بهدووووء .. تعالوا نذوب كقطعة سكر بين حنايا الشرقي ..

[دفى]

نسيت اقول اني الآن وبفضل من الله راتبي كله لي لحالي واشارك بمزاجي في البيت

وصرت اخذ منه مصروووف وانااا عندي راتب الحمدالله


اصبري واقنعي الشرقي بأنك تستاهلين

الشرقي كنز للي تلاقي مفتاحه ولكل شرقوق مفتاحه الخاص



احبكم​

 

[الـحـاالـمـه]

بالنسبه لنقطة الكواليتي
ليست عامه على كل الشرقيين
هناك شرقيين يسعون جاهدين للحصول على الجوده باقل الاسعار
وهذه بنظرهم هي الحنكه في ادارة الاموال
ربما يكون شرقيك متأثرا ببيئته لذلك لايمانع من الدفع ولو كان المبلغ مبالغ فيه

صح حكيك مش كل الشرقيين هيك

انا هيك شرقيي مثل ماقلتي يبحث عن الجوده
باقل واقل الاسعااااار ​

 

[لقيت نفسي فيك]

حلو كلامك بدور

انا جربت مع الشرقي اقول عطني ما يعطي يقول الي تبينه انا بجيبه لك

اش ناقصك انا اقوله ابغاها في اشياء خاصه

مو مقتنع يقول اطلبي الي تبينه وانا اجيبه بس انا ابغى مبلغ في يدي احيانا اتورط

المشكله ماخذ عني اني مبذره وانا مو كذا حمدلله

وشكرا خواتي

صحيح نفس المشكله
على فكره الشرقي اذا خلص الراتب بسرعه وما نعرف وين راح اركض احضر ورقه وقلم ونجلس انا وزوجي نحسب الفلوس اللي صرفناها بس بنتأ كد وين راحت؟؟
وفجأه نلقى 1000 ريال مختفيه ونفكر وين صرفناها وهنا انا قلت له جرب الشهر الجاي حط الراتب عندي وفعلا حط 1000 ريال عندي
وتخيلوا جاء الراتب الثاني وباقية منها 100 ريال يعني شاف اني ما ابذر على اني احيانا اشيل على جنب لي مصروف هههههه:31::31: ولا يلاحظ اذا صارت معي والحمد لله صاركل فتره وفتره ترك جزء من الراتب عندي

بس على فكره هو يعرف اني ما اطلع من البيت ابدا الا وهو معي حتى جارات ماعندي
وبكذا
يضمن ان الفلوس ماتروح:31:​

 

[بيالة شاي]

ياسلاااام ياحكااايه ...كلااام جميييل
فعلا اعتقد اختلاف البيئه والمجتمعات لها دور ايضا ...بس المهم كل وحده لاااازم تطلع من شرقييها حقها بالمصروووف بطريقه او بأخرى ..انت وشطااارتك ..لا تيأسين ولا تستعجلين ...الشرقي احس من الانماط اللي يبيلها نفس طويييييييل ..وصبر ايوووب ...هههههه بس والله عسل على قلوبنا

بس ياحكاايه ..مارديتي علي بموضوع الضائقه الماديه وانه مايحب يخبرني ..وعموما اموره الماديه ومشاريعه مايحب يتكلم عنها ...واحسه يحترم اني ماادخل ...هل فعلا المفروض مااتدخل ؟؟ ولا لاازم اكون على علم ؟؟ ايش رايك ؟؟​

 

[حكايہ حلمـ]

ومضه ..

الغاليه .. ام دودي ..

حكاية حلم غاليتي شكلك ماشفتي سؤالي لك_ باختصار الشرقي الشمالي اعطيه فلوس اذا ماكان عنده ولامايحب الحرمه الي تبديه
عن نفسها جاوبيني الله يسعدك انا بصراحه لمن يكون مطفر اعطيه كل اللي عندي..
ومشكوره ربي يسخر لك زوجك_​

والغاليه .. بيالة شاهي ..

