تزوج زوجك بـ أخرى ؟ لن تكون النهاية بل هي البداية

[نقاء الحب]

السلام عليكم ورحمة الله وبركاته​

عزيزاتي يشرفني الانضمام اليكم
في هذا الصرح العظيم​

لقد أتيت لكم اليوم محملة بأمانه من صديقتي
المقربة مني ومنكم ،،
فقد ذابت في قلوبكم وذبتم معها ​

تفاعلتم معها بدعواتكم
وكلماتكم الرائعة الصادقة​

أوصتني بان اطرح تفاصيل قصتها هنا​

ولكنها آثرت أن يوضع الموضوع
بمعرفي واسمي
بدلا منها وذلك نظرا للخصوصية
التي أرادت الاحتفاظ بها ولها الحق في ذلك​

و بقلبها الطيب أحبت أن تشاركوها
الاستفادة من تلك الخبرات التي اختزلتها عبر تلك
السنين راجية من الله أن تكون قصتها عملا
خالصا لوجهه الكريم ،، دعواتكم لها ودمتم
بكل خير وسعادة وحب​

لن أطيل عليك .. فهاهي القصة
منقحة بين أيديكم
:icon26:​

 

[نقاء الحب]

أحيكم حبيباتي​

معكم أختكم في الله ( إمتـنـان )​

لا اله إلا أنت سبحانك إني كنت من الظالمين​

تتشابه القصص وتتلامس مع شغاف قلوبكم
الطيبة الساعية للتغير نحو الأفضل والأجمل ..​

لست أول زوجه ولا أخر زوجه يخونها
زوجها ويتزوج عليها​

ولكن هي حكمة رب العالمين
فهو بصيربالعباد​

فطالما دخلتن هذا المتصفح
فأنتن تردن التبصر والاستزادة والأخذ بـ الحلول
وكلي ثقة أنكن قادرات على التطبيق
مستعينات بالله وحده لا شريك له وبالعلم
والأخلاق والجماااااال في كل شئ​

لا أريد أن أثخن جراحكم هنا​

ولا أن أزيد المهمومات هما على همهم​

ولا ودي أتشكى واتعب السعيدات
وتتشاءم بتجربتي المتفائلات​

بس ودي اطرح لكم قصتي

والمعذرة على طولها لكنني اشعر أن المهم


وضع التفاصيل كي يكون حكمكم امثل والاستفادة


بشكل أوضح​

حكايتي طويلة نوعا ما ، مدتها 10 سنوات​

بالمختصر زوجي إنسان طيب وكريم
ومحترم كان الله يهديه منذوي الخيانات والعلاقات
وأخر علاقة له كانت زوجته اللي على ذمته الآن​

تزوجها بعد 4 سنين من زواجي به
والله يا بنات لوأقلكم أننا كنا في سعادة ما يعلم فيها
إلا الله فأنا إنسانه ناضجة واعية بنت ناس جميلة
و يهمني ديني وأخلاقي ما كنت اطلب من رب
العالمين غير رضاه سبحانه ورضاالوالدين
ورضا زوجي عايشه حياه طبيعيه
هاااادئة لا يشوبها شائب​

في الفترة الماضية أيام ما قلت لكم كان زوجي
متهاون شوي الله يصلحه و بحكم عمله وتردد النساء
لأنه في مقر عمله يوجد اختلاط بالنساء
بحكم تعاملاتهم مع الشركة وأعطاه ربي
من الوسامة والجاذبية اللي صعب تقاومها
أي أنثى وبشهادة كل من عرفه،،
طبعاغير اللباقة وكرم الأخلاق والشهامة إضافة إن
حاله جدا ميسور والحمد لله ..​

ليس مدحا فيه بس الحق هو كذلك وحسناته
تغلب على سيئاته ويمكن هذا للي صبرني
عليه طوووول هالسنين​

المهم .. أصدقاء العمل في تلك الفترة ما كنت
ارتاحلهم لأنهم من أصحاب السفريات ومكالمات
بنات وحال ما يرضى الله قدرو يسحبون رجله
وأكيد هو عطاهم الضوء الأخضر في أنهم يزينون
في نظره ( عميلة مطلقة )​

- مجنسة بجنسية بلدنا - تأتي كي تراجع بـ معاملات
لها في الشركة -​

كان يحكيلي كيف عطرها يجيب اااخر الشارع
وإنها ماتستحي متكشفة وحاطه لثام على ماكياج
صارخ و إن منظرها شبهة في العمل و و ,,
وجهة نظره وقتها عنها إنها حرمه صاعيه
وهو ما يحترم هالاشكال ،​

رجال ما لهم أمان :thumbdown:​

كانوا يوصلون له إنها طااايحه عنده
ولا معطيه احد وجه غيره وطول الوقت
وين فلان أبي فلان يمشيلي هالمعامله
ومن هالحركات المايعه .. وقتها ما لنا مع بعض
غير 3 سنين تقريبا لسه صغار بأول حياتنا ,,
كان يتصل ويقول أناسهران مع أصحابي في
الشاليه ومو مطول وكذا يعني ..
قلبي كان يعورني
لأني اعرف كيف هالناس​

كنت أقوله بحب وأدب:​

يا عمري أنا واثقة فيك وفي أخلاقك
أرجوك لا تخيب ظني​

وكان يردد اللي عنده زوجه مثلك
كيف يشوف غيرها .. :schmoll:​

ويا بنت الحلال أنا الحرام ما أخوض فيه
ابد ولو أراد الله راح يكون بالحلال ..
كنت أتضايق حتى من هالكلمة استغفر الله
وابين له زعلي وأقول له:​

تكفى لو حسيت فيه شئ مضايقك مني
لا تروح وتتزوج تعال نتكلم وراح أتقبل
انتقاداتك بصدر رحب​

كنت اعرف طبعه وفي هذيك الفترة سبحان الله
كنت اشتغل على حالي واتـثـقـف وأحاول أطبق
النصايح والأساليب اللي تخليني أعيش معاه
عالاقل براحة بال وتفاهم​

هو نمط شخصيته
شمالي غربي وأنا جنوبيه شرقيه​

بيوم من الأيام كنا طالعين برا ..​

وألقى فاتورة طقم ذهب في درج سيارته​

استغربت؟​

انتظرت​

يوم​

يومين​

يمكن يفاجآني بالطقم ،،
ونفسي تغالطني إن هناك​

تعبا مضنيا قادما إلي بيتي من الوراء .....​

اللهم رحمتك أرجو واخشي عذابك​

،،،،​

لمن وصل البيت​

حطيت له العشا​

كلمته بدلع: ​

حبيبي الغالي اشترى لي شئ وأنا ما اعرف؟​

قال ما فهمتك ؟​

قلت هاذي الفاتورة شفتها
صدفه بالسيارة​

والله يا بنات إحساس الأنثى ما يخيب
أنا اكلمه ومتأكدة تماما
انو اشتراه لوحده غيري :tears: !!​

هو طبعه شمالي وتعرفون عصبيته​

قامت قيامته وجن جنونه​

(( أنتي ليش تفتشين بأغراضي !!!
ومو من حقك و و و))​

قلت بهدوء .. حبيبي هدي نفسك وشوي نتفاهم​

وخرجت من الغرفة​

لأني اعرف زوجي لمن يكون معصب
ما يحب المجادل ابد وغير كذا لمن يكون
غلطان يصارخ أكثر !!​

..خذوهم بالصوت لا يغلبوكم ..​

خرج من البيت ورجع بعد نص ساعة​

كان هاااادئ جدا​

قال: أنتي الآن أخر سنة بدراستك والاختبارات
عالابواب​

ما أبغى أضايقك الله يهديك يا بنت الحلال​

هذا صاحبي كنت معاه​

واشترى لزوجته و و ,,,​

حطيت يدي على شفايفه وقلت له

مو حلو شكلك وأنت تكذب​

أتكلمقول صارحني ايش اللي يصير؟​

لك فترة وأنت مو على بعضك ،​

تزعل لأتفه سبب، أعصابك مشدودة ،​

لو اسويلك ذبيحة تقول: هذا أكل؟​

تصرخ على أطفالك لو لعبو مع بعض وعلت أصواتهم وممكن تضربهم على شي ما يسوى ؟؟​

ايش فيه ايش اللي قالب كيانك ؟؟..​

سهرك المتكرر كلامك مع واحد
مع أصحابكعن شغلة تبون تسونها مع
بعض وانك لسه متردد !!..​

