مساء الورد تكفين حسوسة طلبتك لاترديني ابيك تعطيني حل للي انا فيه ولاتتاخرين علي والله اني في ضيق وهم مايعلمه الاربك
مشكلتي وقد قلت لك فيها من قبل خيانات زوجي بسبب بعدنا عن بعض وكشفته اكثر من مرة وتواجهنا وماصار شي انكر المهم تواصلنا صار بالجوال نادر جدا ع الرغم انه كنا نتكلم يوميا صار الفترة اللي فاتت يتغيب ويتعذر بالنوم وبالدوام وانا عارفة ان وراه موااال وطبعا الشك ملازمني كنت اداهم جواله باخر الليل بس الاقيه يدق عاادي واذا صحي الصبح نتواصل بالرسايل احسه يتجاوب معها المهم لحدماجاء عرض الاتصالات وكانت مكالمات الفيديو مجانا اقترحت عليه ووافق بس في نفس الوقت مااشتغلت ويانا الخدمة زين اليوم اللي بعده كلمني العصر وكنت بالسوق وكانت مكالمة فيديو ومااستمرت ولادقيقة وقال ابي اشوفك بالليل قلت اوك
جاء الليل ودق علي وماكنت فاضية واعتذرت منه وارسلت له مسج انه انا مشغولة قال اساسا انا رديت البيت خلاص ع الساعة 11 الاوهو داق علي مرة ثانية ومكالمة فيديو فتحت شفت صورته وشوي والله الذي لااله الاهو اني لمحت حرمة كبيرة ولابسة نقاب جالسة بالسيارة ع بالي انها امه (عمتي ) سالته قلت معك احد قال لا وعلى طول فصل
ولاعاد دق انتظرت ثواني ودقيت عليه فيديو مارد علي وحولتها مكالمة صوتية ورد قلت معاك احد عصب علي بشكل ماتتخيلينه وجلس يتكلم ويسب انه انا شكاكة وغبية وهبلا ومن بيكون معي وانا اكلمك طبعا حسيت اني اكرهه كره مو طبيعي لاني حسيت انها جنبه وانحرج وجالس يبرر موقفه بالصراخ المهم تهاوشنا وسبيتها هالعجوز وبعدها ارسلت له مسج هزه شوي والكارثة انه رد علي بمسج غبي كله سب حمارة بقرة ماادري وش سديتي نفسي الله يسد نفسك اخذت المسج وع طول عند اخوي قلت كلمه شوف لك حل معاه والى الحين مقفل جواله الموضوع صار له 6 ايام لادق ولاارسل ولاانا بعد حاولت اتصل فيه شوري علي اش اسوي وياه ابي اربيه ع سواته المجرم....
جلست اسبوع ع هالحالة ولااتصال ولاشي الى امس الجمعة دق علي الظهر اول مرة مارديت ودق مرة ثانية وسولفنا سوالف عادية حتى ماسالته عن حاله ابدا ولاكانه موجود جلس يسالني مشغولة والا لا طبعا ماجاب سيرة الزعل مرررررة ولاكانه لنا اسبوع ماكلمنا بعض وطبعا نسيت اقول لك انه اخوي له اسبوع يحاول يكلمه ومايرد عليه (حاس بغلطه وخايف اتوقع كذا ) وجواله مقفل الى امس هو كلمني الظهر واخوي كلمه بالليل وانا اثناء مكالمتي له ماحسسته اني كلمت اخوي عنه ابدا طبعا كلمه وباخر الليل (ارسل لي رسالة انه تتوقعين انك بتكسبيني بهذه الحركة يوم عن يوم تطيحين من عيني )
قمت ارسلت له رساله السب اللي ارسلها لي وقلت بنهايتها من تتوقع بيطيح من عين الثاني ...
اش اسوي تكفين لاتتاخرين علي من اول ارسل لك شوري علي اش اسوي...