مشكلتي تنتظر الحل

[كاكاو بو نجوم]

اخواتي الحبيبات محتاجتكم معاي لحل مشكلتي ...انا زوجة وام لثلاثة اطفال زوجي رجل طيب ولكن :santa_1:إذ تنرفز يصير واحد ثاني يضربني بطريقة وحشية وامام اطفالنا وماتتخيلون ردة فعلهم صراخ وخوف والصغير يقعد من النوم يبكي وماترك حد وماقاله ابوي قوي ويضرب امي وطبعا وصلنا لموضوع الطلاق ولكن عند اللحظة الحاسمة تراجعت لخوفي على اطفالي وكنت منهارة جدا ولاعارفه طريق الصواب وطبعا هالموضوع تكرر كثير غير التجريح والكلام غير الأخلاقي بحضور الأطفال وهالكلام صارله اكثر من شهر وكل واحد ينام بغرفة لحالة ولااعتذر ولاحاول يحل الموضوع ولكثرة اسئلة الاطفال وليش ابوي ينام لحاله وليش انتوا ماتكلمون بعض وليش يضربك وليش..وليش...فكرت اني اكتبله مسج ان يرجع ينام بالغرفةفقط دون نقاش اي شي ثاني ولكن محتارة بين المحافظة على اطفالي ونفسيتهم والضغط على نفسي لأني كارهه وجوده معي حتى صوته ماحب اسمعه وكيف بتكون نظرته لي بعد كل هالإهانات أنا الي اطوي الصفحة وأسامح.... ساعدوني الله لايجعلكم بمكاني انتظر ردودكم غالياتي

 

[جودي@]

الله يكون بعونك ويسخرلك زوجك ويهدي سركم ان شاء الله يفيدونك الاخوات

 

[ملاك 88]

هلا الغالية ........الله يكون بعونج ........عاااااااااااااادي لاتترددين حاول وارجعي لة زوجج بطريقة حلوة وتحملي بس عشان خاطر اعيالج ..
حرام شوذنب العيال...وانتي حاولي قد ماتقدرين لاتخلينة يتنرفز منج يمكن عصبي زيادة عن اللزوم ومب حااااااااااااس بعمرة ..ادعي ليل ونهار واستغفري ...ان شالله راح تصلح كل الامور الله يسعدج دنيا واخرة ويرجع زوجج بحضانج اللهم اميييييييييين ...وعن العيال لما يسألونج قوليلهم ان غرفتنا باردة وهو بردان عشان جذي يحب يرقد ف الغرفة الثانية .ههههههه اجذبي عليهم بأي شي بس تحملي احد يحس اللي يصير بينكم .....
اكتبي مسج حلو مع كلام حلو اعتذري فية وفهمية عن العيال سبحان الله يمكن يحس ويفكر راح يغير كل شي .....
بس صدقيييييييييييييييني الحل الوحيد الدعاء والله جربي وادعي طوووووووول الليل والنهار وصدقي دوووم صلي قيام الليل ...

 

[كاكاو بو نجوم]

الاخت (جودي)تسلمين حبيبتي ....وينكم ياملكات

 

[كاكاو بو نجوم]

هلا الغالية ........الله يكون بعونج ........عاااااااااااااادي لاتترددين حاول وارجعي لة زوجج بطريقة حلوة وتحملي بس عشان خاطر اعيالج ..
حرام شوذنب العيال...وانتي حاولي قد ماتقدرين لاتخلينة يتنرفز منج يمكن عصبي زيادة عن اللزوم ومب حااااااااااااس بعمرة ..ادعي ليل ونهار واستغفري ...ان شالله راح تصلح كل الامور الله يسعدج دنيا واخرة ويرجع زوجج بحضانج اللهم اميييييييييين ...وعن العيال لما يسألونج قوليلهم ان غرفتنا باردة وهو بردان عشان جذي يحب يرقد ف الغرفة الثانية .ههههههه اجذبي عليهم بأي شي بس تحملي احد يحس اللي يصير بينكم .....
اكتبي مسج حلو مع كلام حلو اعتذري فية وفهمية عن العيال سبحان الله يمكن يحس ويفكر راح يغير كل شي .....
بس صدقيييييييييييييييني الحل الوحيد الدعاء والله جربي وادعي طوووووووول الليل والنهار وصدقي دوووم صلي قيام الليل ...

ياحيااااتي ربي يسعدك وباخذ كلامك بعين الاعتبار

 

[دمعة الغيمه]

الله يعينك وييسر اموووووووورك يارب

 

[مشتاقة لقطر]

الله ييسر امورك يارب

 

[ام المزيونين]

الله ياخذ بيدك وينفرج همك.........آمين وانا والمسلمين
بس انا اوافقك على المسج بس لايكون فيها اسلوب اعتذار لانك على حسب كلامك ماغلطتي بس اطلبي منه يرجع ينام بس عشان قدام الاطفال وبعدين شوي شوي تسيير الامور من نفسها!!

 

[كاكاو بو نجوم]

فدييييييت كل من جبر بخاطري ورد علي عسى ربي يهنيكم ويريح بالكم آآآآآآمين

 

[ميـرا]

.. لاحول الله ولاقوة إلا بالله ..
.. أختي حاولي تصلحين الأمور بينكم لابد تكون هناك فترات هدوء بينكم حاولي تكلمينه تتفاهمين معه تشوفين وش ينرفزه ووش يضايقه وتعالجين الأمور وبكذا إنشالله مافي هواش ولاطق الله يكفيك شره يارب ..​

 

[لمو 55]

حبيبتي مهما صار لاتعودين الرجال ينام لوحده نصيحة لوجه الله شوفي وش صار بسببه الله يعين الأطفال يسألون وأكيد عافين المشكلة خلي الأطفال يروحو لأبوهم ويتسامحوا منه وإنه ما يعصب على ماما وأنتي قولي لهم قولوا لبابا إن ماما تحب بابا وبابا يحب ماما بس الشيطان يبغى يفرقكم وحاولي تقنعي الأطفال بأن اللي زعلكم هو الشيطان عشان ما تكبر المشكلة وبكذا عادت المياه لمجاريها وأحسن من قبل الله يهذِّي سركم ويخليكم لبعض ...

 

[اسومه القموره]

انا بقولك ايش تسوي قومي كشخي والبسي القصير والروج الاحمر والاستشوااااااااااار واجلسي بالصاله وخلي عيالك حواليك لما يشوفك بيجيكي وذا مانفعت الحركه سويها مرتين وثلاث وحتشوفي والا اقول حاولي لما يكون برا البيت وسمعتيه طق المفتاح بالباب روحي لغرفته الي ينام فيها وصلحي نفسك بترتبيها اهم شي تكوني مكشخه وخبريني ايش يصير معاكي

 

[رولالان]

الله يسهل امرك ويفرج كربتك يارب

اختي هو من اول كذا مو تزوجتيه والا تغير الحين

ثانيا انا اشوف اذا وصلت لشهر ماتكلمون بعض وهو يجرح بالكلام

دخلي واحد عاقل وزوجك يسمع منه بينكم يعني حتى لو من اهله انتي البسي عباتك واجلسي ورى الباب

وقولي كذا وكذا وانا خايفه على عيالي وابغاهم يعيشون زي الاطفال مع امهم وابوهم

هذا اللي عندي والله يعينك

 

[sareta]

بيضربك بوحشيه و بترجعي عشان اطفالك شو هالجو الي بدهم الاطفال يتربو فيه انت هيك ما بتحافظي عليهم انت عقدتيهم بزياده وعلمتيهم كمان الضعف انو ينضربو و يسكتو او يستقو عالضعيف و بكفي انهم فاهمين وعارفين كل شي بصير لهم يعني يضربك وتروحي تعتزري بنظري الاولاد يشوفوكو بعاد ولا يعيشو بجو ابوهم بضرب امهم بوحشيه و يسمعوو الفاظ لا اخلاقيه ويتعودو يحكوها هاد وجه نظري ولك كامل الاحتام بس اولادك عالحالتين معقدين و سوف تصيبهم كثير من الامراض النفسيه ازا استمريتو هيك

 

[كاكاو بو نجوم]

للرفع

 

[زوجةاسير]

الله يكون بعونك

 

[نغمات النجاح]

يمكن زوجك يعاني من حالة نفسية
لو يعرض نفسه على طبيب عسى الله يشفيه

 

[ميعاد عواد]

إذ تنرفز يصير واحد ثاني

ايش اللى يخليه يتنرفز بهذه الطريقة الوحشيه
راجعي نفسك وش السبب
وتجنبي هذه الاسباب

 

[Butterfly sprin]

ياحبيبتي الله يعينك

طيب قولي لابوك او اخوك يوقفه عند حده واذا ماينفع معاه هالاسلوب
قولي لاحد يعز عليه يكلمه بالطيب

مو معقول الاطفال بيتعقدوا
اش ذنبهم ياعمري
او حاولي تتفاهمي مع زوجك وبيني له افعاله قد ايش لها اثر على اطفاله يمكن
هاذي النقطه تأثر فيه

الله يهدي سركم ياقلبو
ويرد زوجك لك ردا جميلا

 

[هوى الشمال]

أكتبيله مسج منتي خسرانه شي وزي ماقالت الأخت بدون إعتذار
وحاولي تعطينه اشرطه أسلاميه عن المرأه وحقوقها ومعاملتها أو تحطينها بالسياره
الله يعينك بصراحه الموضوع يحير وحاولي تنسين فكرة الطلاق يعني المشاكل بوجوده أهون من بعد عياله عنه وتحملك المسؤليه لوحدك على قولة المثل نار زوجي ولاجنة اهلي يمكن فهمتي وبإذن الله الحال يتغير للأفضل