بس ياحكاايه ..مارديتي علي بموضوع الضائقه الماديه وانه مايحب يخبرني ..وعموما اموره الماديه ومشاريعه مايحب يتكلم عنها ...واحسه يحترم اني ماادخل ...هل فعلا المفروض مااتدخل ؟؟ ولا لاازم اكون على علم ؟؟ ايش رايك ؟؟

هناك تعليق بسيط على مسألة مساعدة الزوج ماديا
لعلك قرأتي قصة غاده
وكيف كان زوجها يستغلها
هنا اتوقف
انت ادرى بزوجك
ان كان زوجك من النوع الذي يقدر المعروف فلا مانع
لان امتناعك عن مساعدته قديجعله ينظر لك بنظره اخرى
امممممممم .. مثلا
قد ينظر لك على انك جشعه او ماديه
احرصي على مساندة زوجك بدون ادنى تقصير في الامور الاساسيه
مثلا امور تشعرك بالسعاده افعليها بحدود المعقول
سفره .. مثلا
ليس من الضروري ان تسافري ان كان زوجك غير مقتدر ماديا
وهنا انت ادرى بزوجك
ولكن احرصي على ان لا تقصري على نفسك وتظهري بشكل مبتذل حرصا على ماله
هناك اخت طرحت فكره
( ان المال الذي لايصرفه عليك .. سيصرفه على غيرك !! )
تأكدي حبيبتي ان الشرقي
من اكثر الانماط تمتعا بالذكاء المنطقي
وماله يصرفه على من يستحق .. وكفى
انت من تشعرين زوجك باهميتك واهمية متطلباتك وليس العكس
من الممكن عند مرور الزوج بضائقه ماديه
التنازل عن بعض الامور الكماليه كالسفر كما اسلفت
او السفر لمدينه قريبه
او الترويح عن النفس بالذهاب الى شاليه او ما شابه
ولكن .. لا تتنازلي عن حقوقك تماما
ان تنازلتي واهملك الشرقي لا تبكي على نفسك
انت من سمحت له بان يستكثر الاموال عليك
( سددو وقاربو )

بالنسبه لامور الزوج الماديه
على ما اعتقد ان الشرقي من اكثر الانماط حرصا على عدم معرفتك بذلك
لانه يعتبرها من تخصصات الرجال
وليس للنساء دخل بها
بل انني صدمت ببعض الزوجات
اللاتي على قدر عالي من المكانه القلبيه عند زوجها
الا انه لايخبرها باموره الماديه ابدا
وقد قال لها ..حتى وان كنت في حضني ..
هناك امور يجب ان لا تعلمي عنها ..
.
.
اذا عندما يخفي عليك الشرقي بعض الامور
لا تقلقي
هذا لا يعني بانه لا يحبك
ابدا عزيزتي
ولكن هذا من باب انها امور لاتخصك
وانت اصلا من باب اولى ان تريحي بالك من هذه الامور
وان تفخري بان زوجك ليس من الرجال
الذين يحتالون بنقص المال لكي يسلب زوجته بعض حقوقها

موضوع تقدير الذات مهم جدا بين الزوجه وزوجته
والزوجه التي تتمتع بقدر عالي من الذكاء الاجتماعي
فهي تقدر نفسها تقديرا عاليا
.
.
قصة رائعه تتجسد فيها الثقة بالنفس وتقدير الذات
انها امنا عائشه رضي الله عنها وارضاها
قالت السيدة عائشة لنبي صلى الله عليه وسلم : (( أتحبني ؟
. قال : نعم كعقدة الحبل عقدة لا تفك " .
فكانت هذه الزوجة الطاهرة السيدة عائشة رضي الله عنها
تسأل النبي عليه الصلاة والسلام من حينٍ إلى آخر تقول :
" كيف العقدة ؟ يقول : على حالها))
كيف العقده؟
كيف العقدة؟
كيف العقده؟
.
.
ولم تعد تسأل هل تحبني
مباااااااشرة كيف العقده
انها الثقه
واثقه بانه يحبها ولكن تسأل عن العقدة اي مقدار الحب
انها الروعه والثقه بالذات
وايضا يعطينا درس بان تكون هناك كلمات خاصة بين الزوجين لا يعرفها غيرهما
لو سألت عند ابيها كيف العقده
فلن يعرف الاب ماهي العقده ؟؟
انها القدره الخاصه
التي تكسب بعض النساء نكهه ولونا وطعما
من الصعب ان تجديها في غيرها من النساء
انه التميز

