أسراار وفنوون التعاامل مع الرجل الشرقي (نسخة للقرأة)

[الـحـاالـمـه]

اقتباس:
الكاتب : ماااس
هل يتحدث زوجك معك بكل اموره الخاصه والعامه ام انه قليل الكلام؟
قليل الكلام معي أما مع غيري ما يشبع حكي وفي الغالب إذا نومت الأطفال وجلست معه يحاول يشغل نفسة في اي شي وخاصة الكمبيوتر أو التلفزيون حتى ما يتكلم بكل شي ويصير كلامة مختصر عشان ما يكشف نفسة لي, فأعرف كثير من أموره من حريم اخوانه :25:
في اوقات صمته هل تحاولين التحدث معه لأخراجه من حالة صمته ؟
اذكري الطريقه ؟ ام تقابلين صمته بصمت ..؟
أقابل صمته بصمت لأنه في كثير من الأحيان يفسر كلامي على حسب هواه ويزعل وأجلس احلف واقسم وابين له قصدي وأنه ما هو هذا المعنى الي في باله فيقول خلاص خلاص فهمت يعني تسكيت
فصرت ما أحب اتكلم معة بشكل مطول أحب الاختصار لأني ما أحب الخصام يأثر فيني مده طويلة رغم اني مطبقة كلامك عن الزعل بس من جوه أبكي لوحدي.
عند محاولة اخراجه من صمته هل يتجاوب معك ويتحدث باريحيه ؟
ام ان ردوده مختصره ؟
حسب النفسية والمزاج
ماهي ردة فعلك عندما لايتجاوب معك بالشكل المطلوب هل تنزعجين وتغضبين وتظهري له ذلك ؟ ام تنسحبين بهدووء ؟
حسب الموقف هل هو ضروري وفي الغالب انسحب بهدوء لأني ما أحب النكد
هل تعتبرين صمته معك وعدم اخبارك بما يحدث له من مستجدات
اهانه لك وتقليل من قدرك ؟
كنت ويا كثر الجروح بس الحين مايهمني
هل ياخذ رايك ويستشيرك في اغلب امووره ام انه يتخذ قرارته بعيدا عنك ؟
هو متردد لذلك كثير يستشيرني لو ماأخذ برأيي واحيانا يستشيرني في رأي وأعطيه رأيي وهو بعد الاحظ انه مرتاح لأنه لو ماكان مرتاح مايسويه بس لمن أحد يسأله ليش سويت كذا يقول

حبيبتي
لاتزعلي مني بس ضرووري تنتبهي لعلاقتك مع زوجك

مدام قليل الكلام معاكي
فكدا مره مو تمااااااام
انا كتبت الحالاات اللي يلجا الزوج فيها للصمت مع زوجته
اذا قريتيها شوفي انتي اي حاله منهم
واتداركي الوضع بسرعه


وبعدين حبيبتي ليه تحلفي وتقسمي عشان تثبتلي لزوجك انه مو قصدك
والله غلللللللللللللللللللللللللللللللللللللللللط

انتي تقللي من قيمة نفسك
ووين ثقتك نفسك
قلتي كلام وماصدقك او فهمه بطريقه ثانيه
قولي قصدك بكل هدووووووء وبكل ثقه وحزم
من غير حلفان واصراار وتاكيد وتكرااار

حبايبي ليه تخلو ازواجكم مايحترموكم
والله تهزو صورتكم بنفسكم بدي الطريقه

صدق صدق
ماصدق عنه ماصدق

اصلا والله انه ثقة الوحده بنفسها وكلامها بكل هدووء وثقه وصرامه
تهز الراجل هز
بيصدقك غصب عنه


حتى لو اظهرلك العكس

انتبهي عزيزتي الله يرضى عليكي
ولا تكرري دا الاسلووب مع زوجك ولا مع احد ثاني


وبعدين حبيبتي انا مابغاكي تكتمي جواتك وتبكي لوحدك

ياماما ياحبيبتي

انا قلت لاتزعلي من زوجك
بس مو تعدي الموضوع وتقعدي تحرقي بدمك
هيك مابتقدري تعطي زوجك
او بيجي يوم تنفجري وتخربي كل شي

حبيبتي اتقبلي زوجك بكل عيوبه وبكل سلبياته واتفهميها
اذا فهمتيها واتقبلتيها
حتتكمي بزعلك وبقهرك
وبيصير اخف واسهل
ولمن تزعلي وتتضايقي منه عاتبيه بهدووء وطلعي اللي بلقلبك
بس لاتكبتيه انتبهي
وبعدها ممشي امورك مع زوجك عادي وارجعي لوضعك الطبيعي

اوكي حبيبتي

وبعدين ماكملتي كلامك الاخير ليه

قلتي يقول وسكتي وليه ؟؟
​

 

[الـحـاالـمـه]

اقتباس:
الكاتب : le chocolat
بصراحه تعلمت كثير من كلامك وحكمتك والحين بس افكر كيف انه انتي زوجه حكيمه ولهلوبه اللي يخليك لنا عشان نستفيد منك ونفيد غيرنا بنصائحك الثمينه وانا الحين اقتبست كلامك من ردك على
وحده من البنات في الملف وبحطه في ايميل لابو الشباب لانه هالفتره فيني اقول له كلام حب ومش نافع معاه يعني ماشي يتحرك وهو ما وصل 30 وكثير مركز على شغله ف في بالي انه اخبره عن هالنظريه واشوف رايه فيها

بس سؤال كيف رأي الشرقي من ناحيه الخيال؟ اقصد انه انا اقول له اتخيل كذا وكذا و اقول له انه الكلام سابق لاوانه بس انا اتمنى كذا
هل يعجبه انه اطلع كل اللي في راسي من خيال عن مستقبلنا ولا يحب هو يكتشف بنفسه مع الايام؟ شرقي جنوبي الشرقي اللي عندي

لااا

انتبهي ياقلبي

حلو انك تفهمي الرجال وتبيني انك فاهمته
من خلال قرائتك وعقلك واكتشافك

بس مو ترسلي النص له
انتي لو ارسلتي النص وعرف انك قريتي الكلام وفهمتيه
يصير جاف معاكي اكثر
وبيهملك اكثر
وبيعطي نفسه العذر اكثر انه مايقرب منك
لانه مشغوول ولانه ماعدى الثلاثينات
وبيقول خلاص هيا فاهمه النقطه دي وبيصير يعطي نفسه عذر
وبيتولد جفا رهييييييييب بيناتكم

انتبهي حيبتي الله يرضى عليكي

انتي تقدري بعدين بعد الزواج مش الان تبيني
انك فاهمه ومقدره انشغاله وبتكوني واقفه معاه وجمبه
الين ينجح ويحقق اهدافه وطموحاته
ويوصل لمرحلة الرضا والاستقرااار
بس من غير لاتجحفي بحقك او تتهاوني فيه
كوني ودووده ومحبه ومتفاهمه معاه
ومن غير لاتذكريله الكلام دا انه شي علمي وواقعي بالرجل
وانه مايبدا يشعر بالعاطفه والاستقرااار الا بعد سن الاربعينات وطالع


لك ولكل المبتدئات
لاتصرفي كل طاقتك العاطفيه باول سنين زواجكم
طلعيها بحدوود وعلى مراحل وعلى خفيف
كوني عمليه وواقعيه وعقلانيه اكثر

بس مو معناته ماتكوني حنوونه
الحناااااااااااااااان ضروووووووووووووري جدا
كوني حنونه له مثل امه بالضبط
وكوني عاططفيه ماختلفنا المراه ماتعيش من غير عاطفه
وعودي زوجك على الحب والعاطفه
بس لاتظغطي عليه
لانه مش الوقت المناااسب

الرجل بعد سن الاربعين وخصوصا بعد الخمس واربعين سنه وبعد مايشعر بالاستقررار
تتولد بداخله عاطفه جيااااااااااشه وقويه جدا جدا
ويصير عاااشق ووولهااان ورمانسي وحالم
فالزوجه الذكيه هيا اللي تحول العاطفه دي لها
وتكسبها بالوقت المناااسب وتخرجها من جواته

واذا ماستفادت منها بيصير الرجل عصبي وقاسي
وبيصير مو طايق حاله ولا طايق مرته


فانتي يكفيكي تكوني فاهمه دي النقطه كويس وتكسبيها لصالحك
وتتعاملي مع زوجك على اساسها