أمور كنت أحس إن فيها خطر على بيتي وحياتي​

تخيلو يا بنات دمعت عيونه وحضني
بقوة حسيت ضلوعي بتخرج ..
ثم قالي​

أنا أتكلمت مع أهل وحده بنت حلال​

وسويت ملكة الأسبوع الماضي​

ولا اقدر اسحب كلمتي مع الناس​

الزواج الشهرالجاي​

سامحيني يا غالية​

سامحيني يا أم عيالي​

يا يا يا ..​

ساعتها انتو اللي راح تتخيلون
ايش اللي صار لي​

وربي حسيت نفسي في كوكب ااااخر
غير عن الأرض!!​

حسي إن تحت أقدامي جلي مو بلاط ..​

تعرفون مثلا المسلسلات

لمن احد يتكلم قدامك وتشوفين


بس شفايفه تتحرك​

وما تسمعين صوت؟​

فقدت الوعي​

صرت بس أناظر بعيونه​

دموعي تنزل

من غير صوت ولا نحيب​

اللهم إني لا أسالك رد القضاء
ولكني أسألك اللطف فيه ..
أتذكر يومها إني كنت لابسه فستان
سواريه ومكياج سهرة​

وحاطه بغرفتي شموع وكنت مسويلته
مغطس جاكوزي بالوردوالمسك​

لأجل لما يجي من برا نتفاهم بهدوء
و انسجام ..
يا فرحة ماتمت!! :tears: ​

برغم كل إحساس الأنثى بالدخيلة وقتها

كنت أغالط روحي !!​

وأقول نزوةعابرة​

ويعقل ويرجع لأحضاني

لايمكن حبيبي أبو عيالي​

يكلم وحده ويتعرف​

ويروح بعدها يخطب ويقرر يتزوج​

لا لا لا مستحيل ما يسويها​

هو مو راعي عالخرابيط​

يا هم ليلك يا امتـنان !! >>> غلباااانه

　


اااه يارب رحمتك


أطرافي أنشلت​

وما كنت أحس فيه وهوه يكلمني

　


استفقت على صوته وهو يهز كتوفي


ويقول:​

انتي بخير؟؟​

لا تخوفيني عليك انتي طيبه أتكلمي
قولي أي شي​

　
وأنا يا بنات صااااامته​

وكأن قوة من السماء ألجمت لساني!!

قلت له بصوت مخنوق متقطع:​

لو سمحت اطلع برا غرفتي !!​

اطلع برااااا​

.... قفلت باب الغرفة​

..... دخلت دورة المياه​

استغفرالله صرت بدون شعور
اصرخ​

وأقول يالله
ياربي رحمتك​

　
يا ربي تلطف بي​

يا تثبت على قلبي​

وابكي ابكي ابكي​

ومع كل وضوء ارش الماء على صدري​

حسيت بغليان موطبيعي

ودي لو إن بحار العالم كلها


تصب بصدري لحظتها​

لأجلت طفي نار قهري و جرحي !!​

أتذكر إني كنت أطالع بالمرايا
وأقول​

الشهر الجاي زواجه !!

　


الشهر الجاي؟؟​

زوجك ضاع​

زوجك بيكون مع وحده غيرك

　


بينام الشهر الجاي


في حضن وحده غيرك !!​

4 أسابيع بس !!​

وتكون لياليك مقسمه ليله هنا وليه هناك..​

وابكي وبكي

:tears:


　


مدري كيف خلصت وضوء


وفرشت سجادتي​

وصرت ابكي وادعي​

أنحب بصوت متقطع في السجود​

وهوه يدق الباب خفيف ويردد: لأجل الله اللي​

واقفة تدعينه انك تفتحين الباب​

بنتي و ولدي أصواتهم بدأت تعلى وهم يكررون​

يا ماما افتحي الباب !!​

مرت هذيك الليلة وأنا مو على الأرض تماما​

سرحاااانه ومرهقه ومشتته تمامااا

　


هو اخذ بعضه ومخدته وراح نام بالمجلس​

حيلي كان طاااايح​

ممدة على السرير ولا حاسة في احد حولي ..​

وربي يا أخوات إني لمن افتكرهذيك اللحظات​

احمد ربي ما جتـني جلطة
ولا دخلت في نوبة هستيريه!!​

يارب لك الحمد والمنة فضل رب العالمين​

اللي نجهل حكمته في تصريف الأمور​

المهم اليوم الثاني​

استجمعت قواي​

وكنت ما أوقف استخااارة ابدااا

وأتوقع انو كل تصرفاتي وكلامي معاه​

وهدوئي في حل الموضوع من فضل
الرحمنا لرحيم وانه أجرى سبحانه
على لساني ما كان​

مكتوبا ومقدرا أن يصير​

جلست معاه​

أتكلمنا​

قال اشعر إني زوج متطلب​

وأحسك قايمه بواجباتي ليل نهار​

ولا فيه في بيتي تقصير​

بس أنا أبي يكون لي أطفال أكثر​

وخايف أرهقك بالحمل قلت أتزوج وحده ثانيه​

تشيل عنك عبء طلباتي اللي ماتخلص !!​

((عذر أقبح من ذنب :busted_red: ))

　


قلته:​

ومنو قالك إني تعبانه ؟!!​

ما عمري اشتكيت منك ..​

هذا من واجباتي معك​

وبقوم فيها بكل حب وسعادة​

قال:​

انتي إنسانه طموحه
وممتازة في دراستك​

ماودي أعيق طموحاتك >>الله واكبر يالبروفسور !!​

قلتله: خلاص هاذي أخر سنه
بعدها اللي تبيه يصير ااجل دراستي
واتفرغلك أكثر​

إذا تبي اجلس في البيت سنة​

نسافر نطلع نغير جو نجدد حياتنا

　


صارحني يا أبو فلان​

ايش اللي تبيه ؟؟​

شو ناااقصك ؟؟​

فيه شي في علاقتنا الخاصة

مو عاجبك​

أو مو مريحك ؟!!​

قال: أبدا أنا أكثر شي أموتفيه هو جنسك !!​

ومرتاح وااايد معكمنهالناحيه​

بس​

أنا واقع في وضع لا احسد عليه​

وضروري أتزوج هالانسانه

ولا اقدر أتخلى عنها​

قلت ايشفيه؟؟​

عليك دين أو قرض​

أبوها قال أزوجك بنتي بدال ما تسدد وللا شوو ؟​

قال:​

والله الين ما أموت ما أقول لأحد عن هالسر​

لأنيوعدت ربي إني ما أتكلم عن سبب زواجي الثاني​

واللي يهمك الحين انك ما عليك قصور​

وأنا مابي غير الحلال وما فيه مجال أتراجع​

وأنتي يا غاليه متروك لك الخيار​

إذا تبيت تكملين معاي حياتك أو لأ !!

وعن نفسي استحالة أفرط فيك ولا أبى عيالي ​

يتربون بعيد عني وعنك​

خذي وقتك وقرري​

وترى موعد زواجي ماراح يتغير​

سواءاخترتي الطلاق أو البقاء !!! ​

قلت له بدموعي :
أنا ما أعارض شرع رب العالمين ​

في التعدد بس مو مصدقه اللي يصير
إلى ألان بعد كل هالعشرة مو معطيني
سبب وجيه يستحق انك تجيني بعد 5 سنين
زواج تقول أبي أتزوج؟!!​

قال: للمرة المليون الخلل مو فيك ولا في
حياتي معاك​

أنا المسؤول عن هالزواج​

أنا ودي اعدد ويشهد الله عليّ إني عند أهل البنت ​

قلت أم عيالي ما ينقصها شي جميله ومتعلمة​

وجابت لي البنت و الولد ولا هي مخليه علي
اقاصر وصغيره بسنها​

بس أنا رجل مقتدر وأبي اعدد ​

!!!!​

تخيلو قريب جدا جاوب على سؤالي ​

عن سبب زواجه بالثانية​

،،،
　​

اصريت اعرف سبب زواجه اللي ظل​

فترة طويلة يداريه عني ​

راح أقولكم عليه بعد شوي...​

،،،،،​

المهـــم​

بعد ما أتواجهت مع زوجي

بخصوص رؤيتي لفاتورة طقم الذهب​

(( حينها لم يقل لي بمن سيتزوج
فقد اخفي أمر تلك​

المرأة التي كانت تراجع بالعمل تمامااااااا، ​

ولا كنت أتوقع أن من كان ينعتها بأبشع​

الألفاظ يروح يخطبها وتكون أم أولاده !!))​

وبصراحة ما شكيت أن يرتبط بهاذي
البنت لأني سمعت​

من وحده كانت تروح للمشغل إنها تزوجت​

قلت في قلبي :​

الحمدلله هم وزال الله يستر علينا وعليها
بس اللي صارإنها تطلقت من زوجها
بعد 3 شهور وماكان عندي علم بطلاقها عشان
كذا استثنيت إنها هي اللي بيتزوجها​

و بعدها عرف عليها وحده ثانيه مكالمة


عابره واكتشفته


و وضعت الأمر عند حده وانتهى ..​

وفي هذا الموضوع حكاية بس خليني أكمل لكم السالفة​

بالأول وارجع أقولكم صدمتي الثالثة لمن عرفت​

من هي زوجة زوجي الثانية ؟!!​

سألته :​

من هيه اللي تبي ترتبط فيها ​

قال:

