السلام عليكم
اخواتي بدخل بالموضوع على طول
انا تعبت مع زوجي والشيشة
سالفتي ان قبل زواجي منه خطبني واحد وكان يدخن ورفضته بس لانه يدخن
وكان زوجي يدري اني رفضت الشخص لانه يدخن وجاء خطبني وبما انه ولد عمي صعب ارفض على طول لازم فيه عيب المهم استخرت وارتحت صراحة وسألت عنه من هنا وهناك وقالوا رجال ماعليه كلام ( السبب اللي خلاني اسأل عنه انا بمنطقة وهو بمنطقة ) وكانت زيارتنا لهم قليلة مرة
المهم تملكت وتناقشنا بموضوع الخطيب الاول وقالي ليه انتي رفضتيه بس لانه يدخن قلت اي قال عادي طيب الدخان مو سبب يخليك ترفضين اغلب الشباب يدخنون قلت انا اللي يدخن احتقره مااحب اشوف شكله فكيف بعيش مع واحد يدخن .. قفلنا عالموضوع وعشنا فترات حلوة خلاني اتعلق فيه بقوة لانه بصراحة حنوون مرة (جنوبي )
الهم يوم من الايام كلمني وسمعت عنده صوت قلت صوت ايش هذا قالي ولا شيء قلت الا في صوت كأنه صوت شيشة قالي كيف عرفتي انه صوت شيشة قلت مايبي لها الصوت معروف قالي اي شيشة قلت من جنبك قالي مافي احد قلت من اللي يشيش قال بصراحة انا وانا اسف اني ماقلت لك من البداية والله انصدمت فيه بقوة قلت ليه طيب وصلت للمستوى هذا وانا اعتقدك ارقى من كذا قالي انا بيوم من الايام مريت بمشاكل مع اهلي وصرت اروح اسهر وتعودت عالشيشة وصرت افضي اللي براسي كل ماتضايقت بالشيشة والله ماتتخيلون صدمتي فيه الانسان اللي حبيته وخططنا لكل حياتنا اتفاجأ انه كذا ..
قالي ابغيك تساعدني عشن اتركها قلت له بكل حب ابشر من عيوني وان شاء الله راح تتركها ..
المهم تزوجنا وبداية زواجي سألته تركت الشيشة قالي اي .. قلت اكيد قال اكيد قلت الحمد لله ..
لكن بعد فترة حسيت انه يكذب علي ورجعت سالته وقلت له احلف ماحلف وقلت له عطني وعد انك تتركها وعطاني وعد وكل هذا بأول سنه زواج ..
تركته سنوات اكثر من 5 سنوات وجاء يوم سمعت من شخص عندهم بالاستراحة اللي يسهر فيها ان كل اللي معهم بالاستراحة يشيشون طبعا وصلني الكلام من زوجته .. قلت لا زوجي الحمد لله وعدني انه بيتركها وسالته قال تركها ..
وبعد كم يوم من سمعت الكلام هذا سالته قالي من قال لك اني واني وعصب وانقلب علي وتركته وبعدين جاء راضاني واعتذر
واتفقت معه انه بيحاول يتركها وقالي ان صحيح اشيش بس مو مثل اول لا مرة او مرتين بالاسبوع قلت انا ماابغي حتى نصف مرة قالي ان شاء الله بس ادعي لي
والله صرت ادعي له بكل صلاة ليل وقلت ان شاء الله تركها بس الدعاء بدون عزيمة من الشخص مايكفي ..
الان مر على زواجنا 8 سنوات جاء قبل 3 ايام يوم الاثنين بالليل وكنت ملاحظة عليه الفترة الاخيرة اول مايدخل البيت يروح دورة المياه وبعدين عالمطبخ يأكل شيء عشان يخفي الريحة وبنغفس اللحظة اللي يأكل فيها انا رحت المطبخ قلت له مشيش قام يطالع فيني كأنه ماسوى شيء ومستغرب من كلامي قلت له مشيش صح قال ليه تسالين قلت لاني ملاحظة عليك الفترة الاخيرة اول ماتجي لازم تأكل شيء الظاهر ماتبغي ريحتك تطلع بس ترى الريحة بالمعدة حتى لو اكلت اشمها بنفسك وهذا اللي يخليني اتهرب من قبلاتك بالفم لي باللحظة الحميمة ..