بس مو تقوليها له صراحة وتشرحيها بكل وضوح

تعرفي متى تقوليها

لمن يكون زوجك داخل الخمسينات ههههههه

قولي في معلومه ودراسه تقول انه الرجل في دا السن
وبعد مايشعر بالاستقراار
يبدا يعوض زوجته ويغرقها حب ورومانسيات لانه يكون محتاج للحب
عشان مايستحي من نفسه ويخرجها معاكي
ويعيش معاكي احلى الاوقات واسعدها
لانه كمان في رجال يحس انها عيب
يقول معقوله بد السن اتصرف كده ويرجع يكبتها

ماشااء الله تبارك الله

عمتي عايشه مع زوجها
الان في الكم سنه الاخيره تقريبا الثمانيه سنوات الاخيره
مثل العصافير والكنااري
وكانهم لسى شباااب في شهر العسل برغم انه ماكان كده ولا يعرف للرومانسيه ابدا
لانها عرفت تتواصل معاه صح من اول حياتهم الزوجيه اللي دامت
30 سنه
حتى صار مايناديها باسمها مايناديها الا باسم الدلع
ودايما ياخدها في الصباح ويوديها البحر ويجلس معاها جلسه خاصه
بعيده عن الاولاد
وغير انه يسافر معاها باستمراار للاسترخااء والاستجماام

اوكي حيباتي

واللي زوجها شرقي جنوبي
مدام فيه جنوبيه
فزودي شويه معيار الاهتماام والحب مو تزوديه كثير وتحنقيه الرجاال زودي شويه
لانه الجنوبين عاطفيييييييين جدا
ومايمشي ولا يعيش معاكي الا بالحب والرومانسيات والدلع

اوكي حيباتي :37:

اتمنى تكون الان الصوره صارت واضحه لكم جدا


​

 

[الـحـاالـمـه]

اقتباس:
الكاتب : ياسمينه بيضا
مووووضوع روووعة كعادةعمدتناوملكتناالعزيزة00يارب توفقهاوتريح بالهاوترزقهاسعادةالدارين وتحفظ حبايبها00وتبارك في
علمهاووقتهاوصحتها00وتحفظ والدتهاوتشفيها000امييييين
الحمدلله شرقيي الغالي غامض وكتووووم مع الكل الااناماشاءالله لاقوةالابالله00وهوبالنسبةلي كتاب مفتوح
عدانقطةبسيطة راح اذكرهاخلال الاجوبة00
اممممممممممم بسم الله00000000

* هل يتحدث زوجك معك بكل اموره الخاصه والعامه ام انه قليل الكلام؟
نعم بحمدالله الافي 3حالات 1-احيانااحسه يخبي عنه احواله الماديةويسوي نفسه ماعنده شي بس طبعاانامايفوتني فايته خصوصاالفلوس
اعزهامرررة ههههه واحب ارفه نفسي بس والله بعقل00وطبعاماابين له اني اعرف واحسسه اني مقدره ضروفه وهيك00بس ودي اعرف
ليش احيانا يخبي هل هوحرص بس اوعدم ثقةلانه احيانايقول انتي طلباتك كثيرةوحاولت اقنعه يعطيني مصروف شهري بس لايزال رافض
ويقول انامومقصرمع انه يقصراحيانا ام هناك اسباب اخرى00
2-كلامه الحلووالرومانسي معدوم على الرغم اني احسه يحبني من خلال تصرفاته00وانامااطلب هالشئ مرةولايهمني لكن احيانااتسائل هل
هالجموودطبيعته ومالهاحل اوانه صدق مايحبني لدرجه تخليه ينطق00بس الشي اللي يقهرني شوي ان اكثركلمةمدح وتقديرعنده الله يعطيكي
العافيةمهماسويت00وان سالته رايه في اي شي حلويتريق اقوم امدح انا00 وانامغرقته مدح وغزل وهذي طبيعتي مع الكل هل
المبالغةموكويسه مع اني احب كذا00وهل يتضايق الشرقي لمايسمعني اكلم احدوادلعه لانني احس نظراته ماهي مريحه بس مافهمت هل
هويغاراويحسها مياعه وهيك
3-ان كنت بعيدةعنه واتواصل معه على الجوال مايعطيني اخباره اول باول وكثيييريخبي واحيانايطول مايكلم والاغلب احسه واحدثاني
يصيركتووم ومومهتم واناماعرفش ليه داكله
* في اوقات صمته هل تحاولين التحدث معه لأخراجه من حالة صمته ؟
اذكري الطريقه ؟ ام تقابلين صمته بصمت ..؟
على حسب سبب الصمت ان كان موضوع حساس بالنسبةله اهله اوعمله اواي مشكلة كبيرة مااتكلم ابداواحسسه باهتمامي بنظراتي بس
وابعدالاولادعنه واحضرله مشروب ساخن واجلس اصب له ولي وانشغل باي شي بس اجلس معه عشان يحس اني مهتمه واخليه الى ان يتكلم
من نفسه
اما ان كان سبب صمته شي بسيط اساله اواعطيه رايي باختصاربدون مااساله واقرب منه وامازحه واهون عليه
اماان كان صامت من غيرسبب اخليييييييييييه على رااااحته الى ان يررووووق ويدور علي هو00
* عند محاولة اخراجه من صمته هل يتجاوب معك ويتحدث باريحيه ؟
ام ان ردوده مختصره ؟
ايضاعلى حسب00بس عادة يتكلم معي باريحية ويفضفض لي
* ماهي ردة فعلك عندما لايتجاوب معك بالشكل المطلوب هل تنزعجين وتغضبين وتظهري له ذلك ؟ ام تنسحبين بهدووء ؟
ان حسيته متعمداومطنش اقول خلاص انت موفاضي اللحين ولماتفضى راح نتكلم واتكلم بجدية وثقة وهدوءعشان مااحسسه اني تاثرت
اما ان كان متوترانسحب بهدوءواصلااحاول اوفرله جوهادي
* هل تعتبرين صمته معك وعدم اخبارك بما يحدث له من مستجدات
اهانه لك وتقليل من قدرك ؟
لا00انااقدس الخصوصيةحتى بين الازواج00طبعاماتكون في غلط00ومثل مااناعندي اسرارمااحبه يعرفهاهومثلي00اهم شي يكون فيه ثقة00
ودايماادورعلى مبرر00
* هل ياخذ رايك ويستشيرك في اغلب امووره ام انه يتخذ قرارته بعيدا عنك ؟
.يستشيرني واعطيه رايي وان كان الموضوع يهمني مرررة احاول بطريقة غيرمباشرة اللين ينفذاللي ابغى
واحسسه انهافكرته وانه مبدع وذكي وطبعامااحسسه باهتمامي00
.
.

يارب يسعدك ع الدعوات الحلوه
ويارب لك مثلها
الله يجزاكي خير


طيب بالنسبه للحاله الاولى
بغالبية الرجال يحبو يخبو الرااتب عشان لا تطمع زوجته زياده وتطلب المزيد
وممكن انها عدم ثقه
بس الامور الماديه غالبا يحب يخبيها الرجال
ومتداول كثير بين الرجال
احسلك خبي فلوسك عنها
كل ماعرفت كل مالهفت اكثر
بس لو عرف انك ماتصرفي وانك حريصه جدا بنفس حرصه
في دي الحاله ممكن يقوولك ويصارحك

وبالنسبه للكلام عوديه انتي واتركيه يقولها من نفسه مع الايام
بس بيني بفترات متباعده جدا
انك تحبي تسمعي كلام حلو
بس ترى هيا طبيعته هيك يعبر عن حبه من خلال التصرفات
يحس الكلام ثقيل على لسانه
وبعدين غلط ياماما انك تغرقيه بالكلام الحلو والمدح
امدحيه وقولي كلام حلو بس بعقل
مو تغرقيه وتقوليلها باستمرااار وعلى طول
ترى يمل منها
ويصير يسمعها مثل الكلام العادي
مايحس بطعمها ولا بمعانيها ولا باهميتها
لكن لمن تكوني متوزانه
وتسمعيه اياها بفترات وباوقات معينه لاهي متباعده ولا هي متقاربه
يستجيب لها وينتبهلها وتاثر فيه

انا اذا قلت لزوجي كلام حلو ينبسط
ويطلب مني اعيد الكلام
ويقول الله الله الله
لاني ماكررها على مسامعه كل شويه
عشان هيك يحس بطعمها وخصوصا لمن اقولها بالاوقات المناسبه
مش ع الطالعه والنازله