مو مهم تعرفي الحين​

بعدين أقولك​

قلت لا أبي اعرف ومن حقي إني اعرف ​

قال:​

وحده طبيبة صغيرة ​

وسمالي عائلة معروفه بالبلد​

(( انواااااع الاستغفال
من كوافيره إلى طبيبة !!! ))​

والله العظيم الذي لا اله إلا هو إن​

هذيك البنت رااااحت تماما عن بالي​

المهم ..​

من تعبي وهمي وصدمتي ​

قررت ولمدة أسبوعين إني​

أصوم يوم بعد يوم ،،​

خلقت لنفسي صومعة انقطعت فيها
عن الصديقات والجارات وحتى أهلي
مكالمات بسيطة وزيارات جدا ​

قليله خفت يحسون في تعبي
ويؤثرون علىقراري معاه​

وبحكم إن والدتي متوفيه وقتها بكم شهر
ازدادت الضغوط النفسية عليّ ولا كان
ودي حتى الوالد اكلمه ​

لأني بمجرد ماراح يقول​

كيف حالك؟
راح أصيح.. :tears: هههههه​

الحمد لله والشكر بس​

كنت أقول في نفسي إني بعدهاذي الأسبوعين
اللي تقوقعت فيها على نفسي
والتجأت لرب العباد بكل كياني​

لو بدر مني أي تصرف أو أي تسهيل للأمور
راح تكون هاذي خيرة رب العالمين
ولا راح اكترث لأي كلام من​

أي شخص وراح أقاوم واصبر سواء كان قرار
بالانسحاب من حياته أو البقاء​

مرت الأسبوعين​

اللي انخرطت فيها للعبادة ، ​

عبادة أنثى مضطرة لا تريد إلا من يكشف
السوء عنها ويهون عليها
وطأة التعب والأنين.. ​

لمن قالي انو خطب بنت صغيره​

قلت في نفسي ببراءة !!​

ايش لها ذنب بنت الناس؟؟​

وحده تقدم لها عريس
شاب 28 سنة ومقتدر​

أكيد بترضى حتى لو انو متزوج!! ​

ما ادري ايش ظروفها
وحطيت نفسي مكانها​

وقلت الحمدلله على كل حال​

فكرت في نفسي ودراستي وبيتي وقتها​

كان بإمكاني أقول مع السلامة ​

وبالعكس ما في شي كان لاوي ذراعي​

أهلي وقادرين يتكفلون بي وبعيالي ​

و أنا وحده نعومه ورشيقة
و واعية وجديرة بالمسؤليه​

وممكن ألاقي اللي يقدرني
وأعيش معاه بسعادة
من غير ضرة تنغص عليّ عيشتي ،​

بس فكرت انو مو هذا المهم​

الأهم ليش أتخلى عن حياتي
بكل هاذي السهولة​

وعند أول صدمه استسلم ؟؟​

ليش أتنازل وانفصل عن شخص
بدأت معاه حياة رائعة يحبني
ويقدرني وكل طلباتي مجابه ؟​

بالعكس كنت أشوف خياناته أو سلوك ما يعجبني
فيه انه من تحديات حياتي الزوجية
واني ما اخسر قيادة ​

المركب لأقل عاصفة​

هكذا تربيت وهكذا نمت بداخلي قناعاتي
لمن أحبهم أن لا أتنازل لمن عشت معه
لو لحظه سعادة فما بالكم​

بزوجي عشيري؟​

طبيعي الرجل يخون وهذا -جين- يجري
في دمه ، كنت داااايم ابرر له واكره
السلوك فيه مو شخصيته​

لأنه في أصل طباعه يعجبني​

ناجح في عمله كريم معطاء


يتعامل معاي كأنثى برجولة وشهامة،​

وحطيته في ميزان الحسنات والسيئات ​

فرجحت كفته للأفضل​

فكرت ليش اعتبر انو زواجه عليا​

قنبلة ناسفة لكل عشرتي الطيبة معاه؟​

ليه أكون ممن يكفرن العشير لمجرد طلبه

بالزواج من أخرى؟​

أين أنا من الرضا بالقضاء والقدر؟​

فلو قدر الله أن تكتب له زوجه أخرى غيري​

والله لو عمل ما عمل لا يمكن أن تتم هذه
الزيجة لولا أن يكتب الله المشيئة في ذلك​

أنا وقتها يا أخوات على بالي أن الموضوع ​

مافي استغفال وروحات وجيات ​

كنت احترم أخلاقه ومبادئه واثق فيه​

بسللأسف الرجل حينما يفكر بشهوته وضعفه​

يتغير لحظتها180 درجه ويكون رجل اااخر ​

مختلفعن اللي تعاشريه ليل نهار :schmoll:​

قررت وعزمت وتوكلت بالحي القيوم
و وافقت أن أكون زوجه أولى​

فرح جدا بقراري
وانفرجت أساريره طبعااااا​

فضلت البقاء معه فقط لأني أحبه
واني احترمت قراره​

وباني اعلم جيدا أن زواجه ليس من تقصير
مني بل لرغبته في التعداد
وباني لا أعارض شرع الله ... ​

قلت له:​

ليس صعبا علي أن اذهب إلي منزل أهلي​

واترك لك أطفالك لأني لا طاقه لي
أن أربيهم لوحدي​

من دونك فأنت أبوهم وما راح أخاف
عليهم معاك وأكيد راح تخليني
أشوفهم كل أسبوع​

واحتمال أيضا إني أفكر أتزوج​

فانا مازلت صغيره!!​

ما راح أقول لكم كيف عيونه كانت
راح تنقلع من مكانها :busted_red:
وحسيت بالرعب من جملتي الاخيره​

بس ربي ستر ههههههههه​

كملت ....
مؤكد راح ألاقي اللي يحبني لوحدي
ويقدرعطائي بس أنا استخرت الله وقررت
عن قناعه إني اجلس واخذ كل حقوقي
وفوق هذا كله والاهم​

إني قررت ذلك لأني احبك ولا أريد
أن اخسر مملكتي الجميلة معك ..​

والله يا بنات..
أتذكر صمته وحزنه ذاك اليوم واني ​

كل ما قلت كلمه يقبل يدي ويقول
أصيله وبنت رجال ​

.........و ماهي إلايومان​

و جاءت الليلة الحاسمة ​

وكان يوم زفافه !!~ ​

،،،،،،​

قبل يوم الزواج​

حجز لي في فندق فخم ​

وقالي خلي

العيال عند اهلك​

كنت يا بنات مثل المخدرة ومثل ما قلت لكم ​

إني نويت اخلي خيرة السماء تأخذ مجراها​

ولا فكرت أنكدعلى نفسي وعليه​

بس الفرق إني كنت - وهوه أكيد حاسس - كنت
جثه جميله ،، انيقه بلاااااروح​

نظراتي معه عميقة جدا​

و تائهة أكثررر​

وانظر إليه وكأني


أتفحصه - بالأصح كأني أودعه – ​

أودع اااخر لحظاتي الشفافة السعيدة معه​

فلقدشعرت بأنه خلق من صنع يديه أنثى تختلف ​

عني أنا وعنه - ااااه يااارب رحمتك ... ​

رحناالفندق وطبعا هو صاير
ملااااك بمعنى الكلمة!!​

(صوته هااااادئ
( وين المصايح اللي يشق الاذن :busted_red:​

وكلامه منمق​

وسخاااء مو طبيعي​

راح اشترالي ساعة الماس​

و وصى الفندق يملئوا السويت
ورد طبيعي :exclamationpoint:.. ​

وانااااا ....​

كمن تزف إلى حتفها الأخير،،
ولا حول ولا قوة إلا بالله​

أتأمل بس في أسلوبه
وأتعجب :exclamationpoint: !! ​

في قلبي أقول :​

طب ليه ليييه ما يقولي خلاص
أنا تراجعت ​

ماراح أتزوج أو فكرت أو أو ,​

نهائيا ما كان يجيب طاريلموعد الزواج​

أو أي تفاصيل تخص بكره
أو تخص الموضوع نفسه​

جواله خلاه مغلق ​

طول وقته لااااصق جنبي– انغثيت !!:busted_red: - ​

وأنا سلبيه تماما حتى الكلمة تتعبني حروفها​

وهي خارجه من صدريالملتهب .. ​

كنت مأخذه يومها إجازة من الكلام !​

بس ابتسم - وأظنها كانت واااااضحه إنها
ابتسامه بااارده صفرااااا حيل .. :tears:​

(( ماصار بيننا شي في الفندق​

بالرغم محاولته المستميتة بس ما قدرت ​

وربي يا بناتكنت أروح التواليت وأخليه في صالة​

الجناح ,, واكتم فمي بمنشفة لأجل ما يسمع​

صوتنحيبي !! والله المستعان ..))​

تركته يتفرج فيلم واستأذنته أصلي​

وطلبت ربي الثبات والصبر كما لم اطلبه من قبل ..​

بعدها رجعت جنبه حضني وناااااام بعمق .. ​

وآنا لم يغمض لي جفن ..
أتذكر انو كان يصحي عشان​

يمسح وجهه من دموعي المتساقطة عليه​

مادري بنات ،، اشعر الآن أنكم تلوموني وتقولون


كان خليته بالطقاق


وليش السلبية اللي انتي فيها ..​

والله ماادري ايش اللي صار لي ما كنت​

أبيه يفارق حضني !! ​

مثل الطفل اللي يودع أمه لأجل يأخذونه
مكان بعيد عنها :tears:،​

مو من طبعي انو ما يكون لي ردة فعل حتى
هوه كان يشجعني على البوح
وأنا كمن على رأسها الطير ... ​

