انا عجايب ورجعت بمشكله ولي اسبوع ببيت اهلي

[عجايب]

مساء الخير حبيباتي احب افضفض لكم والقى الحل السحري عند خبيراتكم وعسى الله يفرج هم الكل ياااارب من المتزوجات وغير المتزوجات​

انا متزوجه لي سنه ونص وعندي ولد لاني حملت بسرعه بعد زواجي ..​

تزوجت واحد مانعرفه ولا يعرفنا النصيب جابه لنا رديناهم ثلاث مرات بس قدرت الله اكبر ..
اتوقع في احد منكم يعرفني لأني افضفض دايم هنا :5:​

المهم موضوعي هو عمره 38 سنه رغم انه ايام الخطبه قالوا لنا عمره 33 بس يالله مشيناها..​

المهم في الموضوع .. زوجي بقولكم عنه بكل صراحه حنون وطيب ويعاملني كأني بنته لأن انا عمري 24 صغيره ..​

هو راتبه ضعيف مرره ماعنده القدره انه يعيشني وصابره على حاله ويوعدني ان بيجي الخير وبيعيشني الحمدلله صابره على الحال ..
بس المصيبه اللي خلتني ازعل ولا قدرت اعيش معااه انه انسان شديد مايبيني اطلع ولا حتى يبيني اروح لبيت خواتي مانعني عنهم حتى خالتي جارتي بنفس الحاره اللي انا فيها ماوداني لها الا مره وبنفس خاايسه ويقولي المره الثانيه ماتروحين لها الا وقت المناسبات طفشني بهالحال..​

زوجي حكر شديد مايحبني اجتمع مع احد ولا يبيني البس اللي ابيه كله يبيني البس جلاابيات يبي يكبرني اكبر من عمري .. ولا يحب المولاات ابد بس بالحااجه الكبيره بالموت يوديني ​

مايحبني اشتري اللي بخاطري .. كل ماقلت له ابي المكان الفلاني مايوديني ...
ولا يحبني اجتمع مع صديقات ولا بنات عم او خال ​

متحكم بلبسي ويتدخل بكل قطعه بالبيت قسم بالله حتى بالطبخ لاتسوين كذا.. لاتحطين هذا.. لاتقصين كذا .. وااقف على راسي دايم مشاكلي معااه على هالاساس .. حتى العباه يبيني البس خيمه ​

عليه غيره مو طبيعيه يحب يتملك الشي ..انتقااااادي كثيييير على كل صغيره وكبيره بهالعالم ويصج راسي بهالشي طفشني متحكم مسيطر روتيني بيتوتي مايحب يجتمع مع الناس الا قليل اللي يرغبهم بس ​

مايحب العمل كثير يحب يكون له عمله الخااص مثل التجااره يبي يفتح شغله الخاص بس مو قادر مافي سيوله يقولي ما اقدر اتحمل احد يتأمر علي بالشغل علشان كذا مايحب يداوم ...​

زعلت منه مره لانه ماوداني بيت اختي لان كل خواتي مجتمعين عندها الا انا ماوداني رغم انه مش مشغول .. رحت بيت اهلي وصاارت كبيره زعلت اسبوعين رغم انه بيت اختي قريبه مني زعلت اسبوعين لا اتصل ولا شي طنشني بالمره ..​

قمت انا واتصلت عليه ويااخساره ندمت رجعنا مع بعض وتراضينا وكان مبسوط بأتصالي وجلست اسبوع ثاني ببيت اهلي يتصل علي واتصل عليه كأننا خواطيب رجعنا لبعض مرات نزعل ومرات نرضى لحد ماقلتله انا محتاجه لك ولبيتي ..رجعت لبيتي وجلسنا اسبوع من احسن مايكون ​

وبعدها انعزمت ببيت اختي الثاني واجتمعوا خواتي عندها وقلتله ودني وجيته بأحلى اسلووووب ماووافق جيته بزعل ماوافق جيته بصراخ مافي فااااايده تهاوشت معااه من جديد وقلتله ودني لأهلي وجابني عند اهلي لي اسبوع الحين لااتصال ولا شي وانا ما اتصلت عليه تكررت نفس السالفه سبحان الله ...​

