عروس الغفلة !!! مالها بعد الله إلا أنتم !!! تكفووووون ساعدوها

[~عيون الريم~]

متزوجة من 9 شهور وأنا الحين عند اهلي صار لي شهر ونص تماماً بسبب شك وضرب وحرمان

مشكلتي اني طوال هذي الفترة ما اتذكر الا ايامي الحلوة معاه وسفراتنا وحفلاتنا ومفاجأته
زوجي في صفات مرة حلوة

كريم-طيب-حنون-عندوعده-رومانسي-يحبني بجنووون
لدرجة انه صار يضرب بنا المثل في الحب وكل عيون الناس علينا والكل يسألني أش سويتي لزوجك عشان يحبك لدرجة يسفرك برا ويألف فيك كتاب!!
والي ما عرفوه انه كان يبوس حتى ارجولي وكان يشيلني من الأرض شيل
ويساعدني بالبيت والطبخ
واشياء كثيرة لا تُصدق..

لكن الي خرب علينا غيرته الزايده الي تحولت لشك وهذي فيه من ايام الملكة (كنت مرتزة بفستان الملكة جنبه

وبعد كلام دار بينا عرف اني جبت مصورة وانها صورتني تغير وجهه ألوان وكلم أخته وقال لها : تعالي وجيبي المصورة معاك تصورنا ..... وبعدها صارت كارثة وانقلب الفرح مهزلة

كان بيكسر الكاميرا وجلس يسب المصورة وقالها راح ادفع لك6000 حقت الكاميرا بس لا تاخذيها)

بعد الزواج صارت غيرته شك يفتش جوالي -يدخل البيت خلسة

ووصلت للضرب والاهانه

ويهددني بالزواج وكله لأني قلت له ليه تحرمني من (الناس-الجيران-صاحباتي-اهلي-الجوال-النت-التلفزيون-اني افتح الستاير واشوف النور وكل هذا بدافع الغيرة.......)​

أنا ممكن أنسى كل شي إلا انه بعد ما ضربني قالي : هذا اهانة لك
ومرة قال لي انتي في المقام الأخير في حياتي
ولمى جا يصالحني قالي أقصد بعد أمي وابويه

مع اني محتشمة ومن عايلة محافظة
وأنا معلمة واكمل الماجستير
بعد ما عشت معه صرت عصبية أكثر خاصة معه
لمى ضربني غرزت اضفاري بصدره إلى ان طلع الدم ودعيت ان ربي يجعل كل الي سواه فيه يرجع باخواته لأنه يتمنى يموت ولا يصير باخواته شي
المهم الحين لي شهر ونص عند اهلي وهو لااتصل ولا ارسل!!!!!!!!

بنات مالي بعد الله الا انتم حتى زميلاتي راحت ارقامهم بعد ما كسر جوالي
تكفوووووووووووووووون ساعدوني وجاوبوا علي لأني قليلة خبرة في هذي الأشياء

س1/ هل هو يفكر فيه زي ما افكر فيه؟؟ وليه ما سأل عني؟ يمكن يدور على زوجة ثانية؟

س2/ أهله نفس الشي ما سألوا مع ان المرة الي قبل هذي لمى هو وداني لبيت أهلي كانوا يتصلوا ويحاولوا يصلحوا .. لكن هذي المرة أبوية أخذني هل فيه فرق؟؟؟؟

س3/ أهلي مصممين عل طلاقي منه لدرجة انهم ينصحوني بالزوج الثاني اني لازم اتأنى واستخير و....الخ؟ هل معاهم حق ...ان المسألة توصل للطلاق!!!!!!!!

س4/ اش اسوي غير اني لزمت الدعاء والاستغفار؟؟؟؟؟

تكفون دلوني وجاوبوني
الله يفرج عليكم
ويصلح ازواجكم
ويحفظ اولادكم
ويحقق ما في بالكم ..........

​

 

[تفاصيل !]