وايضا قصه رائعه عن الداهيه (هيلاري كيلنتون )
يروى أن الرئيس الأميركي الأسبق بيل كلنتون، وزوجته هيلاري،
توقفا عند إحدى محطات التزود بالوقود،
وحينما توجها إلى ناظر المحطة لدفع المبلغ المطلوب،
فوجئت هيلاري بشخص كبير في السن يحييها بحرارة،
فإذا هو زميل قديم كان يواعدها أيام الجامعة وطلب منها الزواج.
وبعد أن غادرا قال لها الرئيس كلينتون «هل كنت تواعدين هذا الشخص؟!» فقالت: نعم.
فرد عليها ساخرا «تصوري لو أنك قبلت به زوجا لأمضيت حياتك كلها زوجة لناظر محطة للتزود بالوقود»
فردت عليه بنبرة واثقة «بل لصنعت منه رئيسا للولايات المتحدة الأميركية !!!! »
.
.
انها الثقه بالنفس
وتقدير الذات
بغض النظر عن المشاكل التي هزت البيت الابيض
ومن المعروف ماهي اسبابها ولستن بحاجه لشرحها
ولكن لتكن قاعده عندك
انت من يصنع مكانتك عند زوجك وليس العكس
اتمنى ان تكون الصوره واضحه بالنسبه للمصروف
ليس لدي الكثير لاقوله
مصروفك ناتج من تقديرك لذاتك
وبالتالي هو يكافأك على هذا التقدير بطريقه ماديه
ولا ننسى اثر البيئه و التربيه
فهناك شرقيين تربوا في بيئه كريمه او العكس
فكوني واعيه

طااااااابت ليلتكن جميعا
وفي الغد لنا موعد ان شاء الله
اسأل الله التوفيق والاخلاص لي ولكن جميعا

اختكم
حكايہ حلمـ

​

 

[red door]

والله يابنات اذا طيقتوا الدروس اللي في الملف باتقان الشرقي يعطيش وهو عمي انا هذا اللى مجريته مع اللى عندي اللهم لك الحمد

 

[كلي احساس وحلا]

انا صراحة مالكة واحس ان زوجي شرقي شمالي لانه يصرف فلوسه واااااايد يعني ماادري وين تروح يعني مثلا في يوم زاروه اصحابه من دوله خليجيه وراح وحجز لهم في فندق وقالي خلصت اليوم صرفت وايد و صرفت وصرفت بس انا من يوم ملكت يا بنات صدقوني ماجاب لي هدية ولا يذكرني بشي مع اني اهديه هدايا وااايد قيمة وثمينه وحتى اذا قلت له اليوم شفت في السوق شي وعجبني والله يا بنات مايقولي بشتري لك يطنش وكانه ماسمع شي وحتى اذا طلبته شي بالمزح او اضحك وياه يقولي من وين لي او يقولي هيه انتو كذا يالحريم بس تبون وانا والله يا بنات صدق خاطري يذكرني بشي ويساااااافر وااااااااايد وانتو تعرفون السفر ومخاسيره حتى وعدني بتليفون وللحين ماجابه وانا صار لي 7 شهور مالكه احسه بخيل حتى مره كنت اضحك وياه و قلت له انا اذا ابا شي بس ادخل ايدي في جيبك واخذ اللي اباه قالي والله اذا دخلتي ايدج في جيبي صدقيني مابتطلع وضحكت وانا والله متضايقه بنات حتى اهلي مخوفيني يقولون الله يعينج عليه واااااااااايد بخيل استخيري احسن يزورج وهو فاضي حتى مره زارني يوم العيد وقلت له حبيبي وانته جاي مر على محل حلويات وجيبه سله حلويات قالي ماعندي فلوس وقلت مو حلوه حبيبي تيجي ومامعاك شي قالي كيفج تبيني اجي كذا ولا برجع وماعرفت شو اقوله وقلت له خلاص تعال والله يا بنات صرت اتفشل منه احسه يصرف على عمره بس علي احس حرام..
ساعدوني يا بنات والله محتاجتلكم صدق تعبانه معاه اريد نصيحه

