم
:
:ابتهال ردي علي
:ماقدر أتكلم ..لاتكلميني يكفي ياحنان اللي فيني
:أن لله وأن إليه راجعون
:حنان بديت أنزف
:شفتــي قلت لك أمشي للمستشفى
:عادي بصبر إلين يجي بندر
:الحمدلله موصاحيه كذا يضرك
هذي المره غييييييير دايم أسقط بس مومثل كذا
نزفت وأنتم بكرامه خلال دقائق وكأن مابقى بجسمي دم
وحنان تطرد عيالها للمجلس وتركض وتقول بكلم الإسعاف
:حنان لاتخوفيني مافيني شئ

حسيت جسمي برووودة ودوخه
قلت لحنان أحس بيغمى علي
وفعلا ماصحيت إلا بالمستشفى بعد كم ساعه
وحنان عندي..
:حنان سقطت
:ربي بيعوضك..شفتي لوسامعه كلامي وديتك بدري الحين بتصيبك أمراض بسبب النزف
:
:ياويلي لوتشوفين نفسك وربي جالسه في بركة دم
لوأمك شافتك كان تحلف عليك ماتحملين أبد
:أحس بدوووخه
:أكيد فقدتي دم كثير لازم الأيام الجايه تتغذين كويس
:وين عيالك
:جالسين برا وبندر رجع للبيت يبدل ملابسه
:تعبتك ياحنان والله مدري كيف أرد جمايلك معي..أجل بندر هنا؟
:ايه هنا .. أي جمايل..حنا مابينا كذا..أنتي أختي..
:الله يخليلك عيالك ياحنونه
:ابتهال وربي قطعتي قلبي شوفي يابنت إذا ميته على العيال ترى الرجال غيره رجال
:أفا ياحنان أنتي تقولين كذا
:وش أسوي وربي بكيت على حالك
:ربك كريم
:تدرين أني يوم اتصلت على الإسعاف ..أخذت جوالك ودقيت على بندر..قلت له تعال ابتهال تعبانه وأنجن قال منو أنتي ..قلت جارتكم أم يزيد..وأول ماوقفت الإسعاف تحت عند الباب وصل..أنا حطيت عليك عباية ودخل قبلهم والله أنه شالك ويدينه وملابسه كلها دم..ويصرخ علي يقول وش فيها..قلت الظاهر سقطت
:يوووووووه ياحنان أكيد بيعصب ماقلت له أني تركت المانع وصارت كل هالخبصه ..الله يستر...
:لاتخافين ماراح يقولك شئ
:
:أنا بطلع أبويزيد ينتظرني
:يووووه فشللله حتى ابويزيد هنا
:هههه لافشلة ولاشئ أنا أتصلت عليه ورجيته قلت له مالك نومه في البيت إلين تستأذن من العمل وتجي توديني
:هههه
:يالله حبيبتي ماتشوفين شر

بعد ماطلعت حنان بربع ساعه دخل بندر
أول ماشفته بكيت..حسيت أني خسرت شئ كبير
مومثل قبل..يمكن لأن الأمل كان كبير عندي هذي المره