صامته صمت عجيب ومخيف بالنسبة له​

عدت الليلة اللي بالفندق ..​

وربي خسر نفسه خساير
مالأمها داعي !!:harhar1: هههه​

لو مقضيتها في بيتي ارحم

ما استمتعت ولاااااابشئ


بس أحسن خليته يكع :busted_red: هههههههه​

،،،،​

جاء اليوم المنتظر​

سامحوني خليتها لكم مسلسل درامي​

بس أبيكم تعيشون اللحظة معاي​

والله إن الرحمن الرحيم مطلع بعباده​

وله نفحات يكرم بها من استجاربه​

رجعنا البيت.....​

وقبلها مريت أهلي أخذت​

بنتي 5سنوات و ولدي 4​

وقتها كان العصر ​

صلى بالمسجد رجع ودخل حجرة النوم .. ​

بس كنت ألاحظ ان نور الاباجورة​

يطفي شوي ​

و يولع شوي​

وكل شوي يناديني​

أبي شاهي يا قلبي​

أو هاتيلي عصير يا حياتي >> هع!
مصدق عمره :schmoll:!!​

أو يسأل انتي في شنو مشغولة ؟​

تعالي جنبي !!​

قلتله معليش بروح أشوف الأولاد​

وأبي أسوي( حلا وقهوة)​

قال: ليش؟ .. مين جاي؟​

قلت: محد !​

أنا ودي اتقهوى ،


ماعجبتني قهوة الفندق


!!​

يناظر فيني بذهول ..​

اليوم زواجه وأنا مستانسه​

قهوة وحلا بعد !! هههههه​

شرالبلية ما يضحك ​

تصدقون .. أنا الآن لمن أتذكر هذيك الأيام
اضحك على نفسي بس الحمدلله أحسن
ما اقضيها صياح و تشكي ​

وما ينوبني منه إلا الشفقة – ​

حلو يا بنات لمن تكونين متأكدة انك مومقصره
بشي ومقوية علاقتك بربنا سبحانه يجيك مدد منه
وينزلك عليك هدوء يسيرك للتصرف الحسن الواعي​

لان وش تستفيدين من حرق الأعصاب وتعب القلب​

أنا أقولكم هالكلام وآنا وقتها نيران الدنيا بصدري - ولازالت بس الحمدلله أهون -
بس مو مننفسي ذلك فضل الله يؤتيه من يشاء (الاستغفااااار )سبحان الله وعجائبه​

شرب قهوة شوي وخرج ..
نسيت أقولكم انه راح خطب لوحده مامعاه
إلا صاحبه المقرود ويوم زواجه كانوا​

أهله مسافرين ولا احد راح حضر معاه
إلا أصحابه حسبي الله ونعم الوكيل​

قبل ما يخرج طلب مني احضره ثوب وغترة​

لأجل يوديهم البخار يكوونها ​

قلت : لا أنا اكويها واحضرها ..لك !!

سكــــــــت!!


وقال : الله يجزاك خير ويعوضك الجنة​

قلت: شكرا​

ومشي ....​

جهزت أغراضه


وربي بإحساس بااااارد مخدر


كأنه رايح عزيمة مو زواجه !!​

دخلت المطبخ سويت فشار​

وشغلتD V Dكارتون الملك الأسد​

جمعتأطفالي في حضني وجلست أتفرج​

والله ما فهمت من قصته شي بالرغم انو حلو
والصغار يا حليلهم يغنون ويضحكون​

وآنا فيعاااالم أخر بس ما في دموع نهااائيا ..!!​

أذن العشاء صليت​

طالعت بالمرايا لقيت وجهي شاحب ​

حطيت أساس خفيف ​

وروجبمبي وماسكرا​

وفردت شعري الطويل ,, ​

لبست فستان قصير جورسيه​

ساده فيه فص كريستال كبير على الخصر​

فاكره التفاصيل وذا الفستان عطيته بعدها ​

بفترة الشغالة من كثر ما كرهته​

طااارت فيه تقول بتخليه لزواج أخوها هههههه​

رحت لبست الصغار و عطرتهم وقلت لهم


لمن يجي بابا راح ننشد له أنشودة الأب اللي


خذيتوها في الروضة .. ​

دق الباب واستقبلناه بالانشوده والله يا بنات
حضنهم وما تشوفون إلا دموووووع​

وأنا اقول:
استهدي بالله قدر الله وما شاء فعل​

دخل غرفة النوم وقال:​

استحلفك باللي يحفظلك اعز ما عندك
انك تسامحيني والله إني مخنوق وحط
راسه على صدري وبكي ​

هزني بكاه
تعرفون كيف الرجال لمن يصيح​

واللي عندي صوته جهوري :santa_1:​

هديت عليه وقلت له:​

ترى حمامك جاهز لو تبي تاخذلك شاور​

قال حرام : ليش تعذبيني كذا؟؟​

قلت: سبحان الله مين معذب الثاني؟؟​

المهم مو وقت نقاشالقرار قرارك وأنت أدرى
بحالك يا تروح اليوم وللا تتراجع ​

وأنا مفوضه أمري فيك لله انه بصير بالعباد​

كانت الساعة 11 بالليل ،​

اخذ دوش سريع

ولبس ثوبه


وغترته​

رحت جبتله طيب وعود بخور​

لمن قربت أبخره
طالع فيني بنظره ​

ولا ادري
إلا الرجال يصيييييح :tears: !!​

وتتبلل غترته​

قلتله الله يهديك بس​

عسى أن تكرهوا شيئا وهو خير لكم ​

كذا خربت الغترة?​

هاتها اكويها لك ثاني – ​

سحب يدي وحضني لين حسيت ضلوعي
بتخرج تبارك الله هو يلعب حديد وأنا حبتي
قليلة على قولة الإماراتيات فديتهم:icon30:​

خرج من البيت​

وساااااد صمت رهيب في المكان​

دخلت عيالي ينامون​

ودخلت محرابي.....​

وماهي الا ركعتين​

الا وأنا داااااخله بنوووووم عميق ​

على سجادتي من غير ما أحس .. ​

ما صحيت الا على صوت الباب الشغالة


تدق تقول


ماما مستر يقول ليش


مدام ما في رد على جوال ؟؟​

رديت وصوتي كله نوووم قال:


انتي طيبه؟؟


وينك قلقـتـيني عليك؟​

قلت: عادي ​

كنت نايمه ماسمعت الجوال..​

قال بصوتواااطي:​

وحشتيني ورب الكعبة!!​

قلتله بتهكم :thumbdown: : ​

ههههه دمك خفيف​

يالله مع السلامة بقوم أصلي الفجر​

قال: خليك معاي شوي عالتيلفون!!​

قلت:​

الله يرضى عليك لا تتصل بي
وأنت هناك ​

وسكرت الخط .. ​

وبدأت موااال الصياح لوحدي ..​

فايقة ومصحصحه .. :tears: !!

