بستشيركم بزواج اخوي

[الجده الصغيره]

وليه شليلين ايدكم من الموضوع؟

مو اخوكم هو؟

الى متى يعيش بتعب؟

مانتم خواته تفرحون له؟

حمد الله والشكر ابركها من ساعه يطلب اخوي مني ولومرته شايلته من الارض شيل..مابالك عايش هالعيشه..

 

[شمووخ3]

واشوف انه ما طلب حرام.......هو محتاج يتزوج حتى لو زوجته ماهي مقصره معاه من حقه
ليه ماتوقفي معاه هذا اخوك تراه اقرب لك منها انتي ماجيتي واقنعتيه بزواج هو برغبه منه
بما ان الزواج براسه راح يتزوج يتزوج وهي بتزعل عليكم حتى لو ما تدخلتم
واذا وقفتم معاه منتم اثمين ولا ضالمين بس احسنو الأختيار انسانه تخاف الله فيه وفي زوجته وعياله
لأنه جايبه بكم و الا بدونكم والله عن تجربة من حولي...... وكانت بعد اكثر من 20 سنة من الحاح على
اخواته بعد كذا هو جابها بمزاجه. لكن اذا كان لكم فضل عليه تقدرون ماتخلونه يظلم زوجته الأولى ولكم كلمه
عليه ولا يرد لكم كلمة

 

[الاميــره]

والله حبيبتي قصتكم مشاابه لقصتنا لكن انا مع خاالي ،،
ورفعت ايدي من المووضوع مو نااقصه الله العاالم كيف معااملتها معه وكيف معاملته معااها ،،
فقلنا اذا بتتزوج رووح تزووج زواجك الاول مااقصرنا معااك لكن الثااني لا ،، خصوصا لماااشفنا اطفاله وهم يدعون ان ابووهم ماايتزوج على امهم والله احط نفسي بمووقفهم وابكي ،،
هو رجل ويعرف يعدل زووجته ويأأدبها والرجل اذا بغى يتززوج مااحد يرده
فامشي بجنناازة ولا تمشي بجوازه على قولة المصريين
والله يكتب لكم اللي فيه الخيــر ..

 

[انوا رة الرياض]

المفروض اخوك يحاول يحل مشكلته مع زوجته واذا ما قدر يقول ابزوج ولوامك تدخل وتصلح بينهم ليش يطرد زوجته من الغرفه هذي قويه والحرمه صعب تعديه وتكون شايله عليه بقلبها لازم يغير من نفسه ويعطيها فرصه وان شاء الله يصلح مابينهم 0

 

[حـــصـــه]

الصراااااحه شكلها هي الي مقصر

معقوله قلة لاهتمام الي هي فيه يعني من ثلاث سنوات وزوجها يبى يخطب وهي عندها علم

وماحركت ساكن ولا اهتمت ... شو الحل عيل....؟؟!!!!

انا اقول اخطبو له وخلاص ترا حراااام الي انتوا تسونه فيها مهم كان هذا رجل واكيد

محتاج حق زوجه ...خاصتا بانها هي في غرفه وهو في غرفة يعني مافي شي يربط بينهم

واذا ع الزعله ترا في كل الحالات بتزعل منكم وبتاخذ موقف حتى لو مالكم دخل في الموضوع

وذنب اخوكم في رقبتكم ....

والسموحه منج ..لاني تخيلت لو اخوي مكان اخوج شو كنت بسوي اكيد مابيهون علي اشوفه يتعذب

ترا في ريايل وايد يعانون بس محد داري عنهم

 

[ساره من الكويت]

كلام الاخت ملامح طاغيه صح
وانا من راااي اذا انتي بيدج شئ سويه واقنعي المره
وانصحيهاا يا اختي والله شعور صعب لو كانت مظلوومه برأي ضميرج
انتي مبين عليج بنت صالحه وتخافين الله الله يكثر من امثالج
ويجزاج خيررررررر علي شعورج
بس انصحيهاا
وخلي اخوج يعدل من نفسه خراب البيت مو سهل
الله يحفظكم ويصلح حالهم يااااااااااارب

 

[ساره من الكويت]

وليه شليلين ايدكم من الموضوع؟

مو اخوكم هو؟

الى متى يعيش بتعب؟

مانتم خواته تفرحون له؟

حمد الله والشكر ابركها من ساعه يطلب اخوي مني ولومرته شايلته من الارض شيل..مابالك عايش هالعيشه..