كله مجنني بهالكلمه المره مالها الا بيتها ...​

والله العظيم اني طفشت انا يا اخواتي يالله متحمله وضعه ما ادخل السوق اشتري اللي بخاطري حتى طلعت نفااس قيصريه ماجابلي هديه ولا دخلني السوووق اشتريلي لبس جديد نهااااااااائيا كله ماعنده تحملت وسكت ... هم بعد اتحمل شدته لا اطلع ولا اروح
جوال عندي متكسر رااايح فيها اقوله غير جوالي يتحجج بعدين الحين ماعندي يجي بعدين ولا يهمه حتى تصدقت علي وحده من خواتي وشرتلي جوال بألف وميتين اللي ماقدر هو الرجال يشتريه لي :tears:​

انصحوني الله يرحم والديكم بس ابي حياتي من احسن مايكون الله يخليكم ​

تكفون تكفون تكفون لاتتركوني انصحوني بالاحسن لأني دخلت ابوي بالموضوع
وقالي ابوي انا بطلقك من هالرجال لان وضعك معااه مو عاجبني .. وبصراحه ابوي ماينلاام ..
حتى خواني يبوني اتطلق منه يقولون لي حرام تضيعين حياتك معااه بيجيك اللي احسن منه هو مايناسبك ابد وغلطنا يوم زوجناك اياه لاعيشه ولا فلوس ولا حتى نفس حلوه يخليك تسوين اللي براحتك ولا تروحين مكان ​

انصحوووووووووووووووووووووووووووووووووني انا بحاجتكم من بعد الله ..
انا ما ابي اتطلق علشان ولدي وهو حنون معي بس مخربه عليه هالامور يمكن علشاني مو فاهمته .. خليه مو شرط يصرف علي ابوي مايقصر جعل ربي يطول بعمره بس يخليني براحتي يوديني اي مكان ابيه ما ابيه يسيطر علي

انتظرررررررررررركم على احر من الجمر ..

وانا ارسلت هالرساله لأستاذه موزه يارب تنصحني ..
لان اهلي يبوني اتطلق منه حتى امي بس انا افكر بحال ولدي وعشرة سنه ونص بيني وبينه وكيف كان يرعاني يوم اني حاامل يكسر خاطري واتراجع :tears:​

 

[مدام يحيى]

تعوذي من ابليس وش ضمنك يجيك احسن منه وش ضمنك اصلا تنخطبين بسرعه بعده ومايجيك شايب والا معدد ووقتها ولدك يتعقد بينك وبينه
على فكره اللي بينكم اشياء صغيره وتافهه بحكم انه لسى ما مر على زواجكم الا سنه ونص
بالنسبه لتدخله على كل صغيره وكبيره ردي عليه رد زين يعني حاضر ان شاالله صح كلامك معاك حق لين ماعاديلاقي شي ينتقده وانتي سوي اللي براسك
والماديات محلوله خليه يحدد لك مصروف شهري مثلا 500 ريال يعني حسب معاشه
والروحات والرجعات حطي حد انه بس مايمنعك من امك وابوك واخوانك عشان صلة الرحم ادخلي له من ذا الباب
واهم شي حنية قلبه والله كنز وياقلبي ترى كل وحده زوجها يمنعها من شي وانتي جات بالزيارات مقدور عليها
ونصيحه مشاكلك لاتوصل لاهلك خليها بينك وبينه وتقربي لله كل يوم وشوفي كيف بينصلح حالك والحياه تمشي
واحمدي الله انه مو راعي بنات ولا هو سكير ولايمد ايده عليك خففي حساسيه وزيدي من المرح والابتسامه وخليك دايم راضيه امدحيه قولي له ماتقصر دايم تخجلني بكرمك وحنيتك ومن ذا الكلام شوفي كيف بيلين لك
الله يوفقك

 

[دمعة حزن ..]

الله يساعدك يااختي

انا احس ماعندي خبره جيده في الحياه احتاج لمن يساعدني

بس رح انصحك انك ترجعي الى زوجك وتخلي عن الزيارات حتى لو خالاتك او خواتك مو لازم كل مره تروحي لهم

انا زوجي كذا بعد هو مسافر ومو معي ويبغاني ماأتأخر ويشرط عليي شروط بس عادي تعودت وصرت مثلك في حالتنا الماديه والحمد لله ربك وسعها علينا كله من صبري

اصبري كلميه وخلك معاه زي الفل وقولي له الليله بيتجمعو في بيت اختي بس بجلس معاك مابروح

ويعني

ان شالله يبنفع هذا الشي

الله لا يعسر عليك ولا علينا

 