وعلى فكره دااااااااايما ماعنده فلوووووس
عمره ماقالي انا مرتاح الحمدلله ابدا دايما ماعنده فلووس انزين ليش يسااااافر وليش يطلع مع ربعه ويتمشى وليش يشتري احسن التليفونات بنات والله خايفة من حياتي معاه

 

[راجين التويجري]

Thankx

 

[راجين التويجري]

Thankx

 

[برائة]

ماشاء الله الملف عاامر

بخصوص المصروف من أول زواجي حددت لي مصروف ووافق عليه ونفس المبلغ يعطيه امه فلما اطلب ان يزيد المصروف يحسبها حق اثنيين(انا وامه ) ويقول نوووو هههههه


بصراحة انا اتعلمت من الشرقي القناااااااعه

يشتري الشي الي جودته عالية ولازم يمةن مقتنع فيه وفعلا يحس انه ملك ويقعد معاه هالشي سنين وعاااادي اهم شي انو عاجبه

كنت لما اطلع السوق اشتري من مصروفي لاكن بعدين وحده نصحتني اني لااااا أعوده والا بندددم بعدين

وفعلا بديت حبه حبه

يوم اترك الشنطه فالبيت ويوم اقوله ماعندي بس يكون فعلا ماعندي ومجهزةردي انا وين صرفت الفلوس بالضبط فيقتنع

ويوم اكلمة عن غلاء الاسعار وان الوحده مصروفها يالله يكفيها وبكذا اقتنع وصار هو اللي يدفع


اذا طلبتي تروحي السوق وقلتي مثلا انا بس بشتري بدلتين واشتريتي ثلاث رحتي فيها ههه

دام انك حددتي خلاص تشتري الي حددتيه ورح يدفع لانو هو من قبل عامل حساب شو بتاخذين ومارح يتحلطم كثير


يحب شوي الشرقي بعد مايشتري يقولك خسرتيني والله هالشهر صرفت كثيير طبعا احظنيه وقوليله حبيبي يعني انا من لي غيرك بعد الله يصرف علي ويدلعني!!!!وكأنك صبيتي عليه ماااي باااارد

في حركة احب اسويها دتئما اذا ابي اشتري مثلا عطور ومكياج وملابس اقسمهم اول شهر المكياج وثاني شهر العطور والخ عشان مايحس وانتي تاخذين الي تبين

لاحظت انو لمن يعطيني مبلغ واروح السوق ومايكون معاي ارد البيت يقولي شوشتريتي بهذاك المبلغ؟؟ويحاسب وليش ووو

من بعدها قررت قرار جمهوري ههههه اني اخذك يازوجي العزيز معاي السوق وتشوف بعينك هنا ما يقول وين راحت الفلوس لانو شاف الاسعار بعينه

تذا طلبت تليفون جديد او عطر محدد منه لاتتوقعون ثاني يوم رح يجيبه لك يقعد يفكر ويطول وانتي هنا بدورك لاتزني بدلع ممزوج بالحزن كرري طلبك وبعد كم اسبوع الاقي طلبي

بس عنجد هو ابدا ابدا مو بخيل وانا احب كثييييبر تفكيره من ناحية الماده يمتع نفسه بس بعقل. **

اتمنى اني افدتكم حبايبي واستفدت جدا من المشاركات الحلوه​

 

