تابع ----> لمشكلة تتعلق بالجنس

[Princes Of Ice]

.. الســلام عليـــــــكم و الرحمة ..

.. كيف حالكم جميعا .؟!

.. قررت أني أكتب أخيرا ..

.. لاني بحاجة أني أفضفض عن اللي بداخلي من هم و حزن ..

.. أظن أنكم تعرفون موضوعي القبلي >> مشكله تتعلق بالجنس ..

.. و راح اخبركم شو صار معاي ..

.. بعد ما اخذت باستشارتكم ..

.. لين الحين كملنا 5 شهور ع زواجنا ,.

.. و لا حملت و لا شيء >> من وين احمل .. و مع اني ما اخذ حبوب و لا شيء .. و لكن..!!

.. زوجي يرفض معاشرتي ..

.. كملنا الحين شهرين .. و هو يرفض معاشرتي ..!!

.. مثل ما نصحتوني .. اني اتكلم معاه .. عن الاسباب .. الخ ..

و بالفعل .. كلمته .. و قال انه ما يبا عيال .. قلت له يا فلان .. تقدر يكون القذف من الخارج ..!!

.. عصب .. و قال انه ماله بارض .. و ما يريد .. و قالي .. لا تفتحين هالموضوع لي مره ثانيه ..!!

.. جرحني بكلامه ..

.. كنت البس .. و اتعدل و اهتم بنفسي .. و مع ذلك ما كان يهتم لي ..

كنت الاحظ عليه تصرفات غريبه ..

.. مسجات ع الساعه 3 فليل..

.. و مرات حد يدقله و ما يرد ..

.. و احيانا هو يظهر برع و يرمس في الفون ..!!

.. و عقب انا اتأكدت بنفسي .. انه كان يجذب علي.. و لا زال يخونني ..@_@

.. كنت انا وايد شكاكه .. و الصراحة نفسيتي تعبت ..

.. كنت اقول في خاطري .. مستحيل في ريال يقدر انه يصبر عن حرمته اسبوع واحد ..!!

.. و مره هو كان مسافر .. و كنت ابى ارد له البيت .. لانه رجع بعد اسبوع ..

اصر انه ايلس في بيت اهلي ..

.. و انا ما كنت احب انه ياخذ راحته .. بروحه .. و يرمس اللي يباه و يسوي اللي يباه ..

.. استوت من بينا مشاكل .. اخر شيء استسلمت للامر الواقع و يلست عند اهلي..

ع اساس انه بييني اليوم الثاني و بيشلني بيت اهله .. و بالفعل رجعنا ..

.. كان زعلان .. مني .. هذا حال اثنين ما جافوا بعض من اسبوع ..!!

.. لا قبل و لا حضن و لا شيء .. باااااااااارد و بخيل في مشاعره ..

.. اي قسوة يمتلكها هذا القلب .. كان يرفض انه يقبلني او شيء .. كان يعاقبني ..

.. كان يقولي يوم تعدلين تصرفاتج ..

.. و انا من كثره وساوسي كنت دايما افتش ف وزراه ..

.. و لقيت نقط دم ..

و خصوصا في تلك الليله ايضا كنت احصل هالنقط ..!!

كنت احصل هالنقط .. تقريبا لين الحين جفتها 4 مرات .. و على فترات ..

.. يعني شو هذا .. ؟؟ مادري

مع انه مش انه جريح او شيء ,

ما فيه شيء ..

:tears::tears:

و لا اني صارحته بهالشيء ..

الصراحه خفت ..

و انا ما فيني على المشاكل ..

:tears:

ماقدر اني افتش فونه لانه حاط رقم سري فيه ..!!!

مع العلم انه يسهـر .. ويا ربعه ..!!

الحين ماعرف شو اسوي ..

احتاج نصيحتكم ..!!

و السموحه منكم ..​

 

[Princes Of Ice]

و هذا موضوعي الاول ...