فكثرت الكلام الحلو تملل الشخص وتحرق المعاني الحلوه اللي فيه
دائما التوازن حلو ومطلووب
وكمان ممكن تكوني سبب مايقولك كلام حلو
لانه ماحس بقيمتها ولا بحلاوتها فيشوفها كلام فاضي وماله داعي
زي اللي دايما تعتذر لزوجها على كل صغيره وكبيره
وتكرر اعتذارها
هيا شوهت صورة الاعتذاار بنظر زوجها
فتحصليه يكره الاعتذار ويحس انه تقليل من قيمته

فممكن تكوني شوهتي جمال الكلام الحلو بنظر زوجك
من كثر ماتكرريه على مسامعه وتغرقيه فيه على قولتك

فيحس انه بيهين نفسه لو قالك كلام حلو
والله اعلم بس دا تحليلي للموضوع


فالمبالغه مو حلوه حيبتي
خلي لكلامك قيمه ووزن وومعنى

طيب حبيبتي
وحتى لمن يسمعك تمدحي غيره
ممكن من باب غيره لانه غيووور جدا
وممكن يستخف فيكي وقتها
ويقول لسانها مفلوت ماتعرف تمسكه وبهيك تقل قيمتك وتهتز صورتك حبيبتي

لاتزعلي مني حبيبي
بس حبيت انورك عشان لاتكرري اخطائك ياقلبي

ومن ناحية الجوال
يمكن لانه مايبغى ممصاريف زياده
او الاغلب انه مايرتاح لمن يحكي بالجوال
تواجدك امامه يريحه ويخليه يحكي
لكن الجوال مو كل الناس تحب تحكي فيه وانا اولهم
ماعرف افضفض واحكي واسولف عن طريق الجوال لو ايييه

واقي تصرفاتك معاه راائعه
استمري حبيبتي
وربنا يوفقك

​

 

[الـحـاالـمـه]

اقتباس:
الكاتب : natsomi

* هل يتحدث زوجك معك بكل اموره الخاصه والعامه ام انه قليل الكلام؟
يخبرني أنه سيذهب للمكان الفلاني، أو سيتأخر حتى الساعة الفلانيه
بعض الأحيان يخبرني عمن سيقابل إذا كان الأمر يمسني من بعيد.
وغير ذلك لا....إلا عندما أسأله وبسؤال محدد بنعم أو لا
لا يخبرني عن أمور أهله إلا إذا سألت في موضوع بالتحدييييد
لا يخبرني عن أصدقائه
ولا عمله....أحياناً يخبرني​

إذا تعلق الأمر بي أو بطفلي أو بخططنا المستقبلية
حتى إذا طلبت منه أخذي لمكان ما، لا يعطيني جواب فوري
لأنه لايريد أن يكسر كلمة أعطاها لي بسبب الظروف
لا يجيب على إلا إذا كان متأكد 1000000%​

* في اوقات صمته هل تحاولين التحدث معه لأخراجه من حالة صمته ؟
بلى!
أمازحه...بأني أخشى عليه من مرض التوحد بسبب صمته وجلوسه لوحده لفترة طويلة أحياناً​

لكني عرفت بأن هذا التصرف هو غباء مني....قمة الغباوة​

اذكري الطريقه ؟ ام تقابلين صمته بصمت ..؟
عندما أخرج لمكان ثم أعود
أبدأ بالحديث عن المواقف الطريفة....أو الأحداث الكبيرة المؤسفة
في بيت أهلي...أو بيت أهله....
وهو يتفاعل معي....غالباً....ويسألني عن تفاصيل الموقف
وأنا أجيبه​

لكن حدث لي موقف
أني أخبرت أختي بخبر سيء يخصنا أنا وهي
لم أكن أعلم بحملها
فاجأها الخبر.....فأجهضت
وعندما أخبرت زوجي وأنا أشعر بالأسف
وصفني مازحاً بأني (بخـــــور)
فأجبته بهدوووء: ماذا قلت؟
قال ضاحكاً: لاشيء​

تعلمت درس قاسي
لن أنقل له أي خبر.....لست مسؤولة عن الترفيه عنه....لست مسؤولة عن حالة صمته التي تصيبني بالمرض
لست مضطرة لقول شيء.....ولا أحد يحملني مسؤولية صمتي...​

الآن إذا عدت من مكان يسألني: مالأخبار؟
أجيبه: أي أخبار؟
يقول: أخبار الأهل؟
أجيب: لست CNN
أو لاشيء جديد
أو لن أكون بخور بنظرك
يحاول إرضائي.....يحاول حثي على الحديث....ثم يصمت.....​

* عند محاولة اخراجه من صمته هل يتجاوب معك ويتحدث باريحيه ؟
ام ان ردوده مختصره ؟
أغلب الأحيان أنا التي أتحدث وهو يشارك
بعض المرات....كان عائد من سفر...سألته...قال لي من طق طق إلى السلام عليكم
لكن ليس كل مرة هكذا
ولكنه يجيب بأريحيه
* ماهي ردة فعلك عندما لايتجاوب معك بالشكل المطلوب هل تنزعجين وتغضبين وتظهري له ذلك ؟ ام تنسحبين بهدووء ؟
لا أغضب أبداً
ولكني أنزعج في داخلي
فأتحدث أنا بأريحية عن أي شيء غير أخبار الأهل
عن هوايات عن أشياء قرأتها
ويشاركني هو بالقليل​

* هل تعتبرين صمته معك وعدم اخبارك بما يحدث له من مستجدات
اهانه لك وتقليل من قدرك ؟
كلا!! لأني أعرف أن الرجل يصمت لأنه لايجد الموضوع المناسب
طبيعة الرجل هي الصمت، وطبيعة المرأة هي الحديث
وإذا تغير أحدهما....يكون خرج عن طبيعته وهذا أمر نادر الحدوث​

ولكني أشعر بالإنزعاج خوفاً من أن تولد بيننا ثغرة مع الزمن وتتسع وتتسع
ونبدأ بالشعور بالملل مع بعضنا مع تقدم العمر ومرور السنوات
خصوصاً أني لا أجد صديقة أو أخت أتحدث معها....فأنا لا أحب أخراج أسرار زوجي
حتى لوكان لا يعلم.....فالله يعلم وقادر على كشف أمري
* هل ياخذ رايك ويستشيرك في اغلب امووره ام انه يتخذ قرارته بعيدا عنك ؟ ​

لا يستشيرني في العمل
ولكن....يستشيرني في أمر يخصني معه....أو يخص طفلنا....أو أهلنا....
أو يخصه وحده....وأكون أنا لي رأي في هذا الأمر​

زوجي يسوووولف و يضحك و يوسع صدره مع أصحابه
مسولفشي<< لهجة العراقيين
لكن صامت معي...ولا يضحك تلك الضحكة المجلجلة....
الأمور التي تستهويه...لاتستهويني البته
لا أعرف كيف أكون مسلية وممتعة في الحديث معه​

حبيبتي لاتقلقي صمته معاكي طبيعي
لانه لساتك باول الزواج
وانتي ماشاء الله عليكي نبيهه
اقرئي درسي اللي بنزله بعد شويه ​

وامشي ع الخطوات المكتوبه
بعد سنتين او ثلاثه بتكون اموورك مع زوجك باذن الله عال العااال
وممكن اقل طبعا ​

تعليقك عليه بانه ممكن يصيبه مرض التوحد من الصمت كان تصرف خاااااطيء جدا
بس عجبني فيكي انتبهتي لحالك
بس كنت ابغى انبه عليها عشان لا اي وحده تتصرف هيك ​

عجبني كثييييييييييييييييير ردة فعلك لزوجك
لمن اتضايقتي من تعليقه لمن قالك بخووور
ضوروي الوحده تحترم حالها وماترضى بالغلطط عليها
وتفرض احترامها على زوجها
بس خلاص استوب لاتكثري حبيبتي
كان يكفي مره او مرتين ترفضي الكلام عشان لايقول عنك بخوور
بس مش اكثر من كده
ومش معناته انتي تكبري الموضوع بزياده
انتي اخدتي درس انك ماتعلميه شغلات مثل هيك
وهو كمان اخد درس يحترمك وماعاد يقول عنك كلام مثل هيك ​

