حب خاااالد
New member
- إنضم
- 18 أبريل 2009
- المشاركات
- 292
:icon26:عساك بخير حبيبتي قلبي معك
ربي ييسر امرك انشاءالله:icon26:
ربي ييسر امرك انشاءالله:icon26:
من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك
آشتركي معنا الآن !حبيبتي ردي ولا تخلين شي بقلبج والله كلامج وايد حلو . . و اسفه تأخرت بالرد عليكم كلكم . . . انا بعد اللي صار ساعات احس اني ندمانه و اقول لو صابرة عالاقل اطلعلي بولد او بنت افرح فيهم و انسى فيهم همي . . . اختي انا خايفه . . . والله خايفه اعيش طول عمري بهالحاله وحيده . .. ترى العيشه من غير رجال متعبه . . . و تخوف . .. . و تخيلي عاد امي كبيره و مريضه و كل من لاهي بحياته ولا احد يسألني شلونج . .. . الشكوى لغير الله مذله . . . بس ابي اقول اللي بخاطري انا ما احب اني اكابر انا اقول الصج انا تعبانه و خايفه مادري شنو راح يصير باجر ! مادري عقب عين امي شيبي يصير فيني ! الله يطول بعمرها ! همي لما كنت بنت مو متزوجه غير و لما تزوجت همي غير و بعد الطلاق همي غير و كل هم اكبر من الثاني . . . الله الرزاق و الله موزع النصيب على خلقه بكل شي حتى شربة الماي . . امي ملت مني و ساعات كلامها يعورني اكثر من الغريب لأنها المفروض حاسه فيني بس كل من يلومني . . . عيون الناس ما ترحم . .. و تخيلي ما توظفت ليلحين !!! و تعالي شوفي عاد الديون تراكمت و افكك عمري شوي هني و شوي هناك . . . و لو عندي ذهب كنت بعته بس ما شريت من قبل و انا اشتري شغلات قبل امي كانت تقولي ما ينفعونج و ياما انصحتني اذا بيراضيج رائد قوليله يشتريلج ذهب مو جنطه ولا خاتم الماس بس ما كنت اسمع كلامها عبالي ان بنستمر مع بعض لاخر العمر . . . و على فكره لما اصادف رائد احنله وايد و اشتاق بس اتصدد و اسوي روحي لا سمعت صوته ولا طاحت عيني عليه . . . بس الهي عمري بين شاليه ولا مخيم ولا طلعات ولا رفيجات و يمعات بس تالي الليل ان ييتي تدخلين غرفتج و يتسكر عليج باب من لج بعد رب العالمين !!!! يحز بالخاطر لما ترجعين بيتج و ما تلقين احد يمج . .. . بس ارجع افكر مره ثانيه لما كنت على ذمة رائد هم ماكان يمي ولا يدري عني اهو حياته بصوب و انا بصوب . . . يعني مادري اي حال احسن من الثاني . .. . اتمنى من الله ان يحميني و يحفظني و يعف نفسي عن الحرام و يكفيني شر الشيطان و شر خلقه و يخليلي امي و يسخرلي خلقه و يرزقني بالزوج الصالح و يرزقني الذرية الصالحه ويكونون لي قرة عين . .. . عاجلا غير اجل يا رب العالمين-شي ثاني عرفت النعمة الي عندي الام الاب الزوج والاطفال احنا نشوف البنات الي ماتزوجوا مرتاحين ونغبطهم بس ما نتوقع انهم محتاجين هالكثر وانها ممكن تضحي وتتحمل هالكثر
-والصراحة الله ما خلق المراه علشان تتعذب ،دينا كرمنا وحط لنا حقوقنا وواجباتنا لكن ما قال تحملوا فوق طاقتكم ياجماعه انا مع الطلاق اذا الزوج مامنه رجى ترى والله ماهو شي سهل بتتحملين هم الريل ولا العيال والا الاهل والا الشغل ادرى بتقولون تحتسب الاجر والله انا مع اللي الله يكتبه اكيد فية الخير لكن في ظروف معينة وبحالات واضحة ان الانفصال ارحم لها من العذاب مثل ما قلت الله ماخلقنا علشان نتأذى احنا موجودين نعبدة ونعمر ارضة
-الله يستر عليج ويكتب لج الخير بكل خطوة بس الي عرفتة من اللهجة انك كويتية معقولة عندج شهادة علوم ادارية وماتوظفتي لي الحين شرايج تقدمين على جامعة الكويت ترى يبون اداريات واتوقع حتى من غير واسطة
-انا ياما ارد ياماخلي شي بقلبي ما اقولة عسى وعسى ربي يحفظج ويحميج ويعطيج كل ماتتمنين يارب يا رب
امييين يارب العالمين عليك بالقرب من لله أختي هذا ما يهون المصيبة و يخفف من حدتها.اتمنى من الله ان يحميني و يحفظني و يعف نفسي عن الحرام و يكفيني شر الشيطان و شر خلقه و يخليلي امي و يسخرلي خلقه و يرزقني بالزوج الصالح و يرزقني الذرية الصالحه ويكونون لي قرة عين . .. . عاجلا غير اجل يا رب العالمين