و السموحه ..

http://www.niswh.com/vb/showthread.php?t=29173​

 

[عنقود عنب]

اختي

حاولت افتح الرابط ..لكن للاسف ما فتح لي

لكن ودي اعرف ...انت تقصدي ان زوجك ما يعاشرك ..يعني لا زلتي عذراء ..أو انه يعاشرك لكن في فترات متباعده

ماذا تقصدين بنقاط الدم اللي تشوفينهم

هل تشوفينهم على ملابسة الداخلية او فوق السرير او اين بالضبط ؟؟

في انتظار اجوبتك اختي

 

[Princes Of Ice]

اختي

حاولت افتح الرابط ..لكن للاسف ما فتح لي

لكن ودي اعرف ...انت تقصدي ان زوجك ما يعاشرك ..يعني لا زلتي عذراء ..أو انه يعاشرك لكن في فترات متباعده

ماذا تقصدين بنقاط الدم اللي تشوفينهم

هل تشوفينهم على ملابسة الداخلية او فوق السرير او اين بالضبط ؟؟

في انتظار اجوبتك اختي

كان يعاشرني ف اول ايام العرس .. و كان اوكي ..

و عقب .. صار في فترات متباعده ..

يعني ف الشهر .. مرتين ..

و الحين من شهرين و لا مره ...

هذا اللي أقصده ..

و نقط الدم .. في ملابسه الداخليه ..

و شكرا على الرد الطيب ..

 

[النـقــاء]

أعانك الله وفرج همك​

 

[عنقود عنب]

اختي ..فعلا زوجك امرة غريب

هل هو مريض ..هل لاحظتي عليه انه مريض ..يعني يستخدم علاجات ..قد يكون عنده التهابات في البروستات او التهاب في مجاري البول ؟؟؟

هل نقط الدم في ملابسة الداخلية من الامام ام من الخلف ؟؟؟

 

[Princes Of Ice]

اختي ..فعلا زوجك امرة غريب

هل هو مريض ..هل لاحظتي عليه انه مريض ..يعني يستخدم علاجات ..قد يكون عنده التهابات في البروستات او التهاب في مجاري البول ؟؟؟

هل نقط الدم في ملابسة الداخلية من الامام ام من الخلف ؟؟؟

ما ظنتي مريض و لا شيء ..

انا قلت يمكن يعاشر غيري بالحرام .. و شبعان .. و عشان جي ما يعاشرني ..

و نقط الدم .. يمكن .. تخص غشاء البكاره .. مادري الصراحه شو هذا ..

تكون من الامام ..

و اشكرج ع التفاعل ..

 

[غافلة]

اخاف بواسير ؟

 

[Princes Of Ice]

ايش قصدك انك فتشتي هذيك الليله ؟؟
اي ليله قصدك ؟

ماعرف شو هذا

الليله اللي .. كان فيها بروحه في البيت ..

الليله اللي كنت عند اهلي ..

اللي ما رضى يرجعني البيت او اي حد من اهلي يرجعني..

اصر على مبيتي .. عند اهلي ..

و كنت اجوف الدم على فترات متباعده ..

 

[* نفس تواقه *]

والله اختى انتى ادرى باخلاق زوجك

ممكن يكون بسب علاقة شاذة ....والله اعلم

لان مش معقول كل يوم بينام مع واحدة بكر .....!!!

 

[**الغضه**]

ياحبيبتي اسمعيني زين فكري بحكمه وعقل
حاولي تهدين نفسك الايام هاذي وتتبعي الدم
متى يكون؟؟اذا كان بالخارج ورجع ..او اذا جاء من العمل
..او يوم يصحى من النوم.. لانه واضح انه مو دم علاقات ليه
هو كل يوم مع بكر؟؟ثاني شي اذا كان يطلع
مع بنات اكيد مابيكون فيه دم لانهن كل من
هيب ودب يجيهم تعود المكان ولايمكن يطلع دم ؟؟!
تأكدي هو لما يبتعد يمكن فيه مرض معدي مايبي
ينقله او..او..او؟؟؟
المهم هل هو حزين؟؟وثانيا.. فتشي ممكن
تلاقين اوراق مستشفى مراجعات اي شي والله
يعين واهم شي اهدئي وركزي وابتعدي عن المشاكل
قد ماتقدرين وقللي زيارتك لاهلك
والله ينورلك ويفرجلك وطمنيننا عليك..دعواتك:bye1:

 

[اليوم المنتظر]

والله اختى انتى ادرى باخلاق زوجك

ممكن يكون بسب علاقة شاذة ....والله اعلم

لان مش معقول كل يوم بينام مع واحدة بكر .....!!!

نفس تفكيري بصراحه الله يعينك يارب..