الحياه دروس وتجارب نتعلم منها بس مش نوقف عندها
لاتقولي مني مسئوله عن الترفيه عنه
ولا عن سبب صمته
انتي لساتك يمكن متضايقه من الموقف ​

لاتخلي الامور تاخد اكبر من حجمها
لانه اذا استمريتي هيك بتستمر الفجوه تكبر
وبيصير الصمت سيد لموقف بيناتكم
وهيك مش طيب حبيبتي
انسي الموقف عزيزتي ولا تذكري زوجك فيه
عشان لايقعد بكره يمسك عليكي غلطه ويذكرك فيها دايما
والانسان دايما بيغلط مش معصوم ​

وواضح انك منتبه لخطوورة الصمت بين الزوجين من خلال كلامك
ودا شي رااائع
انتي فاهمه طبيعة الرجل صامته
بس مش معناته نستسلملها
الرجل مايعتبر صامت بالمعنى الكامل للصمت
هو يتكلم طبيعي
بس المراه هيا اللي تحب الكلام بشكل اكبر من الطبيعي
فلذلك نقول عن الرجل صامت وعن المراه ثرثااره ​

لكن في الواقع الرجل يتحدث بشكل طبيعي
والمراه تتحدث بشكل اكبر من الطبيعي ​

فاذا كان الرجل دايما ساكت مع مرته فدا معناته
انه في سبب لصمته
بس مش معناته انه صمته طبيعي
لانه لو شفتيه خارج نطاق مرته ينطلق في الكلام
وفي الضحك ​

ودا معناته في فجوه بين الزوجين ولازم نسدها ​

اما بالنسبه لحالتك وحالة المبتدئات امثالك
فما في خووف ابدا
ولا تعتبر في فجووه بيناتكم
لانه الوضع يعتر طبيعي خصوصا اذا اتدااركتيه بسرعه
اما اذا استسلمتي للوضع انتي وباقي الاخوات
فحتكووون بالتاكيد في مشكله ​

وفي نقطه حابه اعلق عليها
بالنسبه للامور اللي تستهويه وماتستهويكي
لازم تشاركي زوجك حتى لو مو حابه
مو بالضرووره تكون هواياتكم مشتركه
حتى لو كانت مختلفه
شاركيه هواياته عشان يشاركك هوايتك
وتكون في بينكم لغه مشتركه وتواصل مشترك ​

كتبت بالدرس انه لازم الزوجه تشارك زوجها هواياته
جدا ضرووريه النقطه
وحتقرررررررررررب مابينكم كثير
حتى لو انتي منتي حابه هواياته ​

بعد مااكتب درسي اذا تحبي
اكتبيلي ايش يحب زوجك من هوايات
ونتساعد انا واياكي بافكار عشان تشاركي زوجك وتكون في بيناتكم
لغة حوار وتواصل رائعه
ومنها تكون مثال يتعلمو باقي البنات كيف يشاركو ازواجهم
هواياته​

اوكي عسووله ​

هذا نسخه للقراءه فقط ويمنع الرد
للردود على هذا الرابط
http://www.niswh.com/vb/showthread.php?t=331026
​

 

[الـحـاالـمـه]

.


.



قلنا قبل كده انه الرجل في حالته الطبيعيه صامت ,,
او الافضل نقول قليل الكلام هو مايبغى يتكلم الا اذا كان
الكلام بنظره يستدعي


الكلام فعلا


في نقاش في موضوع ما او حصل موقف او احداث
صارتله


مهمه لازم يحكي عنها


او يبغى يتخذ قرار في موضوع فيتكلم او يناقش
من باب


انه يبغى يوصل للقراار السليم ..


يعني في اسبااب تخليه يتكلم مش يتكلم من بااب
يوسع صدره


ويفضفض ..


وغالبا بحكم انه يتكلم كثير في الشغل فلمن يرجع
البيت يحس


حاله مرهق من الشغل ومن الكلام فما يتكلم الا
اذا استدعى الوضع انه يتكلم او انه يعلق على
شي ضروري ومرات كثيره ممكن ينسى


يحكيلك احداث او شغلات مهمه أو يضطر يأجلها
لوقت مناسب


يكون فيه اوكي ويصير يعدي الوقت وينسى
لانه يحس حاله


انه بحاجه للهدووء والاسترخااء فهادي الحاجه
والرغبه تخليه ع الصامت .. فهنا لازم ع الزوجه
تتعلم فنون كسر حاجز الصمت ..



مرحك وابتسامتك



ثقافتك ورجاحة عقلك



حنانك وتفهمك للامور



مشاركتك لهواياته



صمتك وهدوئك




كلها دي وسائل جذب تجذب الزوج وترغبه في الكلام معاكي ..


حابه تجلسي معاه وتدردشي معاه ادخلي عليه دخله
تفتح نفسه


ابتسمي ابتسامه جذاابه وناعمه
وروحي عند راسه وحركي اصابعك
مثل المساج الخفيف وبعدها اساليه عن يومه


واحكي معاه الي تحبي


او حطي راسك على صدره وخليه
يلعب بشعرك


او اجلسي جمبه واتحركشي فيه دغدغيه
واضحكي معاه


سويله اجواء مرحه او اجواء حنونه او اجواء
ثقافيه عشان


تنفتح نفسه للكلام وللدردشه


ابتكري اجوااء حلوه في كل مره


كثير مرات يكون جالس ومسترخي
وماله خلق للكلام


فضروري تعملي اجواء حلوه تغيري نفسيته


عشان يستعد ويتشجع للكلام


ومن الدخلات الحلوه ااساليه سؤال ثقافي انك تبغي
تعرفي شي


او تاخدي رايه في حاجه دينيه او ثقافيه او اي شغله


وهيك يعني ..




كمان شوفي ايش يحب رياضه شعر اللي يكون
شوفي ايش يحب


واجمعي معلومات من النت او غيره او اقعدي
اساليه عن اخر الاخبار وسوي روحك تسمعيه
باهتماام واتفاعلي معاه وثقفي نفسك بدا الجانب ,,







انا الباشا يحب الشعر والقصااايد البدويه وانا مالي
هوى فيها بس اقوم افتح اليوتيوب على قصايد
وشعراء يحبهم واجلس جمبه



ونقعد نسمع واساله عن الشاعر الفلاني
والشاعر العلاني


ومرات افتح على قصايد مكتوبه واطلب منه
يقراها ليا ينبسط


كثير ..


حتى صار اي جديد يحكيلي اياه شفتي
القصيده الجديده


لا تفوتك ويسمعني اياها


وحتى اذا في التي في سمع قصيده عجبته
يناديني بسرعه


ويجي عندي المطبخ ويقول سيبي اللي بيدك
بسرعه بسرعه


وتعالي تعالي اسمعي واروح اسمع معااه


بالاول كان يسمع لحاله ويرفع الصوت


بس بعد ماشاركته هوايته بتعمق صار
يستمتع معايا اكثر


ومرات اذا كان عند اهله احصله اتصل فيا ويقولي
افتحي التلفزيون القناه الفلانيه لاتفووتك القصيده ..



وكل وحده على حسب زوجها تشارك زوجها
هوايته


حتى لو مالها هوى .. حتقرب المسافات اكثر واكثر ..


بس مو تلغي نفسها او مايكون لها هوايه خاصه فيها


شاركي زوجك مع الحفاااظ على هوايتك ومزوالتها ..




..





لاتخلي الصمت هو سيد الموقف ضروري يكون فيه
بينكم وحوارات ونقاشات بس لاتفرضي حالك
بالقوه وزي ماقلت


اعملي اجواء حلوه تفتح نفسه وبعدها
احكي معاه


واذا فرضا مااستجاااب لاتضغطي عليه اتركيه
بهدوووء ومن غير زعل


وكرري المحاوله بوقت ثااني بس لا تستلمي
لانه اذا صارت الحوارت بينكم كثيره حيرتاحلك
وحيتعود عليكي وحيصير


مع الوقت يحب يحكيلك كل شي حتى ولو مو
موجوده عنده تلاقيه اتصل عليكي وصار يحكيكلك
لانه بيكون اتعود يحكيلك وكمان مع الوقت بتلاقيه
يتكلم حتى عن خصوصياته وكل ماارتاحلك اكثر
كل ماحكالك عن خصوصياته اكثر ..