والله ياخيتي ماعندي لك حل بس بصراحه غيرته هذي مرضيه

الله يسخر لك خلقه ويرزقك من حيث لا تحتسبين

 

[أم ديمة]

استخيري وبس واتكلي على الله والله يكتب لك الخير وين ماكان..

 

[الريم العنود]

كان الله بعونك اختي

اختي الرجل اللي ربنا ابتلاه بمرض الشك وعدم الثقه يكون صعب العيشه

معاه هو يريد ان يحبس المرأه في سجنه ويقيدها بقيوده ومع ذلك لا يتطمن عليها

المرأه اللي تعيش مع مثل هالرجل مرأه تعيسه مقيده محسوبه حركاتها وكلماتها

التخلص منه افضل

 

[القمر الخجول]

الغيرة الزايدة والشك مرض نفسي لن يزول منه مادمتي معه
الله يعينك بس خليه لا تكلميه لين يكلمك وهالأشكال صعبة ينعاش معاهم أعتبرهم مثل المصروعييين
ولما جا أبوك وأخدك عااادي الوضع مرة بالعكس يحسس زوجك إنك وراك ظهر وأهل ياخدون حقك
في رجاال كذاا لدرجة إنهم يتهمووون زوجااتهم في شرفهم وعرضهم وينشرون في العيلة بعد
وهذا نتيجة مرض الشك وعدم الثقة الله يعينك بس

 

[(مرام)]

اختي عادي خلييه يشك لانه يحبج يخااف علييج ويغااار
وبعدين لا تتصليين عليه لو شو ما صار واذا يحبج صج صدقيني راح يجي ويحب ارجوولج

انتي اصبري وتوكلي على الله
الله يرده لج رداً جميلاً
تقبلي تعليقي ومشاركتي البسيطه دمتي بود​

 

[أم أسـيـل]

الغيرة الزايدة على فكرة مرض حبيبتي

​

 

[أم احلى وردتين]

هذا انسان مريض

 

[قطفة اولى]

زوجك يحبك بقوووووووة
بس الموضوع يوصل للضرب هذي قوية جدا

 

[أمنيتي الجنه]

اممممممممممم بصراااحه ماعندي حل

 

[حناااان الكون]

حبيبتي مافي شي مستحيل او يستحال العيش معه الا بحاله وحده اذا كنتي نفس صفاته يعني هو عصبي وانتي عصبية عيالكم قنابل ... واذا انتي ما قدرتي تعيشين معه غيرك بتعيش معه وبتكسبه ... وواضح زوجك يموت بتراب رجلينك بس مشكلته انه مريض نفسي ومرضه (( الغيرة )) .. اذا انتي شاريه راحتك لا ترجعين له الا لما يعالج حاله عند طبيب نفسي وتتاكدين انه تخطى مرضه ساعتها ارجعي له غير كذا ما انصحك ترجعين له لانك باول حياتك يعني لو كان الشي ذا مضى عليه سنين وبينكم عيال بقولك مالك الا الدعاء تحملتي هذه السنين ما تتحملين الباقي وليه توك الان تشتكين وكلي امرك لرب الكون لكن انتوا مالكم الا 8 شهور زواج وبمعنى الاصح ست شهور ونص يعني فترة قياسية جدآ في مجال للتفاهم والعلاج , لو رجع وصالحك واعتذر قدام الكل وقالك ما راح اضربك ولا اهينك ومن ذا الكلام اصري ع موقفك انه يراجع عيادة الطب النفسي لان اللي معه (( الشك والغيرة المرضيه )) وثقي في حالات نفسية علاجها بالدورات بعيد عن الحبوب النفسية اللي ممكن تترك اثر نوعا ما سلبي يعني طمني بالك .... وفيك تتصلي ع اي دكتور باي مستشفى خاص طبيب نفسي وتستشيرينه استشارة هاتفية وتعرفين وش اللي راح يترتب ع زوجك كيفية العلاج وكذا واتصلي باكثر من دكتور لجل تكوني اكثر المام بالموضوع وفيك برضوا تبحثين عن الشي ذا بالنت فهو بحر لا نهاية له ............. الله يهدي سرك ويفرج همك ويفتحها عليك من اوسع ابوابه يارب وكلي امرك لربك صدقيني هو الان حاس بغلطته وندمان بس ما يعرف يعتذر ويصحح خطئه لا تشغلين بالك وخلي حياتك ماشيه كما يرضيها الله​

