اه وين قلبك يايمه !!....ارحموني وردوا على مشكلتي

[ياربي انصرني]

مشكلتك مثل مشكلة صديقتي صارت تاخذ شقه مفروشه وارتاحت بعدين مافي امهات يكرهون عيالهم ولكن ينقصهم التعبير عن مشاعرهم لانهم عاشو في بيئه جافه وللاسف صدروا ذلك لابنائهم وبعض العوائل عندهم ان البنت هم على القلب واذااعرست افتكوا من الهم وخلاص مايبغون عيال بناتهم وهذاليس كره وانما مورثات تراكمت وعض الامهات ماتبغى بيتها ينحاس ويتوسخ

والحل فهمي امك ان اهل زوجك اذا عرفوا انك بتجلسين في بيتك بينقص قيمتك عند زوجك واطلبي منها غرفه قولي علشان اضف بنتي اواستقدمي شغاله وخليها وراء بنتك

وعلشان اريحك والله اني اعرف عوائل بناتهم يعانون اكثر منك واذقررتي تجلسين في بيتك قولي لزوجك صعبه اني اتركك وبعدين ام العيال م لها الا بيتها والله يكون بعونك

ياليت تستعنين احد اخوانك اواخواتك القربين من امك يقنعونها تعطيك غرفه

 

[ام شباصه]

ماشاء الله على اختنا نفيله كفت ووففت..
اتمنى منك المحاوله ولا تيأسي,,
اللي يحنن قليب اميمتك وزوجك قوووولي آآآآآمييييييييين...

 

[فوشيا روز]

ياحبيبتي الله يعينك والله امك نسخه مكبرا من امي:sad_1:
عاادي حبيتي اتحمليهاا
واذاا حاسه نفسك ماتقدري
قللي نزلاتك لهم ولو نزلتو استاجري شقه وادعي لامك ربي يحنن قلبها
وتولدي بالسلامه يعسل

 

[الله وكيلي]

حبيبتي مالك الا ان تستغفري كثير وتصلي اخر الليل وتدعين ان ربي

يحنن قلب امك لك ويسخرها هي وزوجك لك والله ما في مثل الدعاء
واكثري من الطاعات وقراءت القران اسئلي مجرب

والله يوفقك ويسعدك وحاولي انك تجلسي في بيتك وجيبي شغاله بس تكون طيبه

 

[معشوقتة]

انا مع الاخت نفيلة

 

[المعلمة الراقية]

حاولي يااختي ان تقنعين زوجك ان يأخذ لكم شقة اذا نزلتوا لنريح الطرفين حيث نقوم بزيارات خفيفة لهم ولكن لاتحطي في بالك يااختي ان اهلك مايبونك فجميع كبار السن يتضايقون من الاصوات ولا يتحملون الازعاج الله يوفقك ويرزقك نعمة بر الوالدين
:shiny:​

 

[بنت دبي]

والله الأخت نفيلة أعطتك رد رااااااااائع... وبه الحل الأمثل

عليكِ يا أختي أن تحاولي أن تطبقي ماقالته لكِ

ربما في البداية ستجدين صعوبة لأنكِ متضايقة ومقهورة ... لكن إذا أخلصتي النية واتجهتي الى الله بطلب العون فلن يخيب الله رجاكِ

حاولي ... حاولي ولا تيأسي فهذه أمكِ وتستحق منكِ كل المحاولات

 

[&ام حمد&]

