اعترف لي بخيانته ماذا افعل

[دبدوبه شيك]

سبحان الله
انصحك عزيزتي اذا طلع سليم لاعاد تخلينه يسافر لوحده ابد وخليه شرطك عشان ترضين وتسامحينه
يمكن يكون يشرب اقصد يكون سكران ومايحس بنفسه تصير كثير بدول برا
يشربون وينسون انها ام الخبائث وتذهب العقل
الله يهدينا واياهم

 

[القلب الصابر]

(الذهب اصلى سابقا)غيرت الاسم لانه صار عندى مشكله فى الجهاز تبهدلات منها ماهى اول مره يسير معى كذا ,المهم أختى الغاليه أنا مانى لاقيه تفسير ان زوجك خبرك بخيانتك بشكل فعلى الا انه خايف عليك من جد لاينقلك مرض لاسامح الله ,كذلك احساسه بتانيب الضمير اتجاهك هذلان السببين يحسبن له ماهو عليه ,لكن اياك تتساهلين بالمعاشره الزوجيه وكانه ماصار شى لا ثم لا وأنا اختك كذا كانك كافتيه على خيانتك وكانك تقولين له ماعندى مانع انك تخوننى ,لا والف لا فكرى بحكمة وجيبى ورقة وقلم وحطى اجابياته وسلبياتة وفكرى هو يستحق العيش معه او لا,ثم استخيرى ربك وروحى مهه للفحص وشرطى انك تاخذين النتيجة بنفسك ,وعلى اساسها شوفى اللى يناسب ظروفك ,أختى الغاليه ادعى ثم ادععى وربك رايح يسهلها والمصيبة تبدا كبيرة ثم تصغر كذلك المعصية تبداء صغيرة ثم تكبر والله يوفقك

 

[ساحرة بس شاطرة]

الله يسخر لك رجلك

استخيري حبيبتي والخيره فيما اختاره الله

ةاقراي البقره


...........تحياتي

 

[عيون عزيز]

أزعلي زعلة جاااااااامدة .....خليه يحس على دمه شوي.......وبعدين حرمي عليه السفر بدونج دام انه ياهل وينقص عليه بسرعة.....أصلا ريلج محصن وعقوبة الزاني الرجم حتى الموت.......
خلج في بيتج لا تطلعين بس خليه يتحسف انه خانج.........

 

[ملكة الربيع]

اذا طلع الفحص سليم الحمد لله اصبرى عليه واجلسى معه مع وضع شروطك ولكن تعاملى معه بحذر مع اعطائه الاحساس بالثقه حتى لا تكرر ولا تجعليه يندم على مصراحته لكى هذا فى مصلحتك هذه صراحه قليل منها :showoff:ملكة الربيع:showoff:

 

[الثلج الي مايذو]

حسبي الله عليهم من خونه يارب رحمتك بخلقك

 

[ام حنونه جدا]

شوفي دي فرصتك استغليها صح حطي كل شروطك واولها الفحص لازم يعرف ان غلطته دي كلفته كتير كفايه روحته المستشفي وربنا يهديه ولا يكررها واستفيدي من كلام الاخوات

 

[فراشة طائرة]

حسبي الله ونعم الوكيل والله كل ماقرات موضوع اقول خلاص هذي نهاية الدنيا ليه ياعالم وصلنا الى المستوى هذا "؟ بسبب البعد عن الله "
تاكدي من الفحص والتحاليل والله يطمنك عليه بس لاتعديها عليه بالراحة خليه يعرف انه غلطته مو بسيطة "

 

[منوره22]

الحي بالدعاء الله يهديه ان شاء الله والله يكون بعونج الخيانه شعورها صعب

 

[شتات انسانه]

اختي الله يصبرك لاتفوتينها له بسهوله روحي المستشفى معاه واتكدي بنفسك واشرطي عليه مايسافر لوحده
ابد لاترترخصين عمرك له حتى اذا كان ندمان كوني قاسيه معاه

 

[عسوله زماني]

اشكركم يابنات على نصائحكم انا كنت قاسيه عليه مره ولو اهلي في نفس المنطقه كان رحت بس بعيد عني وهو قال انا غلطان اني قلت لك لو مااحبك وخايف عليك ماقلت انا لاحظت انه من يوم طنشته صار يطلع برا البيت ومقفل جواله برقم سري وهو من زمان قبل 3 سنين ماسواها كان وعدني من مشاكل قبل ليه الحين قفله انا شاكه انه يهرب من الواقع ويكلم بنات الله العالم لأني شفته قل اهتمامه بي وكان طول الوقت يتأسف والحين لا انا بصراحه مدري ايش اسوي احس راسي بينفجر من كثر التفكير محتاره ولو طلع الفحص سليم يارب اخاف اشرط عليه ومايوافق على شروطي انا عارفه ان الخيانه صعبه علي وحطمني بس احس اني لوكابرت ماقدر اسيبه وعندي سؤال يابنات كيف اتعامل معاه في الفتره هذي قبل الفحص ؟؟اشكركم مره اخرى

 

[التحدي صعب]

ماشاء الله يهرب من حرام لحرام
اختي زوجك ارجعيه للبيت لكن من غير معاشرة
لاتنوحي وتصيحي بس ذكريه بالاخرة وخليه يقرا سورة النور
هو صارحك يبغاك تسامحينه صح
سامحيه بشرط انه يرجع لربه
خلي سيارته كلها اشرطة دينية
او اتصلي على شيخ فاضل شوفي اراقامهم بكل مكان
وقولي له السالفة واعطيه رقم زوجك يكلم زوجك ويدعوه للمحاضرات وان شاء الله الله يتوب عليه

يااختي الله غفور رحيم كما انه شديد العقاب وتذكري ان اغلب المصايب تجي بسبب الذنوب
تحبين زوجك وتبين بيتك عامر خليه عامر بذكر الرحمن

الله يفرج همك ويهدي زوجك يارب قولي امين ويجعله ربي من الصالحين وربي يتوب علينا وعليكم

 

[رمال البحر]

صلي استخارة يا أختي وادعي الله يوفقك للخير واظهري له خوفك وقرفك منه كي لا يعيدها ثانية وحاولي الابتعاد عنه واظهار غضبك لله أولا ثم لنفسك وصحتك وابنك