الي زوجها قليل الكلام معاها او وحده لسى
دوبها باول حياتها


نصيحتي لها ماتحاول تتلكم مع زوجها باي
خصووصيات او تساله اساله خاصه




السر اللي بيخلي زوجك يرتاحلك انك ماتساليه اي سؤال خاص




مو وحده تقولي انا زوجته ومن حقي اعرف


ماعليه بقولها من حقك بس اتبعي الاسلوب
الصح عشان تكوني جديره بنظر زوجك انه يقولك
على كل حاجه




فالخطوه اللاولى المطلوبه منك انك ماتتدخلي او تساليه اساله خااصه




الخطوه الثانيه خلي بينكم حوارات ونقاشات عاامه كثيره


عوديه يحكي معاكي ويسولف معاكي حببيه في الجلسه معاكي


بس طبعا مو عشان تعووديه تقومي تفرضي
حالك فرض


وكل يوم ناطه عنده راسه ونازله سواليف انتبهي
انتبيي انتبهي


امشي خطوات بطيئه عشان تكون اكيدة المفعوول


وتذكرو في العجله الندامه


وخصوصا مع الشرقي



اختاري يوم بالاسبوع او حتى كل اسبوعين كل وحده على حسب العلاقه اللي بينها وبين زوجها


وحاولي تسوي اجوااء قبل لاتحكي يعني ماتشوفي جالس


وتدخلي عرض بالسواليف انتبهي


هيئي الجو بالاول وكل مره نوعي وشكلي


واتكلمي بموضوع حتى لو بسيط وقليل االمهم تكوني
فتحتي سالفه


وحكيتي معاه


وهكذا الاسبوع اللي بعده واللي بعده واللي بعده


والشهر اللي بعده والسنه اللي بعدها


كل اسبوع اختاري موضوع نقاش واحكي معاه وكل
بعد شهر مثلا او شهرين اتوسعي بالنقاش اكثر


وبعد مروور وقت الله اعلم طويل قصير كل وحده
وحسب علاقتها


بيكون اتعود ع النقاشات معاكي


حسيتي استجابته صارت احسن وتمامم التماام
خليها يومين بالاسبوع الين يتعود اكثر ع
الحوارات والنقاشات والسواليف


معاكي


اذا اتبعتي دي الخطوتين بتقرب المسافات
وبيرتاحلك كثير


اولا لانك ماتدخلي نفسك بخصوصياته وثانيا
سواليفك حلوه وممتعه


ومفيده





تخيلي نفسك رحتي عزومه وجات وحده جمبك ماتعرفيها
ولا تعرفك اول مره تشوفيها وصارت تسالك اسئله
خاصه


مثلا دق جوالك ورديتي لمن تقفلي سالتك مين
اتصل عليكي


مو حتتستغربي تقولي ايش دخلها دي


وسالتك عن راتب زوجك وعن علاقتكم
الخاصه


مح تتحملي على طول حتكشي منها وحتكوني
حذرة ورسميه جدا جدا جدا بالكلام


لكن لو كانت سواليفكم عاديه وعامه وضحك
وفرفشه


حتقولي والله دي البنت عسل


ولو شفتيها مره ثانيه مابيكون عندك مانع
تحكي معاها


وهكذا الين تقوى علاقتكم وترتاحيلها وتدخلو
بالتفاصيل والاسررااار






الزوج نفس الحكااايه كل ماسالتيه عن خصوصياته
او مين يكلم او مين يخالط او او


بيصير يكش منك ومايحب يحكي معاكي


بتقولي بس انا غير مو غريبه انا زوجته


بقولك هيك الرجال ودا طبعه اي نعم زوجته


بس هيك يحس


فلا وحده تعطي نفسها الحق انها تعرف
كل شي عن زوجها


بحكم انها زوجته


اولا خليه يرتاحلك وعفي نفسك عن
الاسئله الخاصه


واتككلمي معاه بكل الامور العامه


ومع الوقت تقرب المسافات بيناتكم


وكل بعد فتره حتحسي في تحسن
اكثر من اللي قبلها




واتذكري كل ماكنتي ناعمه وهادئه ووعاقله ومرحه


كل ماكسبتي زوجك اكثر


اما اذا كنتي زعوله وماده البوز وتساليه وتعاتبيه عن كل شي


كل مانفر منك اكثر وهرب منك





.


.​

 

[الـحـاالـمـه]

.


.




احنا اتكلمنا بشكل عام وفي حالة كانت العلاقه اوكي



بين الزوجين بس في حالات يلجأ الزوج فيها للصمت


مهما حاولتي وهيا :




// الحاله الاولى : اذا زعل واتضايق يلجأ للصمت ,,
اذا غلطت زوجته فهو يستخدم اسلوب الصمت
كنوع من العقاب وكتعبير عن غضبه فهو يتجنبها
تماما ويتجاهلها ويمتنع عن الكلام معاها ..


لايام واسابيع ..



في دي الحاله اذا شفتيه زعلان ومتضايق
اتركيه واعطيه وقته


لاتروحي تلصقي جمبه وتتحركشي فيه
او تطالبيه تتناقشو بالمووضوع اذا كنتي غلطانه
اعتذري واتركيه لوحده فترة من الوقت .. وبعدها
اتوددي بطرق غير مباشره مثل ماحكينا باول درس ..





.


.





// الحاله الثانيه : اذا مر بمواقف سابقه اتكلم
فيها معاكي ونتج عنه خلاف او سوء فهم
او زعل فهو يلجا للصمت وماعاد بيرجع يتكلم


معاكي بمواضيع مشابهه .. ممكن يكون صارله
موقف وجا بيحكيه لكي بس يرجع يقول لا
بتفهمني غلط هيا اصلا دايما تفهم كلامي
غلط وماتفهمه مثل ماقصده او اكيد لو قلتلها
بتزعل وتقلب وجهها


وانا مو ناقص مشاكل ابغى اروق .. او اكيد
لو فاتحتها بالموضوع بتعملي تحقيق وسين
وجيم وانا مافيني .. وهكذا يكون عنده تصورات
تمنعه يحكيلك بعض الامور الخاصه او
بعض المواقف ..


فضروري في دي الحاله تكوني متعقله اكثر
وهادئه في ردات فعلك اتجنبي الصراخ او الزعل
اذا كنتي هيك فانتي بتخلي زوجك يقولك ويصارحك
باي شي لانه حيكون عنده خلفيه مسبقه انه
زوجته متفهمه جدا وتاخد الامور بروية وهدووء
فحيتشجع يحكيلك


كثير ازواج يخبو عن زوجاتهم احداث مهمه
ومصيريه وحتى مستقبليه عشان يتفادى
الصراع والزعل ..


ومن الامور الخاطئه انه الوحده تنقل الكلام
لاهلها او اي احد


فالزوج لمن يعرف انه زوجته تحكي لاهلها كل
شي او تنقل الكلام


فحيخبي بعض الامور عنها ..


وحده اعرفها زوجها يخبي عنها راتبه مايقولها كم
يستلم والسبب


انها تتدخل بتقسيم الراتب وتقعد تقوله انت تستلم
الراتب الفلاني


فالمفرووض تجبلنا هيك وتسويلنا هيك فالزوج
اخد موقف منها


ولمن صارتله زياده بالراتب بطل يقولها عشان
لاتمتحنه بالزياده


وصار يخبي اموره الماليه عنها ..





فضروري الزوجه تكون حذره وحريصه جدا
بهيك امور وضرووري تكسب ثقة زوجها .. حاولي
تكوني صديقته


اللي يقدر يحكيلها اي شي وكل شي ويتكلم
براحته من غير مايحس بخووف انك تزعلي خليه
يقدر يصارحك ويفاتحك باي موضوع ..





.


.






// الحاله الثالثه : اذا حس بالذنب او تصرف
تصرف يزعل زوجته


منه او اتاخر بتنفيذ طلباتها فتلاقيه يلجا للصمت
,, كثير زوجات تستغرب وتسال يقول يزعلني
ويقلب وجهه بدل مايراضيني ,, هوه يعمل هيك
كنوع من الهروب وعدم المواجهه فيتجنبك ويبتعد
ويلجا للصمت لانه عارف لو جا كلمك مابتعطيه
وجه وبتكوني زعلانه


وبتعاتبيه وتلوميه وهو مايحب العتاب واللوم
والتانيب فيبتعد ويسكت عشان لايحط
نفسه بمواقف محرجه معاكي ولانه كبريائه


مايسمحله يتكلم وهو عارف بتصديه ..
من شان هيك الافضل لو ماتزعلي ولا
تقلبي وجهك ولا تمدي بوزك ولو زعلتي
بطريقتي اللي قلتلكم عليها بتحصليه جا
عندك واعتذرلك وشرحلك موقفه


لكن قلبة الوجه ومدة البوز تبعدهم
عنك كثير ..