[برائة]

بنات فعلا في شي مهم الشرقي اذا حبك ووثق فيك والله ثم والله ليعطيكي عيونه وما يبخل

احيانا اكون فالسوق وامسك فشي. غاااالي ومايستاهل بس اشوف يقولي اذاعاجبك خذيه(ماشاء الله تبارك الرحمن)

احس انو بس يبغا يرضيني واكون فرحانه طبعا هالشي من قريب من بعد ماحسيت اني افهمه واحتويه اكثر

ربي يسخر لنا ازواجنا ويعمر بيوتناا ويلهمنا الصبر دائما ​

 

[جوريه و رديه]

ب أنتظـــاركم ياحبيلكم ..

 

[لقيت نفسي فيك]

ودي اعرف المغزى من تلميحات الشرقي لو انه الان قبض الراتب يلمح مثلا:"ترى الشهر هذا مايبقى معي ولا ريال " ولاالشهر اللي فات تدينت من احد بردها "ولا خفوا طلبات الشهر هذا مامعي فلوس"::؟؟

 

[بصمة امرأة]

الشرقي كنز للي تلاقي مفتاحه ولكل شرقوق مفتاحه الخاص


<<< صادقة اختي دفى

بعد ما لقيت مفاتيحه ...وجدته أعظم رجل بالعالم ....

اهم شي انك تفهمينه وتحتويه بالعاطفة والعقل معاً ,,,

والشرقي يقدر المرأة ...التي تحترم وجهة نظره سواء بالمال او غيره ..

وبعد كذا راح يكرمك ...لأنه واثق منكـ تمام الثقة ...!!

دمتم بود..​

 

[بصمة امرأة]

ربي يسعد قلبكـ ياحكاية ..واجمل حكاية نعيشها ,,

صاحب السيارة في الصورة & الشرقي العزيز في تضااااااد

فالشرقي لا يفكر بهذه الطريقة ,,

الشرقي يفكر بسلامة اسرته ...كما انه يفكر بالجودة دائماً

وعند ذلك لايهمه المااااااااااال على الاطلاق ..

عندي مثال:

زوجي من قبل مايهتم للجوال كثير >> طبعا هو ضروري

لكن مو زي الناس اللي تغير جوالها باستمرار

واول ما ينزل موديل جديد يشتريه لالالالا

لكن العقل نعمه !! وانا اشهد

بعد ما نزل الآي فون <<<ما قدر يقاوم التطور والابداع

اشتراه بدون تردد

وعلى فكره ...قضاء الله وقدره شاء للجوال ان يسقط في البحر اثناء رحله للصيد

وطبعا ماتصلح لأنه حساااااس جداً

تخيلو انه اشترى واحد ثاني..

وما فكر بالماااااال >>> لأنه فكربالجودة وانه راح يستفيد منه كثير..

ويقول مستحيل افكر بغيره !!

اللي يجربه صعب عليه يجرب شغله اقل من هذا المستوى<<دعاية هههه

وهذا اكبر دليل على انه الشرقي مو بخييييييييييييل

لكنه حريص ومدبر ممتاز يعرف اين يصرف ماله..!!

ودمتم بود,,,​

 

[بصمة امرأة]

الله يسعدكـ يا برائة ...كل ماكتبتيه في حق الشرقي صائب ...ربي يسخر ازواجنا ويحفظهم من كل شر ..​

 

[الحالمةبالسعادة]

استاذتي الحالمة
انا بشوف الشرقي مو بخيل خاصة على اهل بيته مابحب ينقص عليهم شي بس مابحب يحط فلوسه الي على الشي الضروري يعني زوجي كتير بحب اجيب تحف للبيت وازينها ولما اطلب منه الفلوس بحكيلي انه هادا الشي مش ضروري ومابرضى يعطيني فلوس وصرت احطو تحت الامر الواقع اجيب الي بدياه من غير مااحكيله شو بدي اجيب وهو خلص مابعمل شي لاني صرت جايبها ودافع حقها مابقدر يرجعها هل الي بعملوا صحيح ولا لأ

 

[كلي احساس وحلا]

بنات ليش مارديتو علي محتاجتكم والله
حراااااام عليكم
في الصفحه الي قبلها

 

[راوية الورد]

اسعد الله اوقاتكن بكل خير ..

