حياة الشماليه مع الجنوبي

[دفء الشتاء]

عزيزتي وخروا عني اللي اعرفه ان الجنوبي يحب الهدايا المصنوعه يدويا وكذلك الرسائل​

 

[ms-reem]

حبيبتي دفء الشتاء

الجنوبي صحيح يحب الهدايا من صنع يديك لانها تعبر عما بقلبك وكل ما تعبتي علشانه راح يقدر هالشي ووسيلة تعبيرك لحبه بكلمات الغرام والهدايا البسيطة كذلك لها مكانتها
وقد تلاحظين انه يحتفظ برسائل الغرام والاشياء الصغيرة لانها تذكره باللحظات الجميلة لديه​

 

[ms-reem]

وخروا عني
صدق بنوخر عنك لانك ما شاء الله ما عندك وقت
الجنوبي يعشق رسائل الجوال ويتلذذ بها اكثر وخاصة في وقت بعده عنك فما الوسيلة لاهتمامك به سوى الرسائل
(وطبعا الرسائل اللي من قلبك وباسلوبك لان التقليدية لا يعتبرها شي لانه مو منك بل وصلت لك ووجهتيها وهو يحب الكلام الموجه له فقط )

وقد تلاحظين الجنوبي شاعري ومرهف الاحساس

بل كل الشعراء جنوبيين ​

 

[ms-reem]

حبيبتي ام راشد اسمحي لي على هالكلمه
انتي ليش حاطة ببالك اني الاحقه (قد صرح بهالشي او تضايق

حبيبتي لانك شماليه تحسين ان الثقل زين

لكن حبيبتي الجنوبي لو كل ساعة ترسلين له ما يمل

يعني كلميه يوميا واغدقي عليه رسائل الغرام
وشيلي من بالك الاحقة وما الاحقه والثقل

لان الجنوبي اذا ثقلتي بزيادة وابتعدي بيمل منك

يعني كثري من الغرام والرسائل وخليك فرفوشة

ولا ترى بيلاقي من يعطيه هالشي

تذكري هو ما يمل من العواطف لو كل دقيقة

وبيتعلق فيك اكثر اذا تقربتي

 

[انساني لوتقدر]

هلا حبيباتيي صج اللي بتعرف شلون تتعامل مع الجنوبي الغربي بعيشها اميرة اهم شي اهم شي اهم شي كتبته بالاحمر عشان تنتبهون الحنان والدلع خلي يحس ان انتي راحته اذا كان متضايق او زعلان. كثر ماتقدرين خليه اهو يتكلم وانتي عطي نفسج الراحة واسكتي ههههههه
بنات اقصد حريم كملوا خلنه نستفيد من بعض اكثر عشان مايفلتون منا لآنهم صج نعمة

 

[دفء الشتاء]

غاليتي بنوته دلع أنا كنت ألاحظ إني لما ارسلله رساله تقليديه مايعبرها كذلك الهدايا كنت أشتري له هدايا بس مايهتم بس لما صرت أكتب من تلقاء نفسي يحتفظ فيها وإذا كانت رساله جوال يرد علي بسرعه فعلا إنهم نعمه:

 

[وخرو عني]

ههههههههههههههههههههههه ضحكتيني يابنوته ورطه اسمي صح سجلت بكذااسم عيا يسجل وطفشوني قلت خلني اجرب وخرو عني وحسبي الله على العدو ظبط معهم الحين بغيره ومارضو

بالفعل دفء الشتاء انا رسايلي العاديه مايحتفظ فيها بس مره كتبلي قصيده وارسلتله شي دلع ويذوب واكيد الحلو مايطلع منه الاحلو ومن كم شهر ولين الحين محتفظ فيها
بس يختي الدفاشه والتربيه وين تروح راعي الطبع مايغير طبعه مااقدر اتكلم حلو ابد ابد اذا قلتله كلام حلو استغرب وبعدين استحي انا من رده فعله
اما الاهتمام والله مهتمه فيه بس على الصامت

 

[في ربى الدوحة]

حبيبتي ام راشد اسمحي لي على هالكلمه
انتي ليش حاطة ببالك اني الاحقه (قد صرح بهالشي او تضايق

حبيبتي لانك شماليه تحسين ان الثقل زين

لكن حبيبتي الجنوبي لو كل ساعة ترسلين له ما يمل

يعني كلميه يوميا واغدقي عليه رسائل الغرام
وشيلي من بالك الاحقة وما الاحقه والثقل

لان الجنوبي اذا ثقلتي بزيادة وابتعدي بيمل منك

يعني كثري من الغرام والرسائل وخليك فرفوشة

ولا ترى بيلاقي من يعطيه هالشي

تذكري هو ما يمل من العواطف لو كل دقيقة

وبيتعلق فيك اكثر اذا تقربتي

هلا عزيزتي .. كلامك يونسني لو كان عند زوجي لكن أنا يا حبيبتي بقولك شي وأكتب لك وأنا حييييييييييل متضايقة من هالشي وهو :


زوجي دايم مسافر وما أشوفة إلا مرة بالشهر فهو يسافر عند زوجته الأولى ويقضي عندها أغلب الشهر وعياله !! وأنا ما صار على زواجي إلا 7 شهور وهو جنوبي ولما أرسل له رسايل يقراها ويستانس بس لما أفتح جواله ألقاه ماااااااااااااااااسحها !!!!! وإذا أتصلت عليه وهو عندهم يحاكي على أنني رجل !!!!
واسمي في جواله اسم رجال وزوجته وعياله قابلتهم وتعرفت عليهم وحبيتهم وتقريبا رضوا بالواقع بس هو للحين يخاف يكلمني قدامهم ويمسح رسايلي ووالله أكتب لك الحين وشوي ببكي


ماقصرت معاه ولا مع زوجته وعياله .. أمس مر 3 أيام ما اتصل ولما اتصلت قلت ليش ماتتصل علي قال انا الكبير والحق لي انتي اتصلي !!!