.


.






// الحاله الرابعه : اذا مر بضفوط او مشاكل
متعلقه بالعمل او باهله او باي شي فيكون
متوتر كثير فيلجأ للصمت عشان تهدا اعصابه


وكمان عشان يفكر مزبوط فيحاول يتجنبك
ويجلس لوحده او يسكت كثير لانه اصلا
يفكر بموضوع شاغل باله او بمشكله
صارتله او مسئوليه جديده لازم يتحملها ..


في دي الحاله كوني ودووده مثل اخته وحنونه
مثل امه لاتساليه على طول ايشبك ساكت
بس ربتي على كتفه بيدك وامسحي عليه
بحنان .. اعمليله مساج من عند اكتافه
واضح عليك متكدر او مشغول بشي بهيئلك
جو هادي عشان ترتاح وتفكر مزبوط


اذا علاقتكم اوكي مع بعض بتلاقيه اتكلم
وقالك ايش بخاطره واذا


علاقتكم متوتره بينبسط انك ماتدخلتي
وسالتيه وانك فهمتيه


وبعدها اتركيه لوحده ,, الين تحسيه هدا
واتغير ولاتنسي الدعوات الحلوه اللي
ترد على قلبه





.


.





// الحاله الخامسه : يلجا الزوج للصمت اذا
حس انه في فروقات فكريه بينه وبين
زوجته اذا حس انها سطحيه وتفكيره يختلف
تماما عنها فيقول ليه اتكلم انا وين وهيا وين
ومانتفق انا واياها فخليني ساكت احسن
وماتلاقيه يتكلم الا للشديد القوي ,,


فالمفروض على الزوجه انها تعطي انطباع
جيد عن نفسها دايما


قدام زوجها تحكي عن احداث وامور مهمه
تتكلم عن نفسها وطموحاتها واهدافها حتى
لو كانت ست بيت ماعندها وظيفه او دورات ,,
حتى شغلها بالبيت وطبخها وتربية
عيالها كلها اهداف


مو تتعامل معاها على انها ممسئوليات لا تحكي
مع زوجها على


انها خطط واهداف


مثلا انا هدفي اربي عيالي تربيه صحيحه
واخليهم من افضل واحسن الشباااب والشابات
لمن تحكي عن الاكل قولي انا اططبخ لانه
هدفي اوفر الاكل الصحي لي ولعيلتي ..


فهمتو حبيباتي هيك احكو مع ازواجكم دايما
حتى بابسط الامور


تقدر الوحده تخلق لنفسها صوره حلوه بعين
زوجها حتى لو كانت ربة بيت ..


انا دايما اول ماتدخل الاجازه الصيفيه اقول لزوجي
ابغى استفيد من الاجازه ابغى ادخلهم دورات
او اعلمهم اعمال فنيه ابغاهم يستفيدو من
وقتهم مش طول الوقت لعب


حتى الزيارات اقوول ابغى استغل الاجازه
اصل رحمي وازور الناس اللي من زمان عنهم ..


لمن تحكي مع زوجك لاتقولي ابغى اروح
زواجات ومناسبات ابغى افلها وانبسط واغير جو


اذا حكيتي ماه احكي بالمنطق دائما
وبالكلام المثالي والمرتب والمنمق


لانه هو شخص يحب المثاليات جدا


مثلا قولي لزوجك ابغى علاقتي مع صديقاتي
تستمر مابغى اقطعهم لانه الصداقه علاقه رائعه
وساميه جدا وابغى احافظ عليها ..


ولو حكيتي مع زوجك بدي الطريقه وبدا
الاسلووب بيحترمك كثير


وحتى لو طلبتي تروحي مكان هو من الاول
راسم صوره عنك انك واعيه ومنطقيه وعقلانيه
ودا الشي بيقربه منك كثير ويحببه
بالكلام معاكي ..



وكل ماكنتي بنظره عقلانيه ومثاليه ومثقفه
كل مانفتحت نفسه للكلالام لانه بيحس
في توافق بيناتكم ..





.





.





// الحاله السادسه : اذا كان مو مرتاح معاكي
او خلافاتكم كثيره اذا حط بباله انك نكديه
وزعووله وشكّايه فتجيه زي سدة النفس
مايصير عنده رغبه بالكلام معاكي لانه
اصلا في مسافات وحواجز
بيناتكم والمسافات دي والتباعد الروحي
يخليه مايحب او يشعر بالرغبه في الكلام
معاكي فيلجا للصمت لانه اريح نفسيا ..
فضروري تقوي علاقتك بزوجك وتتبعي
السبل اللي توصلك لقلب وعقل
زوجك وتخففي من المشاكل وتوصلي
لعلاقه مستقره مع زوجك ..





.
.





هيا دي الحالات اللي يلجا الزوج فيها للصمت
فضروري تكون الزوجه ذكيه وتعرف سبب
صمت زوجها وتقعد تراجع نفسها وتجلس
جلسه صريحه وصادقه مع نفسها وتراجع
حياتها كيف مع زوجها وتسترجع كل الاحداث
وهيا بتعرف وتكتشف ليه زوجها يلجا للصمت
اذا كان جالس معاها ..
وغالبا الحالتين الخامسه والسادسه اكثر
شيوعا واكثر خطر
ولازم تعرف الزوجه انه يبغالها وقت ويبغالها
مواقف عشان تقدر تغير الصوره القديمه
وترسمله الصوره الجديده عنها ..






.
.




ودا كان درسنا عن الصمت
اتمنى اكون قدرت افيدكم حبيباتي




,,


​

 

[الـحـاالـمـه]

اقتباس:
الكاتب : شموخ وتواضع
الله يسكنك الفردوس الاعلى حبيبتي اقولك شيء عن زوجي الفاضل انا لي معاه 3سنوات في فتره الخطوبه وكمان بعد الزواج ب3شهور كان طاير فيني طيران لدرجه ان الناس لاحظو طبعا اجتمعت فيني الصفات اللي يحبها جميله وقنوعه وهادئه ومحتشمه وفجأه اخذ عني فكره غير كذا طبعا بسببي قلت حالي من حال البنات لازم البس عند الناس بنطلون ولازم امشي راي بالقوه انا اجمل منه واهلي اغنى منه يعني هوه اقل منا في المعيشه وهاتك من ذا الكلام والادهى والامر من ذالك اني كنت اقوله مااحبك واقول طلقني خلني اعيش مع رجال يستاهلني احس اني جرحته كثير عشان كذا هوه اتغير على صار مت لما كان طاير فيني مكان صامت بالعكس كان مرح ويتكلم بكل شيء بس انا كنت شايفه نفسي عليهوهذا كله بسبب عدم المعرفه وحب الانتقام في النفس البشريه وسماع اراء الناس الخاطئه وعدم اتخاذ الاسلوب الصحيح ضعيت حياتي معاه وياليت ماصار كذا في الاخير اقولك في مجال اصلح الغلط هذا مع زوجي ارشديني وانا احس انه مجروح مني لحد الان واتوقهع هذا سبب الفجوه اللي بيننا وشاكره تعاونكي معاي ومع البنات

اكيد حبيبتي في مجاااال تصلحي الوضع
اهنيكي على تداركك للوضع وانتباهك

بس لازم تعرفي انه الجروح مش من المستحيل ندوايها
بس تحتاااج لوقت عشان تبرى
خصوصا اذا استخدمنا الدوى السليم للجرح

وحطي ببالك انه جرحه عميق ويبغاله وقت طويل للعلاج

بعض الجروح ان جات من اغراب عادي
الجرح موت الجرح لا جا من احباااب

وانتي قلتي كان يحبك وطااير فيكي وتعاملك معاه بالطريقه اللي شرحتيها
جرحه جرح كبييييييير وعميق


فطولي بالك وانتي تدواي جروحه

لانه ما بيستجيب بسرعه والكلام كمان للاخت روح وريحان
لانكم انتو الاثنين جرحتو ازواجكم بعمق




واول الطرق في العلاج انك تشبعي رجولته
وتحسسيه انه سيد الرجااال كلهم
ارجعي لدرسي الثالث يتكلم بدا الخصوووص
اتمعني في مزبوط وطبقيه

