تعبت من زوجي تكفون بغيت حـل

[رحيل**]

ياعمري يامجنونة حمادة والله ماالومك انا الحمد لله زوجي ماتجرأ جابها بالبيت لاني ساكنه مع اهله بنفس البيت ومستحيل بيجيبها والله لو يشوفها او يسمع عنها عمي تكون نهايته ..
وخلي زوجك يشوف المقطه هذا عن اضرار الشيشة اللي يقولون مالها اضرار
وياليت بعد بلقيسيات اللي يقولون عادي يشوفون ويعرفون كم هم عايشين مع اشخاص حياتهم مهددة بأي لحظة مثله مثل المخدرات ..
http://www.youtube.com/watch?v=-FTlmMXVRJI

 

[مجنونة حماده]

الله يسعدك ويبشرك بهديه زوجك قولي امين والله المقطع بكااااااااني
وكانه نازل علي من السماء الله يحرم وجهك على النار

 

[نور كندا]

انشالله تكون اخر محاولاتك وبعدها ان دخن او مادخن عيشى لنفسك ولااولادك ولصحتك وعافيتك مو يمضى عمرك وانتى حاملة همومك على راسك حتى تصيبك كل امراض الدنيا بعيد الشر

 

[مذكرات طفله]

الله يفرج همك
حااااولي واضح انه يمووت فيك​

 

[رحيل**]

الله يسعدكم ويفرج كل همومكم والله ردودكم علي هونت عني الكثير
انا بحاول لكن اعيش لنفسي وعيالي وهو معي مااقدر انا ماابي حبي له يقل والحب ان قل تحول الى كره وانا روحي وحياتي فيه والله احبه موت ولا اتوقع حياتي بدونه راح تسوى شيء لكن انا ابغيه يترك الشيء هذا لنفسه ماابيه يتركه عشان انا قلت له والمشكلة مو راضي يقتنع كل ماافتح الموضوع يسكره بدون حل وبعدين النهاية يعني ماادري ايش النهاية عنده ؟؟
الله يفرج همي وهم كل وحدة مسلمة تخاف على بيتها وتحافظ عليه

 

[رحيل**]

ياعمري يامجنونة حمادة الله يجزيك خير عالدعوة الحلوة والله يهدي زوجي وزوجك يارب

 

[ريري الشرقيه]

ياختي استمري بالدعاء والصدقه والاستغفار والله كاني اقرا قصتي مع زوجي بس هو كان يدخن وكنت ابكي واقوله خايفه عليك وهواش ونصايح بس لزمت الدعاء والصدقه وبيوم شفته داخل علي وقالي انا خلاااااااااااااص كرهت الدخان بس ساعديني واصبري نفسيتي هالفتره هتكون مو تمام قلت ابشر وسويت حفله بهالمناسبه وهو خنقته العبره يوم شاف جو الحفله والعيال ينططوا من الفرحه هم مايدروا بس مبسوطين والحمدلله له الحين 3 سنين بس لاتياسي ادعي وربي يفرجها ان شاء الله.

 

[ج ـنا]

الله يصبرك ويكون بعونك
عليك أختي بالدعاء وكثره الاستغفار
أتذكر وحده كان وزجها مدخن وكل ما طلع البكيت يدخن
تطلب خمس ريال وتحرقها قدامه وكان ينفعل ويخاصمها
على هالتصرف يقولها أتعب وأجمع الفلوس وأنتي بكل
بساطه تحرقينها فترد عليه بكل برود مثل ماأنت تحرق
الفلوس بالدخان أنا راح أحرقها بس بطريقتي
وبكذا بطل تدخين
المسأله يبيلها صبر وحكمه والله يكون بعونك ودعواتي
لزوجك بالهدايه

 

[بتول a0z]

ترى اليشه غير والمعسل غير


المعسل ريحته خفيفه واقل ضرر

انا زوجي يعسل بس شسوي مو بيدي شي هم كبار مانقدر نتحكم فيهم


يعني طبع وشي تعودوا عليه من فترة ماراح يتركون الا بزاجهم وبأرادتهم

 

[رحيل**]

يارب ياكريم تفرج هم كل من دخلت صفحتي ودعت لي ولزوجي بالهداية
اليوم يابنات رسلت له رسالة قلت له انا راح اساعدك تتركها لكن عندي خطة اشرايك كل مرة تشيش فيها تجي البيت وتحط 100 ريال بعلبة راح احطها لك
انتظرت منه رد ولا كأني ارسلت ودق علي يسالني عن شيء قلت له اشرايك باقتراحي والله ويشب علي كني قاتله له احد انتي وانتي وانتي قلت له اختصر وقول انا ماابغي اتركها ليه تقول ان شاء الله وبحاول لانك من 8 سنوات وانت تعيد بنفس الكلمة قال والله ان ماسكتي لاقفل الخط بوجهك قلت انت حلال تتكلم وتقول اللي بخاطرك كله بس انا حرام ابدي رايي او اقول شئ قال انتي تبغي تمشيني وتفرضي كلامك متسلطة اي شيء تبيه يايصير ياتقلبين الدنيا علي قلت انا كذا سبحان الله والله لو كنت كذا كان مانقصني شيء بشقتي كان كل شيء متوفر عندي مثلي مثل غيري بس انا اراعيك واراعي ظروفك مع ان ظروفك تسمح توفر لي كل شيء ومع ذلك اقول بقتنع بالقليل لاني حكيمة ومااحب التبذير وشوي قفل الخط بوجهي ..
رسلت له رسالة اني بمشي الليلة من بيته وبترك له حياته يعيشها مثل مايبي وبعد نصف ساعة جاء الشقة لقى كل الانوار طافيه وعياله مو هنا كانوا عند جدتهم تحت والله انفجع يحسبني مشيت وانا متمدده بغرفتي عالسرير ودخل الغرفة وبنفس اللحظة يدق علي الجوال يحسبني بيت اهلي ويوم شافني تقولون احد صب عليه ماي بارد وسكر الجوال ..
اللي يقهرني انا معتمد علي بحياته بكل شيء ومع ذلك مستمر على عناده ومكابرته ماادري ليه الرجال كذا انانيين يفكرون بس بأنفسهم ( انتوا ملاحظين ولا بس انا )