قلت له شوف ياأنا يالشيشة وانا سبق وخيرتك وتعرف رأيي باللي يدخن فما باللك باللي يشيش .. ماتكلم معي وتركني ..
يوم جينا ننام ضمني وقالي تبغين بكرة تروحين المكان الفلاني (مكان كنت اتمنى اروحه ) قلت بكيفك قالي تجهزي يعني انه بيراضيني وشافني كل مرة ازعل وارضى قال يالله براضيها بأي شيء ..
طلعت معه يوم الثلاثاء وماعطيته وجه ابد وكأني مغصوبة عالطلعة وعزمني بالمطعم ونفس الشيء كابرت مع ان بداخلي كاسر بخاطري ماودي اعامله كذا بس شسوي اذا هو معاندني بالزفت اللي ياخذه ؟
رجعت البيت ونمت وما عطيته وجه ويوم الاربعاء صحيت ورحت زيارة لامي ورجعت بالليل وجاني وهو مرة مشتاق لل......... وشافني باردة مرة قالي ايش نفسك فيه اجيب لك قلت مانفسي بشيء قالي تبغي كاميرا رقمية قلت لا قال نفسك فيها صح بجيب لك لك قلت اللي نفسي فيه شيء واحد وانت تعرفه قالي شنو قلت لها انا ماابغي شيء من الحياة الا زوجي وحبيبي ابغي اعيش معاك وانت بصحتك مو كل يوم تتدمر داخليابجسدك وانا اتدمر نفسيا من كثر التفكير فيك وسكت وغير الموضوع ورجع يسالني ايش نفسك فيه رجعت بنفس الرد قالي ان شاء الله قلت كلام من 8 سنوات وانت تقول ان شاء الله وماشفت شيء قام غير الموضوع .. طبعا خلص من ال........ وانا باردة مرة ولاعطيته وجه ويوم خلص رحت الحمام والله احس اني مكتومة وبكيت وانا اتروش وسمعني قالي فتحي ولاتبكين هنا هذا مو مكان للبكاء ..
صلى الفجر وحط راسه ونام وتركني بتعبي النفسي والبكاء احس بجد مليت منه واصبر واتحمل انا ماابغي اكرهه والله حبي له احسه صار يقل كل مااتخيل شكله وهو يشيش يقل حبي ماابغي هذا الحب يتحول لكره انا عندي منه اطفال والان حامل ونفسيتي صايره دمـــار
وتعرفون الجنوبي مايحتاج اقول برود غير طبيعي وكل تربية عياله على راسي حتى مايكلف نفسه يسأل عنهم بدراستهم الا مرة كل شهر .. ومع ذلك متحملة لاني حاولت اغير فيه ماتغير قلت هذا طبعه ماراح يغيره وبعيش حياتي باللي فيها والحمد لله ..
اعرف البعض بيرد على موضوع الشيشة انها شيء عادي ونتشره بين اكثر الرجال لكن انا مو عادي عندي ابدا والله من يوم شفت موضوع عنها بالنت في قناة المجد تقريبا انعرض الموضوع وانا بهم بزيادة اكثر من اول خايفه لايجي يوم وافقده بسبب الشيشة الزفت ..
لا تخيلوا يزعل اذا قلت له انت صرت مدمن فيها يقولي لا شايفتني اخذ مخدرات قلت كلهم بنفس الحال المخدرات موت سريع والشيشة موت بطيء ماتفرق عندي . قلت له طيب يوم انك تشوفها شيء عادي جيبها هنا بالبيت وشيش قدامنا واهم شيء قدام اهلك وبالاخص ابوك لانه ابوه قبل دخلتي بفتره جاه خبر انه ولده يشيش وهذي عندنا مصيبه بالقبايل وانتوا ابخص وزعل ا ابوه درى ولعن وسب باللي قال لابوه .. المهم قلت له جيبها بالبيت وخلني بعد اتعود عليها وعصب علي قلت شفت لانك عارف اضرارها ....
طولت عليكم بالحكي
اختصار موضوعي انا مااكلمه الا كلام سطحي مرة وصايره معه رسميه بزيادة وهو يحاول انه يقرب مني وانا مو معطته وجه ابغيه يوعدني انه يتركها بعزم واصرار مو لعب عيال ..
بغيت رأيكم بموضوعي واللي عندها كلام بايخ توفرن لنفسها ابغي خبيرات يردون بس واللي مروا بنفس الحال ..
انتظركم بنات ..
