بستشيركم بزواج اخوي

[لولو النعيمي]

وترى هو الي مايخليها تنام فنفس الغرفه احنا ماكنا ندري لين ماجات تقولنا !!

 

[لولو النعيمي]

اختي بيروو هو عمرنا ماسمعناه يتشكى منها بس الي قاله ابي اتزوج

 

[لولو النعيمي]

اختي بيروو هو عمره ماسمعناه يتشكى منها بس الي قاله ابي اتزوج

 

[قيودالروح]

عزيزتي الزواج من ثانيه مو حرام ودام انه يقدر يفتح بيتين
عادي المفروض توقفوا معاه
بصراحه انتي يحق لك تحسي بالذنب اذا كانت زوجته تعامله بحب واحترام
نصيحتي
اوقفوا معاه وساعدوه

 

[لولو النعيمي]

الله يبعده عن الحرام يااارب

 

[ملآمح طآغيه]

اخوي سالفته ملخبطه شوي هو لما تزوجها تزوجها بس عشان يرضي ابوي !!!!!وكلنا انتقدناه فالهشي وابوي ندمااااان على هالشي وامي ترى مب راضيه حتى لما راح قالها يبي يتزوج قالتله ليش ورفضت وراحت لها بدون مايدري وكلمتها ونصحتها اكثر شي ع النظافه ونظافة بيتها بس هو مااايحب يقول ولا يتشكى وترى هو الي مايخليها تنام فنفس الغرفه احنا ماكنا ندري لين ماجات تقولنا !!! صج اخوي غلط مفروض مايسوي هالشي ماندري شاللي بينهم ومانقدر نتدخل بينهم لنه اخوي الكبيير وله هيبته نستحي نقوله شي بدون ماهو الي يجي يقولنا ,حاولنا نغير ستايلها بطريقتنا لكن هي ماتقتنع ولاتاخذ براينا اهم شي عاجبها ذوقها ماعليها من حد حتى لما يروحون السوق ياخذ وحد منا معااه ع اساس انها بتتسووق وتعطيها راايها فاللبس بدون ماتحس لكن ماتاخذ برااينا !!!حتى لوهو ماكان يبيها مفروض هي تخليه يموت عليها الله يهديها ياارب



صدقوووووووووووني انا عن نفسي والله مب راضيه ياخذ الثانيه لكن احس انه بيروووح للحراااام ومانبي اخونا يرووح للحرام وهو مب راضي يخطب لين ياخذ راينا فيها وفي شخصيتها يبي وحده رزينه ومثقفه تقدر الحياه الزوجيه

حبيبتي الان وظحتي لنا القصه صح
اخوك السبب اسمحيلي
اهو من طردها بغرفه خارجيه لابد يقوم اهو بترجيعها
اهو من قهرها ببعض المواقف لازم يرمم من مافعل
وفوق هالجروح كلها تلومون البنت ليه اهي ماتزين
اهي كل مافي او بعض مافيها تحطم
حطو نفسكم كلكم نفس مكانها خذكم واحد ابوه غصبه وطردك من غرفة النوم ؟
هل بتحبينه ؟
كونه فقط طردك من غرفة النوم
ماهو شعورك ؟
بامانه استشعري الموقف
لما تقولين ياقلي اهو مايبيها ولازم تحاول تقربه منه ف هذا شي غلط وبقولك المراه لها احساس ومشاعر وقلب
ولما تحثوها ع النظافه وتغيير ستايلها مو ب الحكي واكيد ماراح تسوي اذا جيتوها بالنصح
بتفكر بطريقه ثانيه كونكم اخوات رجلها ماتبي تبين انكم صح واهي غلط واهي بنظرها الي تسويه صح

من ناحية كيف تعلمونها علمو اخوكم اول كيف يحبها اصنعو له مواقف انو زوجتك ماتوقعناها تحبك لهذي الدرجه ارسمو موقف بدون مايرجع ويسئلها
كبرو الحب بين الطرفين

قبل كل شي
واذا حبها شوي شوي راح تتقبل منه التغيير
وبعدين قدمي لها عن طريق الهدايا لبس من نعومي ولما تقدمين جيبي لها ولوحده من اخواتك تكون جالسه وتعطينهم سوا حتى ماتبينين انها اهي بنقص وانو عاتي انتو مع بعضكم تتهادون

واذا ع موقف المستشفى بصراحه مالومها يفقدها التعبير كونها محطممممه من بعض مواقف اخوك