 

[مس شاريول]

اختي ابدي ظن الخير قبل السوء يمكن زوجك مريض وخايف انه ينقلك مرض لانك في نظره مالك ذنب وتحققي من الدم واذا على قولك انه يعاشر بكر فبعدي هذا الظن لان في اعتقادي ان الرجل عندما يجامع امراه فانه يتجرد من ملايسه وليس كل يوم سوف يجامع بكر حتى لوفترات متباعده تحققي من الدم ولا تظلميه والله يشافيه لو كان مريضا

 

[دلع بلقيس]

حبيبتي..
هو واحد من اثنين.
1 انه يكون له علاقات وهذا الأرجح في نظري.
2 انه يكون فيه مرض معين.

وانت عليك الاكتشاف ..!!
والله يعينك ..

 

[ana min]

اختصري الطريق و روحي حللي انت دمك اذا لا سمح الله نقل لك عدوة و بذلك تعرفين ايش يخبي عنك زوجك

 

[ام فريال]

والله اختى انتى ادرى باخلاق زوجك

ممكن يكون بسب علاقة شاذة ....والله اعلم

لان مش معقول كل يوم بينام مع واحدة بكر .....!!!

هذا اللي طرى في بالي من قريت موضوعك الاول
لأنك قلتي انه طلب منك شي مقزز ... معليش ياقلبي ياليت توضحين وش طلب ؟؟

 

[وردة وحيدة]

حبيبتي اللي يتصلون عليه بنات والا شباب؟!!!

 

[daydream]

الله يكون بعونك ..

 

[Princes Of Ice]

اللي ابى اوصله لكم ..

مستحيل اي شخص يخون حرمته و يرمس بنات غيرها ..

بيلس يرمس .. ليش يعني ..؟

شو هدفه من هالعلاقه ..؟

اكيد تعرفون انا شو اقصد ..

اكيد يبا شيء منهن .. و لا ما راح يرمس جي..

و انا اظن هالنوع من الخيانه .. متوارثه .. في عايلته ..

يعني خيانه وراثيه ..

لاني لاحظت انه بعض اخوانه المعرسين يخونون ..!!

حتى ابوه ... نفس الشيء ..

و اخوانه اللي اصغر منه كلهم يرمسون بنات .. حتى اللي عمره 11 سنه يرمس ..!!


عالم عجيييييييييييب غرييييييييييييييييب

مشكورين ع التواصل

جزاكم الله خيرا ..​

 

[وردة وحيدة]

يختي كلنا ما نبى نزرع الشك في راسج خوفا انها تكون السالفة بسيطة من مرض او غيره
والرياييل تمر عليهم اوقات غريبة ونفسياتهم صعب ينعرف لها

يعني لو مرض لا سمح الله بيكون اصعب من البيبي وبينكد حياتج
لذلك فتشي ورا احتمال المرض اولا وتاكدي منه .. خاصة سالفة الدم (مستحيل دم بكارة .. كل مرة وفي نفس الموضع؟ صعبة)

ثانيا ممكن يكون بينكم مشاكل او انتي مب مريحتنه في شي بالنسبة لطباعج او اهلج وهذا احتمال كبير كونكم توكم معرسين ومحتاجين وقت تتعودون على طباع بعض .. راجعي هذا الاحتمال بعد

ثالثا فيه احتمال يكون متضايق من شي في شغله او مع اهله او ربعه وهالموضوع مهم بالنسبة له وشاغل باله وما يبى يقول عنه .. لذلك يتكلم في التلفون وتصرفاته غامضة

احتمال اخر انج مب مريحتنه جنسيا بسبب كونك عروس جديدة خاصة اذا هو عنده علاقات وتعود الممارسة مع نساء خبيرات .. اسهل عنده يدور عليهم بدل ما يعلمج ... تثقفي جنسيا ودوري اللي يحبه

الاحتمال اللي ان شاء الله انه يكون خطأ وهو اخر شي تفكري فيه .. لانه جدا مستبعد بدليل انه متزوج من فترة بسيطة
الريال عنده علاقات شاذة .. يمارس بطرق غريبة او يمارس اللواط


ما اقدر اشوف احتمالات اكثر من اللي ذكرتها مع الخوات
يبالج تشوفينهم واحد واحد بسرية تامة ودعاء صادق لله يفرجها عليكي

واحنا وياج وفي انتظار اخبارج .. الله ييسر امرج