اختي حرااااام عليج
احس انج قاااسيه

 

[كاتمة الاسرار]

بصراحه ماشاء الله عليكم عجبني موقفكم
وانكم تحبون لغيركم مثل ماتحبون لانفسكم
اعرف ناس بس قال لهم الولد يبي يتزوج الثانيه
الاهل مااعترضو وراحت الام تخطب لها
وحظرت زواجه هي وبنته مع انو زوجته الاولى مو مقصره معاه
اسفه دخلتكم بسالفه ثانيه
شوفي عزيزتي طالما زوجتك اخوك مهملته وكل واحد ينام بغرفه
الرجال معاه حق يتزوج وهي شكله مو ناويه تكمل المشوار معاه
ولاكان حست بالخطر وابتدت تصلح نفسه علشان تحافظ على زوجه وبيتها
بس هي مطنهشا وانتو فهموه ان مستحييل في رجال يصبر على زوجته
وهي هاملته يعنني زواجه في هالحاله ضروري وعذرآ على الاطاله والله يوفقكم لكل خير

 

[رونة مسقط]

انا مع الاخت ملامح طاغية

شوفي حاولي انتي او احد من خواتج الكبار اللي سنها قريب منها
وتقول لها
شوفي يا بنت الناس احنا حبيناج وما نرضى بأي شي يسبب لج الضيق حتى لو من اخوي انتي صرتي وحده من وفينا ,, وما نرضى ان اخونا يغلط عليج باي شي...
غلاتج من غلا اخونا ... ومن هالكلام بينوا انكم اتعزونها وممكن انكم توقفون فصفها ضد اخوكم
وانكم موب راضين بالزوجة الثانية تيجي تسكن عندكم واذا اخوكم عزم من غير شوركم انكم ما تبغونها تسكن عندكم .. وكذا يعني
ونبههوها .. اذا زوجك مقصر معاك .. لا تسلمين زوجك لغيرك .. هذا زوجك وانتي احق بيه من غيرك ..
اكسبيه .. وحاولي بالتدريج انك اتغيري من اسلوبه وتعامله معاك .. واحنا معاك ..
بينوا لها ان التقصير من اخوك مو منها .. لا تحسسوها انها السبب في زواج اخوكم من الثانية
والوالدة الله يهديها بعد لو اتخف عليها شوي من النصايح .. هي بكذا اتحس انكم اتشوفون انها هي المقصرة والغلط منها
بينوا لها العكس .. صدقيني بكذا هي راح تتغير في سبيل انها اتغير من اسلوب زوجها .. يعني بالمختصر
تضربون عصفورين بحجر واحد

 

[RaMa 7yati]

الله يعين بس..


بس قوليلوا يستخير..ويستأذنها..والله يصلح الحال​

 

[اصرار أنثى]

أشوف أنكم تخطبوله ولو رفضتوا وراح للحرام حتحسوا بالذنب..

 

[صغيره بالعمر]

بصراحها دام هذي اخلاقها وعندها علم انه بيخطب و لا تحرك ساكن

اخوكم اهم روحو شوفها وتوكلو ع الله

 

[لـــورين]

الرجال اذا حط هالفكره برااسه بيسويهاا
وزوجته اذا ضلت على حالها الله يرحم حالها بس
انصحووهااااا قولوا لها انه بيتزوج ومصمم ع الزواج
يمكن تتعدل

 

[حنيني2010]

لولو النعيمي،،، حبيتك و حبيت خواتك ،،،

الله لا يحرمكم من صفاء قلوبكم و نواياكم،،، وأسأل الله ألا يضع أيا منكن في مكان زوجة أخيكن
فالقلوب متقلبة كما تعلمين أختي !

