اعترف لي بخيانته ماذا افعل

[عسوله زماني]

سم الله الرحمن الرحيم
انا اول مره اكتب لكم وابغاكم تساعدوني انازوجي اعترف لي بخيانته وهوكان مسافر3 ايام فقط لدوله عربيه
انااستغربت انه من يوم جاء لم يلمسني ومتردد بعدين سألته قال تعبان
وقلت بمزح خلاص روح سوي فحص وتعال تغيرت ملامح وجهه
والحيت عليه بعدين اعترف انه خاني مع بنت ليل ويقول مدري كيف صار ويحلف وصار يبوس راسي قال اسف وندمان واعتذر بكل بساطه وراح يسوي فحص بس قالوله انتظر عشرين يوم هل الكلام صحيح...ومايبغى يسوي الفحص بأسمه ...
انا محتاره ايش اسوي مع العلم انه كان يكلم بنات ولما اسوي سالفه يوعدني ويترك بس بعد فتره يرجع بس بنات غيرهم انا الحين عندي ولد عمره 5سنين ومنهاره ماعرف اصلا وش اقول له تغيرت نظرتي له ...مصدومه حيل
معليش كلامي مومرتب اعذروني بس ساعدوني.......

 

[التحدي صعب]

الله يعينك
انتي تدرين انه راعي خرابيط ليش تخلينه يسافر لوحده الله يهديك ويصلحك يارب
والله مااعرف وش انصحك فيه ياقلبي الا اني ادعي لك ربي يكتب الك الخير حيث كان ويهدي زوجك وشباب وبنات المسلمين يارب
الله يربط على قلبك ويصبرك يااختي

 

[!!اميره الورد!!]

الله يعينك هاذي مصيبه استخيري وادعي ربك والله يهديه ---

 

[نهر الحياه]

خليه يفحص وروحي معاه المستشفى عشان تكوني واثقه

ويعرف انج ما ترخصين عمرج لغلطه

اشترطي مافيه سفر الا وانتي وياه وماشي سهر

حاولي تكوني قويه معاه في شي الغلط وف نفس الوقت

عطيه حقوقه من طعام وترتيب ونظافه وغيرها

اللله يعينج وادعي الله يهديه

 

[عزنفسك تجدها]

ايه صح اذا مارحتي معاه تشوفي الفحص بنفسك خليه يخليكي تشوفي الورقه لما يجيبها من المستشفى

ويارب ياذالجلال والاكرام يكون سليم وحينها خذي قرارك السليم اذا طلع سليم بإذن الله قوليله هالمره سليمه ماحد يدري بعدها شو بيكون سليم اولا لذلك خوفيه من الامراض لو كررها وانك بتتركينه ومابتسألين عنه وخوفيه بموقف الناس منه وموقفه من الله ..............زي كذا..

والآن عليكي وياه بكثرة الاستغفار واللجوء لله عز وجل.

 

[قطـــــريه]

حبيبتي لا تمررينه له بسلام .. ازعلي وعصبي وكسري البيت على راسه .. اذا كان كل همج الفحص بيسويها مره وثنتين وثلاث ولا بيهتم .. استغرب جرأته انه قالج صراحة .. اخييييييييييييييي عليه والله لو انا ماسامحته عليها لو صار شو مايصير .. في أمور ماينتسامح فيها ..

 

[صمت القصايد]

ربي يكون بعونج اختي صلي استخاره وما خاب من استخار ربه

 

[غدير الكويت]

خليه يفحص وروحي معاه المستشفى عشان تكوني واثقه

ويعرف انج ما ترخصين عمرج لغلطه

اشترطي مافيه سفر الا وانتي وياه وماشي سهر

حاولي تكوني قويه معاه في شي الغلط وف نفس الوقت

عطيه حقوقه من طعام وترتيب ونظافه وغيرها

اللله يعينج وادعي الله يهديه

:icon30:​

 

[اموت بحبه]

الله يصبرك ويسهل امرك خليكي قووووووووووووووووووووويه حيييييييييييييل واثبتي على موقف اذا رحتي معاه للمستشفى ..سوا كان الفحص ايجابي او سلبي كوني حازمه وحزينه في نفس الوقت ولا تجلسين له ثانيه وحده بالبيت تلفونات وكشفتيه وزنا واعترف ايش بقى يابنت الناس والله صدمه ..........وقفيه عند حده علميه انك بنت ناس موب اي وحده من الشارع ............الله يعصم على قلبك ويقويك على مصابك

 

[محامية الغرام]

اختي الحين هو بحاجه لج بس اباج اتكونين شوي قاسيه عليه يعني حسسيه بغلطته
ادعيله اختي الله يهديه ما يكون فيه شي .............

الله يهدينا جميعا يا رب الله يوفقج و يسعدج و يسعد امة محمد جميعا يا رب

 

[بسمه مجروحه]

ربي يعيييييينك ياقلبي..وخليك قويه..وازعلي..من حقك والله من حقك..لا تتساهلين..ربي ييسرلك ياااابطله

 

[عههود]

السلام عليكم ورحمة الله وبركاته


اختي الغالية

اولاً لا تستعجلني وتتصرفي بغصب تريثي واصبري حتى تصلي الي حل سليم تعيشين فيه بسلام مع زوجك وابنك


تأكدي اولا من الفحص انه سليم

ساعدني زوجك للعودة الي الله واليك انت وابنك

اعطيه الامان والامل ليس له غيرك انت ملكتة التي ستخلصة مما كان فية بما انه كانت هذة تصرفاتة قبل الزواج واستمر عليهااا بعد الزواج هذا يعني انه تعودة على اللعب والمعاكسة عليكي ان تساعدية وتمسكي بيدة وتشدي عليها لتتخلصوا من هذه المنحة والاختبار

اختي الغالية انا اتفهم مشاعرك واحاسيسك واعلم مقدار الحزن الذي انتي تشعري به

تذكري انا الله موجود

اخرجي من دائرة زوجك لا تجعليه بتصرفاته يحكم عليك بالضياع

انتي انسانة لك كيانك وشخصيتك اخعلي لك اهتمامات غير زوجك زيدي من ثقتك بنفسك احضري دورات تثقفي اقرئي كتب عن المشاكل الزوجية عن الزواج

او غيري ونوعي من اهتماماتك

اخرجي لزيارات مع اهلك وصديقاتك ةتةكلي على الله دائما فما خاب من توكل علية


اختي الغالية تقبلي مني ولك كل احترامي واتمنى ان تنحل منحتك ويفرج الله كربتك



اختك المستشارة الشخصية .....

 

[الجازية 123]

الله يصبر قلبك مااعندي اكثرر من اللي قاالوه اخوااتنااااا وسلااامتك

 

[حلاوة وشقاوة]

انا نع كلام الاخوات صحيح لا تسكتي على حقك بكرة نهار وايش يصير فيك لاسمح الله تبي تمرضين معه...؟؟

 

[عيون عليا22]

الصبر يااختي والله يعينج واذا هو ندمان هذه بشارة خير ان شاء الله

 

[غلا روحي زوجي]

حبيبتي هو هنا عصى ربه عصى ربه ......... ذكريه بالله وعذابه

قووولي له كيف قدرت تعصي الله أما استحيت من الله استغفر الله عشان يغفر لك

خيانته عليه هو حبيبتي لانه عصى الله سبحانه وتعالى ..... اصبح عصيان الله اسهل مايكون ..... الذنب عليه

الله المستعان والحمد الله الذي عافنا مما ابتلاهم به
الله معاك لا تحزني ادعي له بالهدايه بس ذكريه بالله والخوف من الله

 

[احساس ملكه]

الله يعينك اختي ع مصابك عليك قلبي بكثره الاستغفار وان تكوني قوي في الموقف الصعب مااقول الا الله يهدي سرك واخواتنا المسلمات

 

[darkness]

يا الله مره مستوطي حيطتك ليه ما خلاها في قلبه طيب الا يخرب بيته بروحك الي فيك مكفيك والشك ذابحك ياساتر على هيك رجال ياترا لو انتي الخاينه كيف بتكون ردة فعله ايه الله يصبر بعض الزوجات على ازواجهم

 

[فداء يوسف]

ربنا يعينك على ما ابتلاك الزمي الاستغفار طول الوقت,أنا بقترح انك تروحي لبيت أهلك فتره مش زعل لأ طبعاً,روحي عشان تراجعي حساباتك مع نفسك وتعرفي اذا في أي تقصير من ناحيتك معه وعشان ترتبي أمورك معه,ومن ناحيه ثانيه عشان يحس بأهميتك وما تمر هالحكايه مرور الكرام.عاقبيه بس بالطريقه الي بتتلائم مع نمطه وذكريه بربنا وشجعيه على التوبه,يعني وقفي معه عشان يتوب بس من بعيد عشان يحس بحجم الألم الي تسببلك فيه.وما تنسي تطمنينا عليك.الله معك

 

[تعبت ابي ارتاح]

لا اله الا الله حسبنا الله ونعم الوكيل .....انا لله وانا اليه راجعون.....والله ان قلبي ليتقطع من الحسره والاهات عليك ...اه ثم اه من هؤلاء الرجال نحفظ انفسنا في غيابهم ونحفظ بيوتهم واولادهم وهم اذا سافروا لم يحفظوا انفسهم ماذا نفعل لهم ...كيف تجرا ان يزني! وهو يعلم بانه سوف يرجع لزوجته التي تحفظه وتنتظره بفارغ الصبر ...
من رائي الشخصي امتنعي عنه نهائيا خوفا من الامراض واجعليه يفعل تحاليل لكل شيء وبعدها اجعليه يحلف لك على المصحف الشريف بان يترك كل البلاوي التي يقوم بها ولو تستطيعي ان تدخلي احد من الشيوخ المعروفين لحل المشكله بجذورها فهذا جيد حتى لو احتاج الموضوع علاج نفسي .....وكان الله بعونك يا اختي العزيزه