[mo0o0n2009]

الله يسخرلك زوجك ويهديه لكي

 

[سموره22]

الله يفرج همك يالغاليه الطلاق مو سهل اسالي مجرب و بعد عندك ولد يعني اصرفي نظر عن موضوع الطلاق بعدبن معروف انه هذي حركات الرجال باول الزواج بيي يفرض رأيه في كل شي اصبري وتحملي بس نصيحه لاتتصلين انتي ولا تبادرين كفايه المره الاولى لاتعوديه على ذا الشي ادعي ربك واستغفري لحد مايكلمك هو وخليه يجي يتفاهم مع ابوك واشترطوا عليه مصروف شهري واهم شي اهلك لا يحرمك من زياراتك لهم واللي اوله شرط اخره نور
والله يسخر لك زوجك ويرده ردا جميلا

 

[نعومه ستايل]

مدرى اختى ماانصحش انك تتطلقين الطيب من الرجال نادر انتى قولى لابوك انك بترجعين له عشان ولدك بس
قولى لابوك انه يكلمه يرص عليه شوى بالكلام يمكن يفيد معه

 

[غيرهم كلهم]

حددي لك مصروف شهري حتى لو مبلغ بسيط حتى يتعود انه

لازم يصرف عليكي وانه لك التزامات وهو مجبور فيها

وحاولي تحددي يوم انك بتطلعي فيه من البيت سواء عند اهلك او خالتك بالاسبوع

وخليهم هما الي يجو عندك دايما

وكل الرجال هيك بالاول يكونوا شادين الحبل على الاخر لحتي يخنقونها فيها

بس بعدين يخففوه لدرجة ما يسأل وينك​

 

[ماينلام من حبك]

الله يعينك ياقلبي ويفرج همك

 

[بريق الحب]

الله يعينك زوجك شمالي ولازم تقري كيفيت التعامل مع الشمالي انصحك تخلي ابوك يشرط عليه وتحدديلك مصروف ولاانه زوجي شمالي وينتقد كثير طنشيه احسلك يعني لاتهتمي لي كلامه وكل ماطلب منك شي سويه بس اصحك تحسسيه انك ضعيفه خدي حقك تدكريها منى بعد 10سنين لاانه يسطو عليك بعدين وقت مايكون رايق حاولي تدلعيه وكثري من المدح الله يحنن قلبه عليك

 

[حلا ماركه]

تعوذي من ابليس وش ضمنك يجيك احسن منه وش ضمنك اصلا تنخطبين بسرعه بعده ومايجيك شايب والا معدد ووقتها ولدك يتعقد بينك وبينه
على فكره اللي بينكم اشياء صغيره وتافهه بحكم انه لسى ما مر على زواجكم الا سنه ونص
بالنسبه لتدخله على كل صغيره وكبيره ردي عليه رد زين يعني حاضر ان شاالله صح كلامك معاك حق لين ماعاديلاقي شي ينتقده وانتي سوي اللي براسك
والماديات محلوله خليه يحدد لك مصروف شهري مثلا 500 ريال يعني حسب معاشه
والروحات والرجعات حطي حد انه بس مايمنعك من امك وابوك واخوانك عشان صلة الرحم ادخلي له من ذا الباب
واهم شي حنية قلبه والله كنز وياقلبي ترى كل وحده زوجها يمنعها من شي وانتي جات بالزيارات مقدور عليها
ونصيحه مشاكلك لاتوصل لاهلك خليها بينك وبينه وتقربي لله كل يوم وشوفي كيف بينصلح حالك والحياه تمشي
واحمدي الله انه مو راعي بنات ولا هو سكير ولايمد ايده عليك خففي حساسيه وزيدي من المرح والابتسامه وخليك دايم راضيه امدحيه قولي له ماتقصر دايم تخجلني بكرمك وحنيتك ومن ذا الكلام شوفي كيف بيلين لك
الله يوفقك

نفس الرئ الحمد لله ماهوب سكير ولا راعي بنات ولا يضربك توكم مالكم الاسنهمابعد فهمتوا بعض اصبررررررررررري والرجل مثل الطفل سايسيه تكسبينه

 

[احلىحلاوه]

الله يفرج همك

 

[امل الصالح]

احس انك استعجلتي بالطلعة من بيتك

ورغبتك في الطلاق غلط في غلط

انت تحبينه وترحمينه وهو طيب وحنون

بس فيه اطباع صعبة شوي

لازم تعطين زواجك فرصة عشان ينجح .. سنة ونصف وقت قليل عشان تحتوين اطباعه

طالما ابوك عرف بالموضوع فياليت مايتدخل بطلب طلاق .. خليه بس يحاول يوجد حل وسط بينكم

يعني انت تستوعبين طبعه وهو كمان يرخي الحبل شوي ويدخل مساحة ترفيه لحياتكم

وعشان ترتاحين اكثر واكثر ..تعاملي معه كأنكم اصدقاء ..

