من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك
آشتركي معنا الآن !السلام عليكم
انتي خطيررررررره وربي ماشاء الله عليكي ياعسل
وربي استفدت من كلامك كثيرررررر زوجي شمالي شرقي وكل الكلام صحيح ميه بالميه
وانا جنوبيه غربيه
سؤالي دحين بالنسبه للتعدد لما يقول كل شويه ابغى اتزوج ثاني ومن هالكلام اش يقصد هل هو جدي بكلامه وبيجس النبض او بيشوف حبه وغيرتي عليه واش الرد اللي المفروض اقوله هو
سؤال ثاني
انا اتخرجت من الثانويه وماكملت دراسه ولا شي لاني اتزوجت وكانت الظروف ماتسمح والمواصلات بما انه شرقي وشمالي فهو حذر جدا ويخاف وماايامن على احد
انا قريت انه الشمالي الشرقي يحب المراه العامله بس الاحظ زوجي مره مو مقتنع بفكره الدراسه او العمل يقولي اهم شي البيت والاولاد وحتى لو درستي ماراح تشتغلي انا مومنقص عليكي شي بس اقوله انا ابغى ادرس عشان اكون مثقفه ومن هالكلام يقولي الدراسه والثقافه مو بالشهاده
صراح نفسي ادرس واتعلم بس اتحمس للموضوع وافكر بجديه ارجع اتحطم
يعني مثلا مره قلتله ابغى اسير تاجره بالنت ماعجبه الموضوع طبعا وقال ايوه وكل شويه ودي وجيب ووصل وحوسه
صراحه عندي افكار كثيره بس مافي الي يشجع والجنوبي مايسوي شي الا اذا في تشجيع اومشاركه
انا عندي لمسات فنيه واحب شغلات تنسيق الورود وتغليف الهدايا والاشياءالفنيه الثانيه لكن مشكله التوصيل هي اللي متعبتني لانه مايحب زوجي التوصيل والمشاوير مع انه عجبته افكاري ولمساتي ولما شجعني رحنا اشتريت الاغراض وبدات اسوي وبعت كذا مركن والباقي حاطته ببيتي بس دحين مكسله بس ان شاء الله ارجع لموهبتي بس المشكله مع شغل البيت كل مااجيب شغاله من حقون العمره اللي يجويشتغلو باليوم اوالشهر ماتعجبني ماتشتغل كويس وكمان زوجي يلاحظ شغلهم ويتضايق انهم مايشتغلو كويس وياخدو فلوس كتيره عالفاضي كيف اقنعه بوجود الخدامه بالبيت لانه مايحب احد يربطه يحب يمشي ويجلس براحته بالبيت ومع كتره مانسمع من عمايل الشغالات صار عنده خوف وحذر
سؤال ثالث
طفشتك خخخخ
ايش نوع المواضيع اللي يحبها الشمالي الشرقي لانه احيانا اتكلم معاه وفجاه الاقيه مطنش الموضوع وداير وجهه صراحه كنت انقهر واتحطم وصار بيننا صمت لانه اخاف يجرحني مثل المره اللي فاتت فاسكت وماسرت اتكلم معاه كثير بس مع احد ثاني ماشاء الله مااسكت خخخخخخ تقولي مسجل
بس بجد ابغى اعرف اش المواضيع اللي تعجبهم واش المواضيع اللي ماتعجبهم
احيانا عشان مافي يكون كلام بيننا فاقوله كلمت فلانه اوكلمتني فلانه بعدين يطل في ويقولي طيب
وقتها ابغى الارض تبلعني من الكسفه احس انه مالي داعي صرت مااتكلم في شي الا اذا سال
وهل يحب مثلا اساله كيف حالك كيف الشغل
نفسي اعرف مفتاح هذا الموضوع عشان ماتمل حياتنا
وجزاك اله كل خير يادلوعه وربي يكتبلك الاجر