واحس اخوك ماخذ موقف انو زوجته مو ذاك الزود
بس انتو اعكسو هذي النظريه وخاصه انتو ويا امكم
وكلكم دايم امدحو زوجته قدامه حلوها بعينه
قولو تصدق الكل يمدحها ويقولون فيها ملح وجاذبيه
والكل يقولون ياحوبي لها ومن هالحكي طيحو مدح فيهااااا


>>ترا الرجل يهتممممم لنظرية زوجته كيف بعيون اهله ولو شافها بعيونكم واااو راح يفتش ويدور فيها ويحاول مايفرط فيها ويكسبها​

 

[عفيفه]

^
^^
^^^

كلام سليم رأيي مع الاخت ملامح

 

[لولو النعيمي]

ملامح طاغيه كلامج درر

عن نفسي مراح اتدخل فالموضوع

مع اني كنت متردده شوي بس كلامج اقنعني

 

[مارشيلو]

لولو النعيمي

ماشاء الله عليك ملامح طاغيه وفيت وكفيت نفس الكلام الي في بالي لولو ياليت تقرئينه وتطبقيه الله يعينك انا احس انها مجروحه عشان كيذا قالتله ريحتك خايسه انتظرت الحظه الي تبرد حرتها وتنتقم فيه البيوت أسرار يمكن أخوك مهمل في مسئولياته لانه اصلا من اول ابوك غاصبه عليها مايحبها ومو داخله مزاجه اخوك ماعنده عذر للزواج بسببه خلها تهمله وتهمل بيتها وهو فرح بشي هذا عشان يكون سبب منها ماتجي منه وهيه مسكينه عارف شعوره انه مايبيها عشان كيذا بارده ومطنشه الصراحه غريبه انتم تلمحوله وهيه ولى حركت شعره فيها انجرحت لازم يداوي جرحها اخوك الله يهديه عاد اذا انتم شوفواخوكم وصارحوه هذي زواجه بنات الناس ماهي لعبه يعني اذا حاول يرجعه تنمام معاه لازم يكون بينهم حوار يتفاهمونن زين احس ان الحوار مفقود بينهم ومخليكم اخوكم انتم توصلولها الي يبيه انتم حاولو انكم تصلحون بينهم احسن خاصه اذا عندهم اولاد ...... الله يسخرهم لبعض ويخليك لهم

 

[smile moon]

ما في دخان بدون نااار !!!
احترم شعورك النبيل تجاه زوجه اخيك ولكن اكملي جميلك وعيشي في الخيال حياتها اي ضعي نفسك مكانها !!! كيف ستكون معاملتك مع رجل لا يريدك و قام بطردك من عش الزوجيه .

البنت وصلت الى هذا الحاله بسبب معين . و مثل ما قالت احدى الاخوات مدح زوجه اخيكي امامه
له مفعول ايجابي على اخيك .

 

[لولو النعيمي]

تسلمين فديتج عن نفسي شايله يدي من الموضوع

بس ترى هي تهتم في نفسها مره وعشر مرات لا
كلمناها لاتياسين فالبدايه بتتعبين وبعدين بتوصلين للي تبين

واخوي ترى انتقدناااه واجد عالكلام الي يقولها صدقوني ماصار يجرحها بكلمه حتى قبل فتره بسيطه كانوا ناووييين يسافرون لكن صارلهم ظرف وماسافروا يعني علاقتهم مع بعض عااديه

البنت من قراايبنا وكااسره خااطري والله

 

[غدا نلقى الآحبة]

اخوي سالفته ملخبطه شوي هو لما تزوجها تزوجها بس عشان يرضي ابوي !!!!!وكلنا انتقدناه فالهشي وابوي ندمااااان على هالشي وامي ترى مب راضيه حتى لما راح قالها يبي يتزوج قالتله ليش ورفضت وراحت لها بدون مايدري وكلمتها ونصحتها اكثر شي ع النظافه ونظافة بيتها بس هو مااايحب يقول ولا يتشكى وترى هو الي مايخليها تنام فنفس الغرفه احنا ماكنا ندري لين ماجات تقولنا !!! صج اخوي غلط مفروض مايسوي هالشي ماندري شاللي بينهم ومانقدر نتدخل بينهم لنه اخوي الكبيير وله هيبته نستحي نقوله شي بدون ماهو الي يجي يقولنا ,حاولنا نغير ستايلها بطريقتنا لكن هي ماتقتنع ولاتاخذ براينا اهم شي عاجبها ذوقها ماعليها من حد حتى لما يروحون السوق ياخذ وحد منا معااه ع اساس انها بتتسووق وتعطيها راايها فاللبس بدون ماتحس لكن ماتاخذ برااينا !!!حتى لوهو ماكان يبيها مفروض هي تخليه يموت عليها الله يهديها ياارب