اخواتي بدخل بالموضوع على طول
انا تعبت مع زوجي والشيشة
سالفتي ان قبل زواجي منه خطبني واحد وكان يدخن ورفضته بس لانه يدخن
وكان زوجي يدري اني رفضت الشخص لانه يدخن وجاء خطبني وبما انه ولد عمي صعب ارفض على طول لازم فيه عيب المهم استخرت وارتحت صراحة وسألت عنه من هنا وهناك وقالوا رجال ماعليه كلام ( السبب اللي خلاني اسأل عنه انا بمنطقة وهو بمنطقة ) وكانت زيارتنا لهم قليلة مرة
المهم تملكت وتناقشنا بموضوع الخطيب الاول وقالي ليه انتي رفضتيه بس لانه يدخن قلت اي قال عادي طيب الدخان مو سبب يخليك ترفضين اغلب الشباب يدخنون قلت انا اللي يدخن احتقره مااحب اشوف شكله فكيف بعيش مع واحد يدخن .. قفلنا عالموضوع وعشنا فترات حلوة خلاني اتعلق فيه بقوة لانه بصراحة حنوون مرة (جنوبي )
الهم يوم من الايام كلمني وسمعت عنده صوت قلت صوت ايش هذا قالي ولا شيء قلت الا في صوت كأنه صوت شيشة قالي كيف عرفتي انه صوت شيشة قلت مايبي لها الصوت معروف قالي اي شيشة قلت من جنبك قالي مافي احد قلت من اللي يشيش قال بصراحة انا وانا اسف اني ماقلت لك من البداية والله انصدمت فيه بقوة قلت ليه طيب وصلت للمستوى هذا وانا اعتقدك ارقى من كذا قالي انا بيوم من الايام مريت بمشاكل مع اهلي وصرت اروح اسهر وتعودت عالشيشة وصرت افضي اللي براسي كل ماتضايقت بالشيشة والله ماتتخيلون صدمتي فيه الانسان اللي حبيته وخططنا لكل حياتنا اتفاجأ انه كذا ..
قالي ابغيك تساعدني عشن اتركها قلت له بكل حب ابشر من عيوني وان شاء الله راح تتركها ..
المهم تزوجنا وبداية زواجي سألته تركت الشيشة قالي اي .. قلت اكيد قال اكيد قلت الحمد لله ..
لكن بعد فترة حسيت انه يكذب علي ورجعت سالته وقلت له احلف ماحلف وقلت له عطني وعد انك تتركها وعطاني وعد وكل هذا بأول سنه زواج ..
تركته سنوات اكثر من 5 سنوات وجاء يوم سمعت من شخص عندهم بالاستراحة اللي يسهر فيها ان كل اللي معهم بالاستراحة يشيشون طبعا وصلني الكلام من زوجته .. قلت لا زوجي الحمد لله وعدني انه بيتركها وسالته قال تركها ..
وبعد كم يوم من سمعت الكلام هذا سالته قالي من قال لك اني واني وعصب وانقلب علي وتركته وبعدين جاء راضاني واعتذر
واتفقت معه انه بيحاول يتركها وقالي ان صحيح اشيش بس مو مثل اول لا مرة او مرتين بالاسبوع قلت انا ماابغي حتى نصف مرة قالي ان شاء الله بس ادعي لي
والله صرت ادعي له بكل صلاة ليل وقلت ان شاء الله تركها بس الدعاء بدون عزيمة من الشخص مايكفي ..
الان مر على زواجنا 8 سنوات جاء قبل 3 ايام يوم الاثنين بالليل وكنت ملاحظة عليه الفترة الاخيرة اول مايدخل البيت يروح دورة المياه وبعدين عالمطبخ يأكل شيء عشان يخفي الريحة وبنغفس اللحظة اللي يأكل فيها انا رحت المطبخ قلت له مشيش قام يطالع فيني كأنه ماسوى شيء ومستغرب من كلامي قلت له مشيش صح قال ليه تسالين قلت لاني ملاحظة عليك الفترة الاخيرة اول ماتجي لازم تأكل شيء الظاهر ماتبغي ريحتك تطلع بس ترى الريحة بالمعدة حتى لو اكلت اشمها بنفسك وهذا اللي يخليني اتهرب من قبلاتك بالفم لي باللحظة الحميمة ..