 

[نور كندا]

روحك وحياتك مو لازم تكون للزوج روحك وحياتك للزى خلقك فقط لاغير

 

[رحيل**]

الله يجزيك خير نور كندا انا قصدي اني احبه كثير وماقصدت ماكتبته عن الروح والحياة استغفرك يارب واتوب اليك

 

[كبرياء أنسانه]

تصدقين أختي رحيل إني شايه هم كثير لأن متملكه وخطيبي يدخن
وخايفه قوه من الحياة معه لأني أعرف نفسي جزوع ولا راح أتحمل ريحت الدخان
بس كل ليلة ادعي ربي انه يتركه واتصدق وادعي بكل اوقات الاجابه لأني أدري ربي بيرحمني
إذا وثقت بالله واللحين أقولك واثقه بالله انه بيتركه واتصدق بنية انه يتركه ودايم ادعي ربي انه يربط على
قلبي ويلهمني الصبر إذا شفته يدخن او شميت ريحته لأن خلاص ما أقدر أقول شي لأهلي بيقولون داريه من البدايه ليه توك تتكلمين والصراحه اني متحسفه فيه لأنه الكل يشهد عليه عيبه بس الدخان
بس تدرين كل ما أشتد البلاء أعرفي أنه الفرج قرب عشان كذا الشيطان يخلينا نجزع لأنه وده أنه ماتفرج لك<<والله هذا كلام قريته لأحد المشايخه
بس ألزمي الدعاء ثم الدعاء ثم الدعاء ثم الصدقه<<والله خطتي بكل شي أبيه بحياتي
أتمنى أني افدتك والله يفرج لي ولك ان الله يحرمهم الي يشربونه​

 

[وجودي يكفي]

نصيحة مجربة ادعي في كل سجودك ان الله يصرف عن قلبة ويبغض في قلبة
الدخان والشيشة وكثري استغفار وبتشوفين نتائج ان شاءالله

 

[رحيل**]

الله يجزيكم خير
ويفرج همومكم
والله انكم لي اخوات لم تلدهم امي ونعم الاخوات
الحمد لله امس باخر الليل صفت الامور بينا وقالي انا بتركها بس مااعطيك وعد لكن ابغي منك الدعاء وانا بقاطع كل اصدقائي عشان ترتاحين اذا هذا الشيء يريحك قلت والله انا مو قصدي اخليك تقطع علاقاتك انا اللي ابغيه هو انك ماتاخذ الشيشة وبـــس ولو كانوا ربعك بالاستراحة لهم يد بامر الشيشة قاطعهم قالي بجلس غثه
عليك بالبيت قلت والله لاخليك بعيوني ومستحيل احس بيوم انك ثقيل او غاثني بالعكس راح تساعدني بتربية ومذاكرة عيالك قال اي تبغيني اصير مربية هههه قلت لعيالك مو عيب ..
والحمد لله طاح اللي بينا وصفت الامور ...
والان خطتي كالتالي ""
راح ارجع واستمر بالدعاء له
راح اتصدق ان شاء الله
ماراح اتكلم معه بالموضوع الا بعد فترة طويلة عشان مايحس اني اراقبه واغثه ..
والاهم يااخوات ""
دعائكم لزوجي لاتنسونه
وجزاكم الله خير
وارجوا من الادارة اغلاق الموضوع او حذفه​

 

[سآرآ]

ربي يكون بعوونك
انامثلك رجلي يشيش وذاني احاول
قد مقدر اخليه مايشيش
حبيبتي تقدرين تمنعين رجلك من الشيشه بشي واحد
لايطلع من البيت الا وهوو يضحك ومبصووط اخر شي
لان الشباب مايشيشون الا اذا ضاقت اصدورهم او يفكرون ابشي انتي حاولي
انك تكوني تسئلي زوجك بطريقه غير مباشره
وحاولي اتخورين الضيقه اللي فيه انتي وتوسعين صدره
وبكذا راح يقل اخذ الشيشه ومع القت راح يتركها ان شاءالله
انا اسوي كذا والله يكون بعو ن الجميع وسخرلنا اقوئ منا

 

[بتول a0z]

لا مو شرط الرجال يكون متضايق عشان يعسل او شي


يطلع زوجي مبسوط ويقول بروح حق الربع اعسل وبجي

 

[رحيل**]

صادقة اختي بتول مو شرط يكون متضايق انا الحمد لله زوجي على طول مبسوط مايطلع من البيت الا وهو يضحك نادرآ جدا مايحصل بينا زعل ومع ذلك يجي من بره وهو مشيش
الله يجزيكم خير عالمرور والرد