صدقوووووووووووني انا عن نفسي والله مب راضيه ياخذ الثانيه لكن احس انه بيروووح للحراااام ومانبي اخونا يرووح للحرام وهو مب راضي يخطب لين ياخذ راينا فيها وفي شخصيتها يبي وحده رزينه ومثقفه تقدر الحياه الزوجيه

في مثل يقال الي يحبك يمشيلك زلط والي يبغضك يوقف لك على غلط ..

ارى ان اخوك يتحجج ويظن بأنه اذا تزوج فستكون زوجته الثانية ملاك وسيرتاح ..
وماذا يضمن له ان الزواج بأخرى سيريحه ؟؟..

كلنا نعرف ان الزواج حلال ولكن في بعض الاحيان مسؤولية وتهور خاصة اذا كان غير قادر على تمشية اموره مع الاولى فكيف سيستطيع تمشية اموره مع اثنتين ..

خلي اخوك يعالج اساس المشكلة لا ان يلجأ لعلاج الجذور وترك الاساس ,,
يصلح نفسه اول ويعدل معاملته مع زوجته فمعاملتها نتاج معاملته ولاينتظر منها شيء وهو لم يعطي بالمقابل ..

يجب عليه ان يعامل زوجته بما يرضي الله ويخاف الله فيها ويعطيها حقوقها واحترام كيانها كزوجة وانسانة .. ولايقصر عنها بشيء بعدين يحق له يتكلم اذا قصرت معه ..

وانتم يكفي تجريح لها فبكلامكم لها بأن تعدل من نفسها وان تهتم وتنزلون السوق معها لتعلموها على الذوق هذه اهانة لها وواضح انها مجروحة بدليل عدم الاخذ برأيكم ولكنها مؤدبة بسكوتها عنكم ..
طبيعي ان لاتأخذ بكلامكم وكأنكم تضعون الغلط عليها فقط ,, هي ليست صغيرة ولاجاهلة كما تقولين اكبر منك ب 10 سنوات فكيف تعلميها على الذوق والنظافة وامور الحياة حتى شراء الملابس !!!!!؟؟ اكيد بتنقهر وتزعل ..

بالنهاية ارى ان تكلمون احد الدعاة المهتم بالاستشارات الزوجية والاسرية لينصح اخاك ..

 

[عطر الليالي]

يااختي الكريمة الزواج من ثانية موعيب ولاحرام
ولاهو ذنب عشان تخافين منه
الله سبحانه وتعالى شرع التعدد للرجل مانجي احنا ونحرم شرع الله اخوك اسبابه مقنعة ومنطقيه صبر عشر سنوات على امل ان زوجته تغير من نفسها يعني عطاها فرصة
الزوجه الحريصة على حياتها الزوجيه تبذل كل جهدها عشان تسعد زوجها ومن كلامك واضح انها انسانه مهمله
الرجل اذا مالقي راحته في بيته صدقيني راح يدوره في مكان ثاني واخوك انسان عاقل ويخاف الله عشان كذا فكر يتزوج مره ثانيه مادور حرام
مافيها شي لو ساعدتوه في الاختيار عشان يرتاح اش الفايده لو تزوج وحده ماتناسبه حرام بيكون جاب لنفسه هم فوق الهم مدام فكر في الزواج مافي شي راح يرده حتى لو اتجنبتوا الموضوع واضح انو راح يتزوج
نصيحتي لك اكسبي اجر فاخوك وساعديه انتي نصحتي زوجته وسويتي اللي عليك استخيري قبل ما تقدمين على اي خطوة عشان يرتاح قلبك0

 

[خلود بكر]