 

[محبة مكة]

انا اعرف انسانة كانت حياتها مثلك غيرة ونكد
بس لمن جابت عيال وكبروا صار ما يهتم في هاذي الاشياء
بالعكس يقولها روحي كلمي مدير مدرسة ولدك طلبوا ولي الامر
وصار متساهل لكن انتي اصبري

 

[ندى الريحان]

اذا هذا اولة ينعاف تاليه
واللي ما يعدني مكسب ما اعدة راس مال
صراحة حب وبعدها شك فيه شي
اذا ما سأل ولا دور ولا حتى اهلة
اختي عزي نفسك لو بدأتي انت راح يذلك بها طول عمرك وراح تسمعي كلام مثل السم وانك منتي قادرة تستغني عنه ....انت فاهمة وكلام يوجع القلب ..
انا ما اشجعك على الطلاق
بس الزمي الإستغفار والدعاء وعليك بدعاء الإستخارة في موضوعك مو مرة وتقولي ما بان شي لا دايم رددي دعاء الإستخارة
الله يهون عليك والحمد لله من كلامك منتي حامل

 

[ROZE]

الله يهديه ويجمع مابينكم بخير بس اهم شي اذا فكر يرجع لك لازم تشترطين عليه انه يخليك تعيشين حياتك زي الناس وبس وبما انك زعلتي قبل ورجعك بدون شروط فهو يمكن ماخذ السالفه حلا وكمان بما ان ابوك جا اخذك فهذا شي في صفه بيقول اللي اخذها يرجعها ويكبر راسه شوي واستخيري الله يكتب لك اللي فيه الخير سواء بوصال ولا بفراق ومدام ماعندك اطفال السالفه تهون - وتقبلي مشاركتي لان مر علي قصه شبه قصتك بس يمكن لان كل كل واحد كان بمنطقه وكان لما يجي بالعطله الاسبوعيه يوريها الويل مثلك غيره وضرب وبهذله بس في النهايه نقلت لمنطقته لانها معلمه ولما عاشت معه يوم بيوم رجع لعقله ولحد الان ععلى ماسمعت حياتهم حلوووه-
الله يصبرك ويعينك--

 

[basbosa m]

حبيبتي مافي شي مستحيل او يستحال العيش معه الا بحاله وحده اذا كنتي نفس صفاته يعني هو عصبي وانتي عصبية عيالكم قنابل ... واذا انتي ما قدرتي تعيشين معه غيرك بتعيش معه وبتكسبه ... وواضح زوجك يموت بتراب رجلينك بس مشكلته انه مريض نفسي ومرضه (( الغيرة )) .. اذا انتي شاريه راحتك لا ترجعين له الا لما يعالج حاله عند طبيب نفسي وتتاكدين انه تخطى مرضه ساعتها ارجعي له غير كذا ما انصحك ترجعين له لانك باول حياتك يعني لو كان الشي ذا مضى عليه سنين وبينكم عيال بقولك مالك الا الدعاء تحملتي هذه السنين ما تتحملين الباقي وليه توك الان تشتكين وكلي امرك لرب الكون لكن انتوا مالكم الا 8 شهور زواج وبمعنى الاصح ست شهور ونص يعني فترة قياسية جدآ في مجال للتفاهم والعلاج , لو رجع وصالحك واعتذر قدام الكل وقالك ما راح اضربك ولا اهينك ومن ذا الكلام اصري ع موقفك انه يراجع عيادة الطب النفسي لان اللي معه (( الشك والغيرة المرضيه )) وثقي في حالات نفسية علاجها بالدورات بعيد عن الحبوب النفسية اللي ممكن تترك اثر نوعا ما سلبي يعني طمني بالك .... وفيك تتصلي ع اي دكتور باي مستشفى خاص طبيب نفسي وتستشيرينه استشارة هاتفية وتعرفين وش اللي راح يترتب ع زوجك كيفية العلاج وكذا واتصلي باكثر من دكتور لجل تكوني اكثر المام بالموضوع وفيك برضوا تبحثين عن الشي ذا بالنت فهو بحر لا نهاية له ............. الله يهدي سرك ويفرج همك ويفتحها عليك من اوسع ابوابه يارب وكلي امرك لربك صدقيني هو الان حاس بغلطته وندمان بس ما يعرف يعتذر ويصحح خطئه لا تشغلين بالك وخلي حياتك ماشيه كما يرضيها الله​