شرايك الحين ؟ أنا الحين ما عرفت أتصرف ..



جزاك الله الخير والجنة ..

 

[ms-reem]

ما ادري شقولك ام راشد

بس زوجات المعدد لازم يرضوا بالواقع ويتنازلو قد ما يقدروا

وهذا الشي حلة بينك وبينه يعني تصارحينه اذا جاء عندك

وحبيبتي هذا حال من تزوج بغير رضا زوجته (الضحيه المراة وليس الرجل )

 

[في ربى الدوحة]

ما ادري شقولك ام راشد

بس زوجات المعدد لازم يرضوا بالواقع ويتنازلو قد ما يقدروا

وهذا الشي حلة بينك وبينه يعني تصارحينه اذا جاء عندك

وحبيبتي هذا حال من تزوج بغير رضا زوجته (الضحيه المراة وليس الرجل )

عارفة تعبتك معاي بس فيه شغلة انا مصارحته بس هو قال : انا الشايب والحق لي تسألين عني !!!!! أنتي حاسة كلفت عليك بالمكالمة ؟ !!

قلت على راحتك !


عشان كذا قلت لك عزيزتي ..

 

[دفء الشتاء]

غاليتي وخرو عني ارسلت لك على الخاص ردي علي​

 

[اشرقي يا شمس]

يلا نبي نعرف اكثر عن زوج الجنوبي. اعتقد انا زوجي جنوبي. متحمسة اعرف اكثرعن الجنوبيين

 

[اشرقي يا شمس]

الحقوا لي زوجي الجنوبي (خطيبي لان مالجين) راح يطير مني ويبي يطلقني. مابي اخسره. صراحة ماعرفت كيف اتعامل معاه. الحين يوم دخلت هالمنتدى عرفت وايد اشياء عن الجنوبيين.........

 

[ms-reem]

الحقوا لي زوجي الجنوبي (خطيبي لان مالجين) راح يطير مني ويبي يطلقني. مابي اخسره. صراحة ماعرفت كيف اتعامل معاه. الحين يوم دخلت هالمنتدى عرفت وايد اشياء عن الجنوبيين.........

حبيبتي بسالك اول شي كيف اكتشفتي انه جنوبي

يعني لازم تتاكدين اول

وسؤالي ولو بكلف عليك شوي

ليش فكر بالطلاق اساليه

(الجنوبي الاشياء البسيطة في بدايه حياته وهو ما بعد تمسك فيك ممكن يقكر بالطلاق كاول حل )

حساااااااااااااااااااااااااس
انتبهي
فهو يياس من اصلاحك على طول
وما عنده صبر
ممكن البنات يفيدونك

 

[اشرقي يا شمس]

تأكدت جنوبي مية في المية من صفات الرجل الجنوبي اللي قرأتها .انا كانت تعجبني طباعه بس ماكنت ادري كيف بالضبط لازم اتعامل معاه... على فكرة احنا مالجين من 6 شهور (مخطوبين) . كان وااايد زين معاي بس الحين... صدقج يجوز ماعنده صبر عشان حساس لأن كنا نتهاوش وايد شوي شوي صرنا زينين مع بعض ومانتهاوش وايد بس يقول تأخرتي.وانا ملت .المشكلة علاقتنا استويت شبه مقطوعة

 

[وخرو عني]

دفء الشتاء رديت عليك بس ترجعلي الرساله انك مو راضيه تستقبلين رسايل خاصه تاكدي من لوحه التحكم عندك

 

[دفء الشتاء]

عزيزتي وخرو عني
عدلت الخيارات ارسلي الحين​

 

[وخرو عني]

دفء ماسويتي شي ارسلتلك مره ثانيه يقول لاتستقبل رسايل خاصه عاد تعبتيني وانا اكتب هلمجلدات ههههههههههههههههههههههههههههههههه
تاكدي مره ثانيه

 

[ms-reem]

تأكدت جنوبي مية في المية من صفات الرجل الجنوبي اللي قرأتها .انا كانت تعجبني طباعه بس ماكنت ادري كيف بالضبط لازم اتعامل معاه... على فكرة احنا مالجين من 6 شهور (مخطوبين) . كان وااايد زين معاي بس الحين... صدقج يجوز ماعنده صبر عشان حساس لأن كنا نتهاوش وايد شوي شوي صرنا زينين مع بعض ومانتهاوش وايد بس يقول تأخرتي.وانا ملت .المشكلة علاقتنا استويت شبه مقطوعة

انصحك بقراءة كتاب (الرجال من المريخ والنساء من الزهرة)
وهذا المنتدى بيعلمك كيف تتعاملي مع الجنوبي



وحبيبتي ممكن تكتبين مشكلتك بالضبط

وانصحك بالتسجيل في دورة الحب للابد في هذا المنتدى

حبيبتي ودي اساعدك ومن عيوني بس ما حددتي المشكلة بس كتبتي بشكل عام


واتمنى افيدك

 

[وخرو عني]

دفء شوفي روحي للوحه التحكم تلقين تعديل الخيارات ادخليها تلقين السماح باستقبال الرسايل الخاصه من الاعضاء حطي صح على الخانه
اتوقع تعرفين بس للتاكيد