ماهي الا يومين​

ويجي
يجلس عندي 4 أيام​

(والشي الغريب جدا انو في الأربع أيام هاذي​

كان مو طبيعي ينام معي بكثرة !!​

استغربت حاله وخفت أصده لأنه كان يترجاني​

مثل الطفل .. مالقيت تفسير لـ هالحاله )​

وسبحانالله ربي ثبت على قلبي ​

ما كنت مرررره متراخية معاه بس كنت​

السهل الممتنع بالنسباله​

ولا اتصل به نهاااااائي​

وفي هذاك الوقت ما كنت اعرف الا​

إن زوجته طبيبه​

ولا حتى اعرف اسمها​

المصادفة اللي صارت كالأتي.....​

،،،،​

بعد 3 شهور من زواجه​

كنت في سهرة​

قربت مني وحده لها معرفه

فيها وفيني من بعيد​

قربت تسولف معاي قالت :​

أصلا ضرتك من يوم ماتطلقت


من زوجها الا وحسينا إنها


تدورعلى عريس لقطه !!​

قلت لها :


مين تقصدين؟ أي مرة ؟؟​

زوجة زوجي بنت مو مطلقه​

لكم أن تتخيلوا موقف الأطرش في الزفة​

ااااااه يا قهري :busted_red: !!​

قالت:​

يوووه أنا أتكلم عن فلانة !!​

قلت أشفيك يا الأخت !! ​

لا لا لا انتي غلطانة​

زوجته طبيبه ولساعها​

صغيره مو هاذي الأشكال!!​

الا ضحكت الحرمة​

ضحكة سااااخرة ...​

وطبطبت على ظهري​

وقالت :​

يا عيني عليك على نياتك مرره​

ترى الكوافيره إياها هي ضرتك يا حلوة !!!​

انوااااااع الصدمة​

صادني دوار البحر ساعتها
وأنا مو بالبحر !!​

جيت البيت وأنا منهااااره تماما ​

وكان مو عندنا ليلتها ..​

عيشني 3 شهور
وأنا مدمغة على قول الكوايته !!​

ما اعرف مين هي اللي ارتبط فيها​

وكل ما اكلمه يقول بعدين ،​

لمن رجع سمعته الكلام اللي يجمد
عالشارب وقررت​

إني مالي جلسه بالبيت!!​

أخذت شنطتي​

ورحت بيت أهلي ​

وخليته هوه اللي يوصلني​

لأجل لا يقول هي خرجت من بيتها​

بس ربيته مضبووووط​

قهرني على استغفاله ليا​

خليت أطفالي في حضن العروسة الجديدة​

ما لحقت تتهنى عيال ذبحوها
صياح ولا هوه ارتاح​

رغم قلبي اللي متقطع ​

و اعرف أبوهم ما يرضى عليهم تقصير .. ​

وربي احترم نفسه ولا كنت أبغى الاستغفال هذا​

يمر بالساهل من دون قرصه عالاذن .. ​

الحمدلله على كل حال​

مرررت الأيام ​

تخللتها الكثير من الصعاااااب​

واكيد لي بعض الهفوات اللي اجتهدت إني​

أعالجها في علاقتي معاه وراح أخبركم
فيها بس خليني استجمع أفكاري عشان
أرتبها لكم بتسلسل مفيد​

،،،،،،،،​

​

 

[نقاء الحب]

الحين أبي أقول لكم​

كيف عرفت سبب زواجه بـ تلك المرأة؟؟​

هذا اللي صارحبيباتي​

،،​

،​

سألتني الدكتورة انو بطاقة التأمين الصحي​

لها عميلة أخرى تراجع فيها​

قلت: إيه يمكن أخته أوأمه؟​

قالت: لا زوجته​

لأنها قبل فترة جات تراجع واتعسرت ولادتها​

و و حكتني إنها ولدتها​

قلت لها وأنا على نياتي
وربي يشهد عليّ :​

إيه مسكينة أتعسرت الولادة​

عشان الطفل في السابع؟​

قالت سابع؟؟​

لا لا الطفل مكتمل؟؟​

وهنا صدمتي الثاااانيه​

:tears:​

بغي يغمى عليّ عند الدكتورة​

هذا السبب اللي تزوجها عشانه​

حملت منه قبل الزواج !!​

ولأجل مركزه الاجتماعي و
وضعه وخوفه​

من الله لو أنها سقطت ولده​

خلاه يسارع بالارتباط بها ويلم الفضيحة
إلي دارها عن الكل وأولهم أنا !!​

وحفظ فيها ماء وجهه قدام الناس​

اااااه يا زوجي المصون​

ليش كذا ليش!!​

ليش !!​

يا ترى أي يوم خرجت من بيتي​

ورحت نمت في حضنها؟؟؟​

ايش اللي خلاك تنصاع لشهواتك​

وإغرائها لك!!!!!​

بأي سبب تخون ؟؟​

وبأي حق تجرحوتتمادي؟
وتطعن !!​

واللي عندك صاينه تراب رجولك​

:tears:​

لا حول ولا قوة الا بالله العلي العظيم​

هاذي اللي كنت تسب فيها قدامي​

هاذي اللي فضلتها على في لحظة​

ضعف و شهوة ؟​

طب ليش وعشان إيه​

والله يا بنات ما تقل عن جمالي ولا علمي​

وأخلاقي وهي اكبر مني ومنه !!​

كانت زوجه لرجل يكبرها سنا واتطلقت منه

وبعد انقضاء العدة دورت لها على فريسة


ترمي شباكها عليه​

ياااارب لا اعتراض علىحكمك​

قالي قريب​

تصدقين إن الرجال أحيانا لمني كون
عنده كل شي ومرضيته زوجته في كل شي
ولا عنده تماما مشاكل في حياته يحب
يدورعالاكشن في حياته !!!!​

وأحيان يمكن يصادف وحده تنكد عليه لأجل​

يقدر قيمة اللي كانت بيده​

سبحان الله !!!​

لا يا شيخ ؟؟​

سبحان الله هل أصبتك ​

يا زوجي الغالي​

بالتخمة العاطفية ؟​

هل مللت السعادة معي؟​

حسنا ..​

ما سأعيشه معك الآن مختلف المذاق​

سأجعلك ترى إنسانه أخرى​

إنسانه تحب نفسها أكثرمنك​

تطالب وتطالب ​

ولا تتواني أن تعيشك بعضا

من الليالي على نار​

فأنت من أردت الاكشن
والتغيير من روتين​

السعادة و الملل في نظرك​

كان أصحابه دوما يكررون على مسامعه​

أنت عندك جوهرة في البيت​

ياريت زوجاتنا مثـلها​

فقد كنت أعطيه مساحه من الحرية
والثقة التي للأسف لا يستحقها
في تلك الأيام​

فلقد جازاني بالجحود والنكران​

ولكن ما اخذ بالحيلة لا يسترد الا بالحيلة​

أعلنت الحرب عليهما ولكن بذكاء​

ودون مخالفه ومعارضه لشرع ربي​

فهذه خيرته سبحانه
فلم أكون استخير أحدا غيره​

وقفت في وجه أهلي من اجله​

وقلت لا معليش الرجل لم يطلب حراما ​

ولا يمكن أن أشتت منزلي وأطفالي​

طالما أني لم اقصر بشئ​

جاهدت واجتهدت أن أعيد استقرار نفسي​

وراحة بيتي ولكن هيهات لتلك الليالي​

التي أجد بها غصة الجرح والطعن من الظهر​

رحماااك ربي واليك المشتكي​

،،،،،​

في ليله من الليالي سألته بدموعي وأنا في حضنه​

وليتني ما سألت
برغم إني اعرف سالفة الموضوع ​

من الدكتورة اللي أراجع عندها​

بس الاعتراف من الزوجله​

وقع باااااالغ :tears:​

(( ليش أتزوجت علي دام تحبني كل هذاالحب؟؟ ))​

طعني بخنجر إجابته عندما قال:​

أنا غلطت معاها إيه في لحظة ضعف بالشاليه ​

ولمن قالت لي أنها حامل ما صدقت بس أتأكدت ​

وحاولت أخليها تجهض بس للأسف ما عرفت​

أنها حامل غير لمن صار الجنين مكتمل في شهرين​

وقالت لهم الدكتورة أنهم توأم أولاد - طبعا
حس لحظتها انه الرجل المغوار اللي يخاف
ربه وينقذها من المشكلة اللي هيه فيها

وتعرفون تفكير الرجل العربي​

- توائم و أولاد؟؟​

قويه يسقطها :surrender:؟​

.. سبحان الله وقت الولادة يموت واحد في بطنها​

ويعيش الثاني - شبه زوجي بالتمام ​

ما ابغي أخوض في عرضها لان بعض العضوات​

قالو وش عرفك انو من زوجك الحمل؟​

بينها وبين ربها مالي دخل فيها
الحرمة ربي ستر عليها
وصارت على ذمته الان​

.. ​

كل ما فتكرهذا الكلام اللي دار بيني وبينه ​

يعورني قلبي واتعب نفسيااا​

ولا ودي ارجع افتكرهاللحظة​

الله لا يجعلكم تشوفون بحياتكم وجع
ولا كدر، اللهم اااامين​

فانتن أخوات غاليات جمعني بهن القدر

اسأل الله أن يجمعني بكن عند حوض نبيه


صلى الله عليه وسلم​

للحديث بقية .. انتظروني​

اختكم (امتنان )


:icon26:​

 

[الــحــلا]

اي والله نسخه منهاااااااااااااا؟؟

 

[نقاء الحب]

ابدأ معكم تلخيص ما استفدته
من تجربة زواج زوجي


ولعله أن تجد لوواحده منكن
فائدة دنيوية أو معنوية


تسعد قلبها وترح بالها وتنال بها رضا الله


ثمرضى زوجها واسأله تعالى


أن يكون عملا خالصا لوجهه الكريم


واحتسب اجري من قصتي هذه
لكل من استفادت وحسنت من أسلوبها مع زوجها
وتيقظت على بيتها ومملكتها


من أية عواصف أو مشاكل أو أحزان

1- لا تنتهي الحياة لا عند الزواج بثانيه ولا بالطلاق فكل منهما سواء إذا تقبلتها المرأة بالصبر والاحتساب والسعي للأفضل في كلشئ​

في بداية حياتي لم أكن أعير دراستي آمرا مهما​

وتكاسلت بعد إنجابي


كنت أقول يووووه ايش لك بعوار الرأس


بس لمن شفت نماذج لمن حولي اكتشفت أن المتعلمة


المثقفة تستطيع أن ترتقي بأخلاقها ونفسها وتربية أولادها وفي علاقتها مع زوجها وأطفالها بخلاف الغير متعلمة تستطيع أن تصنع لنفسها قاعدة ترتكز عليها ماديا بعض الشي وتكون لها أمانا من عواقب الدهر



– ستقولون وكيف كانواأهلنا من قبل والى الآن يوجد


– ممن لا يحملن شهادة علمية



أقول اختلف الزمان والمكان و العلم ليس له حدود


حتى وان كان ليس أكاديميا وعلى مقاعد الدراسة ..