ماشاء الله هذا هو الكلام الصح
واقرى دائما سوره البقره يمكن فيكو عين
ربى يرد لكى زوجك

 

[~عيون الريم~]

up

الله يجزاكن الجنة أنا كنت افكر اني ابادر برفع قضية طلاق
لكن انتم زرعتم الأمل فيه من جديد
الله يكتب الي فيه الخير
وفكرة الأخت الي قالت لي استشير اخصائين نفسيين مرررررة حلوة الل يوفقها ويحقق مبتغاها
وبرضو الأخت الي قالت اشرط عليه يتعالج
الله يرزقك وكل من شاركني همي بكل ما تتمنون يارب

 

[بنت رجاال]

حبيبتي انا زيك كملت السنه في بيت اهلي والحين طالبه خلع احسن لي وابرك0

 

[عشقي امون]

الله يصلح اهلك وش ذا يحطون فكرة الطلاق في بالك ولا بعد يقولون زواج ثاني اسمحي لي اهلك لايملكون رزانه العقل والتفكير والحكمه لاتسمعي لا احد لأن في الأول والأخير هذي حياتك اتصلي علية او ارسلي له مسج بدون علم اهلك وكأنه هو جاي يأخذك من نفسه والله يصلح الحال بينكم نصيحة لالالالالا لطلاق نظرة الناس وش مدريك يجيك واحد احسن منه امسك مجنونك لايجيك اللي اجن منه وخلي زوجك يعرض نفسه على دكتور نفساني وراح يتخلص من شكوكة والدكتور النفساني مثله مثل دكتور العظام والباطنية والله يسعك يالغلا

 

[vdhq]

زوجي كان مثل زوجك واردى

ومع الصبر زادت ثقته فيني ولله الحمد

لي الان 15 سة متزوجة .... والغيرة اختفت تماما وصارت غيرة معتدلة

اصبري ان الله مع الصابرين ..... اذا حاول يرجعك ارجعي له وحاولي ماتثيرين شكه

بس انتبهي تحملين الين تتأكدين انه ماهو مريض بالغيرة

 

[~عيون الريم~]

up
الله يجزاكن الجنة
لكن زوجي عنه عزة نفس فضيييييييعة
ما اتوقع لو ارسله مسج راح يجي
تخيلوا واحنا لسى عرسان كان بس يزعل مني مستحيل يراضيني وبعض الحريم سألوني عن العلاقة الخاصة قلت لهم حتى هذي مستحيل يراضيني عشانها
ولمى كنا نتصالح يقولي انا يكون نفسي فيك وقت الزعل لكن مستحيل اقربك وانا زعلان
عشان كذا انا بعد مستحيل اذل نفسي
خاصة لمى اتذكر كلمته آخر يوم شفته لمى ضربني وقالي هذا الكف اهانه لك
لكن اش الحل ؟ أبغى ارجع له لكن مو ذليلة
واهلي مو ناوين يتحركون الا لطلاقي
غير كذا لا