والله يا اختي مادري اذا كان يحبني او ان كان لي مكان بقلبه بالنسبه لي الحب يعني المعاملة الزينه و الاحترام المتبادل و شنو فايدة الحب اذا كان بالقلب بس ! المفروض اني ما اتعب و انا عمري ما فكرت ولا راح افكر اني احارب عشان رجل بايعني برخيص الحب يا اختي مشاعر ساميه تمنعج انج تضرين الشخص الي تحبينه , الحب وفاء , الحب تضحية , الحب احترام و اعجاب متبادل , الحب اني اتحمله و اتقبل عيوبه و يتحملني و يعشق عيوبي , الحب اننا نسعى ان نكون مع بعض طول العمر , مشكلة رائد ان مو مستعد و مشكلتي ما اتحمل خياناته و لعبه كل واحد حياته غير عن الثاني انا والله احبه و اشتاقله بس ما عندي استعداد اخسر اكثر من اللي خسرته و على فكره اتصلوا فيني من بيتهم و سألوني شنو اكثر شي رائد يحبه عشان يوم ميلاده بعد جم يوم و بيسوون له مفاجأة , ضحكت و قلت لهم مادري , و ضاقت خلوقهم و قالولي : نسيتي شنو يحب ! قلت : عمري ما عرفت شنو يحب و صار في بينا كلام و ترجوني اتصل فيه و اقوله كل عام و انت بخير بس قلت لهم : ان اللي انكسر عمره ما يتصلح و رائد علم بقلبي جرح مع الايام بيندمل و راح انسى بس ليلحين زعلانه منه و شايله بقلبي بس متأكدة اني راح اسامحه و قلت لهم اني مخطوبه الحين عشان يحطون ابالهم اني مستعده لحياة ثانيه , ولا تسأليني ليش سويت جذي ما ادري حتى ان عيوني دمعت , فقالت لي بعد ما سكتت فترة : الله يوفقج استخيري والله يكتب اللي فيه الخير , ردت بعدين كلمتني و قالتلي : انها قالت لرائد كل الكلام اللي صار بيننا و قال الله يوفقها تستاهل كل خير و انا عمري ما حسستها انها ناقصه شي او اني متفضل عليها بشي و اهي وحده جذابه و قاعد تعلق علي اخطائها و اللي خاطبها هذا اكيد تعرفه من زمان و تركتني عشان تاخذه , قلت لها : زين ما تغير ليلحين , قالت : فلانه اتصلي فيه و قوليله انج ما تعرفين اللي متقدملج من قبل و شيلي من باله هالفكره عشان اهو جد شال بخاطره , قلت لها : ما يصير اكلمه ولا يكلمني كل شي انتهى بينا و الكلام ماراح يغير شي من وضعنا , قالت : ترى مكانج فاضي و ممكن فلانة تاخذه , قلت لها : فلانه هذا مكانها و انا تركته لها و لغيرها عليها بالف عافيه و الله يعينها عليه , قالت : اكلمج بعدين و انتهت المكالمة و ان بغوا يسألون عني بس سلام و شلونج عسى مرتاحه و بس و ان سمعت صوته سكرت الخط على طولاهلا بغاليتي نتالي
سؤالي هذا الذي يبدو انه ازعجك، ان لا نلوم من حولنا اذا كان لدينا نفس الطباع في بعض الاحيان لايعلم الشخص عن طبع سئ له االا حينما ينبهه به احد وكأنه يصفع على وجهه ولسان حاله يقول هل هذه الصفة موجودة فيني - لكن ماعجبني فيك انك منذ مرحلة مبكرة اكتشفتيه وتغلبتي عليه وانت في سن صغيرة جدا واهنيئك بذلك
انت لست طيبة لحد السذاجة - انا اراك قووووووووووية ولكن صريحة وتمتازين بالشفافية وفي بعض الاحيان ليس من الجيد ان يكون الشخص عند اقاربه واصدقائه كالكتاب المفتوح يعرفون تفاصيله وصفحاته ويقلبون فيه كيفما شاءو ، بل يجب ان يكون لك خصوصية
بصراحة انا احببتك ولم اسجل في المنتدى الا امس كي ارد عليك علما انني من المتصفحات الجيدات لهذا الموقع وكما هو واضح من اسمي اميرة جديدة- ونسيت ان اقول لك ما التمسته بعلاقتك مع رائد فهو يحبك كثيييييييييييييييييييرا لكن كما قالو جداتنا (قلب الرجال دكان كل وحدة لها مكان)
والله دمعت عيني ياعمري انت
الله يعوضك ويرزقك الي يسعدك ويهنيك ياررررررررررررررررررررب:icon26:
الخطأ الي وقعتي فيه انك ما لجأتي الى الله قبل الطلاق مثل لجوءك بعد الطلاق -
حبيبتي عندي كلام كثيرررررررررر ودي اقوله بس الي ابقوله الحين وهو المهم انك تهتمين بنفسك هذي اليومين لان الكلام في المطلقة كثير واوزني الكلام قبل تطلعينه الله يهديك تسرعتي بقولتك مخطوبه صح رائد انقهر بس قلبها عليك
الله ييسر امرك ويفرجها لك ودي تروحين يومين لمكة وتتضرعين بين يدي الخالق ان يخلف عليك من يكون افضل منه وخصوصا ان الزيارة ممنوعة ذا اليومين عن الدول ماعدى دول الخليج والجو راااااااائع بتحسين انك في الكويت لان ماشاء الله الخليجيين مالين مكة والسعودية عندهم اختبارات يعني الناس خفيفين.
حبيبتي لاتنسين تبشرينا بزواجك:icon26: