أسراار وفنوون التعاامل مع الرجل الشرقي (نسخة للقرأة)

[الـحـاالـمـه]

,,

موضوعي الثالث

# كيف تشبعين رجولة الشرقي ؟ #



كلنا نعلم بأن للرجل 6 حاجات اساسيه يجب اشباعها
من قبل أنثاه .. واذا لم تشبع هذه الحاجات يشعر الرجل
بالنقص والافتقار والاضطراب النفسي والجسدي .. وتزول
هذه الاعراض متى ماقضيت الحاجه ..

.
.


والحاجات الست هي كالآتي
( الثقه , التقبل , التقدير , الاعجاب
, الاستحسان , التشجيع ) ..
هذه الحاجات موجوده بكل رجل بجميع انماطه ولكنها تتواجد بنسب
عاليه جدا عند الشرقي والشمالي خصوصاً حاجتي ( التقدير , الاعجاب )

.
.
فالشرقي خصوصاً من به شماليه يحب ان يحيط نفسه بهاله
من الاهميه .. وبأن يكون محط أنظار المقربين منه وأن يشعر
بتقديره واهميته لدى المقربين منه وخصوصا زوجته .. يحب أن
يكون مهاباً وأن ينظر له الاخرون نظرة اجلال واعجاب وتقدير ..
فهو يشعر بأنه في قمة رجولته في حال اشباع هذه الحاجه ..

والزوجه الذكيه هيا من تشبع هذه الحاجه في نفس زوجها
لأنها ستحضى باهتمامه وتقديره لها ..

.
.

بكل صراحه ومصداقيه مع نفسك أجيبي على هذه الاسئله التاليه :

* كيف تظهرين لزوجك مدى أعجابك به وانبهارك بشخصيته ؟

* حينما يتخذ قرار يتعلق بعمله او بكما او باطفالكما وكان لك راي مختلف
هل توافقينه حالاً وتخبرينه رايك بوقت لاحق .. ام تناقشينه فوراً
برأيك المغاير ؟

* كيف تستقبلينه عادة ؟ وكيف تودعينه حال خروجه ؟

* هل تستشيرينه في بعض الامور المتعلقه بالمنزل أو بعض الامور
الاخرى من باب الأخذ بحكمته وذكاءه ؟

* عندما يتحدث معك باي موضوع كان .. هل تستمعين وتنصتين
وتظهري له اهتمامك البالغ بحديثه .. أم تستمعين له بقليل من الا مبالاه
وتقاطعينه ؟

* حين يظهر لك اعتزازه واعجابه بنفسه ( سواء كان شكله أو عمل قام به )
هل تشجعينه أم تسكتين خوفا من أن يتمادى ويصبح مغرورا ويرى
نفسه عليكي ؟

* في حال طلب منك القيام بامر ما .. مامدى استجابتك لطلبه ؟ وهل تقولين
له بشكل دائم احدى الكلمات التاليه ( حاضر , أبشر , تامر امر , من عيوني ) .. ام تلبين له طلبه بالصمت والهدوووء ؟


.
.
​

 

[الـحـاالـمـه]

السلام عليكم ورحمة الله ، كيفك استاذتي الغاليه ؟
وهذه اجوبتي ونبهيني ع اغلاطي فديتك

* كيف تظهرين لزوجك مدى أعجابك به وانبهارك بشخصيته ؟
لما انتناقش ونتحاور او يقولي ع موقف معين اقوله بصراحه تعجبني احب فراستك ودراستك للشخصيات الي حولك >>> بصراحه عنده تحليل دقيق للشخص ويقول هو كذا وفعلن دايم كلامه صح
* حينما يتخذ قرار يتعلق بعمله او بكما او باطفالكما وكان لك راي مختلف
هل توافقينه حالاً وتخبرينه رايك بوقت لاحق .. ام تناقشينه فوراً
برأيك المغاير ؟

بعض الامور صعب اجلها لا اقوله عن رائي ووجهة نظري بهدوء واسمع منه اذا اقتنعة بوجهة نظره واقنعني وافقة
* كيف تستقبلينه عادة ؟ وكيف تودعينه حال خروجه ؟
اممم بصراحه استقبله عادي اول مايجي انا اكون باالمطبخ اجهز الغداء عاد يقوم يسأل كم من الوقت يخلص ،، يسولف عن شي صار بعمله ،، نتهاوش ع الطبخة يقولي انا لو اسويها بتكون احلى ونقعد نعلق ونضحك شوي،،، ام اودعه اجهز له الافطار نقعد نسولف اشوي بعدها يتجهز ويروح وانا بعض الاحيان بالمطبخ اغسل صحون الفطور نادر اطلع معاه بصراحة انا تعودت كذا لان ماخذ راحتي معاه لاني عايشه مع اهله ففقدت بعض حريتي في البيت
* هل تستشيرينه في بعض الامور المتعلقه بالمنزل أو بعض الامور
الاخرى من باب الأخذ بحكمته وذكاءه ؟
بعض الاحيان اي احب استشيره ولو ان رده كيفك ع راحتك
* عندما يتحدث معك باي موضوع كان .. هل تستمعين وتنصتين
وتظهري له اهتمامك البالغ بحديثه .. أم تستمعين له بقليل من الا مبالاه
وتقاطعينه ؟
لا بالعكس انا استمع له ولو بعض الاحيان تصير مقاطعه بس يقولي خليني اكمل عاد اقوله تفضل
* حين يظهر لك اعتزازه واعجابه بنفسه ( سواء كان شكله أو عمل قام به )
هل تشجعينه أم تسكتين خوفا من أن يتمادى ويصبح مغرورا ويرى
نفسه عليكي ؟
اي هذا النقطه بتبط سبدي دايم يقولي ان فلان مدحه ويعجب بنفسه كثير بعض الاحيان اسكت وبعض الاحيان اقوله انت ليش مغرور يقولي مو غرور ثقه
* في حال طلب منك القيام بامر ما .. مامدى استجابتك لطلبه ؟ وهل تقولين
له بشكل دائم احدى الكلمات التاليه ( حاضر , أبشر , تامر امر , من عيوني ) .. ام تلبين له طلبه بالصمت والهدوووء ؟
استجابتي سريعه ع طول انفذ طلبه ،،،،، والكلمات ع حسب اذا طلب شي وهو يكلمني بالجوال اقوله من عيوني واذا كان عندنا احد اقوله ابشر ومرات اقوم وانا ساكته

وعليكم السلام ورحمة الله وبركاته
انا بخير يسعدلي قلبك


حتى لو كنتي ساكنه مع اهله مايمنع توصليه للباب
مو لازم تبوسيه وتحضينه بس سيري معاه للباب

وليه تبط سبدك الكلمه دي
هوه مبسوط لاتكسري نفسه من جوه
اشبعي الحاجه دي فيه
انتي لو احد مدحك ورحتي قلتي لزوجك فلانه مدحتني
وقال انتي مغروره مو بتنقهري بداخلك
وتتمني لو مدحك وقتها
مافيها شي عزيزتي اشبعي النقطه دي بزوجك لانه يحتاجها
ويسمعها منك ويشعر بالرضا ولا يسمعها من غيرك

اوك ياعسل ​

 

[الـحـاالـمـه]

بكل صراحهومصداقيه مع نفسك أجيبي على هذه الاسئله التاليه :

* كيف تظهرين لزوجك مدى أعجابك به وانبهارك بشخصيته؟
اليس دائما اظهر لها اعجابي لانه شايف نفسه لو ابظل ابين لها وشقد
اني معجبه بشخصيته وتصرفاته بيشوف نفسه اكثر
* حينما يتخذ قرار يتعلقبعمله او بكما او باطفالكما وكان لك راي مختلف
هل توافقينه حالاً وتخبرينه رايك بوقت لاحق .. ام تناقشينه فوراً
برأيك المغاير؟ على حسب الحالات اذا كان معصب اوافقه وبعدين اقوله رايه
واذا كان هادئا اقوله رايه على طول

* كيف تستقبلينه عادة ؟وكيف تودعينه حال خروجه ؟
استفبله بإبتسامه وساعات مع قبلة واودعه بقبلة والله معاك وانتبه لنفسك
* هل تستشيرينه في بعض الامور المتعلقه بالمنزل أو بعض الامور
الاخرى من باب الأخذ بحكمته وذكاءه؟
دائما استشيره
* عندما يتحدث معك بايموضوع كان .. هل تستمعين وتنصتين
وتظهري له اهتمامك البالغ بحديثه .. أم تستمعين له بقليل من الامبالاه
وتقاطعينه؟
استمع لها وبإنصات ومرات يعيد علي نفس الموضوع انصت لها كاني اول مره اسمعه
* حين يظهر لك اعتزازهواعجابه بنفسه ( سواء كان شكله أو عمل قام به )
هل تشجعينه أم تسكتين خوفا من أن يتمادى ويصبح مغروراويرى
نفسه عليكي؟
لالااشجعه
* في حال طلب منك القيامبامر ما .. مامدى استجابتك لطلبه ؟ وهل تقولين
له بشكل دائم احدى الكلمات التاليه ( حاضر , أبشر , تامر امر , منعيوني ) .. ام تلبين له طلبه بالصمت والهدوووء ؟
استجيب لكل طلابته وساعات اقوله بعض الكلمات ومرات صمت وهدوء مع ابتسامه خفيفه
اختي العزيزه ادري انتي الحين ابتديت الموضوع الثالث وانا جايه متاخره
وانا طماعنه في كرمك انك تردي علي على كل الاسئله وشلون تشوفين اجوبتي
واخبرني ماهو الصح والخطا الذي ترينه وجزاك الله كل خير

ياعيوني قريت مشاركاتك
بعد مانزلت الدروس اكيد انتي بتعرفي بنفسك فين الخطا وتصححيه

وقلتك في تصرفات تحتاجي تغيريها
بالنسبه للمرح تقولي يشوفك نكديه
وهو السبب
وقد اتكلمت عن النقطه دي سابقا
قلت لاتزعلو لا تزعلو لا تزعلو
وتقلبو وجيهكم وتمدو البووز
اللي يضايقك من زوجك عاتبيه بس من غير زعل
واذا بتزعلي ازعلي بمرح وبدلال
اتعملي كيف تتحكمي بمشاعرك الداخليه
عشان تعرفي تتحكمي بتصرفاتك الخارجيه
بعد ماعرفتي طباع زوجك وانه دي صفات موجوده فيه
المفروض ماتزعلي لانه هيك شخصيته
لازم تاقلمي نفسك عليه وتتقبليه
وتغيريه حبه حبه وبهدوووء وصبر وحكمه وذكااء
اذا زعلتي من تصرفاته بيسحب عليكي ويتركك
اتعاملي مع تصرفاته الخاطئه بطريقه اكثر حنكه وذكاااء
ورجعي البسمه والمرح لحياتك
مافي شي يستاهل والله العظيم
وحتشوفي كيف تتغير حياتك للافضل والاحسن مع مروور الوقت والسنين
بس طولي بالك واتفائلي عزيزتي


وفكرة انه مو حابه تمدحيه عشان لا يشوف نفسه
ابعديها من راسك
تقدري تمدحيه وتشبعي النقطه دي فيه من غير لا يشوف نفسه عليكي
بقولك الطريقه بدرسي اللي بنزله ان شااء الله

اوك حبيبتي

​

 

[الـحـاالـمـه]

كيف تظهرين لزوجك مدى أعجابك به وانبهارك بشخصيته ؟

دايما اقوله ان انت انسان رزين و حنون و مقدر و اكثر شي احبه فيك اهتمامك باهلك و خوفك عليهم و تحملك مسؤوليتهم و احس اني بعيش بامان معاك ,, الان هو ابوه متوفي و اهو اكبر واحد ,, و ابين له اني اثق فيه كثير و انا فعلا اثق فيه و انت انسان اتخاف الله اكيد ماراح تظلمني و من هالكلام

* حينما يتخذ قرار يتعلق بعمله او بكما او باطفالكما وكان لك راي مختلف
هل توافقينه حالاً وتخبرينه رايك بوقت لاحق .. ام تناقشينه فوراً
برأيك المغاير ؟

انا لسه ما رحت عنده بس هو يتقبل راي و يسمعني و احيانا ياخذ الي ينفعه من راي و يكيفه على كيفه و احيانا يعجب بارائي و يقولي احب المنطق الي اتكلمني فيه احيانا ,, يعني هو قالي انو مافي شغاله الا بعد البيبي الثاني قلت له انا انو اسفه انا ابغي شغاله مع البيبي الاول قالي ليش قت له اذا بروح مشوار اذا رحت العمل قال عشان هيك انا ما ابغي اجيب شغاله اتخلينها مع البيبي قلتوا حتى لو بوديه عند امي ولا امك لازم معاه شغاله اهلي و اهلك مو ملزومين فيه كافي ما قصروا مستقبلين البيبي ,, قالي خلاص ما يصير وقتها انتناقش بس رايك صح ما يصير نبلش الناس فيه ,, و هو قالي تكلمي معاي بالمنطق و الحقائق و عيوني لك بس شغل نسوان تبغين بس عشان يقولون عندها و سوالها زوجها انسي

* كيف تستقبلينه عادة ؟ وكيف تودعينه حال خروجه ؟

ان شاء الله لوقتها بستفيد من خبراتكم بس هو شرقي جنوبي و من كلامه يحب التدليل و احيانا يعور قلبي احسه بيبي الانو هو متحمل مسؤوليه اهله فا احس شخصيه الحساسه و الي تحتاج حنان و احتواء تطلع بس معاي ان شاء الله اقدر اشبع هالجانب فيه

* هل تستشيرينه في بعض الامور المتعلقه بالمنزل أو بعض الامور
الاخرى من باب الأخذ بحكمته وذكاءه ؟

احيانا اسولف معاه عن مواقف عامه و احيانا بالالكترونيات الانها غرامه و ابين له اني اثق فيه و برائيه الانو يفهم فيها

* عندما يتحدث معك باي موضوع كان .. هل تستمعين وتنصتين
وتظهري له اهتمامك البالغ بحديثه .. أم تستمعين له بقليل من الا مبالاه
وتقاطعينه ؟

بشهادته هو اني مستمعه جيده و انو اذا حس برغبه بالكلام و الفضفضه انا اول وحده اطري على باله يعني يشكيلي من كل شي و انا اسمعه لحد ما يخلص و احيانا هو يسالني ايش رايك و احيانا انا قاوله طيب ممكن تسمعني ,, و احيانا من باب الدلع و الشطانه اقاطعه و اضحك معاه

* حين يظهر لك اعتزازه واعجابه بنفسه ( سواء كان شكله أو عمل قام به )
هل تشجعينه أم تسكتين خوفا من أن يتمادى ويصبح مغرورا ويرى
نفسه عليكي ؟

امدحه و امدح نفسي معاه يعني يقولي انتي الله يحبك ارزقك بواحد مثلي اقوله اكيد انا واثقه بهالشي و حتى انت الله يحبك حطني في دربك يقولي انتي من جاب سيرتك اقوله انا اجيب سيرتي مو لازم حد يجيب سيرتي و يصير يضحك يقولي بكل مكان انتي معاي و احيانا لما يتصل فيني و هو تعبان ابعث له مسج انو شكرا على اهتمامك و انك عطيتني من وقتك حتى و انت تعبان ,, اذا سمح لي بالخروج امدحه و ما اقصر معاه و اذا اشتكي من اخوه ان ما يتحمل مسؤوليه اقوله انو توه طايش بكره يكبر و يعقل و انو مالهم غيرك ولا تزعل عمرك عشاني انا مالي غيرك عاد هو ينبسط و احس يرتاح شوي
حتى احيانا يقولي ادري اني صعب و حتى اهلي ساعات يستصعبون يتعاملون معاي اقوله بالعكس اانت جدا سهل و حبوب و الي يعرفك يعرف شكثر انت سهل و مبينه له اني فاهمته و اعرف شلون يفكر و ايش راح يقول قبل لا يقوله و الفضل كله لله ثم لبلقيس و جهود عمدات الشرقي و انتي و حكايه حلم على راسهم الله يجزاكم كل خير

* في حال طلب منك القيام بامر ما .. مامدى استجابتك لطلبه ؟ وهل تقولين
له بشكل دائم احدى الكلمات التاليه ( حاضر , أبشر , تامر امر , من عيوني ) .. ام تلبين له طلبه بالصمت والهدوووء ؟

غالبا استجيب واذا راضيه ان شاء الله ,, حاضر ,, من عيوني ,, كم و احط اسمه ,, و اذا ما عجبني الطلب او زعلانه اوكي

مدام يتقبل وجهة نظرك ويقتنع فيها
شي حلو
بس لاتكسريها بنفسه
لمن قالك مابغى شغاله الا مع البيبي الثاني
كان قلتي وجهة نظرك
من غير تقوليله انا اسفه تصريح مباشر باعتراضك على قراره

عشان تشجعيه يستمر معاكي بنفس النقطه دي
وياخد بارائك ويحترم وجهة نظرك
لاتصرحي بشكل مباشر رفضك لقرارته

تصرفاتك معاه جدا رائعه
اهنيكي حبيبتي
خصوصا لمن قلتي انت سهل كثير عجبتني

هيك عملت مع زوجي
لمن يشتكيلي من بعض طباعه
اقوله بالعكس انت مو هيك
انت يمكن الجو ماسمحلك تظهر اللي بداخلك
يرجع يقولي ايوه صح انا مو هيك او يسكت
كانه يفكر بكلامي
والاحظ بشكل واضح تغيره بعدها بدي الصفه

تقدر الوحده تغير زوجها
بس تتصرف معاه بشوية ذكاااء وحنكه :35:


​

 

[الـحـاالـمـه]

واللي منسده نفسها منه من كل النواحي ولا اقدر اطبق اي شي من كلامكم لانه مايصلي!!!وانا اكره شي عندي اني اجلس او اتعرف على وحده ماتصلي واجي اعييييش مع واحد مايصلي مااقول الا الله يرحمني بس!المشكله عندي منه بيبي:8:وله سنتين على هالحال واردى وانا تبريت من اني اقوله يصلي وجبتها بطرق كثيره الى البيبي قلت له لاتحلم يبر فيك وانت كذا من كثر ماقهرني ومن بدية زواجي منه قالي كلمه لما قومته بهدوء بعدها ماعدتها !ولا عندي نيه!

عندك بيبي ولا عندك عشره

الصلاه امرها عظيم جدا
ومايستهان فيه
وموضوعك ماتسكتي عليه وتقولي ماعندي نيه وجربت كل الطرق

لاني اللي اعرفه انه مايجوز تعيشي معاه دامه مايصلي ( انا ماافتي ومش متاكده )
يرتكب معاصي ويصلي
تقعدي تنصحي وترشدي ايوه
لكن الصلاه بكبرها لا

فانتي المفروض تستشيري جهااات كبرى في الموووضوع
وتساليهم عن وضعك معاه وهل يجوز او لا
وتطلبي من اهل الخبره يساعدوكي ويعينوكي على الموضوع

لانه ياحبيبتي ماينفع هيك تروحي بنفسك وتقولي قوم صلي
مابيقوم تحتاجي لطرق واساليب مؤثره
اكثر من النصح او الطلب المباشر

انتي تقولي اتبعتي طرق كثيره
وماعرف ايش ممكن تكوني سويتي
بس هل منها كلمتي امام مسجد الحي
او ناس افاضل بالحي عندكم
بس من غير مايعرف انو انتي اللي مكلمتهم ولا ورى الموضوع

اذا تحسي باحراج او ماعندك وسيله توصليلهم
كلمي جهات مسئوله كبيره يساعدوكي ويشيرو عليكي

اجلسي معاه مابين فتره وفتره
قولي انت سويت وسويت واذكريله الاعمال الطيبه اللي سواها
داك اليوم لمن مات الفلان الفلاني ورحت عزيتهم
ولمن مرض فلان الفلاني وزرته
ولمن امك كانت تبغى تروح السوق وديتها
لمن اختك كانت تعبانه وديتها المستشفى
تجبلنا طلبات البيت وماتقصر معانا
لمن ولمن ولمن ولمن

لمن تسوي دي الامور هذا معناته انه بداااخلك خير كبيييييييييييييير
وانك انساان خيّير
بس متاكسل تصلي
وتضيع عليك جباااااااااااااااااال من الاجوووور
كل الخير العظيم اللي تسويه كل الاعمال اللي قاعد تعملها
واللي ممكن تثقل ميزانك يوم الققيامه وترجح كفتك
كله قاعد يرووح
كل طلبات البيت اللي تجيبها من عيش ودجاج وووووو هادي حسنات تنكتب
كل الابتسامات والمصافحات اللي تسويها هادي حسنات تنكتب
كل الكلمات الطيبه والدعوات الحلوه اللي تقولها دي حسنات تنكتب
كل الزيارات والزواجات والمعازي كلها حسنات تنكتب

وكل وكل وكل

بس كلها تطير لانه الركن الاساسي بعد الشهاده
ماهو موجود
كل الخير العظيم دا ماله وجود بصفحاتك دا مافي صلاه
انتي يمكن تكون باعمالك دي افضل مني وميزانك اثقل من ميزاني
او من ميزان فلان او علان
بس لانه مافي صلاه
صاااار فاااضي

وانت انسااااااااااااان فيك خير كثير كثير فحرااام يروح اجر الخير دا

ومن دا الكلام حبيبتي

وكل بعد قتره فكريه
وقوليله انا مايجوز اجلس معاك علاقتنا بالحرام برغم متزوجين بالحلال
بس الصلاه واقفه عائق بيناتنا
وقولي ابغى اعيش معاك عشان نكون حياه
بس ماقدر اعيش بالحرام
اذا استمريت هيك ماتصلي بطظر اتركك وارجع بيت اهلي وانا دا الشي ماابغاه

عشان لا يحسه نوع من التهديد
ويصير يعاند

بس انتقي الاسلوب الناصح الهادي المؤثر البليغ بنفس الوقت
ولاتنسي مراكز الدعوه تكلميهم تاخدي رايهم وتطلبي الممساعده منهم



​

 

[الـحـاالـمـه]

,,​

بعد ماقريت اجاباتكم .. لاحضت انه في تقصير واضح من غالبيتكم ​

طبعا مش كلكم في اشباع دي النقطه في ازواجكم ​

وطبعاً مش تقصير كلي عشان ماتزعلو مني ..​

.​

.​

بالاول حابه اتكلم عن اهمية موضوعي قبل لا اتطرق لطرق التعامل ​

اتكلمنا قبل وقلنا كيف يحب الشرقي يشعر بتقديره وبانه شخص مهم ​

جدا من كل المقربين ولكن تزداد عنده مع زوجته .. هذا لانه اولا رجل ​

وثانيا زوج وثالثا شرقي ..​

وزي مانتي تحبي انه زوجك يعجب بانوثتك وينبهر فيها هو كمان يحب ​

انه تعجبي برجولته وتنبهري فيها ..​

اظهارك تقديرك لزوجك واحترامك له مابيقلل من قيمتك بالعكس ​

بيزيدك رفعه ومكانه عنده ..​

.​

.​

عندي عدة نقاط اذا اتبعتوها حتعززوا الاهميه بنفوس ازواجكم ​

وحتشبعو النقطه بدواخلهم وبالتالي حتحصلو على أرقى وأعلى المراتب ​

بقلوب ازواجكم باذن الله ..​

.​

.​

* النقطه الاولى :​

ناديه بكلمات مدح تشعره باهميته وبمدى رجولته مثل ( سيدي ,​

تاج راسي , أسدي , عزوتي , غلاي , كل ناسي , منوتي , اميري )​

لا بكلمات غزليه مثل ( عيوني , قلبي , روحي , حياتي ) ,,​

الكلمات الاولى مثل السهم الخارق توصل لقلبه وتخترقه بسرعه ,​

اما الكلمات الثانيه فيستقبلها استقبال عادي جدا او اقل بدرجات من ​

الاولى .. طبعا مش قصدي تستغني عن الثانيه بس اكثري من الاولى​

وسمعيه اياها باستمرااار ,,​

وبعطيكم امثله :​

لمن يجي زوجك من بره وتستقبليه الافضل تقولي هلا بالغالي ..​

هلا بسيدي ومنوتي .. افضل من هلا عيوني وهلا بلقبي ..​

وكمان لمن يجيبلك طلبات ماقصرت ياتاج راسي انت .. يعطيك العافيه ياكل ناسي ..افضل من مشكور حبي .. ​

لمن يروح وتودعيه وتقولي فمان الله يالغالي ,, فمان الله ياسندي​

وعزوتي وكل ناسي ,, مع السلامه بامنوتي .. استودعتك الله يارضايا ,,​

افضل من باي روحي ,, ولا مع السلامه عيوني ..​

هذه بعض الامثله حبيت اعطيكم اياها عشان توصلكم وتوضح الفكره ​

ولاحضو انا قلت افضل ماقلت قولو هيك ولا تقولو هيك ,,​

لانه الكلمات دي تحسسه باهميته وبرجولته اكثر مليون مره من غيرها ​

لمن ترسلي لزوجك مسج وتقولي كيفك يالغالي او مشتاقه للغالي ​

يحس بمدى غلاوته واهميته عندك ويحس بثقلك ورزانتك اكثر من كيفك ​

حبي او اشتقتلك عيوني .. احنا الحريم بننبسط من هيك كلمات وبنففرح ​

فيها بس الرجال الاولى توصلهم اسرع واعمق ,,​

اوك حبيباتي دي كانت النقطه الاولى ​

.​

.​

.​

* النقطه الثانيه :​

حنتكلم في دي النقطه عن كيف تظهري لزوجك اعجابك واعزازك فيه ​

وكيف تحسسيه بانه شخص مهم جدا ...​

بس​

من غير ماتقللي من قيمة نفسك ​

اي صفه ايجابيه بزوجك او اي تصرف او اي موقف مهما كان​

صغير او كبير امدحي فيه واثني عليه ..​

صارت عزومه بالبيت مين ماكانو الضيوف اصحاب اقارب جيران ​

اهلك اهله امدحي كرمه وحسن ضيافته ..​

لمن يحكيلك موقف قولي مايتصرف دا التصرف الا واحد حكيم يعرف يتصرف صح بهيك مواقف ..​

رجع من عمله تعبان ومرهق لمن تشوفيه قولي دا لانك مخلص​

ومتقن في عملك ماشاء الله عليك ربي يكتبلك الاجر ان شاء الله ..​

وحده كانت تكلم صحبتها وكانت صحبتها تشكيلها من جهازها ​

وبتوديه لمهندس يصلحه قالتلها انا الحمدلله اذا احتجت لشي ​

زوجي مهندس بارع جدا جدا جدا الله يحميه ويحفظه ..​

دائما لمن تبينلي لزوجك انك تمدحيه قدام الناس ينبسط اكثر واكثر ​

رحتي زرتي وحده واخدتي هديه تقولي لزوجك قالتلي ليه تكلفي على ​

نفسك قلتلها هذا زوجي الغالي مايخليني مايخليني ادخل والا ولازم ​

اجيب هديه ..​

مثلا تقولي وانا جالسه مع اخواتي قالو عيالك مايتضاربو كثير ​

وانا قلت لانه عندهم اب ولا كل الابهات صح انك مشغول شويه بس ​

تعطيهم من وقتك واهتمامك وتخرجهم وتجيب طلباتهم كامله ​

الله يرزقك برهم يارب ..​

لمن يجيبلك طلبات للبيت ماشاء الله عليك ماتختار الا افضل الانواع ​

والله مافي مثلك دائما اقول لاهلي الغالي مافي مثله ..​

انا ضربتلكم امثله من عندي وانتو عاد قيسو على اساسها ​

لاتخلي يومك يمر عادي من غير مايكون في بعض كلمات المدح ​

والثناء والتشجيع ..لاتخلو المواقف اللي تصير بحياتكم تمر مرووور الكرام ​

...​

لمن مرضت الوالده اول مرضها كان يوديني اول اسبوع كل يوم ​

بعدين بدات الاحظ بعض التقاعس منه ماقلتله شي ولا علقت عليه ​

ومره وانا في زياره لمامتي وهو معايا وكانو اهلي موجودين ابويه واخواني​

استغليت الموقف وانا جالسه بالسرير عند مامتي وماسكه يدها ​

قلتلها نفسي اجلس عندك بس مااقدر البنات عندهم اختبارات ومدارس ​

وزوجي دوام بس الله يرضى عليه كل يوم يجيبني عندك برغم انه مضغوط ​

في الشغل ويرجع تعبان مهلوك ومع ذلك يجيبني عندك ازورك الحمدلله ​

ربي رزقني بزوج اصيل ومعدنه طيب من جوه وقمت لمن عنده وقدام الكل ​

سلمت على راسه ويده كانت مشاعره لا توصف ,,​

ومن داك اليوم للان وهو يوديني لمامتي ازورها من غير تقاعس ​

وصار يوديني برضا وبفرح ..​

دايما استغل المواقف الحلوه منه برغم ندرتها واثني عليه وامدحه فيها ​

والحمدلله صارت من نادره لكثيره ..​

.​

.​

طبعا المدح هيا اهم خطوه تظهري لزوجك فيها اعجابك فيه ..​

بس مو الوحده تمدح زوجها وتثني عليه وتقلل من قيمة نفسها ​

او تحسسه انها ماتعرف تتصرف من دونه او تبينله انها تتعلم منه ​

او تتمنى تكون زيه .. امدحو ازواجكم بس حافظو على ثقتكم بانفسكم ​

وحافظو على مكانتكم حبيباتي ..​

وكمان مو تمدحي زوجك وتمدحي نفسك معاه زي وحده من الاخوات ​

قالت باجاباتها مش فاكره مين هيا انه تقرن مدحها له بمدحها لنفسها ​

ماختلفنا حلو تمدحي روحك وتثني على نفسك ​

بس لاتخلي دائما مدحك لزوجك مقرون فيكي خليه يحس انه خاص فيه ​

خليه يشعر باهميته وبتقديره الخاص مابيحس اذا قرنتيه فيكي ​

ماعليه اقرني نفسك فيه بس مو دايما دايما ​

امدحي نفسك باوقات تكون خاصه لك واوقات تكون خاصه له وحده ​

واوقات لكم مع بعض ..​

التوازن حلو ​

.​

.​

طيب دائما لمن تمدحي زوجك امدحي افعاله وتصرفاته ​

ويكون تركيزك عليها .. بس مايمنع تمدحي شكله بس مو تقولي ​

وااو انت تجنن ماشاء الله عليك تهبل انت جذاب ووسيم ومن دا الكلام ..​

مثلا كان زوجك خارج عزومه وقاعد يلبس ويتزبط قولي الله يحرسك ​

من العين .. الله يبعد عنك الحسد .. خليني احصنك حطي يدك عليه وقولي ​

اللهم اني اعيذه بكلماتك التامه من كل شيطان وهامه ومن كل عين لامه ​

..​

اذا كان رايح زواج قولي ماشاء الله غطيت على العريس ,, او يمكن يحسبوك انت العريس ..​

اذا كان رايح للدوام مره من المراااريت قولي اتخيل الموظفين وانت داخل ​

عليهم لك حضوور مبهر لك حضور طاغي الله يحميك .. ​

اذا دخلت مكان لك طلة الامراء ورزة الشيوخ ماشاء الله عليك ..​

انت سيد الرجال كلهم .. ​

تكفي دي الكلمات عشان تحسسيه بالاشباع الداخلي والرضا والتوازن​

افضل مليون مره من اووه انت وسيم وطالع جذاااب ..​

واذا مدحتيه مثل ماقلتلك لاتسوي نفسك مره طايحه عنده ومنبهره​

ومنخقه فيه ,, قوليها وانتي محافظه على ثقلك ورزانتك وهدوئك ..​

قوليها بصوت متزن ورزين وهااديء وملامح مبتسمه ووثابته ..​

اوك ياعسولات ​

.​

.​

نجي الان للي زوجها مغتر وشايف نفسه مدحتيه وقالك ​

ايوه انا فعلا هيك وقالها بغرووور انا الناس دايما تنبهر فيا ​

وفعلا حسيتيه قالها غرووور ​

اكتفي بابتسامه تظهري من خلالها القليل من عدم الرضى بغروروه ​

مش ابتسامة تريقه لا في فرق بيناتهم ​

ولا تقولي انت شايف نفسك ولا انت مغروور ولا ولا ولا ​

ابتساامه فقط فقط ..​

وبعدين قولي الرجل يرتفع مقامه بين باقي الرجال باخلاقه وتواضعه ​

بس قوليها بوقت ثاني انتبهي تكسرريه وقتها خليه يقول ويمدح نفسه ويغتر زي مايبغى ويخرج الانا والفخر والاعتزاز اللي بنفسه ​

واكتفي بالابتسام فقط ..​

اوك حبيباتي ​

كانت هذه النقطه الثانيه اتكلمنا فيها عن ​

اظهار الاعجاب من خلال الكلام ..​

,,​

يتبع مانتهى درسي فرجاءً عدم المقاطعه ​

,,​

 

[الـحـاالـمـه]

​

​

,,​

​

* النقطه الثالثه : ​

​

حنتكلم عن كيف تعززي اهميته عندك من خلال التصرفات .. ​

اذا جا من بره تستقبليه بابتسامه مع كلمتين حلوين مثل اللي قلتهم ​

بالنقطه الاولى وتمشي معاه للغرفه تشيلي شماغه او اذا يلبس بدله ​

تشيلي الجاكيت تجهزيلو الحمام الله يكرمكم مع المنشفه ​

تجيبلو كاسه مويه بارده .. احرصي على دي الاموور لا تهمليها ..​

​

اذا صار خارج انتي عطريه سوي بخور دائما وبخريه وصليه لمن الباب ​

مع دعوه حلوه وابتسامه جذابه ..​

​

اذا كان تعبان ومرهق قولي دحين اسويلك شي يبعد التعب ويخفف عنك ​

عبي في تطشت مويه دافيه مع ملح وخليه يحط رجوله ..​

​

او ​

ادهني اقدامه بزيت زيتون واعمليله مساج خفيف ولبسيه شراب لمدة نص ساعه ​

قوليله الاعصاب كلها في الاقدام اذا ارتاحت يرتاح الجسم كله ..​

​

اذا سوالك شي حلو بوسيه في راسه واشكريه .. عودي عيالك مايسلمو على ابوهم الا ع الراس ​

واليد في استقباله ووقت النوم ولمن يجيبلهم شي ..​

وانتي كمان اذا انبسطتي منه بموقف بوسيه عشان يحس بقدره ​

لانه معروف بوسة الراس دليل احتراام ..​

​

اذا طلب منك شي قولي حاضر او ابشر او تامر امر ,, ولايهمك يالغلا .. من عيوني دي ​

قبل دي .. لاتلبي طلباته وانتي ساكته او تقولي طيب ببرود قولي وحده من دي الكلمات ,,وكل مره نوعي ,, ​

​

اذا طلب منك طلب وانتي مابتقدري تلبيه لاتقولي بوجهه لا والله مااقدر اسويه ​

انتبهو عزيزاتي ​

اعتذرو بطريقه لبقه ..​

وقولي والله كنت اتمنى بس دحين تعبانه ​

والله من عيوني تامرني امر بس دحين مشغووله ​

مايهون عليا يالغالي مالبيلك طلبك بس صعب عليا ..​

​

ولو انتي لك اساس متين معاه مابيتضايق لمن تقصري معاه ​

ببعض الامور ولا ماتلبي طلباته ​

لانه ماضيكي معاه يشفعلك ..​

​

​

.​

.​

​

​

اذا اتكلم لا تقاطعيه اسمعي كلامه بكل انصات واهتمام ​

اذا احتاج الموضوع لتعليقات بسيطه منك علقي ماعليه .. من خلال ​

تعابير وجهك اظهري الاهتمام والانصات لكلامه مهما كان بنظرك​

مو مهم ..​

​

اذا كان عندك تعليق وعارفه انه بيتنرفز من المقاطعه ​

طبعا اظهري من تعابير وجهك مدى اهتمامك بكلامه وقولي ايوه ايوه ​

كمل كمل بس دي النقطه هيك وهيك وقولي تعليقك عاد وقتها ​

اعطيه ايحاااء انك منصته وتبغيه يكمل وقولي تعليقك بطريقه ملتويه ​

شويه ^_* ​

​

دي كانت النقطه الثالثه عزيزاتي ​

.​

.​

.​

​

* النقطه الرابعه : ​

​

حنتكلم في دي النقطه عن كيف تستشيري زوجك وتحسسيه ​

بشكل او باخر انه رجل له راي سديد بس بدون ماتاثري او تهزي​

صورتك قدامه .. ​

​

امورك الشخصيه ابدا ماتستشيريه فيها لازم تكوني مسئوله عن نفسك ​

وواثقه من قراراتك ومن ذوقك من شان هيك امورك الشخصيه خاصه فيكي ​

انتي ..​

​

ملابسك اختاريها بنفسك لاتاخدي رايه وكل امورك الخاصه سويها بنفسك ​

ووضحي انك واثقه بذوقك واختياراتك حتى لو كنتي تبغي تشتري ​

حاجه قولي انا عاجبتني انت عاجبتك ولا كيف .. ​

لاتقولي ايش رايك دي حلو او لا ​

قولي رايك بثقه بعدين اساليه رايه ,, ​

وحتى لو اريحين مشوار قولي حابه اروح المكان الفلاني ​

انت تحب نروح هناك يناسبك او لا .. ​

وهكذا ..​

​

بس في بعض الامور حلو تبيني لزوجك انك تاخدي رايه فيها ​

مثلا الامور المتعلقه بالاجهزه او بعض البرامج ​

حابه انزل البرنامج الفلاني شو رايك ؟​

او اخويه يبغى يشتري سياره وقلت اخد رايك لانك فاهم وذوق مره بالسيارات ​

او لو تبغو تشترو تلفزيون او وحده تبغى تشتري او ثلاجه ​

قولي حبيت اخد رايك مابحصل افهم منك بدي الامور ماشاء الله خبره وفاهم ..​

​

​

وهكذا خدي رايه بالامور الغير متعلقه فيكي شخصيا ..​

​

.​

.​

​

وكمان لاتقعد الوحده تساله بكل شي وتحسسه انها ​

ماتعرف تتخذ قرااار انتبهو ​

​

..​

​

.​

.​

.​

​

​

اذا اتخذ قرار باي موضوع يخصكم وجا قال بسوي كده وكده ​

او انا قررت اسوي كده وكان عندك اعتراض انتبهي تقولي ​

اعتراضك بشكل مبااشر وبنفس الوقت ..امسكي نفسك وقتها ​

وقولي اللي تشوفه .. واعطيه دقايق وقولي رايك بس من ​

غير لاتحسسيه انه اعتراض ..​

​

باي موضوع كان مهم مو مهم صغير كبير خلي دا ديدنك معاه ​

لاتعارضيه وتظهري رفضك اظهري موافقتك وبعده قولي رايك ..​

​

اظهارك للموافقه بيريحه وبعدها حتى لو قلتي رايك بيتقبله برحابه اكثر ​

وتفهم اكثر .. وحتى لو ماخد برايك مره على مره حيترسم في ذهنه طاعتك له​

فيشعر بالرضا في نفسه وبيحس انه صاحب الكلمه الاولى في البيت ​

فلمن يشعر بدا الشعور ويصير يتمكن منه حيشوف مافيها شي ياخد برايك..​

​

لكن لمن تعارضيه حيترسب بداخله انك معارضه وتبغي تكسري كلمته ​

وتعانديه وتحطي راسك براسه ومن دي الافكار ​

فحيتمسك برايه ويعاندك ومابياخد برايك حتى لو صح ​

فلا تكبير دي النقطه براسه ..​

​

فمهما يكون مهما يكون اعطيه الموافقه المبدئيه حيستكن ​

بعدها قولي رايك ..​

​

​

​

اوكي حبيباتي ​

كانت دي النقطه الرابعه والاخيره ​

​

.​

.​

​

​

​

​

هذه النقاط الاربعه كتبتها لكم لاتستهونو باي نقطه فيهم ​

​

حتى لو وحده فيكم قالت انا احس الشي دا عادي عند زوجي ​

ماحسه يهتم وامورنا ماشيه تمام ​

فليه اسويها واكبرها براسه .. ​

​

انا اقولكم عاملو ازواجكم المعامله المميزه عشان يعاملوكم ​

معامله مميزه كل ماقدرتيه واحترمتيه والله حيحترمك ويقدرك ​

وترتفع مكانتك عنده لأعلى المراتب ..​

​

واذا عاملتيه معامله عاديه بيعاملك بالمثل ..​

​

خلو علاقتكم مع ازواجكم علاقه راقيه ومميزه فريده من نوعها ​

ولاتنسي البدايه تكون منك انتي عزيزتي ..​

​

​

واللي تقول زوجي مافي شي امدحه او مافي شي يستاهل ​

او كله عيووب ويرفع الضغط ​

اقولها انتي اجعلي منه رجل عظيم ​

عامليه معامله طيبه مهما كان وبيكسبها منك مع الوقت ​

قوليله انت بداخلك خير كثير ​

بس ماتطلعه تحبسه جواتك من خلال علاقتي فيك وعشرتي معاك ​

اكتشفت انك لو تظهر اللي بداخلك بتكون افضل واعظم رجل بالدنيا ​

​

ادعميه دايما ​

مع كلامك واصرارك وتجعيك وتحفيزك وعطائك وصبرك ​

بيتغير باذن الله ​

​

.​

.​

.​

​

​

​

​

انتهى الدرس اتمنى اكون افدتكم ​

​

....​

​

 

[الـحـاالـمـه]

zozo the love​

حمااااس بصراحه ماقدرت اطلع لين احضر الدرس ))مجتهده :14:​

عندي سؤال يااستاذه زوجي رافض اني اشتري ايفون وانا نفسي فيه وابي اشتريه))غربييه

كيييف؟؟ جربت اقنعه مااقتنع .....النجده​

الاقناع اتكلمنا عنه بملفنا السااابق

ارجعي للملف واقريه
عشان تقنعي زوجك بحاجه تبغيها
بلاول تحتاجي تاسسي اساااس متين مع زوجك
ومكانه عاليه بقلبه عشان يصعب عليه يرفضلك طلب
اذا طلبتي حاجه بيني حاجتك الشديده لها واصراارك
اليوم كلمتيه رفض لاتزعلي
ارجعي كلميه بعد اسبوع رفض ارجعي كلميه بعد اسبوعين
بيني رغبتك الشديده للجهاز مع الاصرااار بدلال ومن غير زعل

اذا كلمتيه بالموضوع وطلبتيه لاتظغطي عليه بوقتها
خلاص اعطيه فرصه مع نفسه
واتركيه فتره لاتفاتحيه بالموضوع ​

لاتزني عليه بحيث يرفض ويطفش من طلبك
ولاتزعلي عشان لايعاند
استمري بالطلب بس بهدوووء وطولة بال ودلال ووثقه ​

.
.​

الخزامى​

ماشاء الله,,,تبارك الله

ربي يحفظك ويحفظ لك امك ويشفيها ويلبسها ثوب الصحه والعافيه
ويحفظ لك زوجك واولادك وكل عزيز على قلبك​

والله كلماتك ونصايحك درر بمعنى الكلمه
وإن شاء الله راح اطبق نصايحك بالحرف الواحد
صح انه بعضها طبقتها بطريقه ثانيه بس احس طريقتك احسن​

ربي يجعل عملك هذا ذخرا لك يوم القيامه
الله في عون العبد مادام العبد في عون اخيه
وانت خير معين لنا في طريقة تعاملنا مع ازواجنا لحفظ بيوتنا المسلمه
اثقل الله ميزانك واسكنك الفردوس الاعلى بعد عمر طويل بمليء بطاعة الله ورضاه​

​

اشكرك على الدعوات الطيبه والكلام الجميل ​

.
.​

أميرة اليمن ​

يووووووووووه​

الدرس صعب شوي ودسم ​

يعطيك العافيه استاذتي​

انا مشكلتي بس لا تهوشيني يا ابلى ​

اني اقرا واتحمس واقول بسوي وبسوي كذا ​

لكن عند التطبيق انسى كل شي مع اني كاتبتهم عندي ​

واتصرف العكس​

مشكوره اتمنى اني ما رديت وانتي تبغي تكملي شي​

مش اول مانتعلم بنطبق بسرعه
نحتاج ندرب انفسنا مره على مره حتى نتقنها
اذا كانت الهمه والرغبه موجوده بداخلنا
بيسهل علينا التطبيق وبنتذكر كل اللي اتعلمناه
ونحاول نطبقه ​

الدرس اذا اقتنعتي باهميته بداخلك
بتتلاقي نفسك تطبقيه بسهووله
خصوصا اذا فكرتي بالنتائج الايجابيه اللي بتجي من وراه
هيك بتتحمسي اكتر ​

ومدام انتي عارفه انه وقتها تتحمسي وبعدها
تنسي
ارجعي اقريه باستمرااار
وكلمي نفسك ابغى حياتي الزوجيه تنجح
ابغى المشاكل تخف
ابغى اعرف كيف اتعامل مع الخلافات اللي بيناتنا
ابغى علاقتي مع زوجي تكون مميزه
وهيك كل ماحكيتي مع نفسك بتزيد الهمه بداخلك
وبترجعي ترجعي الحماااس
وبطلي كسل ياحلوه ولا بخليكي تعيدي السنه ​

​

 

[الـحـاالـمـه]

تووليب

بارك الله فيك غاليتي وبارك لك في وقتك

ماشااءالله عليك ربي يحفظك ويزيدك من فضله يااارب

انا مشكلتي بالمررح وطلعت كاني جديه عندوو مو عاارفه اغير جونا اابد ابد :4:

:dunno:

انتي ابدئي بالشغلات البسيطه
خفة الدم صفه اذا ماهي موجوده عندك وحاولتي تكتسبيها تطلع ثقالة دم
بس المرح والبشاشه
تقدري تكتسبيها مع الوقت
بالبدايه ابدئي بالمسجات ارسليله راسايل فيها نكت
واذا رجع علقي عليها
واضحكو عليها
شوفي بعض الطرق اللي كتبتها كلها خفيفه وسهله
طبقيها بس مو ورى بعض
كل اسبوع اسبوعين طبقيلك نقطه الين تحسي نفسك صرتي متمكنه
وتقدري تخلقي اجواااء مرحه
اوك ياعسل

.
.


seeemoo

الله يوفقك دنيا واخر ويجعل الفردوس مثواك
أميييييييين يارب العالمين

اللهم امين ولك مثلها


.
.


le chocolat

شكراً ماماتي على الدرس الرائع بإذن الله نطبق كل اللي قلتيه فوق .. تعرفي انا تجيني اوقات اقوله الغالي وينبسط مره
ولما ارسل له شي عالايميل اكتب له بعض الاحيان للغالي او للغالين بس وهو يعرف انه المسج مكتوب له طبعاً احنا تواصلنا محدود لانه هو يريد كذا .... ( انا استفساري عن فترة الخطبة وليس الملكه كيف اخليه يتعلق فيني اكثر عشان يتخذ خطوة جاده بخصوص زواجنا

الله يشفي لك والدتك بسرعه ويشفي جميع المسلمين ويحفظ كل ام لو اب لابناءهم وكل ابن او ابنه لامهم وابوهم ويسخر لك زوجك وكل زوجه لزوجها ويحفظهم لبعض يا رب العالمين **

العفو ياقلبي ومشكوره ع الدعوات الحلوه

طب هو اصلا ليه مأجل الزواج
عنده اسباااب اكيد
كل شي عند الشرقي محسوب ومدرووس ومخطط له
حتى لو اتعلق فيكي مابيعجل بالزواج
الشرقي مش العواطف اللي تسيره
عنده حسابات وترتيبات لايمكن يخربطها او يمشي عكس ماهو مرتب لنفسه
حتى لو كان يعشق الارض اللي تمشي عليها
اذا كنتي عارفه الاسباب اللي تخليه ياخر الزواج
ومايعجل فيه مثلا يبغى يستقر وظيفيا
او يبغى يجمع مبلغ معين من المال

اتكلمي عن دي النقااط
وبيني انك تحبي توزني الامور وتحبي تخططي لكل شي
عشان مايحس بالقلق من الزواج
بيعرف انك ماشيه معاه بنفس الخط

انا اتذكر لمن كنت مملكه
كان الباشا شايل هم كيف ياثث الشقه
بس ماكان يصارحني
فمره كنت اتكلم معاه قلتله انا احب اثث شقتي بنفسي
وماحب اثثها كلها بنفس الوقت
كل شهر نجيب حاجه لاني ماحب اشتري عشوائي او اشتري شي اندم عليه
واحب اثث بيتي بذوق وشي مرتب
طبعا قبل عشر سنوات ماكنت اعرف انه شرقي ولا كنت اعرف انه دا طبعه
وانا كنت احكي عن نفسي وكنت صادقه فعلا
لاني هيك احب
وجات ع الجرح حسيته فرح
بعد فتره قالي شلتي هم كان كابس على قلبي
والحمدلله طلع تفكيرك مثلي
وكان صدفه والحمدلله مشيت

فهمتي حبوووبتي
​

 

[الـحـاالـمـه]

ام الوليد

درس جدا رائع ومهم
قرأته وبرجع اقرأه ثاني وثالث
الله يجعله في موازين حسناتك يً غاليه

امين ..
برافو عليكي القراءه المتكرره ترسخه بالذهن اكثر
ويسير تطبيقه اسرع

.
.

أنا كالملاك

طريقة التعامل وقت الملكة وماهي الحدود عنده خصوصا انو دايم يكرر انا مو غريب انا زوجك حلالك ليش تعامليني كاني غريب

وانا ما عاملته كانه غريب

والله ياحبيبتي صعب ارد على سؤالك
فترة الملكه حرجه شويه
والعادات فيها تختلف
الزواج تقريبا الامور ثابته مهما اختلفت الجنسيات والعادات

بس فترة الملكه في اختلافات
لانك تكوني محكومه باهلك
وبافكاره هو اللي تربى عليها
في شرقيين يحبو زوجاتهم يكونو محافظات جدا جدا
وفي اللي يبغاها تكون منفتحه معاه
بس بشكل عام بشكل عام
حلو انك ماتذوبي الحواجز بيناتكم بسرعه


.
.

Ivory

جزاك الله خيييير و الله يجعل ما كتبتيه في ميزان اعمالك و يفرج عنك مثل ما فرجتي عني و عن خواتي زوجات الشرقي و الله يسخر لك زوجك و يشفي والدتك

انا استفساري

بخصوص الاتصالات انا حاليا ملكه اول الوقت كان يتصل علي اكثر من مره باليوم و بعدها تقلص الاتصال و صار مره الحين في الفتره الاخيره صار عادي يمر يوم ولا يومين ما كلمني احيانا يبعث مسج يسال و احيانا لا و .. ابي طريقه ارجعوا لشغف الاتصال علي الاقل ما يمر يوم بدون اتصال و انا استثقل اكلمه بعالموضوع احس الاتصال اذا ما طلع من خاطره ما لو طعم خاصه ان الشرقي في مراجيه شوي يعني اذا مزاجه مو رايق ما اتكون المكالمه حلوه **

شوفي حبيبتي انتي قلتيلي قبل
انه مضغوط بالشغل
ترى اذا صار مضغوط ماعاد يقدر يركز باي شي
وبتلاحضي دا الشي بنفسك بعد الزواج
اذا كان مضغوط ومشغول حتى اذا رجع البيت
بيصير مو طايق يحاكيكي او يقرب منك
والافضل وقتها تتركيه لوحده
مو في صالحك تقربي منه وهو مشغول
وفي حالتك انتي مملكه
انتي قلتي انك ماتبغي تفاتحيه بالموضوع
برافو عليكي لاتعاتبيه نهائيا
واتركيه متى ماتصل اتصل
ردي عليه بترحيب وبمرح وبصوت ناعم وهادي وحنون
واذا اتكلمتي معاه لاتساليه كثير عن اوضاعه
بس حاولي تتكلمي بمواضيع عامه
عشان يحس النقااش معاك حلو وهادي
ويصير يفتقد مكالماتك
ويرجع يتحمسلها
لكن لو عاتبتيه او قلتي ايشبك ماصرت تتصل عليا
او دقيت مارديت ليه طنشتني ارسلتلك مسج ومارديت ومن دا الحكي
بيحط بباله كل ماجا بيكلمك
بيقوو اوووه اكيد دحين بتقووولي ليه وليه وانا مو فااايق
ويرجع يبطل يتصل


طيب ياعسوووله ​

 

[الـحـاالـمـه]

الحالمه00جزاك الله عناكل خيرواصلح لك زوجك وابنائك
اسال الله العظيم رب العرش العظيم ان يشفي والدتك شفاءلايغادرسقما00
مقدرين لك جداجهودك وتعبك معنابرغم مشاغلك المتعدده00واسال الله ان لايحرمك الاجروان يزيدك علماورفعة ومكانة عنده وعندالناس00وان يجعلك تعبك خالصالوجهه الكريم
من جد استفدت كثيرمنك يالغاليه00ومن خلال اسلوبك حسيت ان الشرقي بالرغم من عشقه للمراةالمرحه الشقيه الاان الرزانه والثقل عنده قبل كل شي 0000 صح
حبيبتي عندي مشكله حساسه وصعبه جداويعلم الله اني ماودي اثقل عليك لكن طيبك خلاني اتجرأ واشتكي لك وانااكيده اني بلقى عندك اللي يريحني
مشكلتي طويله ومتشربكه لكن بقول الزبدة والمهم
حصلت مشكله بيني وبين الشرقي تبعي في فترة كانت العلاقه متوتره شوي بسبب تراكمات في نفسه(وقتهاكان مومقصرمعي ابدومتفاهمين ومكانتي عنده جداعاليه ) المهم غلط علي باعترافه وماكان قدامي الااني اوصل هالسالفه لاهلي لاول مره(10سنوات زواج وحصلت مشاكل كثير)المهم تدخلوااهلي (علاقته باهلي رسميه لابعدالحدودواحنافي مدينه بعيده عنهم)المهم غلط عليهم وغلطو عليه وحصلت مواقف كثيره والله اراد انه يرجع لي (اناماطلعت من بيتي)رجع احسن من اول كثيروالازمه صقلت نفسه كثيروتغيرللافضل بفضل من الله ثم بسبب مواقف كثيرحصلت له خلال الازمه
اخيراابغى اعرف كيف اشيل كل هالحقد اللي بقلبه على اهلي باسلوب لطيف واخليه يرجع يتواصل معهم خصوصاالوالد00هوماكلمه ابدالى الان ورافض احد يجي عندي من اهلي(طبعاهم مايدرون بس بحكم بعدهم ماحدجاء عندي اصلا)وقال لي لاعادتجيبين طاري اهلك عندي 00اناماراح احرمك منهم لك زياره وحده وانامالي شغل فيهم 00اناادري انه طيب وحنون بس المواقف والكلام المحرج اللي حصل بينهم خلته يفضل الابتعاد(هوجدامحترم واهلي كمان)00الان احاول اقوي العلاقه بينناوماعاد جبت طاريهم عنده واكلمهم ان طلع من البيت وخليت هالسالفه للزمن بس بطريقه غيرمباشره دايمااتكلم عن برالوالدين واحرص اني اكلم ابوه وامه واسال عنهم والحمدلله هم يحبوني 00عزيزتي ابغى هالشرقي ينسى ويسامح ويؤدي الواجب بنفس راضيه00يعني ابغاهاتجي منه00والصدق صرت اخاف افتح هالموضوع00خصوصاان الجرح لسه ماالتئم00واهلي لسه قلقانين وحاقدين عليه لانه ماكلمهم الى الان بالرغم اني قاعده اطمنهم واقول ان احوالي تمام وهوصدق لولاهالسالفه والحمدلله من قبل ومن بعدوالان اهلي يلحون علي اني اسافرعندهم مع الاجازه واناخايفه افتح الموضوع معه
ابغى اعرف كيف اتصرف بما يناسب شخصية هالشرقي
جزاك الله خير
حبيبتي لك حريه الرداو الرفض واناشاكره ومقدره في الحالتين:3:
وبخصوص الزيارات استفدت من دروسك كثيرواتحسن الوضع جدا000الف شكر000
والدرس الاخيرقمة في الابداع والرقي وحسن التبعل00ماشاءالله لاقوة الابالله00بارك الله لك وانالك ماتتمنين
اللهم امييييين00000

اللهم اميييييييييين اشكرك ع الدعوات الحلوه

الله يتقبل منك ولك مثلها ياارب

شوفي عزيزتي المرح مهم جدا
بس مو عشان تكوني مرحه تكوني مرجووجه
تقدري تكوني مرحه وانتي محافظه على ثقلك ورزانتك
المرح البشااشه النعومه الدلع الدلال
كلها صفات لازم تتواجد بالانثى
وكلها تمارسيها وانتي محافظه على رزانتك
الثقل والرزانه والهدووء والركازه
هيا الصفات الاساسيه ويندرج تحتها
مرحك ودلاك ونعومتك


طيب بالنسبه لمشكلتك مع اهلك وزوجك

انتي قلتي بخليها للزمن
مره حلو لانه مشكله زي كده كانت كبيره وحساسه
مابتنحل بسهووله

وانتي اشتغلي عليه من تحت لتحت
وبدون مايحس
هوه دحين يتوقع اهلك مايبغوه ومهم طايقينه
مثلا كلمتي اهلك اليوم
طبعا هوه قالك لاتجيبي سيرة اهلك قدامي
فلمن يرجع وتكونو جالسين
قولي شوف ماابغى اضايقك وقد نبهتني قبل
وانا احترم رغبتك
بس دي امانه ولازم اوصلها
وكثير صارت قبل بس ماكنت اوصلها
كل ماكلم اهلي يسلمو عليك ويسالو عنك
واليوم كلمتهم وقالولي سلمي على زوجك وسالوني عنك وعن احوالك يبغو يتطمنو لااكثر

وبس كنت ابغى اوصلك السلام
وبسرعه غيري الموضوع
لاتخليه ياخد ويعطي بالكلام
او يحاول يلومك او شي
قولي بس حاولت السلام واعرف انك مو حاابب
وبس وابتسمي لاتكلميه وانتي مرتبكه
لاكوني طبيعيه واتكلمي على طول بموضوع ثاني
اليوم لمن صحيت ولدنا كاكان يبغى يقوم شكله نومو ثقيل
او اي سالفه ثانيه وبعدها قومي يعنني بتجيبي شي او تحضري شي
وخليه مع نفسه
طبعا مح يتاثر ولا حترجع المياه لمجاريها
بس هيك تحسسيه انهم سالو عنه
وكرريها بعد شهر
واجلسي فتره مقفله ع الموضوع كمان وارجعي كرريها
وهكذا
ومره تكوني جالسه قولي وحده من قريباتنا
من كثر ماامدحك وامدح اخلاقك
صارت تقول ياريت يتقدملي عريس مثل زوج فلانه
حتى امي واخواتي قالولها والله ونعم الزوج
رجل اخلاق غير عن باقي الرجال
يمكن يستغرب ويقول كيف قالو كده والمشاكل اللي بيننا
قولي مهي نهاية العالم
اصلا مايذكرووك الا بالخير
والمشكله انتهت وماعاد بقلبهم شي
لو الواحد يقعد يتذكر ايش صار من خلافات بينه وبين الناس
ويقاطعهم على دا الاسااس ماصارت حياه
الدنيا ماشيه والحياه تمشي
وتصير بين الناس والاقارب والارحام اختلافات ومشاكل كبيره وصغيره
بس ترجع الامور طبيعيه بيناتهم بعد فتره
سهليله الموضوع وبسطيه
وفاتحي بفترات متباعده شويه عن بعض
عشان لا يحس انك متقصده
ولو مره جالسه اقعدي احكي معاه
عن العلاقه بين الزوجين
فلانه كانت تحب اهل زوجها وكانت علاقتهم حلوه
بس لمن انفصلت عن زوجها انقطعت العلاقه بيناتهم
لانه اساس العلاقه بين الاهل والزوجه هوه الزوج
واساس العلاقه بين الزوج والاهل هيا الزوجه
فلو كانت العلاقه موجوده ومستمره المفروض التواصل مع الاهل موجود
واذا مقطوعه خلاص ليه التواصل

يعني وضحي من خلال كلامك
انه من احترام الزوجه لزوجها تواصل اهله حتى لو صار بينهم شي
ونفس الشي مع الزوج

واتكلمي عن مساويء القطيعه واهمية صلة الرحم
وبر الوالدين يعني زي مابتسوي استمري
ولا تنسي الدعاااء يارب اصلح مابين اهلي وزوجي
ورجع علاقتهم حلوه مثل قبل

وبالنسبه لطلعتك عندهم بالاجازه
بيني انك مشتاقه لاهلك والظفر عمره مايطلع من الجلد
باسلوب هادي
اذا رفض قولي اللي تشوفه
لاتصري اضغطي على نفسك الين تتحسن الامووور
بس بيني شوقك وحزنك الشدييييد عليهم

اذا شافك جالسه مسرحه وحزينه وسالك اي فيه قولي افكر في اهلي ولمتهم
مشتاقتلم ومشتاقه لحضن امي
وهيك يعني وماعليه
اتحلي بالصبر واتوكلي على ربنا
وبيفرجها عزيزتي

والله ييسرلك امرك يااارب ويفرج عنك بالقريب العاجل

​

 

[الـحـاالـمـه]

السلام عليكم ورحمة الله وبركاته

بصراحه ابدعتي الله يجزاك خير ويشفي امك وجميع مرضى المسلمين
انا عندي حاجه
اسوي كل شي على الصامت ولااعرف تعبير زين اذا كانت رايقه قلت شكرا حبي وبس
وهو يقول الحمدالله صاير كلامك زين :39:

بسالك
الحين طلب من اتصل على حرمة خويه اعزمها وقلت مايصير الا الي يرضيك وعزمته ورفض خويه انها تجي
وقالت تعالي انتي اول قلت بشاور زوجي ومشاءالله وافق اذا بتروحين روحي مشاءالله عاد انا ابي اقوله اني قلت للحرمه انك وافقت اشوى زوجي يبين استانس وانبسط ا
كيف اقوله هاالكلام ؟؟؟

وعليكم السلام ورحمة الله وبركاته

طيب حبيبتي اهو كتبتلك بدرسي كيف تقولي لزوجك كلام حلو ويبنسط منه
اما تقعدي ع الصاامت مايصير

مدام معودته ع الصامت ابدئي حبه حبه
الين تقدري تتكلمي وتقوليله كلمات حلوه بكل اريحيه

بس ضروري الوحده تتحلى باللسان الحلو واللي ينقط عسل

ومن سؤالك فعلا لاحظت ماتعرفي تحكي مع زوجك

سهله حبيبتي
زي ماقلتيلي اياها هنا بالمشاركه قوليها له
لمن كلمت مرة اخويه قلتلها الله يسعد زوجي
بيجيبني عندك يبغاني انبسط واستانس الله لا يحرمني منه
قالتلي هنيالك فيه
وبس :37:​

 

[الـحـاالـمـه]

الغالية الحالمة،،ولو أني أفضل تسميتك الحكيمة،،كنت انتظر هذا الاسبوع بفارغ الصبر ،،لدي الكثير من الاستفسارات بعضها سبقتني لها البنات :أنا كالملاك ،le chocolat,,Ivory



أناأعيش تقريباً ما يعيشون ،،أحب أعرف الشرقي هل يحب الانثى التي تتصل وتسال عنه ،،وتخاف عليه وتعامله بحنان وقت الخطوبة ولا التي تثقل ولا تتصل وحتى لو إتصل تبينلو إنو عادي منها مهتمة كثير ،،أنا شرقوشي غير مفهوم الطباع في هذه النقطة ،،أريد التوضيح لو تفضلتي


أحسه تغير عن أول ،،أصبح أكثر جفاء ،،،وقليل الأهتمام بي،،حتى اني أحسه هاملني (وأنا ماني من النوع إلي فرضت روحي عليه عطيتو خاصة في الفترة الأخيرة حرية على الآخر)كاننا زوجين عندهم 40 سنة زواج واحنا لسة على البر،،،،؟


نوعية المواضيع إلي ما يحب يناقشها في هى الفترة اش هي ؟؟؟لاحظته كلما أكلمه عن تحضيرات العرس وعن بيتنا المستقبلي وعن مواضيع جوهرية في زواجنا مستقبلاً إاما: يغير الموضوع ،أو يتهرب بطريقة غير مباشرة أو مرات بطريقة مباشرة،أو يقول :كل حاجة تجي في وقتها وأجلها ،،،ولا يكلمني عن مخططاته لحياتنا ولو حرف ،،أحب أفهم ما يعنيه تصرفه هذا ،،وعلميني كيف أسحب منه الكلام في هذه الفترة،،،لاني مليت أساله ويطنش واخر مرة قالها صراحة؛ هذا الشيء أنا المساول عنه اتركيه لي-،،أنا لست لحوحة في طبعي لكن أنا وراية أهل حابيني أفهمهم راسهم من رجليهم



أريد أيضاً أن تكلمينا عن الجراة في الكلام مع الشرقي في هذه الفترة،،،ساعات أحسه جدي وساعات أحسه جريء حتى رفضي مجاراته في الكلام ما يوقفه ،،


قريت هنا موضوع عجبني عن الرجل ضد التيار ،،أحسه أيضاً يقاوم بشدة جاذبيتي،،وأنوثتي وشخصيتي (شمالية شرقية)،،وحناني ،،مع اني أحس إنه محتاجهم،، كيف اتعامل معه في هذه النقطة,???


وشكراً على صبرك ووقتك:3::3: إلي أكيد إكتسبتيهم من ورى التعامل مع عند الشرقي:a049::e052: ،،،،صامدون :6:ومناضلون:27: ولي سؤلت ثانية اطرحم بعدين ،،كي أترك الفرصة لباقي المنكوبات من ورى الشرقيين :15::24::24:

ههههههههه اصمدي وناضلي
وربنا يوفقك ان شااء الله انتي وجميع المنكوبات :37:


ياحبيبتي المفروض اقرصك من اذنك

لاني قلتلك اقري ملفنا السابق وماقريتيه


بس ماعليه بجاوبك المره دي بس
وياويلك لو مافهمتي

الشرقي ياعزيزتي كل ماقربتي منه كل مابتعد عنك
كل ماكنتي بحالك كل ماقرب منك
خصوصا في فترة الملكه
وقد قلنا قبل هو مو رومانسي ابدا ابدا
اي نعم توجد بداخله عاطفه
بس مايعرف يخرجها
ومايخرجها الا اذا حس انك تستحقيها فعلا
او كنوع من المجامله
ولانه مايعرف يعبر عنها الا بالفعل
مش بالكلام

وهو فعلا مايقولك على مخططاته ولا على ترتيباته
يخليكي معلقه مو عارفه راسك من رجلك
لعدة اسباااب طبعه مايحب يحكي
ولانه تقريبا متردد فيمكن يقرر يسوي شي يرجع يكنسله بعد فتره
فهو يحس الشي دا يهز رجولته قدامك وقدام الكل
ومايبغى يطلع بدي الصوره
فيفضل يسكت ومايحكي لانه مو متاكد تماما
من قرااراته
فتحصليه يقرر ويخطط ويرتب ويدرس المواضيع براسه
ويسكت مايعلم عليها الا اللي يمون عليهم
او المقربين منه
بس انتي وان كنتي مرته
فيتجنب يبلغك لانه لسى مو ماخد عليكي
ويعتبرك غريبه عنه

ويخاف تنهز صورته قدامك ويحس بتحفظه معاكي

فكل دي الامور مع بعضها مجتمعه تمنعه يقولك شي على ترتيباته

وكل ماسالتيه وحسستيه انك تبغي تعرفي حتى لو اي شي

وحس برغبتك واهتمامك كل ماكان حذر اكثر وحريص اكثر


الحل الوحيد انك تتجنبي تساليه تمااااااااااااااااااااااااااااااااما
سواء بشكل مباشر او غير مبااشر

خلاص اتركيه براحته على الاخييييييييييييير

لا تتصلي عليه واتركيه الين يتصل عليكي بنفسه
ولمن يتصل ابتعدي عن اللوم والسؤال بكل انواعه
بس اسالي عن صحته بس
كيفك وايش اخبااارك بس
وبعدها اتكلمي بمواضيع عامه ومنوعه
بعيد عنه تماما
احكي عن نفسك او عن مواقف صارتلك
او عن كتاب قريتيه عجبك
لانه تعجبه الممثقفه
او عن برنامج تلفزيوني
او او ياكثرها المواضيع المهم بعيده عنه وعن مستقبلكم وعن مخططاتكم

وخلي لكل شي وقته زي مابيقول
حتى لو جا الزواج ومافاتحك برضه ولا تفاتحيه
استمري هيك حتى بعد الزواج
لمن يالفك ويرتاح للحكي معكي
ويتعود عليكي
ويحس انك صرتي جزء لا يتجزا منه
بتلاقيه بدا شويه شويه يحكيلك بعض الامور الصغيره
وشويه شويه يبدا يتطور الوضع ويدخل بالكبار
الين يصير كتاب مفتوح قدامك
بس يمكن تحتاجي لوقت طووويل شويه عشان توصلي لهيك مرحله

بس هادا الشرقي وهادا طبعه
وهادا الاسلووب للتعامل معاه
مافي حل ثاني جبيبتي

لاتقولي ايش الطريقه اللي اسحب منه الكلام
او ايش الطريقه اللي تعلقه فيني او او او
مع الشرقي مافي طرق غير تتركيه بحااله

ولا تعتقدي في طرق انا اقولك اياها مااااافي طرق
ولو اتبعتي اي طريقه
بتحصليه يبتعد عنك رويدا رويدا
وتصير المسافات تكبر بيناتكم والحواجز تعلى

واذا على اهلك خلاص قوليلهم لحد يضغط عليا
زوجي ودا طبعه وماافرض نفسي عليه
انا ماعاد بساله لو ايه
وقت مايبغى يتكلم يتكلم
قالولك مايصير او ماعرف ايش
اصلا طبيعي بيستنكرو ويتهجمو ويستغربو
لانهم مايعرفو نمطه ولا يعرفو طبعه
انتي احمدي ربك اتعلمتي الانماط وكيف تتعاملي معاها

لاتخليه كلامهم او اسئلتهم او استغرابهم استنكارنهم
يخرب علاقتك بزوجك

قوليلهم انا بعرف كيف اتعامل مع زوجي
اليوم مايحكي معايا
بكره بيقولي كل صغيره وكبيره
كوني واثقه عشان مايحسبوكي هبله ومو فاهمه وقاعد يسيطر عليكي
لانه ممكن تسمعي كلام
ايوه اذا دحين كده يعاملك اجل كيف اذا اتزوجتي
والله مو سهل
والله ماعرف ايه وكلام غيره كثييييييير

اتركيكي من كل دا الكلام وانتي شايفه بنفسك
مو انتي الوحيده اللي بتشكي كل المتملكات ع الشرقي او غالبيتهم
بيشتكو من نفس شكواكي

الرجال مو مثل بعض
والتعامل معاهم مايكون نفس التعامل
فانتبهي انتبهي انتبهي

انا اختي دحين مملكه
زوجها جنوبي والجنوبين معروف عنهم الرومانسيه
مكالمات كل ليله الين الصبح ورسايل وهدايا
ورومانسيات على كيف كيفك

وتسالني تقولي كيف كنتي ايام ملكتك ايام المكله حلوه صح
قلتلها ولا شي من دا كله
مكالمات فين وفين وهدايا مافي بالمره
وماعرف اي شي عن حياتنا المستقبليه
وهو قاعد يخطط معاها على اثاث البيت وعلى الالوان وعلى كل يستشيرها


بس التذمر والشكوى مابتفيدني بشي ولا اندب واتضايق من حظي
ربي رزق كل وحده بالزوج المناسب لها
وله حكمه سبحانه لازم نسلم لها ونرضى ونتعامل
مع ازواجنا ونتاقلم معاهم بطبيعتهم كما هم في اول الامر



والكلام موجه لك ولكل المتملكات
لاتتكلمو مع ازواجكم بمستقبلكم
او مواضيع خاصه فيه وبغله وبعلاقاته
اتكلمو بمواضيع عامه ومتنوعه بعيدددده عنه
اذا حكالك من نفسه اسمعيه بهدووء وعلقي على بسيط لاتكثري اسئله

واذا ماحكالك خلاص اسكتي

نفس الشي الاتصال لا تتصلي عليه الا بالنادر
خليه هوه يتصل عليكي من نفسه
ووقت مايتصل هللي ورحبي وبيني فرحتك باتصاله
واحكي معاه بمرح ودلال وصوت ناعم هاديء
ماتصل اتركيه لو جلس للزواج
واذا سالك ليه ماتتصلي
قولي والله ماابغى اضغط عليك احسك مشغوول
واكيد وقت ماتروق وتفضى بتتصل على غلاتك تسال عنها وعن احوالها
مو صح غلاتي بكل دلال ونعومه

ومره على مره بينجذبلك وبيرتاحلك وبيحب مكالماتك
لانه بيحس انك معطيته حريه ومحترمه خصوصياته

بس لاتستعجلي النتايج
لانه كون فكره عنك
ومو بسهوله تخرج الفكره من باله مازال متخوف منك وحريص وحذر


اعتقد اني شرحتلك شرح وااافي
واكيد فهمتي الشرقي اكثر يعد كلامي دا

وبالنسبه لسؤالك الاخير
هوه يقاااوم لسببين
الاول العقل والمنطق هو اللي يسير الشرقي
مش العواطف

التباين الفكري الموجود بيناتكم يخليه يحبس مشاعره جواته
مح يطلق العناان لقلبه
طول مانتي مادخلتي عقله وحس انه في فوارق بينتك بالتفكير

مهما كنتي جميله وجذابه ودلوعه ومغريه
عمرك مابتجذبي الشرقي لك
طول ماهو يحس في فروقات فكريه بيناتكم
اللي بتكسب الشرقي تكسب عقله اولا
اكسبيه عقليا وفكريا

بتدخلي قلبه من اوسع ابواابه
وبتحصليه فتحتلك كل الابوااب المسكره

هذا السبب الاول
السبب الثاني انه يعتقد اظهار المشاعر
قلة رجوولة وضعف
وهو يحب يكون له هيبه
فلازم يقااوم
عشان ماتنهز او تروح الهاله اللي يحب يحيط نفسه فيها

بس علاجها سهل
اذا عالجتي السبب الاول وكسبتي عقله
واعطيتيه الهاله والاحترام والتقدير وحسستيه باهميته
وطبقتي اللي كتبته بدرسي الثاالث
بتزول كل العواائق وبتحصليه انصهر فيكي بدون مقاومات


بس اتذكري انتي وباقي البنات

اذا بتسوو اللي قلتلكم عليه وتنتظرو ردة فعل سريعه
فلا تتعبو حالكم
طولو بالكم والنتايج بتشوفها بعد مرووور وقت وعلى مرااااحل متدرجه

اوكي حبيباتي


اعتقد اني كتبت درس كامل وطويل :26:

مش رد على استفساااار :37:




​

 

[الـحـاالـمـه]

سوري حلومه فديتك والله ازعجتك
انتي رديتي ع الاخت أنا كالملاك

انه تسكت عنه وتكون كول
انا لما اكون كول يمصخها يستمر يعني ما يتصل وما يرسل لازم اذكره فيني عشان يتصل ولما اسكت عنه يكون عاااادي ويتمادى يعني من 3 مسجات في اليوم يسويها ولا مسج لحد ما اقوله ويرجع مثل قبل

:33::33::33::33:

ياألاهي

ياعيوني ايش قاعده تسوي انتي :33:


ياحبيبتي ياقلبي ياعمري

الان قاعد يضغط على نفسه ويجاملك
مع الضغط
بكره بينفجر ويرميلك اكبر طاااااااااااااااف
وبتصير العلاقه معقده ومشربكه كثيييييييييييييييييييير

وانتي قاعده بتصرفاتك
تدفعيه دفع يحن للاولى
حتى لو يبغى ينساها ويشيلها من باله ويترك الماضي ويتاقلم معاكي
مع ضغطك عليه مو قادره تعطيه مجاااااااااال مسكين

الشي اذا ماجا برضا وبطيب خاطر وبرغبه
ماله طعم
اصلا كيف تنبسطي من رسايله وانتي اللي طالبتها طلب منه
وبتزعلي عليه اذا ماتصل

ياعيوني اعطيه فرصه يفكر فيكي ويتقرب منك من حاله
مش بالضغط والطلب

حتى لو جلس سنه ماكلمك
ياتجي برضا منه وبرغبه يابلاها

لاتهيني نفسك عزيزتي وتفرضي نفسك عليه
وين حبك لنفسك وين مراعاته وتفهم مشاعره

وبعدين حنينه للاولى مو بكيفه
انتي وافقتي عليه وهو مرتبط قبلك
فلا تلوميه على شي مو بيده
الحب مو كبسة زر نضغط عليه وقت مانبغاه ونتركه وقت مانبغى

كوني متفهمه اكثر لوضعه
هوه دحين متلخبط مابين مشاعره وحنينه للاولى
ومابين علاقته فيكي
ويبغى ينسى ويبغى يحتاج يختلي بنفسه فتره
من غير شوشره بس انتي ماتعطيه فرصه يتقرب منك برغبه

الله يرضى عليكي ياحبيبتي خفي عليه
وخلاص اتركيه حتى لو ماتصل الين وقت الزواج
كوني طبيعيه واستقبلي اتصاله مثل ماقلت للاخوات
بمرح ودلال ومن غير عتاااب
خليه يتقرب برغبه منه وبشووق وحب لك
مو بضغط منك
واتركيه الين تجي منه
حتى بعد الزواج
سوي كل المطلوب منك بس لاتضغطي عليه بشي
ساعديه ينساها ويحبك من غير ضغط وشوشره وتوتر

خليه ينجذبلك لانك هاديه وانثى رقيقه ومرحه ولانك راكزه وعاقله
خليه يحبك من خلال تعاملك الراقي وطاعتك له وعطائك وحنيتك
وخليه يرتاحلك لانك متفهمه طبعه ومتفهمه مشاعره ولانك متقبلته زي ماهوه
خليه يموت عليكي لانك محترمته ومقدرته



اعذريني قسيت عليكي بكلامي
بس من خوفي وحرصي عليكي

ماقدر الين بكلامي وانا شايفتك قاعده تجرمي بحق نفسك وزوجك



وكمان الجووال
لاتمسكيه بالمره حتى لو يمسك جوالك
بالمرره لاتمسكي
بمجرد ماتمسكيه معناته براسك شي تدوري عليه
حتى لو اظهرتي العكس
اعطيه ثقه كاااااااااااامله زي ماقلنا ولا تحسسيه لا من بعيد ولا من قريب انك
تدوري من وراه
وبردي على قلبك وريحي راسك واتركي جواله

خليه يحس بالامان معاكي
ومايحس انه مراقب وتدوري من وراه


امسكي نفسك واضبطي مشاعرك وحكمي تفكيرك
ولاتقولي ايش عنده ليه يخاااف
ليه مايبغاني امسك
وليه وليه


احسني الظن


ويمكن محتفظ برقمها او برسايل لها
ويخاف تشوفيها وتقلبي وتزعلي منه
وهو من ناقص

انا زوجي كان يعرف وحده قبل الزواج
وكان محتفظ برسايلها
بس كنت اسوي نفسي مو شايفتها
وانا كنت اتالم كل ماشفتها
مدام اتزوجني المفروض يرمي كل الماضي وراه
مو يحتفظ فيها وببيتي كماان
بس كنت ابغاها تجي منه برغبه وبرضى منه
اقدر اروح عنده واعطيه اياه واقوله ليه ليه وليه
ويالا قطعها ويشققها

بس ايش بستفيد دامها بقلبه
اذا خرجت من قلبه تماما
وصرت لوحدي بيتخلص منها بنفسه

بعد 3 سنوات وانا انظف مكتبه شفت الرسايل والكروت مقطعه
ومشققه في الزباله
عرفت وقتها انه رمى الماضي وخرجت من قلبه تماماااااااااااا باقتناااع تام
وبرغبه منه مو بضغط مني
اعطيته فرصه يحبني وينسى ماضيه بدون ضغط
وصرت انا الوحيده الموجوده بقلبه برغبه منه كمان



وانتي كمان اتركي زوجك واتقبلي مشاعره
واتركي جواله اذا كان محتفظ بشي
هوه بنفسه يمسحها ويرمي ماضيه وراه
ووتكوني الوحيده بقلبه

وان شاء الله ربنا بيكون معاكي ويصبرك ويعينك ويعطيكي القوه
اذا اتوكلتي عليه كل التوكل

طيب حبيبتي

ارجع اكرر اعتذااري على قساوتي







​

 

[الـحـاالـمـه]

جزاك الله خير اختي الحالمه
قلتيلي غيري طريقة زعلك كيف طريقة الزعل مع الشرقي الشمالي
طلبته غرض للبيت وكل شهر يقول الشهر الجاي كيف اتصرف بتأجيله
حبيت اعرف نقطه دائما يكتبوها البنات هو ان الزو جه اذا رفض شي زوجها تقوله انفذ طلباتك،،اطيعك،،مااعمل لك مساج
وراح يوافق
انا احس لو اقوله يزعل اويرفض بشده حتى وقت (......)ادا قلت شي ومو عاجبه يلف ويتركني
نمطي نفس نمطه شرقي شمالي بس درجة الشماليه هو اكثر مني هل اقيس تصرفاتي بتصرفاته مثلا سوى موقف معي هل احط نفسي مكانه يعني اقيس ردة فعله على ردة فعلي لو انا مكانه ولا مايصير لانه رجال
ولك خالص حبي

شلتي الكلمه اللي تحسسني مافهمت :19:

ولمن شلتيها حسيتني فهمت مشكلتك :39:



شوفي حبيبتي طريقة الزعل بالنسبه للرجال كلهم بشكل عام
وللشمالين والشرقيين بشكل خاص
ماتزعلي بجديه وقلبة وجهه ومدة بووز
لاتزعلي بمرح ودلال

مثل حالتك كل شهر ياجل الطلب
لمن مايجبلك الطلب ويتعذر باعذاره المعروفه
نسيت انشغلت مامداني
مدي بوزك بدلع وحطي يدك على خصرك برضه بدلال
طب يرضيك تزعل اميرتك وتتاخر بالطلب
انا اعرف اميري يلبي طلبات اميرته ومايتاخر عنها
ايش معنى بدي تتاخر عنها
مو تحس انك زودتها حبتين
وكله الكلام ددا تقوليه بدلال وابتسام
يالله انا مخاصمتك ساعتين مابكلمك ولا بتسمع صووتي

وحاولي فعلا باسلوب مرح ماتكلميه لمدة ساعه مثلا وبعدها كلميه
وبعدها قولي اوووووه نسيت اني قلت مابكلمك لمدة ساعتين
قلبي مايطاوعني مااكلم اميري
بس ماعرف كيف الامير قلبه يطاوعه يزعل اميرته
ومايجيب طلباتها
بيقولك خلاص المره الجايه بجيبه
قولي توعدني بيقول ان شاء الله
قولي اجل خلاص انا متاكده المره الجايه بتجيبه
ولمن يجي الشهر اللي بعده او موعد الطلب
ذكريه قبلها
قولي هااه بترضي اميرتك وتجيب طلبها زي ماوعدتها
ولا بتزعلها كمان المره دي
انا متاكده مابتزعلها لانك اذا قلت كلمه
فكلامك كلام رجال ماتتنازل عنه صح غلاتي


وهيك بكل اموور حياتك
الا الكبير والشديد القوي
بس اغلب امور حياتك مشيها هيك
اعرف انه صعبه عليكي لانك شرقيه شماليه
بس مو مره تدلعي
لا خليه دلال بسيط وناعم

وعاتبيه بمرح في اي شي يقصر فيه معاكي
او يمنعك منه

وهيك البنات قصدهم
اذا رفض يجيبلك شي او قصر معاكي بشي
وعاتبتيه بنفس الطريقه اللي قلتلك عليها
قولي كنت ناويه اسويلك مساج بس عشاني مخاصمتك مابسويه

انا البي كل طلبات الغالي
والغالي مايلبي طلبات غاليته
بس قوليها بدلال
لو قلتيها بشكل جدي اكيد بيزعل ويلقب عليكي


انا اقوولها للباشا
اقووله انا ارضيك بكل الطرق واوفرلك اجواء هاديه وحلوه
بالله مااستاهل منك انك ترضيني وماتزعلني
بس اقولها بدلال شديد
عشان كده يتقبلها مني

حتى وقت الجماع انتبهي تقوولي شي هيك او هيك
كوني معاه ومندمجه ومبسووطه على الاخير


ولا ماتقيسي نفسك فيه حتى لو نمطكم سوى الا ببعض الامور
لانه مهما يكون هو رجال وانتي انثى


انتي وكل البنات دربو انفسكم ماتزعلو من ازواجكم ولا تتضايقو منهم

واذا صار شي يضايق عاتبوهم بمرح وبدلال


كنت احكي مع صحبتي قبل سبع سنوات
وكنا نحكي عن الزعل مع ازواجنا
يضايقونا ومايلبو طلباتنا
واحنا على سنقة عشره نسويلهم كل شي
واذا زعلنا قلب وجهه بدل مايجي ويعتذر ويعترف بغلطه او على الاقل يصححه
الا يقلب بزياده
والله يبغو يجننونا هدولا الرجال
قامت قالتلي مايحبو يشوفونا قالبين وجهنا
مهما كانت اخطائهم
وقلتلها اعرف وحده قريبتي زوجها يغلط عليها ويزعلها ومع هيك
تروح تضحك معاه وتتدلل عليه
واتفاجا لمن اشوفها
وكنت اقووول دي مره راميه نفسها
ولا بعد كده مابيعملها حساب ولا بيهتم فيها

وطلع العكس بالعكس يهتم يراضيها وماعاد صار يزعلها

قالتلي صحبتي
انا جربتها مع زوجي في موضوع الزيارات
لانه زوجها يمنعها تروح لصحباتها ولقريباتها
اللي تجيكي اول تروحيلها
واللي ماتجيكي لو تتطربق الارض ع السما ماتروحي
وتجيها عزايم ولمات مايرضى
وهيا ماتقدر تعزمهم وهما مايحبو لانه ام زوجها ساكنه معاها بالبيت

وكانت كل ماجات عزومه تقوله يرفض تزعل وتنقهر
وماتتحكم بنفسها
وتقلب عليه ويسحبو عليها يومين ثلاثه مايكلمو بعض واذا اتكلمو بطرف خشمهم

فقامت ايش سوت
صارت تختار ايام من راسها
وتقول فلانه عزمتني بكره
واصلا مافي عزومه ولا شي
وتسوي روحها اليوم الثاني انها بتتجهز وتبغى ترووح
وتطلع ملابسها وتترضى فيه
مايرضى
طبعا لانه اصلا مافي عزومه فما تنحرق ولا تزعل
ترجع ترجع ملابسها وتقول خلاص المره دي امشيها
مني رايحه رضى لك
بس لاتزعلني المره الجايه
وسوتها بعدها باسبوع اختارت يوم وسوت روحها معزومه وبتتجهز
ورفض قالت برضه دي ثاني مره تكسر بخاطري
وسوت نفسها حزينه
وقالت مابكلمك وصارت تتدلع عليه
او تقوله
دام مارضيت توديني عند صحبتين يالله عشيني بمطعم
دام مارضيت اروح لمة قريباتي
يالله اشتريلي فستان

وكله بدلال ولعب ومرح
وكررتتها حوالي ست مرات
وكانت تعتاتبه ومزاجها رايق وهاادي
وصار يتقبل كلامها ويفهم وجهة نظرها بشكل احسن


صار هوه لمن يشوفها تزعل بدلع وبمرح وماتقلب ولا شي
وتتكلم معاه عادي وتمرح وتضحك
اتغير
وصار يوافق وعلى خفيف

وكلمتني وهيا مررررررره مبسوطه قالتي نجحت الطريقه

قمت سويتها مع زوجي بس باللبس
انا يخليني اروح زيارات
بس يعقدني باللبس يبغاني البس اكس اكس اكس لارج
وانا مقاسي ميديم
ويبغاني البس جلابيات فضفاضه
ولا اتعطر ولا اتزبط ولا اتكحل ولا غيره
جنني بدي النقطه
واذا صارت عزومه وجيت بخرج وشافني
يقول ياتغيري يامافي خرجه
وكنت اموت من القهر وردة فعلي ماعاد اتحكم فيها
مره ازعل واعصب
وصرت اسوي طريقة صحبتي
باوقات من راسي
واقوله اليوم معزومه والبس واتزبط ويقولي غيري ولا مابنروح
ارجع اجلس جمبه وانا نفسي راضيه وازعل عليه بدلع واعاتبه بدلال
وكل بعد فتره اسوي نفس الحركه
واتكلم معاه بهدووء تام واوصله فكرتي وقناعتي باسلوب لطيف

ولمن شفت بنفسي بعد فتره النتايج المبهره
صار دا ديدني بكل شي
عشان هيك انصح دايما لاتزعلو من ازواجكم وتقلبو الوجه
وازعلو منهم بمرح ودلال



اوكي حبيباتي


رديت على موضوع الزعل لانه جاني كذا سؤال بالخاااص عن نفس السؤال

والكلام موجه للجميييييع

وخلاص مابكرره لكل وحده
كتبت رد طويل بخصووص دا الموضوع وبملفنا الساابق
اتكلمت عن دي النقطه








​

 

[الـحـاالـمـه]

فدييييييييييتك حلومه ماقصرتي والله بس ودي أستشيرك بعد اذنك،،،
زوجي دايم ع النت بغرفه ثانيه وياااااااااااااااااااما تناقشنا وتزعلنا ع قعدته ع النت بعد دخولي ع هذا المنتدى صرت اسكت عنه يجي اخر الليل استقبله حلو واضحك وفرفشه وانا بداخلي بركان بس اشكوى لله ،،،بس بعض الاحيان خلاااااااااااااص تقفل معي اذا دخل الغرفة حطيت نفسي نايمه ومعطيته ظهري لان نادر انام وهو برا باحسسه اني طفشت زعلت منه ،،
غاليتي سؤالي
1- ماهو تعليقك ع تصرفي؟؟؟
2- اذا اخطأ ماهي الطريقه الصحيحه انا بحسسه انه مو معجبني كذا الحال
3-هل تعتقدين الشرقي حاس في اني متضايقه من قعدته ع النت ؟؟
4- برايك وش العقاب الي اتخذه معه؟؟
بجد اسفه اني كثرت عليك بس والله ان هالموضوع شاغلني كل يووووووووووم بعرف التصرف الصحيح .

كل الاسئله اللي سالتيني اياها مابجوابك عليها ماهي مهمه ​

خلينا نتكلم عن البركان اللي جواتك هو الاهم ​

نبغى نخمده ونهديه ​

وبلاول لازم نعرف هو ليه بركانك ثااير اصلا ​

واكيد هو سبب من اثنين او السبيين كلها ​

يانتي مفتقده الجلسه معاه وحاسه النت يشغله عنك وتبغي تجلسو مع بعض
زي اي زوجين ​

او
خايفه انه يسوي اشياء غلط وتبغي تمنعيه منها ​

في كلا الحالتين وايا كان السبب ​

انتي المفروووض مايكون هو شغلك الشاغل
في امور كثيره في الحياه
تقدري تشغلي نفسك فيها وتفيدي نفسك
ويكون لك عالمك الخاص
قومي بكل واجباتك كامله
وباقي وقتك اتفرغي لنفسك
مو طول الوقت تخلي زوجك يجلس معاكي
هو يبغى ينعزل لوحده لانه يبغى الهدووء والخصوصيه
الوقت دا لاتقعدي تقهري روحك
اتقبلي النقطه دي في زوجك
ولاتتعبي نفسك تفكري فيه ايش يسوي
ولا تضايقي روحك ​

اذا مقصر عليكي بشي
عاتبيه بهدووء
واذا مفتقدته حسسيه انه واحشك وتبغي تجلسي معاه
بس بطريقه حلوه روحي عنده وانتي حاطه يدك على
صدره وبكل دلال ورقه كلميه ​

بس مو زعل وقلبة وجه
مو حلو تجبريه بالقوه يجلس معاكي
بيصير مايصدق تصير بيناتكم مشكله عشان يكون عنده عذر ويشرد على النت
وتصير امور لاتحمد عقباه
ويصير يطول الزعل بيناتكم ومايهتم يرضيكي
لانها فرصه يجلس على الجهاز ومايبغى يسمع نق او عتاب منك بخصوص دا الموضوع ​

اشغلي نفسك عنه واتقبلي جلسته ع الجهاز
وعاتبيه بشوية حزن ومرح
وقوليله بتترك اميرتك جالسه لوحدها
بس لاتقوليها كل يوم
اختاري يوم او يومين بالاسبوع ​

وباقي الاسبوع اذا شفتيه داخل الغرفه اتركيه
بس لاتبيني انك زعلانه وقولي اذا احتجت شي حاكيني
بابتسامه
وبس بيني انك مشتاقه للجلسه معاه لااكثر
ولا انتي واثقه فيه ثقه عمياء
وعارفه انه رجل غير كل الرجال
هيك لازم تحسسيه
​

يمكن مايعجبك ردي
بس انا رديت الرد اللي اشوفه مناسب
ولو انا مكانك كنت بسوي هيك
وكنت بخليه يجلس معايا بكاامل ارااادته وبرغبه منه هو شخصيا
مو بفرض مني
واخليه يدوور عليا دوراه
مو انا اللي الاحقه وادور عليه وازعل منه اذا جلس بعيد عني
اخليه هوه اللي يتضايق اذا ماجلست معاه



وفي رد رديته لوحده من الاخوات بملفنا السابق
تقريبا نفس مشكلتك بطريقه مختلفه شويه
روحي اقريه بيفيدك اكيد ​

 

[الـحـاالـمـه]

نفسي طموووح

استفساري ومشكلتي اللي متعبتني إني أحس في حاجز بيني وبينه وصرت أعاكس رغباتي وشعوري وأحس إني أتصرف بغير طبيعتي يعني ما أبين اني تضايقت أو زعلت عشان أخاف انه هو يتضايق أو يزعل والحين من كم يوم صارحني إنه يحس ببرود من هالناحية يقول احس مو فارق معاك عمري ماحسيت بصوتك انك زعلانه أو معصبة ودي أحس بحرارتك من هالناحية يقول لي حتى ما أحسك تغاري علي احس حتى لو اخونك ماراح تفرق معاك
أنا كثير أكتب اللي بخاطري بمسجات وصرح لي انه هالشي يضايقه ويعتبره كلام وبس هو وده يحس بمشاعري بأفعال
صرت مو عارفه متى ازعل وكيف احسسه باللي يحتاجه , احس اني لو زعلت يطنشني ويعاتبني ويرجعني انا الغلطانه


ودي اطلع كل اللي بداخله من عاطفه هو يقول لي احسك ماطلعتي كل شي جواتي

هو حساس مرة ويفسر كل شي من وجهة نظره هو يعني يكبر المواضيع وانا احس التصرف عادي ومايستاهل هو يخليه مشكله , نفسي أفهم إيش محتاج بالضبط كيف اشيل من باله اني عندي برود من ناحية الغيرة والزعل
يعني مثلا يمدح فنانة عشان يبغى يشوف ردة فعلي كان ردي صح هي حلوة بس مو احلى مني والله يخلي الماكياج وعمليات التجميل , كان ردي عادي بس من جواتي اغلي وقتها أعطاني كلام كثير نفس اللي قلته فوق , بجد نفسي اعرف اتصرف صح لأني اتعب من الزعل والهجر ما أتحمل يمر يوم واحنا متزاعلين وهو ولا همه واذا زعل وراضيته قال انت ماعندك غير الكلام ما أضعفك

هوه يشوفك بارده
ويبغى يحس بحراارتك اكثر

حلو الثقل والركازه
بس البرود يفقع القلب
وهو يبغى يحس باهتمامك وبدلالك وبانوثتك
وباشياء كثيره

انتي تقولي ماتزعلي عشان لايزعل منك

وانا اقوولك ازعلي بدلال ومرح مثل ماني قاعده اقووول للبنات
اذا سوى شي يضااايق
اتفاعلي معاه وقتها واتكلمي قووولي اها لاكده ماتفقنا كده بزعل
منك واخاصمك
وكله بدلال ومرح

لمن قالك على الممثله وعرفتي يبغى غيرتك
كان قلتي ياويلك تطل فيها ولا تقول عنها حلوه
برضه بدلال ومرح
يبغاكي تشاكسيه وتلاعبيه
يبغى يحس بجو في البيت
وانتي شكلك مابتسوي شي
او قليل
او بتسوي بشكل باارد شويه
بشكل مايجذبه ويلفته

فين انوثتك ماتسخدميها صح
ااذا ماتعرفي اتعلمي
مافي شي صعب
اتعلمي كيف تستخدمي انوثتك ودلالك عشان تججذبيه
كيف تكوني مرحه وتلاعبي زوجك وتشاكسيه
بس برضه باسلوب

واتجنبي اسلوب الرسايل دامه قالك ماحبها ويتضايق ممنها
ارسليله رسايل حلوه ومرحه
مش عتاااب
واللي بخاطرك قوليله اياه بوجهه بس بنفس الاسلوب اللي قلتلك عليه

حسسيه بحبك له
وباهميته في حياتك
طبقي كل الدروووس

دحين انتي بعيده عنه وجالسه عند اهلك
فرصه كلميه بحرااره وبدلع في التلفون
اتدلعي واتغنجي بصوتك
اتعودي تتدلعي بصوتك واذا رجعتي بيتك
يصير يسهل عليكي الوضع
استغلي الفرصه دي حدك بعيده
وادربي شويه
وجننيه خليه يشتاقلك بعنف وبقوه وبحراره

اووكي حبيبتي

.
.


متزوجه ولكن

درس مميز جداااااااااا
مشكوره يامعلمتنا
الله يحقق لك كل ماتتمنين

العفو ياقلبي
والله يتقبل منك ​

 

[الـحـاالـمـه]

وأنا كمان عندي استفسار!!​

بخصوص المدح....
أنا اللي أقرنت مدح زوجي بمدحي.....من باب التسلية وتلطيف الأجواء​

لما أمدح زوجي بشيء كبييير.....يرفع حواجبه مع إبتسامة سخرية....كأنه مش مصدق مدحي!!
و مرات قال لي: لا تخليني أصدق حالي!!
قلت له: صدق حالك.....ليه ماتصدق؟ أنا ماقلت كذا من الهواء
مثال:
مرات كان مسجل السيارة مشغل على قصيدة.....زوجي صار ينشد مع القصيدة
قلت له: الله!! محلى هالصوت!! صوتك عذب على الأذن!!
إبتسم إبتسامته المعهودة في هالمواقف (ابتسامه ساخرة) قال: لا تخليني أصدق نفسي!!
بعدين لاحظت أن زوجي صار كل مرة ينشد مع القصيدة​

مثال آخر:
مرة إشترى لي أغراض البيت....
قلت له: إي!! هذي المقاضي الزينة<<<ملطوشه من المنتدى
رفع حواجبه و إبتسم إبتسامة ساخرة​

مثال آخر:
مرة كان لابس ثوب أبيض رجالي و شماغ و نظارة شمسية
كان غاية في الوسامة
قلت له: الله يحرسك!! ذوبت قلبي من زينك....
رفع حواجبه بنفس الطريقة.....بعدها إبتسم إبتسامة رضا​

حتى لما أمدح حالي يبتسم نفس إبتسامة السخرية و يضحك بصوووت ومن قلب....(مؤخراً فقط صرت أمدح حالي مع مدحي له من باب الفرفشة).....​

هو دائماً يقول أني مشاكسه و شقية وما أطيعه بس حلوة
صار موقف و أطعت كلامه.....وقلت له بإبتسامة كبيرة: أنا زوجة مطيعه...ودائماً أسمع كلامك
إبتسم بسخرية مع رفعت الحواجب.....ماقدر يمسك حاله....إنفجر من الضحك
قلت له: شو معنى هالضحكة؟!!!
طبعاً ما جاوبني و انا سكتت عنه​

مع أني كثييير أمدحه وأشكره وأقدره....
لما يشتري لي أغراض أو للبيت أو للنونو وحتى لما يشتري لأهله أو يسوي خير لأحد!!
أمدحه في شكله و وسامته إذا تزين او حلق
أمدح رائحته لما يتعطر أو لما يسبح
أمدح حنانه وأبوته على ابني
أمدح كرمه
أشكره لما يطلعني أي مشوار....حتى لو المستشفى أو بيت أهلي
أمدحه في الفراش...بإسلوب يليق ويناسب بذاك المقام​

أحياناً طبعاً يتقبل المدح البسيط والشكر و يرد علي بإسلوب لبق
و أحياناً....لما يكون المدح كبير (بس والله طالع من قلبي وفرحتي به)
يرد علي بالإبتسامه المعهودة
وطبعاً يزيد في العطاء بالأفعال مع المدح والثناء والشكر​

ودي أعرف شو مشكلته مع المدح؟ هل هو مايحب المدح؟ ليش مايصدقني؟​

وعندي سؤال ثاني:
إنت تقولي لما أشتري هدية لأحد أقول لزوجي....
قالو لي: ليش عزبتي حالك؟
قلت لهم: عزاب شو؟ هذا زوجي الله يحفظه مايرضى أزور وايدي فاضية​

أحس أني مسحت شخصيتي وذوبتها في شخصيته
أن اللي أهدي الهدية....وأقول زوجي؟!!!​

أنتظر ردك​

ياعيوني

انا اقولك ليش مايصدقك او ايش مشكلته مع المدح
وترى مو زوجك بس
اغلب الشرقيين هيك

هادا ياستي للسببين ياما تكون مجتمعه
او وحده فيها

السبب الاول انه مو واثق من نفسه لانه شخصيه متردده ومتذبذه من جووه كثير
بس مايعلنها صريحه ودا الشي يخلي ثقته بنفسه شبه معدومه
فلمن تمدحيه تفاجئيه ويستغرب بينه وبين نفسه يقول معقوله انا هيك فتحصليه مايصدق
متفاجا ومستغرب
لانه هوه عارف الصراعات اللي يعيشها مع نفسه
بس انه مايضهرها


السبب الثاني : انه اصلا خجوول الشرقي فيه خجل ترى
فلمن تمدحيه وتنثني عليه يحس بالاحراج وويحاول يتحاشى الاحراج
او يخرج نفسه بطريقه او باخرى


فابتسامته اللي تشوفيها ورفعة حاوجبه
كلها طرق يحاول يخرج نفسه من الاحراج اللي انحط فيه

بس انتي مهما كانت ردة فعله
استمري واتفهمي شخصيته اكثر
واصلا انتي ماشااء الله عليكي خطواتك مع زوجك رائعه
الله يباركلك فيه



وبالنسبه لسؤالك الثاني

اولا انا ماعرف تقصدي تذوب شخصيتك في زوجك امام الناس ولا امامه هوه

اذا قصدك امامه هو فانا مااشوفها انك تصهري شخصيتك فيه
هذا نوع من المدح مثله مثل غيره

انا ضربت مثال الهديه لانه اغلب زوجات الشرقيين
يعانو من مشكلة الهديه مع ازواجهم
تبغى تزور فلانه وتجيب هديه ومايرضى او يطفشها الين يوافق
ويقعد يقلها ماله داعي ومن دا الكلام

فاذا انتي ماعندك مشكله من دي الناحيه مع زوجك
وبتشتري الهدايا من غير اخد وشد مع زوجك فالله يهنيكي

بس انا متاكده زوجات كثير يعانو من دي النقطه

ومابيجي زوجها الا من خلال المدح والتشجيع

واذا قصدك قدام الناس
اصلا الوحده مابتقول دا الكلام قدام صحبات ولا اقارب من بعيد تقوله قدام اقارب قريبين ومعينين

يعني انا لمن اروح عند اهلي واجيب معايا حاجه بيدي
ومامتي تقولي ليه كلفتي عمري اقولها دا زوجي مايخليني ادخل بيدي فاضيه
لاعندك ولا عند الناس
وانقل الكلام دا لزوجي
ماقلته عند احد غريب فهمتي عليا وصار يتشجع هوه


وبعدين انا ضربتلكم الامثله وقلت قيسو عليها
ماقلت طبقوها بحذافيرها
ضربتها عشان توصل الفكره
فاللي مو مناسبتها وحده من الافكار او ماتناسب وضعها مع زوجها
تتركها

او تحاول تحورها وتستفيد منها بحاجه ثانيه
وكل وحده وشطارتها

في رد رديته للاخت حبر الالم والاه
كتبت امس ايش دار بيني وبين صحبتي
وهيا قالتلي على الفكره اللي سوتها مع زوجها بخصوص الزيارات
وانا اخدت الفكره نفسها بس طبقتها على اللبس
ماطبقتها ع الزيارات لانه ماعندي مشكله فيها
بس طبقتها على المشكله اللي اعاني منها مع زوجي اللي هيا اللبس

هاه عسولتي وصلت الفكره الان


​

 

[الـحـاالـمـه]

*ان الشرقي احيانا فترات يقول والله اني احبك والله اني اغليك ما شاء الله تبارك الله
بدون سبب بدون شيء واكون وقتها مشغوله بشيء واسكت بس الصراحه انا كل فتره اقوله احبك بدون سبب وبعد سنه صار يكرر معي اللي اقوله له هل هو يقولها مقتنع فيها اومجامله لي ؟


*اذا الشرقي زوجته تعبت وهي تجهز له مفاجأه وكسر خاطرها و هو متوقع انها تزعل وقابلته بأبتسامه وتمالكت اعصابها وكانت رده فعلها غير اللي متوقعه ينبسط هل هو كان يختبرها لانه احيانا يعرف ان هذا الشيء يضايقها ويسويه؟


*انا اتصل على الشرقي اذا كان بالعمل فقط اقوله وحشني صوتك اشتقت لك احبك ياطول الوقت من غيرك وهو يضحك ويقول ناقص شيء اشتريه وانا راد من العمل اقول سلامتك ويقفل هل تصرفي صحيح او اني اسبب احراج للشرقي؟

*والسؤال الاخير الشرقي قليل المفاجأت هل لانه يبحث عن الجوده والتميز.؟


اختي الحالمه اسأل الله لك التوفيق بالدارين

* مدام يقولك اياها من نفسه
ومن غير ماتطلبيه انتي اكيد
يقولها باقتناع
وبعدين هو من النوع اللي يقدر فاذا شافك مشغوله
فينبسط يحسك تخدميه ودا الشي يفرحه
فينفعل وينبسط وقتها ويقولك احبك

واذا قالها ابتسمي ابتسامة رضا وخجل فقط لاغير


* والله حبيبتي ياما فعلا يكون اختباار
الشرقي يجي منه ويحب الاختبارت ويشوف ردة الفعل
ويمكن ردة فعله جات كده غصب عنه وكسر خاطرك لانه كسر الخواطر عند الشرقي
حاجه معروفه
بس لمن شافك مازعلتي قام انبسط


* ايوه ياقلبي تصرفك حلو اكيد ينبسط وتغيرله جو
وتعوديه على الرومانسيات والكلام الحلو
بس يمكن ينحرج زملائه جمبه
فمره اتصلي ومره ارسلي مسج
عشان تخففي عليه الاحراج

* الشرقي قليل المفاجات لانه اصلا مايحبها الا قليل
مايحبها باستمراار ولا تستهويه
واذا سواها يحبها فعلا تكون مميزه
ولانها تاخد منه مجهوود في التفكير والترتيب والبحث عن الافضل
وعن المميز فتتعبه وترهقه
فتحصليه مقل جدا لانه يايسوي شي مرتب جدا ولا مايسوي
المفاجات العشوائيه والسريعه مايعرفها
الا اذا عودتيه عليها


اوكي حبيبتي


​

 

[الـحـاالـمـه]

للحين احبه ​

ابسألك هل الشرقي غامض يعني مايحب يحكي عن كل شي لانه يحب الغموض او فعلاً زي مايقول امور مالها داعي مو لازم تعرفينها تخيلي امس يتراسل هو واحد ابعرف اش وسالته يقول شي بالعمل مولازم تعرفينه ونا صراحه احترقت بس مابينت بينت انه عادي جدا بس قهر ودي اعرف ليه يخبي عني ويمسح كل الرسايل والله يقهر طيب ليه انا ياخذ جوالي ويقرا كل الرسايل وانا لا بجد يقهر ​

هوه غامض فيما يخصه
وفضولي فيما يخصك ​

لغموووض الشرقي اسباااب كثيره ومتعدده ​

ومنها مثل ماقلتي في اشياء يشوف مالها داعي تنذكر
او لانه يبغى يعودك انك ماتتدخلي باموره
عشان لاتقعدي تحاسبيه او تحاصريه باسئلتك
دي احتمالات من عندي
وعاد مادري بالضبط ايش بالزبط اللي يخليه مايوريكي رسايله ويمسحها
بس انتبهي تبيني حرصك
ابدا وسوي روحك لامباليه
ويبغالك وقت طويل على بال يعتقد انك فعلا لا مباليه
ويبغالك تقوي علاقتك فيه اكثر
يمكن في داخله اشياء او تخوف منك
فذوبي الحواجز ومتني العلاقه اكثر
عشان تنصهرو ببعض اكثر
ويكون مكشوف قدامك بشكل اوضح ​

.​

.​

ورده 2007 ​

صراحه الدرس جددددددداًرائع مثلك ماني قادرة اوصفلك قد ايش استفدت من دروسك الله لايحرمك الأجر ويشافي والدتك من زمان وانا ودي اشكرك بس الشرقي دايم موجود يادوب أجاوب على الأسئلة واقرأ ردودك الممتعه
أنا نفس مشكلة ياسمينة بيضاء وزيادة ان اهلي بنفس المدينة ودايماًيتريق على اهلي وخصوصاً أمي واختي ومااعرف كيف أتصرف معاه اذا تريق عليهم وكيف اخليه يحبهم وخصوصاً أمي ويستقبلها استقبال زين مع انه مارفض انهم يجون بس لما يجون وخصوصاً أمي اواختي يتضايق ويتكلم بكلام يوضح انه متضايق مع انهم يقعدون خمس اواربع اشهر تمر مايجون يعني مودايم يجون
وسؤال ثاني انامحددلي يومين بالأسبوع فقط لزيارة اهلي كيف ازيد عددزياراتي وخصوصاً ان الإجازة الصيفية قربت
معليش خطي صغيرلان جهازي اي باد ومني عارفة لاستخدامه**​

واخيرا سمعنا صوتك
انا اقول دي البنت هاديه ومجتهده وقت الدرس اشوفك تجاوبي
بصمت وعلى قد السؤال وبس ​

اتاريكي محاصره ​

يالله ماعليه ​

بالنسبه لاهلك وزوجك
بيني لزوجك انه اهلك مبسوطين منه ويمدحوه
ويقولو نعم الرجال اخلاق وادب واحتراام​

وبنتنا مبسوطه معاه ​

وامي دايما تقول فلان يدخل القلب
والله رجال ولا كل الرجال ​

كل بعد فتره قوليله كم كلمه
لمن تروحي تزوريهم وترجعي
قولي انت ايش سويت باهلي
مره معجبين فيك
ومن هيك حكي ​

صدقيني بعد فتره بيستحي يتريق يقول الناس تحترمني وتقدرني
وانا اتريق عليهم وحتى بيصير مابيتضايق مثل قبل من جيتهم
بيصير اخف واحسن
وبالعكس يمكن يحب زيارتهم
بس انتي شغلي دهائك شويه ولهلبي لسانك
بس استخدمي بذكااء مدرووس
وبتشوفي بعد مروور فتره نتايج حلوه باذن الله
واذا اتريق عليهم قدامك اقلبي وجهك بسرعه
وازعلي واتكلمي بشوية صرامه
قولي الا دي ماسمحلك احترام اهلي من احترامي
وهذا جزاتهم يشوفوك سيد الرجال وانت ماخدهم مسخره
اقدر اقولهم تريقتك ليهم واخليك تنزل من نظرهم
بس انا ارفعك فوووق ومابغى اهز صورتك
دا جزايا دي طريقتك اللي تحترمني فيها
واتركيه وابعدي عنه واشغلي نفسك باي شي
واجلسي فتره بعدين ارجعي
وخلي تصرفاتك معاه طبيعيه لاتطوليها زعل
خلاص تكفي دي وبعدها ارجعي لوضعك طبيعي
حتكون دقه قويه ​

وحتى لو طولها زعل انتي اتصرفي طبيعي
ولا كانه صار شي لاتزوديها زعل
وخلاص انتي لمن تتصرفي طبيعي بتحصلي يمكن ياخدلو شويه وقت
بعدين يرجعلك
لانه بيحس بالاحراج من ردة فعلك
وكبريائه يمكن مايسمحلو يرجع يكلمك بسرعه وهو غلط عليكي
بس لمن يشوفك تتصرفي طبيعي وتتكلمي وتاخدي معاه عادي
بيرجع عادي ​

بس بيكون موققفك جامد وبيدقه بقوه
وحلو عشان توقفيه عند حده
واذا كررها ارجعي كرر نفس التصرف ​

طيب حبيبتي ​