هل اسافر مع زوجي وزوجتة الثانية

[المتفائله1]

وش لك بالغثاء والقهر نصيحه لاتسافري معها وقولي له انا الاولى علشان كذا من العدل اسافر الاوله واصري على رايك اما اسافر معها مستحيل وهو اذا شافك مصره بيوافق ان شاء الله

 

[راحةالقلوب2]

استخيري

 

[بشريكو]

فيه عدة عوامل لازم تاخذينها بعين الاعتبار​

بعضها ذكروها لك الاخوات​

لكن شخصية زوجك​

هل هو آدمي ويعدل؟؟؟​

هل ممكن انه يستفزك؟؟​

هل ممكن يمشيها ويتركك؟؟​

انا من رأيي ​

انه يسافر معك مثلا 10 ايام انتي وبنتك ​

وبعدين يرجع وياخذها ويسافر فيها ​

اما انها تسافر تتمشى وانتي تقعدين- معصي​

ههههههههههه صح لسانك فديت راسك,, معصيين مو واحد بعدين المفروض يسفرك انتي الاولى وش حضرتها هي >> ياااااااااويلي.......

 

[بشريكو]

هالرجال وربي بيفقعووووووون مرارتي.....

 

[جماllل الرggح]

لا حبيبتي ايش هالسفرة الكئيبه نصيحه لاتسافري معهم والمفروض يسفرك انت واولادك لوحدكم اي يراضيكم مو يجلس يسفرك انت معاها نصيحه الزمي بيتك واطلبي منه ان يسفرك مرة ثانيه لوحدكم وانبسطي بعيد عنهم مع اهلك واصحابك ولا تفكري بهم ابداولاتتصلي عليه اطلبي منه كل احتياجاتك قبل سفره ولا تبخلي على نفسك وخذي منه وعد بان يسفرك بعد عودته

انا اؤيدك في هذا الرأي ​

 

[دلــوعــتــه]

شوفي من قلب محب

خلي سفرتك بروحك اريح لاعصابك اللي لا هو لا هي راح يفكرون فيها مهما كنتي قوية

الزوجة الثانيه ماتحس باللي انتي تحسينه
وتعرف ان القوه اللي انتي فيها تمثيل وبتاخذك برده فعل باااااردة ولانها عارفه انها داخله على جارة

فهي من اصله غيرتها مب قويه مثلك

وانتي براحتك حبيبتي

 

[لون الربيع]

يعمري أنتي وأنا أختك أقول لك من قلب سااااااااااااااااافري
وليش ماتساااافري مو يفترض السفرة لك أنتي وبنتك لأنكم متعودين عليها كل سنة
ولو ماسافرتي مع بنتك في الإجاااااازة متى راح تساااافرين حبيبتي
وأتوقع الإجازة هي أنسب اوقات السفر العائلي
لاتحرمي بنتك عالأقل من شااااانها بس علميها تكووووووون ثقيلة وخبريها إنك راااح تضغطي ع نفسك
وتسافري عشان خاطر عيونها
وبعدين إشرطي على زوجك وتدللي وكل اللي خاطرك فيه إستغليها فرصة منها تعرفي طبيعة ضرتك ومنها
تستفيدي من جوانب كثيرة انتي لو ماسافرتي مابتكتشفيها مثل تشبعي فضولك من ناحية ضرتك لان عاجلا ام اجلا لابد تلتقي فيها في اي مناسبة فاستغلي فرصة السفر وطبعا خلك رسمية وثقيلة معاها ورااااااااااااااااااااااااااااااااايقة لأبعد الحدود دووووووووووم مبتسمة ومبسوطة ولا غيرة ولازعل ولاخصام وحتى بنتك دلعيها وزوجك دلعيه
اسمعي نصيحتي يابنت الحلال وروحي معى زوجك ولاتسيبه وحسسيه انك تحتاجي في كل وقت ولاتستغني عنه مو تقولي له انك بس رايحة عشان البنت ترى كدى هي تفوز به لأنك في الوقت اللي تتغلي فيه عله هي تتقرب وتسمعه مثل هالحكي
لاحبيبتي اغمريه بعاطفة جياشة دلع وضحك وناسة وفي اليوم اللي بيكون معاها ماراح تملي لأن بنتك معك وراح تنبسطين
ربي يوفقك تراني متحمسة لروحتك ولانا منك كان ماافوتها ومن الحين اشتري كل اللي نفسي فيه ملابس وميك أب
وعطوووور واكسسوارااات وأرواااب نوم لا وبعد أحط أغراضي في الشنطة وأقفل عليها نصيحة لاتقصري على نفسك ولاعلى بنتك يعني وماتدري يمكن بعد هالاقتراح من زوجته هي بعد تبي تشوفكم فخليك في اجمل حالاتك وخليها مغاااامرة لها طعم مختلف عن كل سنة ولا تركزي ع الجوانب السلبية يعني حطي غيرتك في صندوق وقفلي عليه واستمتعي طووول ماانتي هناك كلها ايام معدودة وانتي راجعة بالسلامة ان شاء الله​

