اخر تطوراتي-انا اللي مسكت ريلي وربيعته في العزبة _

[برقة الماس]

يام حماد لاتطلقي المور بتيسر بذن الله لاتشردين اعيالج ونفسج خليه مثل الديكور وصبري وصابري والله بيسرهااا
وينج شنووووووووووووووى قررتي

 

[عسل حضرمي]

وينك قلقنا عليك

 

[لولوه123]

أم حماد
استهدي بالله
واسمعي نصيحة مجرب
أنا دايما ادخل الاستشارات الزوجيه بس ما اشاركك لان ما عندي خبره كثير ولا اعرف للنصايح
بس أنتي أحسج نفس مشكلتي وحبيت اني انبهج وانصج عشان ما توصلين لحالتي
أختي ردي لبيتك
ولا تسمعين أي حد يوسوسلك بالطلاق لانه ما جربه ولا عاش احساس الأم المطلقه وانسى كلمة طلاق من قاموسك ولازم ترضين بنصيبك :قل لن يصيبنا إلا ما كتبه الله لنا
إذا ما كان عندج عيال بقولج عادي إذا اتلطقتي
بس عيالج مساكين وانتي بتعانين الويل اذا اتطلقتي
شوفيني أنا اعض اصابع الندم انا ما تطلقت بعدني وان شاء الله بتعدل الأمور وبرجع لزوجي والله بيفرجها
بقولج نقاط وحطيها في اذونج عدل
1\ مهما كرهتي زوجج الحين ,مردج تنسين وتشتاقيله لانه حبج الاول و لانه هذي طبيعة الانسان
2\ اذا بعدتي فتره عنه بس بتتذكرين الامور الطيبه ومواقفه الزينه معاج...وبتلومين عمرج انج هديتيه...لا تقولين انسان حقير.. من كلامج يبين انه انسان طيب وحبوب لانه يمشيج انتي وعيالج, مسويلج خدم وحشم , يخليج تداومين وتسوقين...غيره من الرجال يخلي حرمته عبده له ويستحقر اي شي لها
3\ لا تحرمين نفسج من شوفة عيالج يلعبون مع ابوهم ولا تحرمين عيالج من الراحة يوم يشوفونج انتي وابوهم عدالهم
مسكين ولدي دووم يقولي انتي ليش ما تشوفين بابا؟ليش ماما عيب تشوفين بابا؟
والله خاطري بس اشوف ابو عيالي يلعب مع عيالي قمة السعادة عندي
4\ ردي لبيتج وبتمي لج هيبتج واحترامج للجميع ولا تحطين في نفسج ان الناس بيقولون عنج رضت انها تعيش معاه مع انه تزوجج عليها بالعكس والله بيقولون هذي انسانه عاقله وعاجل ما ضيعت بيتها عشان ناس ما تسوى
5\عيشي لنفسج وعيالج وهو حطيه في خبر كان اغسلي قلبج منه والبنات ما قصروا في هالنقطه ولا تخلينه لهالنصابة انتبهي هذا اللي تباه وكأنج تلبين طلباتها
6\ واخيرا وهذي اهم نقطه ما بيريحج إلا ذكر الله وصدقيني اذا تضايقتي وذكرتي ربج بينشرح صدرج
كثري من الاستغفار وقراءة القران خصوصا سورة البقرة
صلي صلاتج بوقتها وكثري من النوافل
صومي الاثنين والخميس
وعليج بقيام الليل والدعاء والله انها راحة نفسية
وفي الاخير ما اقول إلا الله يسخر لج ريلج اللهم اجعلها قرة عينه... اللهم لا تجعل له نصيب مع نساء العالم إلا مع أم حماد

وطمنينا أختي شو صار معح

 

[روز الغامدي]

الله يعين

 

[شموخ انثى2]

غاليتي الله مايرضى بالظلم وصدقيني ان كان ظلمط وانتي ماقصرتي معااااه والله لعظيم راح ينال جزاهـ وربكـ مايضيع حق احد والله راح يندم ولو بعد حين وانتي ما اقدر اقول غير الله يعينك ويصبركـعلى مابتلاكي الله يعوضك بلي احسن واخير منه ودمتي ولاتنسي تطمنينا عنك دايما

 

[ابنائي عمري]

انا من راي البنات اللي قولون لاتطلقيييين عيشي معاه عشان عيالك

لان الطلاق بيظلمهم وربما صبرك يعود عليك بالخيييير المهم حطي عيالك قدام عيونك وانهم

في حاجة ابوهم وامهم في نفس الوقت ولا تشردين عيالك عشان انه تزوووج او انه حب وحده مافيه زوووجه مرتاحه من الخيانه الا بالنادر بس الصبر عشان الاولاد,

 

[روح مغليها]

الله يعوضج خير اللى يبيع بيته وزوجته وعياله مو خساره تركته ... اوووووووووووف من الرجال بس اووف

 

[حالمه ولكن]

الزم ماعليك صحتك انتي سويتي اللي عليك وكلامه بالفندق قوي ومافي زوج يحترم نفسه يقولها لزوجته هو مسوي كل هالبهرجه علشان توافقي تكلميها حسبي الله ونعم الوكيل اجلسي في بيت ابوك وخذي عيالك عندك وقولي له بالفم المليان ماأرضى اخلي بنت ..... تربي عيالي يصيرون بكره مثلها بأخلاقها روح اذلف انت معاها وانسى انه عندك عيال انا وعيالي نستاهل الافضل وانت ماتستاهلنا قوليها بكل هداوه وثقه وبدون رفع صوت بكذا يموووت قهر ولا تتعبي نفسك معاه بالجدال قوليله هالكلام وبعدها طنشيه