عاد تصدقي اصلح الله اخوك في رجال يطرد زوجته ويبغاها تهتم فيه وبنفسها شوفي مو كل الناس عقولهم وحده يعني في بنات لو زوجها طردها اول شئ بتقوله هذي غرفتي واذا خرجت منها بخرج نهائي من البيت وبيت اهلي موجود وفي حريم بيقولوا يلا مع السلامه كلن بحاله وجالسه لعيالي بسسسسسسسسسسسسس لاغير وانها تذم اخوك وربي يستاهل دام هو ماحشمها قدامكم وخرجها من غرفتها يصير والله لااخليه مايسوى طبعا على مايقولوا مافي دخان من غير نار دام هو بدا يصير يستاهل الي يجيه لاتزعلي بس هذا الجد واذا على التغير يبدا هو قولوا له الحرمه تنجرح لمن زوجها ينام بعيد عنها وهي بغرفه وهو بغرفه انت حن عليها وهي بتحن عليك وبعدها يخرج هو واياها ويشتري لها الي هو يبغاها ويقولها انا احب اشوفك بهذا اللبس وبهذا العطر يعني هو يبدأ الطريق وهي بتكمل بس اهم شئ يرجعها عنده قولوا له اش رأيك تسافر انت واياها وخلي الاطفال او يروحوا شاليه اهم شئ يكونوا لحالهم ويشتري لها الي تبغاها وبعدين يتفاهم معاه يقولوا لها ابغاك تكوني معاي بالغرفه ويعتذر لها واذا ماعرفتي تقولي الكلام خلي الوالده او اكتبي رساله او كلميه على الماسن عشان لاتحرجي واذا اصلحتي بينهم لك اجر عظيم عند ربي واذا على الامراض فمو منها والله من ظلمه لها يمكن ماتدري ياختي اش بينهم وانا ماابغى ازعلك بس الله يهديهم يارب

 

[وهج الحياة2011]

الافضل اخوك يقول لها انه يبي يتزوج ولقا بنت الحلال ويبيكم تشوفونها بس انتم مترددين علشان تحبونها وتعزونها وانه معزم اذا ماتغيرت وتعوذت من ابليس​

 

[لولو النعيمي]

وانتم يكفي تجريح لها فبكلامكم لها بأن تعدل من نفسها وان تهتم وتنزلون السوق معها لتعلموها على الذوق هذه اهانة لها وواضح انها مجروحة بدليل عدم الاخذ برأيكم ولكنها مؤدبة بسكوتها عنكم ..
طبيعي ان لاتأخذ بكلامكم وكأنكم تضعون الغلط عليها فقط ,, هي ليست صغيرة ولاجاهلة كما تقولين اكبر منك ب 10 سنوات فكيف تعلميها على الذوق والنظافة وامور الحياة حتى شراء الملابس !!!!!؟؟ اكيد بتنقهر وتزعل ..

بالنهاية ارى ان تكلمون احد الدعاة المهتم بالاستشارات الزوجية والاسرية لينصح اخاك

..


اضن تكلمت في بدااية الموضوع اني مااتدخل في مشاكلهم لا اناولاخواتي وعمرنا ماقلنا لها تنظفي ولا غيره حتى لما ننزل السوق معاها نعطيها رااينا بسس لا اكثر ولا اقل !!

اما بخصوص النصائح امي تعطيها مباشره اما احنا خواته لنا اسلووب ثاني وانا اصغر وحده فخواتي مثلا يعني لو هو جاي من السفر نقولها هااا وش جهزتي له ؟ولانقولها تعالي بنسوي لج شعرج نعدلها ؟او نسالها تبيين مساعده في ترتيب البيت او او ....الخ

بس بقولج معلومه ترى اخوي عاااقل وفاهم ومثقف والحمدالله يصلي مب مدح في اخوي عشانه اخوي والكل يشهد فيه داايمن يحل مشااكل العاايله كلها هو واااعي وعارف شاللي قاعد يسويه وعمرنا ماسمعنا منه يتكلم عنها بكلمه وحده ..وكل مشاكلهم هي اللي تجي تقولنا عنها اما هو ولاعمره نطق !!!



اما بخصوص الغرفه احنا ماندري شاللي يصير و محد يدري شاللي بينهم ومن السبب...


يالييت لو كان اسلوبج ارقى من كذا ..!!!

 

[&الدلوعة&]

انتو سويتو الا عليكم يعني شكلو الموضوع عادي

 

[لولو النعيمي]

اختي وهج الحياه هي تدري وعندها خبر ماعندها مشاكل

وسبحان الله يمكن لو تزوج الثانيه يتغير من صوبها بهدف انه لازم يعدل

مصائب عند قوم فوائد ...

 

[سراب الوله]

الله يهديها بس

 

[ورقه توت]

الله يصلح الاحوال حاولي يااختي في نصح اخوكي وزوجته ولك الاجر يمكن يجيك مشكله وربي يسخرلكي من اهل زوجك من يساعدك والله يكون معك في الصلح واحتسبي الاجر