 

[رنوومتي]

اختي الكريمه
انا ارى انك لاتسافرين معه ومعها لان هذا سوف يتعبكم جميعا
وان كنتي ممن يحملون لزوجك بعض الحب فان السفر بوجود الزوجه يتعب وممكن يؤدي الى التنافر بينك وبين زوجك
اطلبي منه ان يسافر بها ثم يسافر بكم او العكس وبيني ان هذا من اجله واجلكم
ابنتك اخبريها بطريقه حنونه ان الوضع تغير
وان مشاعرك لاتحتمل وجوده معها في مكان واحد فكيف بالاكل والنزهه
واخبري بنتك انكم لن تاخذي راحتك انتي وهابنتك في حال وجودها
ارجو لك حياة سعيده
وسفرا ممتعا

 

[الشمعه الفضيه]

والله مستحيل اروح لو اني منك ماراح تنبسطين صدقيني موفقه خير

 

[ام رنون]

اقسموا الاجازه بالنص اولا انتي تسافري وتنبسطي
وبعدين هو وياها يسافرون ولا ياكلون تبن

بس اعيد وازيد انتي الاول عشان مايتكاسل يوديك
اذا سفرها قبلك تراني اعرف واحد سفر الجديده ماليزيا
والثانيه عطاها فلوس بدل السفر لانه كسل بس
هي كانت تبي تسافر وماتبي فلوس الرجال مالهم اماااااااااااااااااان
قولي عشان خاطر بنتي ماتتعقد وتشيل بنفسها عليك سفرنا الاول
وهو دامنه عدد اكيد قادر على مصروف ثنتين وسفرتين
والله يسعد قلبك ويبعد عنك الهم

 

[%شادن%]

ابد ماانصحك تسافري لانك بس بتحرقي اعصابك
صدقيني خاصه ان توها عروس حتى لو كان فيها خير
واحترمت نفسها قدامك مستحيل تقدر تسيطر على مشاعرها كل الوقت
شيلي فكرة السفر السنه هذي واشترطي على زوجك من الحين الاجازة الجايه لك ولعيالك

 

[ورده رومنسيه]

سافري عادي واذا حسيتي ماراح تنبسطي وفي شريكه معاك اطلبي من زوجك يسفرهااا وحدهااا وانتي وحدك
طالما تزوج يعني قد الزواج

 

[مودعة الحب]

أول سفرة سافرناهاانا وزوجي وشريكاتي مت من القهر وكنت احسب الموضوع بمر عااادي
لاجات جلست جمبه ولا حتى من بعيد لاناظرت فيه ولا حتى لو نادها ولبت له او طلب منها غرض او يتساسرون في الكلام يموت يموت يموت
لكن ياقلبي الموت الصدقي لمن يسافرون بروحهم وانتي هنا زي الاطرش في الزفة
في عندي حل مقنع
اذا كان زوجك يوم هنا ويوم هناك تركيه يسافر قلعتهم بس لمن يجي عندك يعوضك من ايامها بعدد ماغاب معاه
وكذ نكون خالصين
اسال الله تعالى ان يثلج صدرك وصدربدي

 

[انامل ناعمة]

مايبيلها مشورة سافري ياحبيتي واستانسي ومعليك منها الله يجملك في عين زوجك ويسخره لك

 

[راحةالقلوب2]

الله المستعان​

 

[ام حمودي111]

اختي الكريمه
انا ارى انك لاتسافرين معه ومعها لان هذا سوف يتعبكم جميعا
وان كنتي ممن يحملون لزوجك بعض الحب فان السفر بوجود الزوجه يتعب وممكن يؤدي الى التنافر بينك وبين زوجك
اطلبي منه ان يسافر بها ثم يسافر بكم او العكس وبيني ان هذا من اجله واجلكم
ابنتك اخبريها بطريقه حنونه ان الوضع تغير
وان مشاعرك لاتحتمل وجوده معها في مكان واحد فكيف بالاكل والنزهه
واخبري بنتك انكم لن تاخذي راحتك انتي وهابنتك في حال وجودها
ارجو لك حياة سعيده
وسفرا ممتعا

انا مع الخت رنومتي ولا تفتحي له المجال من اول تسير في كل سفره معاك ويقول مقدر اروح بكل وحدة وحدها وانا مجربه مثل الموقف هذا قلت عشان اقعد على قلبها وطلعت انا الخسرانه
سار المبلغ الي كان يعطيني اول يقسمه بيني وبين ضرتي ودائما نتعكس في الاراء ويطنشنى ويسوي الي يعجبه وبكذا سرنا نروح السوق سوى ولدرجه حتى المستشفى والله انصحك من قلب لاني مجربه وحتى لا تحاولي تتعرفي عليها بس خذي اخباره من بعيد روحي وحدك وخذي حقك وافي

 

[ياقوتيه]

نصيحه لا تسافرين لانك راح تندمين الغيره راح تعذبك وتنرفزك وتتعب نفسيتك

اي وناسه راح تجنينها ؟؟؟؟

حتى بنتك ما راح تشوفك مستانسه ولا راح تستانس هي بعد

ابعدي عن الشر وغنيله وانا مع الاخوات اللي قالو يعطيك وعد بسفره ثانيه لكم وحدكم

 

[رغدووونه]

الافضل لسلامه عقلك وروحك خليك انتي بعيد وهي بعيد يعني لا تكسرين الحواجز مالك علاقه فيها ابد

 

[لميس الحنونة]

حبيبتي والله تنمرضين لا تروحين خليك بسفرة وهي بسفرة ومن //// بغى الدح ماقال أح //// خليه يتحمل سفرتين بس نصيحة لا تسافرين اخت زوجي تروح لمكة في الاجازة شهر واذا جت ولها ميتتتتتته من القهر والهم والغثاء فنصيحتي من تجارب اللي حولي لا لا لا لا لا تروحين.

 

[ضيفة]

وليه مايسفرك انتي اول ثمن يتفاهم معها انتي الاولى والمتعودة على السفر معاه اذا سفرك بعدين يصطفل معها حلوة ذي قولييله انت تزوجتها ودخلتها حياتك حنا مالنا دخل انا وبنتك تخرب حياتنا ومالنا شغل فيها
انا مستغربة انتي ليه ضعيفة كذا وتتكلمين عن السفرة كانها سفرة ابوها ومن حقها وانتي اللي محتارة تتطفلين عليهم او لا
لا ياحبيبتي مثل ماقدر يفتح بيتين يسافر سفرتين بالعدل والمفروض انتي اكثر بعد لان عندك بنت والبنت بتضيع ايام من سفرتك على محلات الاطفال بينما هي كل الايام لها بس