كل شئ متوفر حولنا الآن


ثقفي نفسك وأنتي في منزلك
اقرئي تعلمي كل يوم


شي جديد من النت من التلفاز
من البشر حولك،،

​

ستجدينه حتما في رصيد خبرتك وحتما ستطبقينه

في حياتك يوما ما

وانكان لك هواية أو موهبة لا عيب أن تجعلي منها ​

باب رزق لك تكافئين به نفسك أو


تعينيبها اهلك أو زوجك


كم هي جميلة المرأة النشيطة التي تعرف
أن تلتقط الفرص من فم الأسد فالتاريخ

شاهد على سيدات​

الأعمال الناجحات كيف بدأن منالصفر



2- كنت ببداية حياتي إنسانة دمعتها قريبه
جدا – بحكم جنوبيتي - وأفسر المواقف على
كيفي مما كان يضايق زوجي الشمالي

احكي لكم موقف.. ​

مره وأنا توني حامل بطفلي الأول سألني



وين طقم السرير الجديد اللي


اشتريناه الأسبوع الماضي؟

قلتله شلته لأجل لمن أولد ويجوني ضيوف​

قال طيب مو ملاحظه إن لنا أسبوعين


على هذا المفرش؟


قلتله إيه صح بس أنا أغيرالملايات ولبس الوسايد


ايش قصدك أنا مو نظيفة ؟


وهب،، دموعي نازله :tears:

عصب وقال لا أنا ماقصد كذا انتي الواحد
ما ينبهك لشي ابد ؟
ايش فيها يعني لو فرشتي لنا كل أسبوعين

مفرش أنا ما استاهل ؟الجديد للضيوف بس؟؟​

فهمت بعدها أن الزوج يحتاج انو يحس انو أهم ​

من أي احد ومنالضيوف ومن كل الناس


كنا لما نشتري أطباق أو فناجين قهوة جديدة


يطلب أحط له فيها قهوة وحنا لسه جايين من برا


يحب كل شي جديد ويعشق تغير الديكور


مثلا مره السريرتحت الستارة
ومره في الجهة الأخرى

يقول أحب فيك إني لمن ادخل بيتي


أحس إني في بيتجديد كل مره ..

لذا انتهجي التغيير في حياتك​

في ستايلك في ماكياجك في طباعك


لا تخليه يتوقع ردود أفعالك


سبحان الله الاطلاع وتصحيح مسار حياتك


في كل أخطائك يشعرك بالسعادة والحمد لله

3- مره قالي تصدقين أنا لمن خذيت الثانية ​

ما حسيت إني شفت شي جديد؟


شموع وحطيتي


ملابس ومكياج ما شاء الله عليك محترفه


طبخ ودلع وفراش


مو حاسس إن فيه شي زايد الا بالعكس


أميل اجلس عندك أكثر بيتك هادئ ويـبعث


عالاسترخاء .. اللي اعرفه عن زوجته الثانية
الله يصلحها صوتها عااالي في الكلام
على قد إنها دلوعة


تتكلم في اللي تعرفه واللي ما تعرفه


وتجااادله ويا حرام كثير اسمع


انوضربها أكثر من مره !!


ولا حول ولا قوة الا بالله ​

بالرغم انه ما عمره مد يده عليّ لأني كنت أتحاشاه


في عصبيته وهذا الشي يضايق الرجل


بس الصراحة والحق ينقال


أحسها مكرسه وقتها له وتمدح فيه ليل نهار
وأتوقع هاذي النقطة كانت غايـبه عني


كان يستفزني غرورهلمن يسألني وهو كاشخ ..

​

كيف بالله مو شكلي كأني أمير؟؟

أقوله بضحك الله واكبر يا الوليد بن طلال :harhar1: ..

ولمن يكون مع أهله أحيان ​

ويطرحون موضوع يكون الحق مع خواته


ومن غير ما أحس أكون في صفهم لأنهم على حق ..


يعصب يقولحتى لو أنا غلطان لا تغلطيني قدامهم


تعالي البيت وقوليلي مو قدام الناس ..

بالرغم إني احترمه ولا أغلطه بس هو فسر

إني مو في صفه معناه انتي ضديوما يحب كذا ..​

قريب استقصدت امدحه

قدام أمه وأبوه​

وقلت


تبارك الله اليوم أبو فلان جاب لنا فاكهه ولا اطعم


صراحة محد يعرف يختار الفاكهة


اللي حلاها سكر غيره :icon31:...

يوووه لو تشوفون الضحكة​

اللي شقت الوجه!!

وقالي وهو يغمزني في خصري​

: الحلو للحلو ..


انحرجت بوسطهم بس استانست لردة فعله


سبحان الله كيف المدح يؤثر فيهم سواءنمطهم
جنوبي أو شمالي .. بس إحنا النساء أوقات نتناسى
هالشي ونصير ما نحط عيننا الا على الهفوات
والزلات بالرغم إننا لو عززنا السلوك الايجابي

فيهم كان تغير حالهم وفي ​

هاذي النقطة كان عندي تساؤل سؤال

أحيان لمن اعزز في زوجي سلوك طيب يروح يطبقه مع غيري- مااقصد الثانية الآن لااا​

اقصد قبل لمن كنت أقول له


الله أروع شي يسعد الوحدة إن زوجها يرجع من
عمله معاه ورده ويقول لها كثر الله خيرك


احبك يا حياتي ...

وألاقي في يوم اغبر في جواله​

رسالة مجهولة المصدر

(( شكرا حبي عالورد والعبارة الأحلى من الورد ))

​

اااااخ يا قلبي :busted_red:​

وشلوناعزز فيه شئ يطبقه معي​

ومع غيري محتاااارة

وحتى الآن في تعامله معاي​

ومع الثانية لمن يروح يشتريلي شي أنا نفسي فيه


يشتري لها نفسه حتى لو ما طلبته ..

مثلا
شفت قميص نوم بمحل نسائي فخم ​

رووعه بنفسجي داخله تموجات وردي


منه 4 ألوان طلبته تحديدا هذا اللون ..



وقلت له إذا مريت السوق اشتريه لي


ودي البسه لك الليلة

يروح الأستاذ ويشتري2 نفس اللون
اللهم المقاس مختلف .. طيب يا أخي
ما قلنا لك لا تعدل بس ​

خلي عندك شوية ذوق!!



هو ما عرف إني شفت الكيس لان خبأه
بدولابه الخاص .. اوكي اقدر له انو مايـبي
يجرح إحساسي بس انقهرت من تصرفه



وهنا فيه نقطه أنبهكم عليها ..

أنا ما حبيت أجيب له سيرة ​

لأني فكرت بيني وبين نفسي لو تكلمت بيقول


عادي المسالة


بس أنا قلت القالب غالبواكيد عليا يختلف عن غيري بالعربي برمجت نفسي إني الأفضل والأجمل والأكمل


هههه صدى الملاعب


وخفت إني أبين قدامه إني مو واثقة من نفسي



الآن لأنه التزم

الله ينعم عليه ويثبته صارت مسألة العدل
عنده هاجس وربي إني أحاول
أعينه في اللي تتحمله طاقتي​

مره جاب لي بالبيت صندوق تمر من الرياض
من غير ما يقول قسمت بيني وبينها
يقوم يقول هاتي الميزان
أشوف الأكياس قد بعض وللا لا !! ...
لا حول ولا قوة الا بالله
وأحيانا تصيبه ازدواجية يجيب لي شي لمن يرجع​

من السفرويقول الله يخليك لا تقولي لامي وأخواتي


لأني ماجبت للثانية شي؟؟


الله يهديك يا أبو ميزان هههههههه


ومره كمان لقيت في جواله رسالة
طلعتني عن طوري من القهرولا ناقشته

فيها أخذتها فيقلبي ​

واحتسبت راسل رسالة لي ولها نصها


(( انتي الوحيدة اللي بقلبي )) !!

حشا فندق مو قلب، ​

الله يعين الصادق ههههه

ونصيحة هنا للأخوات بموضوع تفتيش الجوال​

كاااارثها اجتـنبـيها على قد ما تقدري


لأني عانيت منها كثير وقطعت على نفسي
عهد إني ما أفتشه جواله لأجل أريح نفسي
اللي تعز عليا ، والله فيه رسايل قريتها

في جواله قبل سنوات​

حافظتها عن ظهر قلب إلي الآن


وأحيان افتكرها وأتنكد وابكي


وتصيرأعصابي مشدودة اليوم كله :busted_red:

ليش ما أريح عمري​

والله مو بس الجوال اللي يكشفه رب العالمين


يعلم خائنة الأعين وما تخفى الصدور


لا تصيرين وراه كأنك المحقق كونان هههه


مالك الا عوار الراس


احترمي خصوصيته وفتحي عينك


على تصرفاته وراقبي سلوكه من بعيد

4- حساسيتي أمام انتقاداته ورضايا اللي يطول ​

كان يؤثرأحيانا بعلاقتنا لكن سرعان ما تداركت


الأمر بعد زواجه الثاني وسبحان الله كثيرررر


من أخطائي عالجتها وحسنت من مستوى علاقتي


معاه بعد زواجه ولعلها


من باب مصائب قومعند قوم فوائد !!

مثلا..
​

لو غلط على بالكلام

أو رمى شماغه ​

لأنه مو مكوي مضبوط
ازعل وأصير


مادهـ البوز شبرين اليوم كله الين يعتذر


( الحين عاااادي ماخذه المواضيع بطولة بال​

و الزعل من الكلام الفاضي أخر همي)





حاولوا تطبقون هالكلام


والله راح تريحون وترتاحون ^.^​

وأحيانا ارتكب نفس الخطأ
إلي زعل عليه اليوم اللي قبله


مثلا يقول أنا ما أحب القهوة بالحليب


مدري انسي وأحط له حليب بعدها بـيومين


يثورويعصب ويقول انتي تعانديني :busted_red: !!



كمان زوجي يحب يلاقيني مشغولة

ما يطيق يشوفني ​

ممده على كنبة لا شغله ولا مشغله ،


كان زمان يتضايق لمن يشوف الشغالة تلبس


طفلي بجامته وأنا اقرأ مجلة وصرت استقصد


أخليه الآن يشوفني أقوم بكل شيء بنفسي ..


ما أشوف فيه مشكله لو أن الشغالة غيرت للولد
بس لمن يجيالبيت أصير نحلةلحد ما يقول
تعالي يا حرمه شايفك تعبتي أو يقول للأولاد

ريحو أمكم مسكينة تعبت​

لا تكركبون البيت.. :blush-anim-cl:

مادري قبلها إني كنت جالسه أحط مانكير​

والشغالة شالت الألعاب من الأرض


!!!!



.. يوووه يعني أكرف ليل نهار


وابهذل عمري علشانه؟؟


مابي أقول يخسي ههههههههه
​

مو هوه لمن فكر يسعد نفسه ليش ما فكرفيني؟

​

وأنا كنت مطحونة أكثر قبل


،،​

6- سألتني مره إحدى صديقاتي كيف تعامل
زوجك معها الآن المعروف أنها كانت
سافرة في حجابها


قلت لها:



الحين يا قلبي ممشيها عالعجين ما تلخبط


روحاتها وجياتها لازم تحط لهجدول بكذااا


يعني تخرج من البيت تقول خرجت توصل المكان


اللي هيه فيه تتصل تقول وصلت


ويا ويلها وسواد ليلها إن ما اتصلت أو ماردت


عالجوال او لقي جوالها مشغول..

​

وموضوع الحجاب ما عنده فيه نقاش ابدااااا

غطا وتستر تمام


هو دايم يشيد في حجابي الله يثبتني ..

بس المشكلة انو يطبق علي أحيان نفس الموضوع​

اللي يطبقه عليها - اخرج اتصل


أكح اتصل- مدري ليش؟؟

يجوز ثقته اهتزت بس أنا ايش لي ذنب..
مره جيت من زيارة قريبتي من المستشفى بس مو ​

مع السائق مع اخوي - يهاااااوش في التليفون


يقول ليش ما اتصلتي هاه؟ تقولين راح ارجع


مع السايق وتجين بسيارة ثانيه ؟؟

قلت :​

أنا ما سويت شي غلط هذا اخوي مو واحد غريب


سواها زعللللله
بس طنشته ولا رديت عليه تمامااا


بعدها جا واعتذر وقال
أنا كنت معصب من شغله ..
​

ثقيلة عليه يقول انتي صح :icon30:

يعني تمي على موقفك دام انتي صح ولا عليك في شخصيته بس سايسيه وبهدوء راح يحس بغلطه​

أيضا من واقع حياتي الآن وبعد تحسين مستوى علاقتي معاه يعاملني بحب واحترام ويعامل الثانية بعد كزوجه
لها كامل الحقوق والصلاحيات ،،


لكن يصلني من أمه وحتى الغرباءإنها تكرر عليه إذا هالكثر تموت في زوجتك ليش أتزوجتني؟



ومره قالت لهم إني اشعر انو يشفق عليّ مو يحبني


مثل الأولى ودايم يكرر عليها أنا مخليك


لأجل أولادك وما أحرمك منهم



حطو نفسكم مكانها يا أخوات أي عيشه هاذي
اللي كلها شفقه أكثر من الحب؟


لا الغي ان لها معزة في قلبه بالذات أنها لها منه أطفال وعشرتهم لها كم سنه مو قليل؟​

(( بس عندي كلمة أبي أوصلها لبعض البنات
أو النساء الله يصلحهم اللي لهم في الكلام مع الرجال المتزوجين إن مو دااايم الحياة مع المتزوج ورديه
كثيررر من الأوقات الأولي تعدل من أخطاءها – مثل ما صار معاي – ويرجع لها زوجها وبقوة وتصيرين انتي بالنصف زوجه مهمشة – أنا لا أعمم يوجد نساء ثانيات ينحطون عالجرح يـبرى وشاءت ظروفهم أن يكون نصيبها لرجل متزوج - فهي مستـثـناه من القصد – أنا اعني الدخيلات بالمكالمات والمواعدات وخرابات البيوت
العامرة بالأصح، فهن يعرفن أنفسهن أقول لهن لا تغامري بحياتك أو بسعادتك ، فالمقارنة مع الزوجة المحترمة لن تكون في صالحك ابداا – هداهن الله وأصلح سريرتهن))

يابنات مره في لحظة صفاء بيني وبينه قالي تصدقين انو أمس صارت مشكله كبيييييرة بيني وبينها

​

(( وعلى فكرة أنا لا اسمح له آنيذكر سيرتها أو سيرة مشاكلهم أمامي ابدااا ابدااا وهذا أفضل لأي زوجه

نصيحة اشتري راحتك ولا تعرفي أخبارها


خليها في حالها وأنتي في حالك لأني تعلمت من هذا الموضوعكثير و قررت إني ما افتح إذني له لمن يتكلم


عنها وحتى لمن يرن جواله واعرف انه يكلمها اخرج فورا من الغرفة وأخليه يأخذ راحته وهوه جدا معجب بكذا يقول هي تلصق فيني تبي تعرف وش تقولين لي
وأنا انهرها وأقول ليش أم فلان ما تسوي مثلك؟
تحترم نفسها​

- أحيان مو مثاليه مني بس تصيبني


رجفة وتعب وألم نفسي عميق إذا سمعته يضحك


معاها ويااااا ويلي لو سمعته يتغزل أو يضحك


يومي يصير دماااار طب ليش ما أسد أذني


واخرج مو أفضل لي؟؟

يوووه خرجت عن السالفة​

المهم قالي


صارت مشكلة بيني وبينها لأني أمس وفي


وضعنا الخاص جدااا نطقت اسمك!!

عصبت وانهارت وبكت وصارت تقول :

​

يا فلان أحس إني غلطة بحياتك هيه اللي ماخذه


عقلك لدرجة تنطق اسمها بدل اسمي دون شعور!!

عن جد الله يكون بعونها شوفي الرياجيل ​

وش يخلفون بتهورهم وظلمهم غير ضحايا و حقد


وغيرة لا حول ولا قوة الا بالله


,, ما أنكر إني مرتاحة بعض الشي على تعامله
معاي الآن بس والله إني أعاني
صراع داخليرهيييييييب​

هو سبب متاعبي كل ما استقوي والملم حالي تجيني

حالة انتكاسه رهييييبه
وأقول ما اقدر أتحمل !!

واصرخ بيني وبين نفسي كفااااايه​

أبي أعيش من غيرضرة..

تعبااانه

لعلها مداخل الشيطان والعياذ بالله​

فأستعين بربي


واشد عزمي لقيام الليل لو بركعتين


ففيها يا اخيات سهام لاااا تخطئ أبدا​

اطلبي الرحمن ما شئت


وسيعطيك ​

تيقني بالا جابه


فقط .. اجتهدي بالاستغفار والدعاء


وترك الذنوب والمعاصي


،،،،،
:icon26:​

 

[نقاء الحب]

أصبحت ألان أكثر اهتماما بغذاء روحي وعقلي


والاهتمام بما منحني إياه رب من جسد

أصبحت أرى إعجابه بي ..​

فأين هو من أيام لم يكن يلقي بالا بما افعله من اجله​

لأني كنت غير مقدرة نوعا من لذاتي وانغمست


في إرضاءه حتى شعر بالملل!!​

مرهشافني جالسه أحط كريم معطر على جسمي


وبدهاء الأنثى المعهود مسويه روحي مو


شايفته ووجهه عاكس


في مراية الغرفة لمن خلصت قال


والله منتي


فاااضيه مدلعه عمرك عالاااخر


قلته بدلع:




يحق لي استاهل وللا لا؟


قال تستاهلين ونص ,,

،،،،​

7- أيضا في موضوع خاص أبي أقولكم عليه​

إن الوحدة فينا لو زوجها خانها أو تزوج عليها


تفتكر أحيان لما


يمارس معاها العلاقةلحظات خيانته لها


فأنتي في هذه


اللحظة افقدتي


نفسك شيئين (متعتك + ثقتك بنفسك​

و لو انك مثلتيهالحاجتين راح يتطور الوضع


انك راح تحسين نفسك انك هيه العشيقة اللي


تحت جسده وانوكيف لمسها وكيف قبلها وعمل


معاها مثل ما

عمل معايا و و و​

إلى أن تصابي بعقدة كره الجنس وكره جسدك​

و جسده وتبدأ المشاكل من الفراش


.. اغلب حالات البرود كانت لنساء خانهن أزواجهن


ولم يتخلصن من آثار هذا الشعور السيئ

معظمحالات عدم الوصول للذروة انشغالك بتفكيرك​

في اللحظات الحميمة شنوفعل وعمل معغيري





والله العظيم من أصعب اللحظات التي تجرعت


فيها غصةالغيرة المؤلمة الأيام الأولى من زواجه


بالأخرى تعب نفسي فظييييع


لمن ارجع بذاكرتيوأتخيلها حينما حملت منه


قبل الزواجأصاببالجنوووون


لكن قلت في نفسي

وماذا بعد ذلك؟
هلاجعل الشعور السيئ يفقدني توازني؟
ويسيطر على حياتي ؟​

هل أولول على ما بين يدي ألان


ثمأتحسر على إنيلم استمتع به ؟

قول احد الفلاسفة: ​

الحزن على ما مضى من الزمان يفقدك الاستمتاع


بما لديكالآن

لماذا لا استمتع بنصف هذا الزوج؟
طالماأن المولى شاء ذلك؟ .. ​

أليس الأفضل أن أخوض غمار المنافسة ​

أمامكث كـ متفرجة حزينة


وناقمة بين المدرجات؟؟

لما لا أطالبه – بأدب - بكامل حقوقي ​

واستمتعبها ؟

لما يهنأ هو بي ، ولا اهنأ أنا به..​

الا استحق؟؟


بلى وربي استحق​

وكل واحد فيكنتستحق ..

أريد الحب أسعى وأقدم له الحب ​

متذاكية على جراحي منه ،


وارمي بتلك الأوزار من علاقات وسفاهات


لأقرب سلةمهملات

ابتسم له كي يكون وجهي صبوحا جميلا فلا شأن له ​

بوجهيالداخليالمنكسر القبيح ..

ملامحي التي أخبئها عنه التي هوه سببا فيها ​

لا أظهرهاأمامهحتى


لا أعيش دور الضحية التي تقتات الشكوى

وتتوسل الحب​

ماهي الاصحوةلا بد أننصحوها نحن النساء ​

وندوس بأقدامنا على جراحنا

لا تدعي ألما خلفه زوجك أو طليقك يعيقك أن ترفعي​

من شأنكأنت مسلمة كرمها رب العباد


فلا حاجة لك برأيه ولا باستطاعته شلتفكيرك

ولا قمعإرادتك​

إن وجد الرجل في حياتك استعيني بالله واعقدي العزم ​

أنلابد أن تسعدني وأسعدك


رغم انف أية صعاب ، فأنتِ لها مهما كانت ...

بـ ديني بأخلاقي بأنوثتي بعلمي سأتغلب على​

الصعاب وأكافح (لقد خلقنا الإنسان في كبد)



تلك هي منظومة الحياة والبشرية جمعاء

فاليومملحٌ أجاجو لكن حتما غداعذب ُفرات​

صديقاتي اشكر لكن هذه السويعات التي قضيتموها ​

معي ولكم أسعدتمونيباحتضانكم

لي هاهنااااا​

لفتة..​

(( الحب شعور راااقي لا تحرمو أنفسكم التلذذ به

فتشو عنه في حطام الذكرياتوالجراح
حتما ستجدونه يستغيثبكم
فـ أعيدوا له الحياة من نبضقلوبكم......((​

دمتم بكل الحب والسعادة وراحة بااااال


والاهم من ذلك


مغفرة من الله ورضوان​

لا حرمني الله وإياكم اللهسكنى الفردوس


الأعلى من الجنة اللهم اااامين..​

أختكم في الله ( إمتـنـان )​

وصلي اللهم على سيدنا محمد

وعلى اله وصحبه وسلم أجمعين​

 

[حلاوة المدينة]

مرحبا بك ستجديين هنا اخوات لك لم تلدهن امك ننتظرك هنا اين قصة صديقتك ؟؟؟؟؟؟؟؟؟

 

[منى السبيعي]

يا حياتي الله يجعله ما ياخذ غيرك والله ياختي انه نفس الموقف حصل معي وكان يبكي ويترجاني مااطلب الطلاق بس الفرق اني انا مو جميلة بس الحمدلله زوجي مايستغني عني وكمان يحبني بجنون بس الفرق بين زوجي وزوجك ان زوجي مو سخي مره ...

 

[نقاء الحب]

حضرة الاخوات القديرات

اكرر هذه القصة تخص عضوة تعرفونها جيدا الرجاء

عدم ذكر اسماء حفاظا على خصوصية قصتها

هي ارادت لكم الاستفادة وانا مجرد رسول ما علي

الا البلاغ في ايصال قصتها لكم

عن طريق معرفي و بطلب منها

رعاكن الله​

 

[فتافيت ورد]

اي خصوصيه ياختي هي منزلة القصة في المنتدى

وبأسمها والكل حزن على قصتها ورد عليها

تجين الحين تقولين قصة الاخت امتنان وشلون يعني,,؟؟؟:icon-mos:

 

[عنقود عنب]

اخواتي العزيزات

فعلا ...هذه القصة للاخت اللي انتوا ذكرتوا اسمها

وهي من طلبت حذف موضوعها الاساسي و ان تضع تجربتها ولكن عن طريق

اختنا نقاء الحب

اتمنى اني استطعت ان اوضح لكن اللبس الحاصل

 

[الــحــلا]

اجل ليت تحذوفن ردودنا اللي قلنا فيها اسمهاا

الله يوفق الجميع!

 

[حلا2009]

ليس مهما الأسماء ولكن المهم أن أختكم أرادت الفائدة لكن فلها جزيل الثواب باذن الله وياليت كل واحدة تزوج عليها زوجها أوخانها أن تكون مثل امتنان في صمودها وقوة عزيمتها

 

[فتافيت ورد]

اجل ليت تحذوفن ردودنا اللي قلنا فيها اسمهاا

الله يوفق الجميع!

أي والله ياليت ,,,,

 

[ملاك 88]

الله يفرج همج اميين

 

[جووود الحزن]

الله يفرج هم كل مهمومه يارب

 

[حبيبيF]

بصراحة قصة مؤثرة جدا الله يارب يوفقها ويصبرها ويعينها على ما بلاها ....

 

[شمس مشرقة]

القصة رائعة ومؤثرة
والأقوى فيها صبرك
أعانك الله
واسأله سبحانه أن يرد لك زوجك ردا جميلا

 

[وسط قلبي]

ان شاء الله الله يرد لك زوجك ردا جميل وشكرا علي نقل القصه لنا لتعم الفائده

 

[GhadoOosh]

الله يبرد ويربط على قلبك وقلبي وقلب كل مكلومه...احس بقهرك بس الفرق اني زوجه تانيه بس وربي اني مظلومه.....اكيد باقولكم قصتي بس خليني استجمع قواي وافكاري ..من جد محتاجه مشورتكم


الله يحفظكم لعين ترجيكم