غاليتي صحيح ان حالك صعب بس انا مع الاخت اللي قالت مافي ام تكره عيالها بس فيه امهات تحس ان دورها انتهى بعد زواج عيالها على العموم لاتنس الدعاء فسهام الليل يالغالية لا تخطئ ابدا حتى لو اتاخرت الاجابة وبعدين هل الوالدة هذا طبعها اصلا والا انت بس واذا كان معاج انت بس دوري السبب وحلي معاها وحنني قلبها عليج لان الام تبقى ام حتى لو كانت قاسية صدقيني قلب امج له مفتاح حتى لو هي متسلطة دوري على المفتاح وبتلاقينه ادري انج تبين حل سريع مثلا اذا انت عندها او في بيتج وفي برنامج في التلفزيون انت تدرين انها تحبه او تتابعه اتصلي على البرنامج وخبري امج بمحبتج لها والمهم ان امج تعرف ان هذا انت وانها المقصودة بالكلام ومب ضروري العالم يعرف انت من فهمتيني ومادري شنو بيكون ردة فعلها اذا قلت معانتج اللي تعانينها الحين؟ يمكن قلبها يحن وفي النهاية اسفة على الاطالة واسال العلي القدير ان يعطيك سؤلك ويرح قلبك ويستجب دعائك امين

 

[ليتني احتويك]

كلاااام الاخت نفيله صح اقرائيه بتمعن وبعدين زوجك ليه يسوي كذه حلو والله مايبغى يأخذ البنت ولا يبغاكِ تدقي علييييييييييه...

 

[الـ غ ـلا كلـه]

الله يكون في عونك

 

[تفاؤل أنثى]

رايي لا تقطعي اهلك وخلي زيارتك خفيفة ومتباعدة وما فيها شيئ لو بقيتي ببيتك لحالك وخلي زوجك مايقول لاهلك انك بقيتي لوحدك يفهمهم انك ببيت اهلك و يا اختي هذا زوجك مافيها شيئ فهميه انك ترتاحي ببيتك اكتر وخلاص تعودتي عليه والله معك ويرزقك ذرية صالحة يارب
​

 

[! غدير !]

الله يحنن ولين قلب والدتك عليك ..

والله يوفقك ويسعــدك في حيــاتك ويصلح لك ذريتك ..

 

[كيوت مامي]

مرحبا
اسمعي حبيبتي مافي ام ما تحب بنتها لا تزعلين ولا تحطين في بالج واهلج لا تقطعينهم ما في احد يحب الازعاج لكن في امهات صريحات يعطون بالويه و البعض يستحملون و الاصح يجاملون انا اشوف ان امج تعبت وربتكم وخلاص اكتفت ما تستحمل اعيال
اذا نزلتي لاهلج مرة قعدي كم ساعه وروحي بيت اهل ريلج ومرة خلي بنتج بيت اهل ريلج تغير جو ونتي بيت امج
علمي بنتج كيف تتعامل مع امج وتحترمها مثال قوليلها اذا شفتي يدتج بوسيها فوق راسها بين فترة و فترة اتصلي ابامج وقليلها بنتي متولها عليج تبا تكلمج وخليها تكلم يدتها
والله يوفقج

كلامها صح...والله يعينج

 

[pink love]

بنات الله يعطيكم العافيه واسفه على التأخر بالرد والله انكم مثل الخوات جزاكم الله كل خير
والاخت نفيله انا قرأت ردك الاول ومشكوره عالنصايح بس الله يسامحك على الرد الثاني كأن انا ناقصه يعني لوكنت ادري انها الحل ماترددت بس انا ماأقدر اكتب كل شي عن حياتي وعن المواقف مع امي وشخصيتها وتعاملها صعبه انا كتبت جزء من مشكلتي وماخفي كان اعظم
بس خليها على الله
مادري كيف اشرح لك بس الحل اللي قلتيه ابد ماينفع لاني حاولت معها بكل الطرق ولافاد
اهي حاسه بالندم انها زوجتني من هالعايله تتعامل معي كأني تزوجته غصب عليهم ماكأنها كانت طايره منن الفرح لما خطبوني حتى لما صارت بيني وبينه مشكله ايام الخطوبه وقلت مابي اتزوجه خلاص رفضت وقالت لا تفاهمي معه وماتم شي ماسوته عشان ارجع اكلمه
انا لما ازورهم ابقى ارتاح وهي كلما نزلت لهم وشافتني تعايرني بحظي وتعامل خواتي احسن مني عشانهم مرتاحين مع ازواجهم وانا مثل الهم على قلبها
انا شذنبي ان حظي مايل بدل ماتصبرني على زوجي وتحن علي تزيد همي



