▲ افضل مستشفى .... افضل طبيبة ▲

[ابي السعاده]

انا اعرف وحده والده لسى في دله تمدحهاااامررررررره انتي اول وحده تسبينهم

 

[شمعة وثلج]

مشكوره اختي ميسو ما قصرتي بس انا اراجع عند الحبيب الي بالعليا عند الدكتوره سحر يعني عادي احول للحبيب الي بالريان ولا استمر مع الدكتوره سحر لاني مرتاحه لها والحبيب الي بالريان جنب بيتي والله احترت الله يخيرني الخيره المباركه

 

[مييسو]

مشكوره اختي ميسو ما قصرتي بس انا اراجع عند الحبيب الي بالعليا عند الدكتوره سحر يعني عادي احول للحبيب الي بالريان ولا استمر مع الدكتوره سحر لاني مرتاحه لها والحبيب الي بالريان جنب بيتي والله احترت الله يخيرني الخيره المباركه

شوفي حبيبتي المستشفى اذا صار قريب والدكتورة الي فيه زينه لا تحتارين دقي عليهم وشوفي تستقبلك لانك قربتي لاتتأخرين لانها تسوي لك اشعة وكم تحليل .... واذا بغيتي رقم المستشفى آآآآآآآآآآآآآآآآمري ارسله على الخاص

 

[مييسو]

انا اعرف وحده والده لسى في دله تمدحهاااامررررررره انتي اول وحده تسبينهم

انا جربت دلة وما عجبني ابد والدكتورة ممتازة ما ارتحت معها خير شر ........

 

[ilil]

انا اعرف وحده والده لسى في دله تمدحهاااامررررررره انتي اول وحده تسبينهم

شوفي حبيبتي كل واحد له وجهة نظر

لكن انا مجربتهم 3 مرات

زحمه ومعروف المستشفى الي فيه تامين من بعض الشركات تتدهور

خدماتهم

انا بولدي الاول ماشاء الله معاملتهم مره حلوه ونظافه ومدلعيني

والمرضات عنايتهم حلوه

والثاني احس فيه تغير بس موكثير

والثالث واضح التغير لامستشفى ولا ممرضات ولا الدكتوره نفوسهم

شينه وبعدين لما جيتهم انا تعبانه المفروض يشلوني لسرير مااقدر اتحرك

يقولون ارقي السرير والدكتوره تنفخ صراحه تغيرو مره انا والده لي

سنه عندهم( الي ولدتني باكستانيه )


وان شا الله انهم تداركوا الموضوع وتغيرو

وللامانه عندهم دكتوره اسمها نور ولدتني بولدي الثاني خياطها شي (سودانيه)


بنات بسالكم عن المستشفى البريطاني للنساء والولاده كيف خدماتهم

زوجي سال عن اسعارهم تقريبا نفس دله بزيادة الف ريال على ماظن

الي جربته تدلنا لان اختي ناويه تولدفيه الله يقوم جميع الحوامل بالسلامه

 

[Queen2007]

انا اول حمل لي توهقت الكل يمدح لي الحمادي ونهاية السابع راجعت عند د/ إكرام مصريه ​

في الحمادي الله لايوريكم نفسها شينه وعلى طول معصبه قلت ابتحمل لأن زوجي طفش من كثر المستشفيات اللي راجعتها ​

ادخل كشفيه تشوف نتائج التحليل والاشعه وتقول تمام مافيه شي ماتكمل ولا 3دقائق وتقول خلاص اشوفك في الموعد اللي بعد اسبوعين​

وبعدين نهاية الثامن هي بتسافر
قالت نقص ماء الجنين لازم انومك واعطيك طلق صناعي تعالي الاحد لأني الاربعاء مسافره
قلت طيب ورحت وانا خايفه بس الله سترمن الساعه 10 في الليل عطتني طلق صناعي الى الساعه 7 صباح وانا تعبت من قوة الالم وعطتني مسكن اقولها خلاص ابولد تقول لسا الرحم 6سم وتحملت وبعد نصف ساعه وقفت اجهزة التخطيط للجنين اللي على البطن مادريت الا اللي اجتمعوا فوق راسي يقولون لازم نولدك الحين
وعصبت الدكتوره علي تقول اذا سمعت صوتك تصرخين ابخليك وامشي عاااد انا خفت
وحطيت يدي على فمي وسحبت البيبي بجهاز االجفت عشان نقص عنده شوي الاكسجين بس هي ماقالت لي وطلع ولدي لونه ازرق ومابكى وشفايفه ازرق غامق خفت وفيه ورمه في راسه فيها ماء وتقول طبيعي
المهم طلعت انا وولدي وكل من شافه يقول ولدك يدخن اقول ماادري من يوم انولد كذا وماخليت استشاريين اطفال الا وديته كلهم يقولون يخف مع الوقت جلس شهرين بعدين خف الحمدلله
بس من جد كرهت مستشفى الحمادي الله لا يعيدها إن شاء الله
شكل الحكومي اصرف​

 

[Queen2007]

نصيحه الحمادي صار اسوأ مستشفى ولاده​

سمعت عن البريطاني كثير يمدحونه ​

صديقة اختي ولدت فيه وبنت عمي
كلهم يمدحونه ​

إن شاءالله في حملي الثاني تفيدوني ياحلوين​

 

[*دلع*]

يوووه ربي ستر علي ولا والله بغيت اروح للحمادي .. الحمدلله على سلامتك وسلامت البيبي ..
ياليت احد يجي ويقولنا عن البريطاني نشوف وش سالفته صراحه دايما امر من عنده شكله من برا حلو بس ماندري عن الي جو و دكاترته ....

 

[Queen2007]

الله يسلمك يادلع ​

ويتمم عليك حملك وتولدين بالسلامه​

بس قبل ماتقريرين المستشفى اللي بتولدي فيه ​

تأكدي من الطبيبه والممرضات ​

اذا يمدحون فيهم توكلي على الله​

لاتنسين ورد الولاده من بداية الثامن احفظيه​

والله يسهل عليك​

 

[شوكولاين9999]

كرووشااات ايش احسن مستشفى في مكه
واسم الطبيب او الطبيبه

 

[ice girl]

مرحبا بنات انا بنصحكم نصيحه لاتولدون بالمستشفى البريطاني لان اذا صار لك او للجنين شي لاسمح الله اثناء الولاده من ارتفاع ضغط وغيره بالنسبه للام او للاطفال اللي عندهم نقص اكسجين او اي مشكله ما عندهم اطباء لها الاشياء ولا اجهزه متكامله يعني يولدونك وبس يعنى مستشفى فشخره وبس والدليل ماتشوفون هدايا اطقم الالماس اللي عارضينها ...بالعربي مايجيهم احد وقاعدين يجذبون الناس باطقم الماس ...اللهم اني بلغت اللهم فاشهد

 

[اكسجينة]

صباحكم.. ورد
ابي اسأل عن ابرة الظهر احد جربها في دلة وياترى كم سعرها وهل فعلا تخفف الألم نفسي اشوف البيبي اول مايطلع على اني والدة قبل كذا بس دائما اخذ بنج يخفف الطلق بعدين هل لها اضرار واحد مازال يعاني منها ..
ولكم حبي وسلامي

 

[*دلع*]

الله يسلمك يادلع ​

ويتمم عليك حملك وتولدين بالسلامه​

بس قبل ماتقريرين المستشفى اللي بتولدي فيه ​

تأكدي من الطبيبه والممرضات ​

اذا يمدحون فيهم توكلي على الله​

لاتنسين ورد الولاده من بداية الثامن احفظيه​

والله يسهل عليك​

أمين والله يجزاك خير

 

[شذى العبير2]

مساء الخير يا عسولات


حابه اليوم افيدكم عن مستشفى نجد الاستشاري(سابقا المواساه)

بصراحه انا كن بالمره متخوفه منه لانه قريت انه حدث فيه خطا طبي قبل كم من سنه

المهم انا الان اراجع فيه وقبل كم ن يوم رحت زرت وحده من قريباتي كانت والده فيه وقلت خليني اسال عن المستشفى وخدمتهم ونظافتهم

المهم بصراحه البنت تمدح فيه بالمره وتقول والله عنايتهم بالمره حلوه وطبعا كل وحده تولد بغرفه بلحالها وبعد ما تطلع كمان يكون لها غرفه بلحالها ولها سستر خاصه تشوف طلباتها ودكتورتها تطلع لها كذا مره


والتغذيه عندهم ما شاء الله مره دلع


المهم هذا اللي اقدر افيدكم عنه واي استفسار حبيباتي انا حاضره

 

[*دلع*]

مادري المواساة مااحبه أنا واذا احد جاب طاريه يعورني قلبي احسه يورط

 

[شذى العبير2]

شوفي يالغلا


انا مثلك وخاصة بعد ما قريت عن الخطا الطبي اللي صار فيه قبل 3 سنوات

بس هالحين رحت قبل كم من يوم وشوف عيني

بس كل وحده ووين تحصل راحتها

عموما الله يسهل للجميع يا رب ويقومون بالسلامه

 

[watyn]

شذى العبير حبيبتي تقصدين مستشفى المواساه اللي بالمدينه ؟

 

[مجنونة بدوري]

السلام عليكم ورحمته الله وبركاته ؟؟
يابلقيسااااات
ودي استفسرررر عن مستشفي الولاده بالمدينه المنوره يعنننني اهتماااامهم طريقة تعاملهم لاني ودي اولد فيييه:11: ؟
ومستشفي العسكررري ((الامير سلطان)) بالمدينه المنوره كيييييف الولاده :12:فيييه وتنصحوووني فيه ولا بالولاده ؟
لاني ماني من اهل المدينه لاكن ابووووولد فيها ؟
فياااااريت تسااااعدوني باسرع وقت ممكن ؟
*وش تنصحوووني فيه خووواتي *

بللللللللللللللللللللليز
والله محتآآآآآرهـ مووووت:e136:
:icon26: وتقبلوووا مروري :icon26:​

 

[شذى العبير2]

وتين صباحك فل


لا يا حبيبتي اقصد اللي بالرياض واللي بالمدينه ما عندي فكره عنه



مجنونه بدوري والله يا ريت اقدر فيدك بس ما عندي فكره


انشاء اللهى البنات ما بيقصروا معاكي


وتقومين بالسلامه

 

[شمشونه]

مافيكم احد من جده

ابي اسال عن مستشفيات جده

غير فقيه