من الصفات اللي اثارت اعجابي بشخصية الشرقي يحاول يخبي الامور اللي يحسها تضايق زوجته ومن هالامور الضوائق المالية

يعني عمره ماحسسني انو يمر بضائقه ماليه رغم اني عارفه انه مر بمراحل ارهقت ميزانيته

يعني مر بمواقف بديهي اكون عارفه انو مر بضائقه مادية

ومن باب انو خطيبي ولازم اوقف معاه فتحت الموضوع وسألته

كانت اجابته ماعليك بموضوع الفلوس انا ان شاء الله مدبر نفسي لاتشغلي بالك بالامور ذي

والله ريح راسي هههههه واعجبني تصرفه مع اني احيانا انقهر

نفسي يشكي لي ضيقه مو بموضوع الفلوس باي موضوع ثاني

بس لا حياة لمن تنادي يقول ماابغى اضايق اللي احبهم ):

ومثل ماقلتوا بالضبط لاحظت لما يشتري لنفسه او يشتري لي هدايا يشتري اشياء جودتها عاليه جدا << حريص ع النقطه ذي مره

وماعنده مانع لو بقيت معاه فتره طويله اهم شئ ان جودتها حلوه يعني مايقول صارت قديمه ويرميها ويغير

*
*
*


اخواتي المتزوجات من خلال خبرتكم ابغى تساعدوني وتجاوبون على استفساراتي ..

في وحده قالت نصيحه لاتطلبين مصروف لانك اذا خلصتيه ماراح يبعطيك غيره

خليه ومتى مااحتجتي غرض اطلبيه وش رايكم بكلامها !!

انا قرأت اغلب الردود ولاحظت الاغلب عندهم مصروف وتقريبا تيقنت ان تخصيص مصروف افضل

انا شخصيا مو مقتنعه نفسي يكون لي مصروف خاص عشان كذا بسألكم كيف اطلبه ؟؟

يعني اذا رجعنا من شهر العسل اطلبه كذا من الباب للطاقه ابغى يكون لي مصروف خاص فيني

والا انتظر بعد ماتمر فترة واشوف طريقته بالصرف واثبت له بهالفتره اني استاهل المصروف ^_^ واطلبه

ابغى اعرف طريقة الطلب وش الانسب يعني ؟؟

سؤال ثاني مصروفي اللي يعطيني هو اللي راح اشتري منه جميع احتياجاتي ؟؟

والا هو للهدايا او اذا رحت عند اهلي يكون معاي شئ وللمشاغل وللحالات الطارئه يعني

واحتياجاتي من ملابس وميك اب وعطور واكسسورات هو يجيبها لي ؟؟

وتنصحوني وانا اطلب المصروف اعطيه خبر انو لو خلص واحتجت راح اطلبك

وفي حالة لو كان المصروف للكماليات اعطيه خبر المصروف للكماليات والاساسيات عليك

وبرضو في حالة لو كان المصروف للاساسيات والكماليات اوضح له هالنقطه ؟؟

باختصار يعني ارسم له الخريطه والا اخليه على عماها ؟؟

وكمان بسألكم اذا توظفت او نزلت مكافآه العاطلين ابقى على ماكنت عليه اخذ مصروف ؟؟

والا خلاص اوقف المصروف واصرف على كمالياتي بفلوسي واخليه يصرف على الاساسيات اللي احتاجها ؟؟

اتمنى تجاوبوني عشان ارتاح من هالنقطه دايما مشغله بالي ونفسي اسأل مجربات وخبيرات ,,


الله يعطيكم العافيه,,

 

[كلي احساس وحلا]

بنات ردو علي
اصحاب الخبرة وينكم