الشمالي "افهميه لتحبيه"

[لهيب القلوب]

صح اختي هو شخص عملي اكثر من تعبيري يعني انا و زوجي بعاد عن بعض و قبل ما اروحله اول مرة لبلده زيارة كنت اساله عن شعوره اني جاية يا دوب انطقه بالكلام حتى مللني و ما صرت اسال لكن لما وصلت حسيت انه ملك الدنيا و ما فيها و حسسني بشوقه بحظنة قوية كسرت ضلوعي

 

[مترو]

ورديه

العفو يا حلوه دعواتك لي وضعي سيئ

شخص راقي

بعد عمري الله يسعدك الله يسمع منك من جد ايام شينه مع اني فرحانه بجلست اهلي الا اني ضايق صدري منه

 

[وردة الدنيآ]

عزيزاتي

انا امس قلت لخطيبي يسوي اختبار الانماط
وطلع شمالي شرقي
(انا شماليه شرقية ايضا)

اختياراته كالاتي:
12 شمالي و 8 جنوبي
11 شرقي 9 غربي


مع اني كنت اظنه شمالي غربي لانه يحب السفر والمساج ومتفتح ومايحب المكياج الثقيل ولا الملابس المبالغ فيها

ياليت تفيدوني هل اختياراته ممكن تكون خطأ ام انه فعلا شمالي شرقي؟

واكثر شيء يقهرني فيه حاليا انه مايمدحني ولا يتغزل فيني ابدااااااااااا بس الحق يقول احبك خخخخ فقط
وانا بس امدحه كثيييييييييير وامس اقوله وش عجبك فيني يقول طيبة قلبي

قهرني ابغاه يتغزل فيني ولايقول شيء ابداااا

وبرضه مااحسه مهتم فيني كثير مايتصل كثير (انا اغلب الاحيان ادق وارسل)
ولا نتكلم بمواضيع عنه او عن اهله او شغله او مادياته كل شيء يصير خير او يقفل الموضوع بسرعه



ماادري كيف اتعامل معه ياليت تفيدوني​

 

[بووسي]

خوفي ذابحني عبرتي عن مكنونات انفسنا >>>>>>>ضحكتيني شكلك شااااااايلة منه

بس يالبي قلبي عليه هالشمالي ساحر النساء من جد

احساس ما ينداس متى بنجيب راس الشمالي الشرقي ؟؟؟؟

محتاجين راسه ضروري

 

[فرقتنا الخيانة]

كيف تقولوا الشمالي الشرقي يحب التدليع وهو قالها بصريح العبارةلا حرام!!!!!!!!!

 

[خوفي ذبحني]

بوسي مشكورة عالتعليق ..انا شايله منه بقوة .. لاكن اذا واجهته اصير قطوة ..
مغير افرد عضلاتي عليكم ..صدق احنا يالحريم غريبين عجيبين الي يعطينا اشكل ويسحب علينا ويقسى علينا وبخيل بمشاعره وبخيل بفلوسة ..نحبه ونجري وراه وندور على رضاة وماباقي الا نفتح مخه ونشوف ادق خلايا المخ حقته كيف تفكر وش تبي ونطبق الي يبيه بالملي .. والله يسوي لنا يدهينا لاتنكتين ويدور رضانا ويدلعنا ويوفر كل وسائل الراحه والترفيه والرخاء ويغرقنا بالحب والحنان والدلع مانعطيه وجه ونتغلا عليه ونشوف حالنا ونركنه على جمب ..واخر شي نفكر كيف نرضيه اذا زعل هاذا ان فكرنا ماتركناه الين يرضا من نفسه ولا يطق راسه بعد .. مدري وش نبي بالظبط ..الشمالي الشرقي هو الوحيد الي كسر شوكتنا .. مو بس كسر شوكتنا لا وبعد فتت قلوبنا وشتت افكارنا وضيع وقتنا في محاوله رضاة ..

 

[ام ضاري]

يعطيك العافيه , وتسلم ايديك , الموضوع اكثر من رائع , وفعلا ذكرت الاشياء المهمه والركيزه الاساسيه في الشمالي الشرقي , ننتظر المزيد من ابداعتك ودمتي بود

 

[تتعي تلاقي مثلي]

شكراً حبيبتي بس سؤالي نفس سؤال قلب مجروح جاوبينا أرجوك

 

[احساس ماينداس]

(الشديدة )من قال انة مايحب الرسائل
انا اقول انة مايحب يرسل هو كثير
بس اكيد يحبها منك وبالذات الرسائل الرومانسية واذا كان رايق
تفرحة وينبسط بس موشرط يرد عليها

 

[احساس ماينداس]