كلام "ملامح طاغية" كفى و وفى،، لكن أقول انه انتي و خواتك تعملو خطة إصلاحية شاملة،،
حلوا البنت بعين أخوكم،، اعتبريها أختك لكنها عزيزة نفس ما تحب تبين انكسارها لأحد!!!
شلون بتعاملينها؟؟؟
وادعي لأخوك الله يسامحه ع اللي بيعمله ببنت الناس،
ترى حوبتها مهي بسهلة!!!

الله يهدي بالكم جميعا،، عيلة طيبة، تستاهلون كل طيب​

 

[الحالمةبالسعادة]

انا رأيي من رأي ملامح طاغية

 

[سراج القلب]

السلام عليكم

لا تلومي أخوك بالزواج لانه لم يحصل على الاهتمام من زوجته
فله الحق في الزواج مرة ثانيه وزوجته لاتبالي بذالك ​

 

[حلاتي بغروري]

لولو خبروها انه يبي يتزوج او خلي اخوج يكلمها بنفسه احسن وتطلعون منها وعسى الله يهديها

 

[عليا 22]

من حقه والله حلل للرجل 4 اذا ما ارتاح مع الاولى هي اللي جابته لنفسها والرجال لو ارتاح في بيته ماراح يطالع برا

 

[o.o]

ليش تشجعونها ؟ هو بيدور راحته ويمكن يلقاها لكن حرام اليهال وبيته .. انا احس انه الزواج بثانيه كانه طلاق لانه في هالايام محد يعدل
ولو انا مكانج مالي دخل فيه، ماقلتي هو مثقف وواعي خل يحل مشكلته بنفسه سواء يتزوج او مايتزوج هو يبيكم تقررون له وهالشي مايخصكم لانه قرار مصيري ممكن ياثر على عايله ليش تحملون نفسكم مسؤوليه انتو في غنى عنها ترى اللي يبيه مب مجرد استشاره والله بيطيح كل شي على راسكم لو صارت مصييبه مثلا تزوج وحده ورييحته على الاخر لدرجه خلاص ماعاد يبي بيته
كييفه يسوي اللي يبيه بس يستحسن انكم تدعون له وحالوا تصلحون بينهم

 

[لولو النعيمي]

اول شي يعطيكم العافيه كلكم ماقصرتوا معااي ...

بقولكم بخصوص الي تقول ان امي اذا ماترضاها على بناتها كيف ترضاها ع بنت الناس بس بقولكم ان اخوي الاكبر منه تزوج من غير حد مايدري وصااارله سنيييين وهو يقول بتزوج بتزوج والكل مطنش وبعدها تزوج وحطنا امام الامر الواقع ..وصار لنا سنه منقطعين عنهم بامر من ابوي لانشوفهم وولا يشوفونا ,(نشوفهم بالخش :7امي خايفه يصير له نفس الاول ... بقولكم بعد حتى صار اخوي يفكر يطلقها يقول حق امي انه مب مرتاح معاها ومايبي يظلمها لكن امي عصبببت عليه ....



اما الي تقول حطي نفسج مكانها حطيت نفسي مكانها طبعن مب رااضيه ..بس حطوا نفسكم مكانا لو اخوكم جاي يطلب منكم وانتوا تدرون انه متعذب ومهموم ومب مرتاح وش بتسووين!!!

والي تقول انصحوها كلموها نصحناها باسلوب غير مباشر بس مافهمت وبعدها امي نصحتها مبااشره ماقولكم ماتعدلت تعدلت شوي في بعض تصرفاتها بس راحت عند اهلها (اهلها في دوله ثانيه )وردت مثل قبل واخس وماصارت تسمع لاحد !!

اشوف الاغلب ضد الفكره وانا معااكم لان الكل بعدها بيدعي علينا واحنا صراحه مش مستعدين نخسر اخونا الثاني بسبة الزواج ..

بستخير ان شاء الله وان شاء الله خير

يعطيكم العافيه خواتي :5:​