امدحيه وحسسيه انك اسعد انسانه بالوجود
لانك ارتبطي بافضل واعظم رجل بالدنيا


اوكي حبيبتي ​

 

[الـحـاالـمـه]

اقتباس:
الكاتب : om miryam
بصراحة زوجي استخدم معايا كل الحالات حقت الصمت دي بس انا احس بقهر حكاية لازم اعمل فيها عندي طموح وهدف بالكلام يعني مثلا يعجبو اقولو انا ابغى استغل الاجازة ادخلهم يتعلمو فنون وكداوما ينفع اقول انا ابغى اروح زواجات وانبسط وكدا ليش يعني كتير علينا البسطة مش قاعدة اشتغل واكرف واجيب مصروف واربي واطبخ وانضف كمان ابغى انبسط ليش ما اقول لزوجي انا ابغى انبسط واخرج واتمشى واروح لصاحباتي ليش يعتبرني ما عندي سالفة ليش ما يستحملو كلمة زي دي مننا وهوا قدامي كلامو كلو عن المستقبل والثقافة وكدا بس وفي نفس الوقت ما بيستغي عن البسطة والفلة والسهر عند اصحابو يقعد الليل كلو يبسط نفسو ويتصرف تصرفات انا كمان اشوفها طايشة بس طبعا لمن تساليه او لمن يتكلم عن نفسو يتكلم كانو احسن انسان في الدنيا وممكن ينتقد ناس على تصرفات هوا نفسو ممكن يكون يعملها بس مدري كيف دولا الرجال يلا خلينا نمشي معاهم زي ما يبغو بس ظلم صراحة انو يعتبرني ما عندي سالفة لمن اقولو ابغى انبسط البسطة مش حرام بس هما كدا اختو ماشالله عايشة حياتها بالطول والعرض بس بكلامها معاه ما يعتبرها غير مثال اعلى ومكافحة بس احسو قناع انتي اخده اللي قدامك واللي وراكي وتحسسي الناس انك مكافحة وتعبانة في الحياة وغيرك من جد تعبان ينظلم بس عشان مهو لابس قناع انا مكافح ومثقف حياة غريبة ورجال غريبين الللللللللله يعيننا ويصبرنا

حبيبتي ام مرياام

كنت مثلك زمان
واستغرب ليه ماعيش الحياه بسيطه من غير كل التكلفات دي

طبعا بحكم اني جنوبيه غربيه اول زواجي

بس الشرقي عشان تجريه لعالمك وتجذبيه لك
لازم تدخلي لعاالمه انتي بلاول

وبمانه شخص يحب الفلسفه والمثاليات
سوي مثله
وفعلا مثل ماقلتي انا زوجي هيك يتكلم بامور
والله هوه بالشرق والفلفسه حقته بالغرب
بس ايش بدنا نسوي
مو قلنا نعتبرهم اولادنا الصغار
ونسايسهم عشان نوصل للي نبغاه

فانا لمن مشيت على دا المنهج
وصرت مثله اتكلم بالفلسفه كسبته كثييييييييييييير كثير
وصرت اسحبه لعالمي شويه شويه
وبالعكس ماتتخيلي قد ايش صار يتقبل ويحب يدخل لعالمي

حتى قللت شويه من الفلسفه
وصرت اقوله طفشانه ابغى اخرج اغير جو
وصرت اقوله حجتمع مع صحباتي نتونس
ماصار يقوول شي ابدا
وبالعكس يتقبل
بعد ماكاااااااان رافض ويسويلي افلام شديده ماتتخيليها

بس صراحه جلست سنين الين كونت عن نفسي صووره بباله
صارت صعب تنمحي
وصار يتفاخر فيا ويعقليتي قدام اهله وقدام الكل

وبعد ماكان ندمان انه اتزوجني وانه اتورط ورطه كبيره بزواجه
صار الان فخووور اني زوجته


قلنا قبل الزوجه تقدر توصل لكل اللي تبغاها
بس تكون ذكيه وصبوووره ولهلووبه


اوكي حبيبتي


ولا تنسو الرجال اطفال صغااار





​

 

[الـحـاالـمـه]

هذا نسخه للقراءه فقط ويمنع الرد
للردود على هذا الرابط
http://www.niswh.com/vb/showthread.php?t=331026
​

 

[شموع واحلام]

احب استفسر عن زوجي هو شرقي احنا من فترة حصل اختلاف كبير وصل الدم الى الركب مهم بعدين تصالحنا لكن الان هو اتغير احنا متجوزين فقط كتب كتاب لسه ما دخلنا قريب انشاء الله لكن انا نمت معاه :5:ما قدرت استحمل هو كتير مثير ما هى هاى المشكلة المشكلة من بعد المشكلة انا وضعت له النقاط على الحروف اتغير الى الاحسن صار كل شوى يتصل وقرر نسكن مع بعض كيف اتصرف معاه ارد عليه كل ما يتصل او لا عشان انا اخاف من هيدا التغير فجاة كيف اتصرف معاه اخاف اتصرف تصرف يرجع معى الى وجع القلب انا صراحة مبسوطة بالتغير صح ازهق من اتصالته الكتيرة اخاف ما ارد او ارد كل ما يتصل او شو

 

[كلي رومنس]

اشكرك من كل قلبي اختي الحالمه الله يشفي الوالده ويسخر لك زوجك واولادك بصراحه فتحتي عيوني على امور كنت غافله عنها

لي 7 سنوات متزوجه مافهمت زوجي الا بعد ما حظرت دروسك اشكرك مره ثانيه ان شاء الله في ميزان حسناتك يارب

 

[كلي رومنس]

وينكم بنات

 

[غيمـــ76ــــة]

احترامك لاهله حيجبره على احترام اهلك
ولاترضي يجيب سيرتهم باي شي


مو صحيح

والله انا اهلو رغم اني اعاملهم احسن من اني اعامل اهلي حتى فيه اشياء سويتها لهم اكثر ماسويتها لاهلي بس هو كره اهلي وقاطعهم بدووون اي سبب وصبرت عليه بس كل مرة يغلط عليهم مع انهم بعيدييييييييييييين عنه احنا في ديرة وهم في ديرة

اهلو عايشين معانا حياتنا لحظة بلحظة وشفت منهم المعاملة الي ماتناسبني ومع ذلك سكتت عنهم وتحملتهم بس في الاخير قررت اقاطعهم ومااروح عندهم لكثرة المشاكل وهما بعد طنشوني واهملوني ولاسالو عني حتى في الاعياد اذا انا عيدت عليهم هما مايعايدون اخييييرا....

(( عاملتهم بالمثل )) وقررت اني احترم ذاتي ونفسي واحبهم ومااسمح لاحد انو يهينني

....

 

[>> warda]

مااشااء الله تبارك الله موضوع مررررررررره روووعه

يعطيك العافيه مع اني متأخره بس لاحظت ان زوجي صفاته شرقي من كتاباتكم للموضوع لكن راح اتاكد زياده بأذن الله لكن اغلب صفاته زي ماكتبتوها ربي يعيني عليه ان كان صفاته شرقي

طيب ليش الشرقي لما تجيبين له طاري الحمل يتهرررب وطبعا الحمل اللي تكلم معه هذا اول مولود له يقولي بعدين مو وقته تو الناس والكل يسال ليش ماحملتي وانا نفسي بطفل لي رغبه بالاطفال

انا لما اتكلم عن الحمل او اجيب طاريه يسككت ويقول يصير خيررررر مع ان لي فتره معاااه وانا ابي احمل

ثاني شي مايحترررم اهلي مع اني شايله اهله فووق راااسي ومحترمتهم لدرجه كبيررررره وحاطتهم بعيوني

ثالث شي يحب الطلعات والروحات ولازم اربعاء وخميس سهررررررر للفجر هذي المعاناه وهذا انا لسى ببدايه زواجي

كسسسسسسسسول مايتحمممل مسؤليه ابد متكبر شايف نفسسسه تصرفاته ذبحتني ان طلبت طلب منه ماجابه لي الا بطلعه الروح مع اني مااحب الح واطفششه اسكت لاني استحي منه بس هو ابدا مايستحي

كل شي انا وانا وانا مايحسسني ان عنده وحده مهتم فيها

دايم يحسسني بأهماله وتطنيشه لاحظت انه اناني صراااحه يحب نفسسسه ويحب جوه وطلعاته واناسته وانتي ولا شي