شفتي كيف الاصدقاء يتقبلون بعض بكل مافيهم .. وكيف يأنسون بالجلوس مع بعض بدون ملل ..

وكيف يمارسون هواياتهم حتى في اثناء تواجدهم مع بعض

خليك كذا مع زوجك .. تقبلي فضوله و اعتبري رفضه لخروجك رغبه منه في البقاء معه اطول مدة .:22:

احس ان زوجك شررررررقي للنخاع <<اعتقد كذا

 

[papero0o]

زيادة على فقرة و تقصيرة معك حرماان في حرماااااااااان

شوفي انا ما اقول تطلقي منة بس خلي ابوك يتفاهم معااااااه مو من حقة ابدا يحرمك من اهلك و اخواتك و رغباتك مو من حقة ابدا

بعدين وش هل كلمة الحرمة مالها الا بيت رجلها وش شايفك تنططين من مكان لمكان و مهملة بيتة على هل كلمة

صدق رجال عقولها متخلفة

شوفي اختي خلي ابوك يتفاهم معام بطيب و يتوصلون لحل اذا مانفع و استمر على عمجهيتة و اسلوبة القروي
ذيك الساعة عندك اهل و داعمينك و حاطينك فوق روسهم

 

[sweet_2010]

انسي سالفة طلاق _ زوجك مثل زوجي بضبط حتى موبايل ونت ممنوع علي بس ألحين شوفيه والله ان كل شي عادي انا لي 6 سنين يبالج بس صبر ومسايس
ويعطيج كل الي تبينه وهو
يضحك.بس خلت قوية واهم
شي مصروف شهري حقج

 

[اصايل الفارس]

لا لا لا ياعجايب الطلاق ليش !!!!!!!
كل شيء بالصبر يجيء يعني لاضربك وطيب معاكي وحاولي تفهمين طبعه وتتعايشين معه ولاتنسين ان عندك ولد يمكن يعجايب طلعاتك كثيره خليها في الاسبوع مره لا ضر والا اضرر, والمصروف حددي لك مع الراتب ولا تخسرين بيتك وزوجك
ولا تنسين الاستغفار والدعاء .
لاتعقدين الامور ياعجايب وشوفي الجانب الزين في زوجك علشان يكون في عينك ملك .
والفقر وقله المال ماهو عيب تزوجوا فقراء يغنيكم الله من فضله.

 

[عجايب]

تعوذي من ابليس وش ضمنك يجيك احسن منه وش ضمنك اصلا تنخطبين بسرعه بعده ومايجيك شايب والا معدد ووقتها ولدك يتعقد بينك وبينه
على فكره اللي بينكم اشياء صغيره وتافهه بحكم انه لسى ما مر على زواجكم الا سنه ونص
بالنسبه لتدخله على كل صغيره وكبيره ردي عليه رد زين يعني حاضر ان شاالله صح كلامك معاك حق لين ماعاديلاقي شي ينتقده وانتي سوي اللي براسك
والماديات محلوله خليه يحدد لك مصروف شهري مثلا 500 ريال يعني حسب معاشه
والروحات والرجعات حطي حد انه بس مايمنعك من امك وابوك واخوانك عشان صلة الرحم ادخلي له من ذا الباب
واهم شي حنية قلبه والله كنز وياقلبي ترى كل وحده زوجها يمنعها من شي وانتي جات بالزيارات مقدور عليها
ونصيحه مشاكلك لاتوصل لاهلك خليها بينك وبينه وتقربي لله كل يوم وشوفي كيف بينصلح حالك والحياه تمشي
واحمدي الله انه مو راعي بنات ولا هو سكير ولايمد ايده عليك خففي حساسيه وزيدي من المرح والابتسامه وخليك دايم راضيه امدحيه قولي له ماتقصر دايم تخجلني بكرمك وحنيتك ومن ذا الكلام شوفي كيف بيلين لك
الله يوفقك

أأأأأأأأأأأأأه ردك بررد على قلبي مشكوره على كلاامك .. بس مصيبة زوجي اذا جيت ابي مكان جلست ادلعه واسوي له حركات تخيلي وش يقووول .....؟؟؟؟؟؟؟؟:30:

تدهنين سيرري هااه....... مو انا اللي تدهنين سيري وحركاات الحريم ماتمشي علي :sly:وربي انقهرت ما ادري وش اسوي .. انفجرت واروح غرفتي واجلس ابكي قسم بالله احيانا يكون نفسي اطلع لاني جد طفشاااااااااااااانه ..