ولاتستغربون من زوجي لما قال انا اذا نزلت ابقى ارتاح ولاتتصلين علي شي طبيعي من واحد اناني وناكر العشره
تخيلوا لما فتح موضوع نزلته لاهله وانا قلت له مابي انزل شسوه
راح دق على امه وبعدها على خواته وقال لهم كلام يجرح الصخر والله
اختصاره انه يفكر يطلق وانه مو مرتاح معي وان اهلي مايبوني ازورهم واسمعه وهو يكلم اخته تقوله خلها تجي عندنا اذا اجتمعنا يقول لها هذي مو حق جمعه وجلس يغتاب فيني وفي اهلي ان اهلي ماعرفوا يربوني واني طويله لسان مع ان ربي يشهد علي اني قلت رايي بس ولما عصب عبي وقال مب كيفك تجلسين بالشقه قلت له حس فيني
تبيني انزل البنت من مسؤليتنا احنا الاثنين قال لا قلت له وانا منفعله كل شي عندك غصب شنو انا عبده عندك قال اي

وغيره وغيره بس خلوها على الله ماقدر اكتب كل مشاكلي
دعواتكم يابنات ان الله ييسر لي ولادتي ومايجيني شي وهو مش موجود خايفه بس امري لله

 

[لولو-ماس]

الله يعينك ويساعدك

حزن لك

صعبه قسوة الاهل وخصوصا الام

حاولي تزوري اهله وتصيري احسن منهم

يمكن يستحي ادا شافك مع اهله كويسه ويرجع يكلم اهلك

حاول انك تستفيدي من مملكة بلقيس وتعرفي كيف تتعاملي مع زوجك

حاولي تجلسي معه وتعرفي سبب كللللللللللل المشاكل بينكم

والسبب الي يبي يطلق

حاولي تكتبي في دفتر او ورقه عن مشاعرك له وانك تحبيه وانه الرجل الكامل في نظرك و في نفس الوقت اكتبي الاشياء الي تتمني يغيرها باسلوب حلو

وانك دايما تدعين له بكل خير في كل صلاه

وحطيها في مكان مخفي بس بحيث انه يشوفها بدون ما تعرفي <<< تمثيل

وشوفي ادا قراها هل يتغير

اتمنى اسمع عنك كلللللللللللللللل خير ويقومك بالسلامه

الله يريح بالك عاجل غييييييييييييير اجل

ادعي لي في ولادتك بالزوج الصالح بالمواصفات الي ابيها ​

 

[روعة مشاعر]

الله يفرج عليييييييييييييييج يالغاليه

 

[pink love]

لولو ماس الله يوفقك ومشكورين جميعا عالردود
وبجرب كل الحلول اللي طرحتوها والله يساعدني

 

[نون النسوه]

يابنت الحلال مأجوره باذن الله وعلى فكره هنا الجهاد مع الوالدين واقسم بالله امك ما تجي ربع امي ضرب لاولادي واهانات متكرره علشان كذا منطقه في بيتي كان الله في عونك

 

[أميــرة الــورد]

الله يهديهم جميع ولا تحسسي زوجك انو اهلك يتضايقون منك ياانك تقنعيه يالشقة اوانك تقعدي عند اهلك وتتحملي
او انك تقعدي ببيتك
الله يسهل كل امورك

 

[ورود جورية]

الله يكون في عونك يااختي ....والله يسخر قلب امك ويحننها عليك وعلى بنتك...هيه اكيد تحبك لكن ماتعرف تبين
وانا اشوف ان مهما صار لاتقطعينها لكن لاتطولين خليها زياره خفيفه...واذا رحتوا لاهاليكم خلوها ماتزيد عن يوم اويومين...عشان تكونوا اخذتوا اجر صلة الرحم وفي نفس الوقت ماتثقلين على اهلك...والله يساعدك وتولدين بالسلامه.... جيبي شغاله اذا تقدرين فتره النفاس ..