 

[bent abooha]

الله يعوضج خير يا رب

 

[ام القمووووور]

حسبي الله ونعم الوكيل فيهم الرجال معاد يبين الجميل فيهم والله لو شغلتي اصابع يدك شمع مايبان فيهم بس استغفري الله ومرده لك ان شاء الله ولعياله الله يصبرك ياقلبي ويكتب لك مافيه الحير

 

[المنتسبه1]

حسبي الله ونعم الوكيل
اسال الله العظيم ان يبرد على قلبك ويصبرك وينصرك انشأالله

 

[نيشان عالصدور]

الله يعينك ويعوضك بالأحسن منه ان شا الله قولي اللهم اجرني في مصيبتي واخلفني خيرأ منها..

 

[توكلت ع الله]

حسبي الله ونعم الوكبل ما عليك منه شوفي المعطيات بحياتك وانشغلي فيها وهو ربي يصلحه لك وهي تامها رافضته لان خايفة ع زواجك راح يبقى راكض وراها ان شاء الله تكون صادقة لان وقتها راح يجيه وقت ويوقف ويلتفت لك الله يكتب لك الخير

 

[العفو منك ربي]

الله يعينك ويفرجها عليك

 

[عسل حضرمي]

وينك؟؟؟
ان شاء الله مارحتو المحكمه وتطلقتو
ان شاء الله ترجعين لبيتك ويا زوجك وعيالك يارب

 

[بنت حماد]

خواتي العزيزات انا خلاص قلت بنتطلق واتفقنا نؤوح المحكمة وكل شيء في ليله قبل البارحة امي تمت تصيح وتقولي بتشتتين عيالج وريلج مصيرة يرد لج واقنعتني ادق عليه ومن دقيت عليه رد علي قالي هأااا شعندج قلت له اخبارك قالي لقانا بكرة في المحكمة وامي تسمع قلت كيب عقب سكر بلا باي ولا مع السلامة وامي تسمع وتصيح قلت لها اماية شوفي هو اللي يبيع وتمت تتحسب عليه ورحنا اليوم الثاني من الصبح المحكمة والوالد اتصل عليه وقال هي بيي وتمينا ناطرين ساعه ثنتين ثلااث لحد الساعه 12 وهو قاعد يستهبل عقب ابوي دق على ابوه يساله عنه ويقوله ترا ولدك قاعد ينطرنا وماخرنا تدرون ابوه شو قال قال ولدي سافر ويا حرمته توه عيل قاعد يستهبل علينا ولا حشم لا صغير ولا كبير ومخلينا ننتظرة كل هالوقت وغقب ابوي راح بيتهم وانا خذت اغراضي كلهن من ببتهم وامه قاعحه ساكته تطالع وتقةل لا حول ولا قوة الا بالله وابوه تفاجء من سواد ويه ولده يواعد الناس وبسافر وعقب ابوه كلمه قدام ابويه وقاله ابحسن ترد وتخلص امورك قال ابوي انا في المطار وطيارتنا عقب شوي قاله كنسل الرحله وعقب قاله مقدر اكنسلها انا خدحت السنوية والحرمة بعد ملها 4 اسابيع ونؤد بويه ابوه عصب وقالنا غداكم عندنا لانه كان متفشل من ولده وعقب خبر ابويه وقاله يصير خير ان شاء الله وامسحها على هالويه وانا انقهرت منه وطرشت حقه مسج وقلتله يألجبان تنطنرنا وتخلي عمرك شهم وفي الاخير تسافر وانت عارف ان امي وابوي ويانا حسبي الله عليك عقب اتصل فيني قالي اش عندج تتحسبين قلت له بعد تسال قالي اقولج انا رايح انبسط ومن ايي يصير خير وقالي الله الله بالعيال سكرت عي ويهه يسوي إمره يحب العيال

 

[..in..]

لاحول و لاقوه الا بالله
أنا من البدايه مقهوره منه كيف انتي
الله يربط ع قلبك
حسبنا الله و نعم الوكيل

 

[السعاده88]

الله يصيرك اختي من جد قهر اصعب شي على المراءه لمن اتحس مجرد احساس انه زوجه يحب غيرها الله يكون بعونك ويعوضك بالي يحبك ويحب الارض الي تمشي عليها تعرفي انه زوجي متزوج علي مو همني زواجه على قد مو خايفه انه يحبها من قلب حتى لو طلقها خوفي يتعلق فيها دايم ادعي ان الله يقذف حبي في قلب زوجي ودي يحبني من قلب مو مجامله او علشان اربي اولاده وياخوفي انه يحب زوجته اكثر مني ما ابيه يظلمه خليها ااضل معه يعدل بيني وبينها في كل شي حتى الضحكه لكن ودي والله يرزقني حبه اهم شي الحب انا باذن الله لو حبني ما راح اظلمه لكن اخاف لو احبها اكثر اتخليه يظلمني اهههههههههههههههمن جد شي يقهر الله يعوضك ويرد لكي زوجك رد جميلا ويقذف حبنا في قلوب ازواجنا اللهم امين

 

[هيبارا]

الرجال مش كلهم انذال حنا الحريم
غبياااااااااااااااااااااااااااااااااات
نلزق بالرجال
لين يكره عمره:8:


بنت حمادشيكي عالخاص:4:

 

[هيبارا]

لاترسلين ولاتسالين
عنه ولاحتى تهاوشينه
وان لزم الامر اقفلي جوالك