هذا اللي لاحظته وغير كلامهم عنه

مدري هذي صفات الشرقيين او لا ؟

 

[>> warda]

الحالمممه

تكفين طلبتك ارسلت لك على الايميل رساله ارجو انك تفتحينها وتقرينها لان عندي مشكله كبيره وابي لها حل وماابي اكتبها هنا لانها شخصيه جدا وحساسه رجاء ان قريتي ردي ردي علي كيف اتواصل معك بأي طريقه لاني بأمس الحاجه لك ضروري

ولاني صراحه افكر بالطلاق لاني اكتشفت وانصدمت بزوجي شغلتين كبار ومو هينااات

ربي يصبر قلبببي

 

[نور كوثر]

عضوة جديدة تطلب مساعدة الحالمة بأسرع وقت

1. السلام عليكم أختكم نور الكوثر عضوة جديدة واحد ضحاياة الرجل الكندي الشرقي سوف اجيب على لأسئلة لان عضوة جديدة وقابلة أسفي لأني متأخرة ما اكثر الامور التي تثير غضب زوجك ؟الصوت العالي وتجاهل وجوده وعقاب لأطفال في وجوده. عندما يحدث خلاف بينكما كيف تتعرفين اثناء الخلاف؟أناقشك برصاصة وحكمة وأدلة قرانية وبراهين واقعية وهو يجادل ثم ينسحب الى النوم مع العلم انه يمثل النوم وخصوصا بعد ان يسمعني اهانات جارحة واذكره بانه قد حج بيت الله ويضم اقرب الناس اليه فينسب الى الغرفة ويمثل انه نائم. اذكري طريقة اعتبارك اذا كنت مخطئة ؟اعتذر من واحيانا وليس دائماً اكرر لاعتذار وهو مدني او يقول اتركيني فانسحب ولكن احس منه بالندم لعدم قبول لاعتذار ويبقى غير مرتاح ويدعي عدم الاكتراث. بحكم كونه بطئ الرضا هل تكثرين اعتبارك وتتوددين له ؟ لا اكرر لفض أسفة مرة او مرتين ثم انسحب ولا أبالي لا اتعودت على هذا المنوال وعندي اهتمامات كثيرة وطبعي لا احب الي بيزعلو كثير وما عندي طول بال معاهم حتى ولو كان شريك حياتي اذا كان هو المخطئ كيف توضحيه له ؟ بالمناقشة والأدلة والبراهين واكثر شئ بآيات قرانية او حديث قدسي واحس ان ينسحب لان الحق معي هل تركررين أخطائك أوتجنبني الوقوع في الخطأ ؟ بعض الأخطاء الي هو يعتبرها أخطاء تجنبتها ولله الحمد ولو كل شئ عنده خطا وأحاول ان احد من عصبيتي ولو هذا مستحيل مع ثلاث أبناء أعمارهم 7،5،2 وهم يتبعوني مثل ضلي ولا يفارقوني حتى في الحمام هل تقدرين روتين زوجك او تضهرين له ضجرك ومللك منه ؟ اذا حب يسمع برنامج التلفاز ايصيح يأ رجال غير الجنييل الدنيا بتخلص وانت بعدك بتابعني واذا حط انشودة في تلفونة بيكررهها حتى وانا انام بضل تنشد بخلايا مخي شهور وهو ما يمل اضجور وامل جداً جداً هل تحافضين على أغراضه كما يجب ؟ أحافظ عليها مرتبة وفي مكانها على الطول لأني أقدس الترتيب والنضافة عندما تقومين بإعداد وجبة ؟ما ليقول اي شي حتى لو عجبتة لان يقول ان الرجال اذا حكا على بطنه قل قيمته واذا اسئله يتطنز ويقول اتتتتتتهبل وراح انه بل بس اخلصهة. ؟ تغيير لك ؟ ما يعتبرني بنصرة ولا يقول اي شي والولادي بينعجبو بي وهو بالمريخ عايش ؟او تغيير أثاث كيف تكون ردة فعله ؟بيصيح اول ما يدخل البيت هاي شو مسوية يعني شو مخصبة بالبيت وعلى الرغم اني احب التغيير والزينة والديكورات والزهور في البيت وبأثاث بسيط وجميل وانا اجيبه احيانا ان رأيه ما يهمني لان ما يقدر جهد يوم كامل بتغيير أثاث او صبغ حائط يتبع

 

[نور كوثر]

نور الكوثر تطلب مساعدة الحححححححححلومة ا

السلام عليكم اكمل إجابات لأسئلة اردت الخروج الى نزهة ما .........كيف تدفعينة للخروج ؟كأني دافعة الى بركان لا ولا ولا اطلب منه الخروج لان يقول شنو عندك يعني عند سالفة مؤ للطلعة واذا أولادي الي محرومين من النزهة يطلبون منه يقول لهم انها امكم تريد الخروج عنده شي والله أولادي محرومين من النزهة وحتى عندهم كآبة في حالة رفض الخروج كيف تتصرفي حيال ذلك ؟لا اطلب وان ابدي عدم اهتمامي وإلهي حالي بي شي ولو اموت من قهري على أولادي ويضلو يطلبون مني أطلعهم بس ما عندي اي خيار انت مدعوة لمناسبة ما او تودين القيام بزيارة ومتعلمين بتردداه ورفضه مسبقا ........كيف تخبرينه برغبتك بالذهاب ؟حصل مرة ودعتني صديقتي مع مجموعة من الصديقات واخبرتها بانه لن يقبل ف تصلت بي ودعتني وكان هو موجود فقلت لها اتسمعي ماذا سوف يقول وسألته والتلفون مفتوح وهي على الخط وهو يعلم ومباشرة اخبرني رفضه القاطع وقلت لها لقد سمعتي بنفسك. هذا هو جوابه فقالت أوسلي به وقلت لا اتوسل وعندما انتهت المكالمة قال لي لماذا وضعتيني في موقف محرج قولي لها اي شي قلت ماذا اقول لها ان ابي يمنعني من الخروج لأني قاصر الكذب انت زوجي وانت من يمنعني أتخاف الناس ولا تخشى الله في تعاملك معي. هل استطاعتي إضفاء بعض التغيرات على حياتكم وتغير بعض العادات ؟كيف استطعت ذلك .......ما غيرت اي شي هو هو على الرغم من انه عايش في الخارج ومتزوج من غربية لا انه كشخص يعيش في الكهوف (نوادر تال

 

[نور كوثر]

نور الكوثر

كيف يراك زوجك .....مرحة وبشوشة يسعد بصبحتك ام ماذا ؟انا مرحة احيانا ولو هو على طول منكد ويضحك بالسنة مرتين بالعيد الأضحى وعيد الفطر لست سعيدة بصحبته لان بيعبس بس ايشوفني ويبوز هل تقومين ببعض المقالب. الخفيفة والمفاجآت وتقدمني له الهدايا بطرق مميزة وغريبة اذكري ذلك ؟مقالب لا مفاجآت لا تقديم الهدايا بطرق مميزة نعم مرة اشتريتلة ساعة وغلفها ووضعتها في مقعد سيارته وعند الصباح شاهدها وهو يريد الذهاب الى العمل ارجو مساعدتي في فهم غموض زوجي وسبب صده لي مع العلم اعلم انه يحبني وشكرا

 

[رااائعه]

السلام عليكم شكرا اختي نصائحك جدا روووعه
انا مشكلتي تزوجته و هو مريض نفسيا و كنت اظن ان كل الصفات السيئه المو معقوله فيه ناتجه من مرضه فكانت ردات فعلي الألحاح المستمر ما يغير الوضع الا البكاء الشديد او الغضب الشديد عاد وش تتوقعون امتزاج بين مرض الاكتئاب و صفات صعبه مثل ما قلتوا اللحين فيه تحسن
بعد 6سنوات زواج بس مقهوره ع السنين اللي راحت
هو بس صاااامت و متحفظ بشده ممكن يقضي سنين و يام طويله صامت ويش الحل
ا
بيه يفك معايه شوي
غير كذا انا ما ابادر ابد بالجنس هل هذا صح او خطأ مني
شاكره لك مقدما

 

[بنى بنى 3]

احترامك لاهله حيجبره على احترام اهلك
ولاترضي يجيب سيرتهم باي شي
مش صحيح
مهما تتعاملى كويس مه اهله
تلاقيه لايحب اهلك وبدون اسباب
ما يحب يروحلهم ولا يكلمهم