اهلييين انا ... حيااااج ... يا انا جربت وربي يشهد ع كل كلمه اقولها .. انا كنت اقرااا واختم واسبح واقوم الليل من اول ما حملت في ولدي الاخير ..ولله الحمد عندي موعد للولاده عشااان يولدوني لان البيبي كبير وفيني سكر حمل وقالت الدكتوره لازم اولدج قبل ... ورحت لهم جد خاتمه ختمتين تقريبااا ...وميته خوف من الطلق الصناااعي ..وهذي الدكتوره شاااطره بس عيبهااا تموت ع القيصري... قالت بفحصج من تحت وفحصتني الا انا 4 سم تصوري ولا حسيت بشي ابد قالت الحين وسعته 5 سم ...حالا نزلوني الولاده وخذت ابرة الظهر وما خذت ساااعتين الا انا مربيه وع طول تبااارك الرحمن طلع الصراحه من اسهل ولادات مرت علي ولا تعبت فيه ابد... وولدي الحين 6 سنوات فديته ما شاااء الله عليهااا ... غير عن اخوانه وخواته لا حظت عليه يحفظ بسرعه السور القرآنيه والادعيه ...ويوم يدخل عليناااا يسلم السلام عليكم ورحمة الله وبركااااته والله احسه ما شاااء الله عليه ولا اعرف مين علمه ع ما انه في مدرسه اجنبيه عالميه حاطته يعني اهتماااامهم مو ذاااك الزود في الشريعه ...والموقف الطريف اذا نااايمه وقافله باب الغرفه يأذن من برااا الباب اتقولين إمام مسجد ...ههههههه فديت قلبه يقولي قومي اذن الاذان ... ومتعلق في المسجد بشكل غير طبيعي ويحب يصلي في المسجد ... كلهم لا حظوا عليه .. وكلامه ما شاااء الله تقولين رجااال كبير يكلمج ...ويفهم اللي اقوله ...وخوانه وخواته يا عيني خبر خير ولا يدرون بالدنياااا .. ما شاااء الله عليه فطين ونبه ...ويحب يساااعد المحتااااجين عكس اخوانه الله يهديهم ويحب يصلي مع ابوه ... الحين قلت بكثر من الختماااات والتسبيح والادعيه ويا رب يرزقني ربي ولد مثله ... يا رب ...