:خلاص بهلولة لاتبكين
:بندر زعلان مني
:وأنا أقدر..
:
:الحمدلله على سلامتك
:الله يسلمك
:حرام عليك ياابتهال ليش تسوين كذا على الأقل كان خبرتيني..موأدخل أتفاجأ بشكلك كذا وربي بغيت أفقد عقلي مدري وش اللي صاير لك
:أنا آسفه
:أنا ماأبغاك تتأسفين..أبيك إذا سويتي شئ تعطيني خبر
لوكنت أدري بحملك كان ماتأخرت عليك أوأقل شئ يوم شفتك غرقانه بدمك أعرف وش السالفه موكذا أعوذ بالله فجعتيني
:بندر والله ماعرفت إلا اليوم..حللت بالمستوصف
:ايه بس تركتي المانع المفروض قلتي لي..يعني ماراح أضغط عليك..بالعكس بتفهم وضعك وأوقف معك
:
:آاااه ياقلبي ..تدرين يبي لي سنة على بال ماتخف الروعه
:ههه
:وتضحكين آاااه منك ماني بندر إذا ماعلمت خالتي عليك
:لابندر حرام تخوفها
:لاأبيها تأدبك..لوشايفه كيف شكلك لاإله إلا الله
:خلاص بندر أنسى اللي صار
:أنسى!! طيب ياعيوني بنسى بس أنا من يداوي جرحي
:أنا أداويه بس أي جرح
:هههه ابتهال خلاص اسكتي بتجيني سكته قلبيه
:اسم الله عليك من أيش
:هههه تستهبلين؟!...جرح الليلة وعذاباته تدرين أني حسبتك ميته آاااااه ياابتهال بغيت أموت
:بندر والله آسفه ماتوقعت يصير كذا أن شاء الله المره الثانيه بعطيك خبر..وبنحافظ على الرقية
:أبشري بوقف معك
جلست أسولف لبندر في ردودكم عن الرقية والمواقع اللي عطيتوني..طبعا ماقلت له عن موضوعي هنا
وسألني ليش طيب ماحافظتي عليها
قلت له أنا حامل من قبل أقرا ردودكم لأني سقطت بالشهر الثاني..وتوني سجلت بموقع رقية
لما نمت شفت رؤيا جمييييييله جدا
أحس أنه بشارة بأن يثبت الله حملي المره الجايه
أمس طلعت للبيت
والحمدلله انا بخير..كثر ماصابني أنكسار لحظة الألم
الآن أحس بأمللللللل كبيررررررر
بإذن الله راح يتم حملي المره القادمه
الآن برتاح وببدا بالرقيه والعلاج..
لأني الحين أحس جسمي ذبلانه وطول الوقت دوخه
......حزييييييينه كنت أبي أصوم
لكن ماراح أترك الدعاء والإستغفار...

نبــض قلبي...
أعرف كم تحبني
وكم تشفق على حالي..
أرى بعينك نظرة الألم يخالطها الحنان..
وأراك تجمع لي أجمل الكلمات..
وتشجعني على المضي للأمام..
أحبك يانبض قلبي..
تكفيني دموع رأيتها بعينيك
وتكفيني لمسة حانيه من يديك
تكفيني أنت عن كل الناس..
أخجل من نفسي كثيرا"
حينما أسبب لك التعب..والحزن..والألم..

الللهم أرزقني ذرية صالحة عاااااااجلا غير آجل
انك أنت الوهاب..

 

[@ام مصعب@]

اقتباااااااااس
أم مصعب تسلمين يالغلا قصدك الحجامة حتى يحصل الحمل!!
أو هي مفيده للأمراض الروحية؟
ايوا قصدي الحمل علاج للعين والسحر كثيير حالات تعالجت للحمل عن طريق الحجامه او لازاله الكيس من على المبيض
الله يشفيكِ ويعافيكِ
بس للمعلومه عند الحجامه اذا كان الشخص مصااب بالسحر يكون الدم لونه وطبيعته غير عن المصاااب بالعين
الله يشفي الجميع

 

[سحابه نجد]

الله يعوووض صبرك خير 000
ويرزقك بذريه صالحه معافاة -اللهم امين

-تابعي عند دكتور وويتابع حالتك حتى قبل الحمل-وأعملى تحاليل 00الدم من ناحيه فصيلتك وفصيله زوجك ووأحتمال يكون عندك مضادات في الدم 00أو فصيله زوجك نفس فصيلتك ومن هذا السبب لايستمر الحمل

والله حزنتينى 00الله يعووضك خير

 

[@ام مصعب@]

اللهم امين

 

[@ام مصعب@]

بالله ما طولي علينا اول حاجه بعملها بفتح موضوعك وموضوع الاخت سحابه

 

[هبه 2009]

الله يشفيك

الله يشفيك ويعافيك ويرزق كا من تتمنى الذريه الصالحه السليمه
الباره المطيعه يا رب
عليكِ بالمداومة على الاذكار والمعوذتين
شخص انفك السحر عنده من المعوذتين وسورة الاخلاص:20: