حبيت اقولكم باختصار حياتي الحاليه من تاريخ اللي عرفت فيه انه يخون وكان
15-2-2010
لي هاللحظه..
ما اجذب عليكم باول اسبوعين كرررررررررهته ودايما كنت لو يقولي اي شي اهب بويهه
واجادله و اتهاوش معاااااه ومشاكل على كل شي كل شي..
بعد هالفتره حسيت اني قاعده اخسره واحس انه قام يسهر وكله بره البيت
يعني انا ماحليت ولا 1% من المشكله بالعكس قاعده اعقدها..
فكرت
فكرت
فكرت
قلت لالالالالالالا انا شغلي غلط لازم احتويه واسحبه صووووبي وادلله علشان
لو اواجهه ببيوم يعرف الطيب اللي قاعده اسويه ويذبحه الندم شلون خسرني ميخالف اذ ا انا اللي بتحمل و بتعذب وبحط بقلبي
بالاساس انا مريضه (عندي مرض نشاط الغده الدرقيه) وحددددددي ضعيفه ..
نوعي دايما ما احب اشكي ..
ساااااااااكته لان ما احب احد يشمت فيني واحب دايما كل الناس تشوفني بمستوى كانوا يحسدوني عليه بعلاقتي مع زوجي..وكل من يقولي يابختج..
الحين..بعد مرور شهر ونص تقريبا بفضل من الله ومع الدعاء احس ان الله مسح على قلبي ورديت حياتي معاه الطبيعيه..واللي بالقلب بالقلب ريلي مو مقصر واللي مطمني شي بس لا تزعلون من كلامي..
انا ارتحت ان اللي يخونني مع خداااااااااامه لا راحت ولا يت وحثاله من المجتمع خذا منها حاجته ورفسها..
بس اللي يذبح صج لو يخونني مع بنت كويتيه او عربيه اهني المووووووووت لان ماراح يوصل معاها هالحاله
الا بعد علاقه حب واعجاب وانااااااااااااااااااا راح يكون ناسيييييني بعد ماشاف كل شي حلو فيني راح يتغير..
لا قعدت بيني وبين نفسي افكر اقول لالالالالا انا صح زوجي خانني بس احس الله قاعد يقنعني ان لي الحين انا بقلبه
ويحبني ولا عنده علاقات مع احد ولا جان راح لهم ليش ينطر خدامه هذا اللي اللي مريحني ان ماشاف وحده غيرها جدامه..
يمكن اكون غلطانه بس لاني احبه لي هاللحظه اتعذر له بوايد اسباب..
واقولكم اياها..انا معاه الحين سمنه على عسل..وقايم بكل واجباته واقولها مليون مره..
ماني عارفه ليش خانني مع خدامه.. يمكن ان مشتهي ويعجبه ويحب من وراااااااااااااا بس مو اكثر !!!!!!
مادري والله لكن الله عالم شكثر اهوا مقدرني ومقدر اهلي ومدللني ومدلل حتى اهلي ويخاف علينا واشوف بعيونه ان حاس فيني شي منكسر وقلبي يبجي دم..بس يسوي روحه ماكو شي..
والله وانا اكتب لكم دمعت عيوني على حالتي وحالته..بس الله كبير ماراح ينسانا..عساه لي ويتم لي ولا يحرمني منه ولا يحرمه مني..ويبعد عنه كل منكر..
حاليا..انا ناطره الوقت المناسب علشان
احط التسجيل بسيارته واشوف اذا في مصايب ثانيه بره البيت ولا لا .. هالخطوه جريئه
لان ريلي مايطوف عليه شي يحب يتعبث بالسياره وانا خايفه وين احطه بالسياره وقاعده افكر..