من هالناحيه صدقتي اختي مدام يحيي .. الحمدلله سنه ونص معااه لاشفته يسكر ولا شي انتقااادي بشكل كبير على الناس كيف يسوي الغلط ..

واله العظيم صار الساني طويل معااه من معاملته هذي معي ...

عسى الله يصبرني اكثر واكثر ........... بعد عمري عسى الله يفرجلك همك على ردك لي وتكفين انصحيني اكثر .. دايم احط ببالي اني جميله وصغيره والف من يتمناني ...
بس ماودي اخسره لانه حنون معااي ودايم يوقف جنبي مايخليني والله محتاره ..
الماده مهمه في حياتي كل اللي بخاطري مقدر اشتريه ... والجمعات مع خواتي وخالااتي حلوه ماودي انه يحرمني :tears:

دلوني على حل لاتتركوووووووووووني ابوي واخواتي يبون يطلقوني منه ...

لأانهم يشوفوني شلون كنت عايشه عندهم عز ودلاال وكشخه ودلع ... ويوم تزوجت صرت اكسر الخاطر حتى الجوال اخر موديل مقدر اشتريه وصرت كني عجوز .. مغير اطررر من خواتي اللبس علشان اكشخ قدام الناس بس مابيهم يدرون عن حالي ........

والله حتى جوالي ابوي الله يطول بعمره كان يسدده لي فاتوره كل شهر انا من خذيته ونفس رقمي الى يومكم ماتسددت الفاتوره من يوم اخذته الا مره وحده والحين ثمان شهور ماتسددت والحين على شحن سوا وياليته شحن لي يوم بخمسين لاوالله مايشحن لي الا عشره عشرين بس ..

اختي متزوجه اشحنت لي امس بسبعين اللي هو رجال ماقدر يشحنه لي ...

تكفون لاتخلوني وش اسوووي انصحوني ...

 

[عجايب]

الله يساعدك يااختي

انا احس ماعندي خبره جيده في الحياه احتاج لمن يساعدني

بس رح انصحك انك ترجعي الى زوجك وتخلي عن الزيارات حتى لو خالاتك او خواتك مو لازم كل مره تروحي لهم

انا زوجي كذا بعد هو مسافر ومو معي ويبغاني ماأتأخر ويشرط عليي شروط بس عادي تعودت وصرت مثلك في حالتنا الماديه والحمد لله ربك وسعها علينا كله من صبري

اصبري كلميه وخلك معاه زي الفل وقولي له الليله بيتجمعو في بيت اختي بس بجلس معاك مابروح

ويعني

ان شالله يبنفع هذا الشي

الله لا يعسر عليك ولا علينا

دمعة حزن الله يرضى عليك ويعطيك الف عافيه على ردك ويفرجلك رب العباد كل هم يارب ...

الله يصبرني اكثر وأكثر لأن طاقة الصبر ماعاد فيني تكفين ادعيلي ان الله يصبرني ويخليلي زوجي مثل ما ابي ويصير لي خااتم بأصبعي ..
ويتراجع ابوي عن الطلاااق الله يخليلي ابوي ولا يحرمني منه اللهم آآمين ..

 

[دايم الذكر]

حبيبتى تعوذى من الشيطان خلك مع زوجك مع الايام بيتغيروالله زوجى كان كذا مايحبنى لا اروح ولا اطلع اول الزواج مع العشره تعودنا على بعض والحين من احسن مايكون والحمد لله

 

[الاحساس الجرئ]

الله يفرج همك وييسر امرك يااارب

 

[حناني متعبني]

بصراحة اضم كلامي مع الاخت (((مدام يحى)))

ودعواتي لك والزمي الدعاء اختي

واصرفي نظر عن الطلاااااااااااااااااق

والله محد بينفعك