(الغالية 2010 )
ش غ (صح يتضايق اذا سويتى لة حصار على الروحة والسفر )بس احسن اجل وشلون عقاب
ولايهمك خلة يعصب عادى بس يدرى انك قوية
بالنسبة للكلام الفرى يعنى تطاوعينة فى الكلام الجنسى والرسائل الجنسية لان هذا مزاجة

 

[احساس ماينداس]

(لثام الصمت )زوجك نمطة شرقى جنوبى

 

[ألينا]

احساس مارديتي علي ..؟


طيب انا زوجي لايرسل واذا رسلت له مايكلمني الا اليوم الثاني

ليكون يسوي فيها ثقيل يعين

 

[احساس ماينداس]

(وردة الدنيا )طيب ليش مستغربة بالعكس سلوكة يدل على انة شمالى شرقى
وعادى انة يحب السفر والمساج

 

[ندووووووووش]

إحساااس تعاالي هنا بيطيير برج من رااسي لما أقرأعن جفااء وقسااوة الشماللين أقوول لآ ظلمته مو هذا نمطه!! وكنت بفتره بملف الشرقيين أتابع فقط وأرجع أقول لآ لما أسوي الإختباار..بصرااحه في تناقضاات كثير مافهمتها أو تلخبطني ,,,
أنا بعد أحس نمطي معااه جنوبيهومع النااس شمااليه خخخخ والله احتست لآيكوون ماسيين <<احلفي !!
أبغااك تساعديني وألخص لك صفااته وصفاتي وتحددين الأنمااط ماودي أجيب العيد... وشااكره لك مجهوودك الرااائع وتعاونك مع الجميييع!​

 

[احساس ماينداس]

الينا (اكيد مسوى ثقيل )
ندوش (تفضلى اكتبى صفاتكم )

 

[كريزي كات]

طيب لو طفشتي من هالشمالي انت تصلحي وتسير الحياة ماشية وحلوة واي احد يقول له من اخوانه شئ يقلب عليك لوماسويتي الاالخير انا قررت اقوله بسبب ضعف شخصيته اي احد يتكلم علينا

 

[ندووووووووش]

مشكووره إحسااس ,,
صفاات زوجي:
*ذكي وطموح ومنجز بعمله لكنه بحياتنا اليوميه والمنزل مسووف ويحب التأجيل.
*شخصيته قويه مايحب يغلط عليه أحد وياخذ حقه وكرهه وعداوته للشخص اللي ينقص من قيمته .
*يحب المدح ويكره النصاايح غيوور جدا ومحااافظ.
*عملي يعبر عن حبه بالأفعاال ليس تعبيري وأحسه خجوول بنقطة المشااعر.
*ينبسط كثيير بمسجااتي وحفلاتي الخااصه ولو إنها موكثير بس بمناسبات كترقيه او ذكرى زواج أو نجااح وهو مايرسل كثير لأنه يفكر كثير ويحب تكوون من تأليقه:31:
*بيتوتي جدا وروتيني لآيميل لتكوين صدااقات لكنه يحتفظ ويقدر صداقاته القديمه.
*مرتب جدا حتى بأكله ونظيف .:32:
*يحب الجوده والفخاامه والملابس الرسميه كريم وأحيانا لدرجة الإسرااف.
*مايحب أدقق بتصرفاته وأتكلم معاه بتفاصيل الأموور.
آسفه إذا طولت عليك بس طلعلي بالأختباار 17 شمالي و17 شرقي.​

 

[ندووووووووش]

صفاتي:
* الكل يقولي شخصيتي قياديه مادري يمكن لأني أكبر أخواتي وأخواني.
*أجتماعيه وأحب الفله والونااسه والناس وشخصيتي محبووبه من كثييير والحمد لله لكني في السنوات الخيره صرت مااميل لتكوين صداقات جديده.
* أحب المدح كثييير ورومانسيه جدا وأحب يغرقني زوجي بكلماات الحب صار يقولي أخاف رومنسيتك تفضحنا بعد مفاجأه سويتها له بمطعم
* أحب الماركات والفخاامه باللبس وأحرص على كل جديد.
مشيتي سريعه وأكلي سريع وماحب أجلس بالبيت دايما تلقيني جاهزه ولابسه عبايتي وأنتظره عند الباب وهو جااالس يتفرج على tvأو على اللاب ومريح هههههه<<بالعكس سبحاان الله
باختبار الأنمااط طلع لي 12 جنوبي /12 شرقي​

 

[ندووووووووش]

هذا رااابط إختباار الأنمااط للأستاذه ناعمه!
http://www.niswh.com/vb/showthread.php?t=238237

 

[احساس ماينداس]

(ندوش )زوجك شرقى شمالى
وانتى شرقية جنوبية