مشكوره دونات
عندي كم فكره لغرف الخدم وياليت تخبريني شنو الافضل
1- بناء قبو وتخصيصه غرف للخدم مع دورات مياهه وباب القبو جنب باب المطبخ يطلعون منه ويدخلون المطبخ لطبخ وجنبه ستور و غرفة للغسيل والكوي ويكون في ممر فيه درج و باب الدرج يوصل عشان يصعدون الدور الثاني لتنظيف والباب عشان الصاله والغرف السفليه
2- او يكون غرف الخدم ودورات المياه في الدور الاول (يعني نلغي فكرة القبو او نخصصه لشيء ثاني ) في ممر واحد وفيه مطبخ ومخزن و غرفة غسيل وكوي طبعا للمطبخ بابين عشان الباب الثاني يطلع للحوش عشان الزباله هذا الممر يكون في باب يطلع على الصاله عشان التنظيف وتجهيز طاولة الاكل وايضا يكون بنفس الممر يكون في درج يصعد لفوق عشان يدخل على الدور الثاني وينظف
3- نبني غرف ودورات مياه على الدور الثالث ويكون في درج ينزل مباشرة على قسم المطبخ والمخزن وغرف الغسيل والكوي طبعا في الدرج نفسه يكون في باب يدخل على الدور الثاني عشان التنظيف ومايظطرون يمرون من وسط الصاله عشان يصعدون درج لدور الثانيمن اجل التنظيف
كل الطرق الثلاث تضمن راحت ست البيت وخصوصيتها مع زوجها ماعدا اوقات تنظيف الغرف والصاله وغرف الاستقبال
لان يكون في درجين درج للعائله بوسط الصاله ودرج خدمه للخادمات ويكون في قسمهم
عشان الصعود لدور الثاني من اجل التنظيف
بس برأيك انتي شنو الافضل وليش
انا برأيي الافضل ان يسكنون بالسطح عشان القبو يكلف كثير
و لو سكناهم بالدور الاول جنب القسم الي بيقضون فيه اغلب وقتهم بياخذون مساحه من البيت او نظطر نزيد مساحة البيت عشانهم
بينما الدور الثالث اقلهم تكلفه مجرد بناء غرف على السطوح
بس فكرت ان الدور الثالث كذا بيكون يقدرون يشوفوونه واحنا بالحوش وحديقة المنزل ففكرت ارفع جدار الدور الثالث كثير عشان مايقدرون يكشفون من تحت وناخذ راحتنا انا وزوجي
.....
مرحبا
ماانتبهت لردك الا اليوم ..
عزيزتي ما انصحك بالفكره الاولى ..لان القبو خساره يكون للخدم ( الخدامه يكفيها غرفه 2×2) ولازم تكون تحت متابعتك .. لانك بهذه الفكره تعطين الخدامه فرصه تفعل ما يحلو لها , لانها في مكان بعيد وكانه مخبأ سياسي ..
.....
الفكره الثانيه ربما تكون اخف تكلفه وما فيه مجال تاخذ رحتها بزياده ..
.....
الفكره الثالثه
فهي فكره خطر على صاحبة البيت خاصه اذا في البيت شباب !!!!!
طيب ما فكرتي باولادك الشباب ؟؟؟
ليش يكون فيه باب لدور الثاني ؟؟
اصلا المفروض ما تروح لدور الثاني ابد وزوجك موجود فيه (حتى لو جلس اسبوعين بدون تنظيف)
فيه وقت يخرج فيه زوجك إما لصلاة الجمعه مثلا او دوامه الرسمي واظن هذا وقت كافي لتنظف دورات المياه ..
وكما قلت لك احسبي لأسوء الظروف , لا ترسمين حياتك بهذا الشكل الوردي والبرئ..
مثلا ( افرظي انك كنت في المستشفى لاية ظرف مثلا مرافقه لاحد اطفالك او تكوني واي ظرف تتعرض له اي وحده فتخيلي هذه الخادمه تتسلل لدور الثاني بكل سهولة !!!!!
عموما أنا لا ارغب في غرفة الخادمه بعيدا في الدور الثالث , لانك ستجدين صعوبه في بقائها في المطبخ اكثر الوقت .وهذا كلام مجربين ( كل فرض تروح تصليه تجلس بعده ساعه هذا غير كل ما بغيت حاجه ساعه اناديها لين تجي وهي كمان معصبه ) ثم هذه العائله (قبل قدوم الخادمه الجديده) فتحوا باب على الممر الخلفي وجعلو المخزن الصغير غرفه لها والحمام القريب خاص بها ..يقولون ( ياسلااااااااااااااااام صارت قريبه لو بغيت شئ اناديها ..وكمان ما اعطيها مجال تطلع وتنزل في البيت كل شوي بحجة الذهاب لغرفتها )
ولو اطريت للخروج قفلت باب المطبخ وبعد ما تكمل شغل المطبخ تروح لغرفتها ..
بصراحه انا ضد التقفيل عليها ممكن لا سمح الله يحدث لها شئ وتكون في ذمتي ولكن حتى هذي لها عدت حلول مثلا:
وضع باب زجاجي في الخلف يفصل قسمها عن المساحه الخارجيه ولو لا سمح الله حدث حريق ما عليها الا ان تكسر الباب وتخرج واكون بذلك بريت ذمتي .
الفكره الثانيه :
اعطيها فازه ضيقه الفوهه واصمغ فيها مفتاح الباب واقول لها لا تكسريها الا في الحالات الخطره.
..........
وع فكره استفيدي من الدور الثالث اما منتع عائلي جميل والنت فيه افكار كثيره في النت ..
او شقه كامله لاحد ابنائك الشباب اذا تزوج ان شاءالله ..وتكون بدرج خاص اذا امكن.
عفوا ممكن اسالك :
كم سنه متزوجه ؟
وكم ابنائك ؟
واين تسكنين؟
هل قاربكم من العوائل المحبه للبيوت والمفتوحه ع بعض ؟؟
والمطبخ يطل ع الصاله ...والصاله العلويه تطل ع الصاله السفليه؟