قلت له شوف ياأنا يالشيشة وانا سبق وخيرتك وتعرف رأيي باللي يدخن فما باللك باللي يشيش .. ماتكلم معي وتركني ..
يوم جينا ننام ضمني وقالي تبغين بكرة تروحين المكان الفلاني (مكان كنت اتمنى اروحه ) قلت بكيفك قالي تجهزي يعني انه بيراضيني وشافني كل مرة ازعل وارضى قال يالله براضيها بأي شيء ..
طلعت معه يوم الثلاثاء وماعطيته وجه ابد وكأني مغصوبة عالطلعة وعزمني بالمطعم ونفس الشيء كابرت مع ان بداخلي كاسر بخاطري ماودي اعامله كذا بس شسوي اذا هو معاندني بالزفت اللي ياخذه ؟
رجعت البيت ونمت وما عطيته وجه ويوم الاربعاء صحيت ورحت زيارة لامي ورجعت بالليل وجاني وهو مرة مشتاق لل......... وشافني باردة مرة قالي ايش نفسك فيه اجيب لك قلت مانفسي بشيء قالي تبغي كاميرا رقمية قلت لا قال نفسك فيها صح بجيب لك لك قلت اللي نفسي فيه شيء واحد وانت تعرفه قالي شنو قلت لها انا ماابغي شيء من الحياة الا زوجي وحبيبي ابغي اعيش معاك وانت بصحتك مو كل يوم تتدمر داخليابجسدك وانا اتدمر نفسيا من كثر التفكير فيك وسكت وغير الموضوع ورجع يسالني ايش نفسك فيه رجعت بنفس الرد قالي ان شاء الله قلت كلام من 8 سنوات وانت تقول ان شاء الله وماشفت شيء قام غير الموضوع .. طبعا خلص من ال........ وانا باردة مرة ولاعطيته وجه ويوم خلص رحت الحمام والله احس اني مكتومة وبكيت وانا اتروش وسمعني قالي فتحي ولاتبكين هنا هذا مو مكان للبكاء ..
صلى الفجر وحط راسه ونام وتركني بتعبي النفسي والبكاء احس بجد مليت منه واصبر واتحمل انا ماابغي اكرهه والله حبي له احسه صار يقل كل مااتخيل شكله وهو يشيش يقل حبي ماابغي هذا الحب يتحول لكره انا عندي منه اطفال والان حامل ونفسيتي صايره دمـــار
وتعرفون الجنوبي مايحتاج اقول برود غير طبيعي وكل تربية عياله على راسي حتى مايكلف نفسه يسأل عنهم بدراستهم الا مرة كل شهر .. ومع ذلك متحملة لاني حاولت اغير فيه ماتغير قلت هذا طبعه ماراح يغيره وبعيش حياتي باللي فيها والحمد لله ..
اعرف البعض بيرد على موضوع الشيشة انها شيء عادي ونتشره بين اكثر الرجال لكن انا مو عادي عندي ابدا والله من يوم شفت موضوع عنها بالنت في قناة المجد تقريبا انعرض الموضوع وانا بهم بزيادة اكثر من اول خايفه لايجي يوم وافقده بسبب الشيشة الزفت ..
لا تخيلوا يزعل اذا قلت له انت صرت مدمن فيها يقولي لا شايفتني اخذ مخدرات قلت كلهم بنفس الحال المخدرات موت سريع والشيشة موت بطيء ماتفرق عندي . قلت له طيب يوم انك تشوفها شيء عادي جيبها هنا بالبيت وشيش قدامنا واهم شيء قدام اهلك وبالاخص ابوك لانه ابوه قبل دخلتي بفتره جاه خبر انه ولده يشيش وهذي عندنا مصيبه بالقبايل وانتوا ابخص وزعل ا ابوه درى ولعن وسب باللي قال لابوه .. المهم قلت له جيبها بالبيت وخلني بعد اتعود عليها وعصب علي قلت شفت لانك عارف اضرارها ....
طولت عليكم بالحكي
اختصار موضوعي انا مااكلمه الا كلام سطحي مرة وصايره معه رسميه بزيادة وهو يحاول انه يقرب مني وانا مو معطته وجه ابغيه يوعدني انه يتركها بعزم واصرار مو لعب عيال ..
بغيت رأيكم بموضوعي واللي عندها كلام بايخ توفرن لنفسها ابغي خبيرات يردون بس واللي مروا بنفس الحال ..
انتظركم بنات ..
