حبيت اولا ارد على كل واحدة فيكم الحين راح اقولكم على يومياتي انا صمت اليوم والحمد لله باقيلي على الست 3 ايام الله يتمم على خير ,,,
اليوم افطرت 5 حبات رطب احس انها كثيرة ولا ,,,مع قهوة عربية مع حبة واحدة صغيرة معمول رحت اصلي بعدين سويتلي بيض مقلي في مسحة زيت فقط حتى مسحت الزيت بالفرشة علشان مايصير كثير حشيت فيه صامولي واحد بر وحطيت معه جبنه سائلة مع شطة واكلت 7 حبات فطائر بالجبن احس اني اكلي معتدل صحيح فيه زيادة شوي بس ان كنت جوعانه مرة واول مرة اجوع وانا صائمة مع ان سحوري مو بطال تسحرت خمس ملاعق تقريبا فول مع نصف خبز بر ونصف ملعقة صغيرة زبدة الفول السوداني وكوب حليب بالشاي المحلي بقليل من السكر بس صحيت اليوم بدري علشان اسوي فطور لبنتي وزوجي بناتي الباقين لسى ماراحو المدرسة من يوم السبت دوامهم بحول الله بعدها قعدت اشتغل في بيتي لين الساعة 8 طبعا صاحية من 5 و20 دقيقة رحت نمت ساعتين بس وقمت علشان اسويلهم غدا وبعدها رحت وغسلت الملابس علشان اضيع وقت ورتبت شوي في المطبخ وجلست اسوي الفاطير لين اذن هذا يومي بالتفصيل الممل بالنسبة للرياضة انا صراحة مايمديني اسوي رياضة واساسا احس عظامي متكسرة من شغل البيت يعني طاقة مافيه بح ,,,:sad_1:فقررت ان ابدأ في الرياضة بحول الله بعد ماتجي الشغالة علشان يكون فيه وقت للرياضة الحين وقتي كله فل مافيه وقت فراغ سوى الجلوس بضع ساعات مع العائلة فقط ,,,,,انتم ماابيكم تقلدوني وماتسووا رياضة شدوا حيلكم وانا راح اشجعكم وان شاء الله نشوف اوزاننا يوم الجمعة بحول الله ,,,,
بالنسبة لجائزة الرابحة الكبرى انا فكرت انا نعطيها ميدالية ذهبية افكر ادور تصميم لها في المنتدى والي في المرتبة الثانية ميدالية فضية والي في المرتبة الثالثة ميدالية برنزية
والباقين مالهم جوائز بس تشجيع فقط من العضوات يعني الي تحت المراتب الثلاث,,, اما الزايده في وزنها راح نطلب من الرابحة الكبرى الحاصلة على الميدالية الذهبية تقرر لها رجيم لمدة اسبوع وهي ملزمة تنفذه بحذافيرة مهما كانت صعوبته هذا في نظري يعتبر عقاب وفي نفس الوقت فايدة لها علشان تنقص في وزنها ابغى من كل واحدة منكم تحضر رجيم يكون جاهز معاها على الايزيد مدته عن اسبوع واحد فقط وبس هذا الي جاء على بالي والي عندها اقتراح او رأي ثاني تقوله وابغى تصويت منكم على الموافقه او عدمها والي فكرت في جائزة افضل تقول مافيه مشكلة احنا هنا فريق واحد ونفكر جميعا في مصلحة الجميع بس هذا الي عندي وانتظر ردودكم وتصويتكم على احر من الجمر دمتم بود,,,
ميرووووووو بيننا والله لك وحشه كبيييييره :icon26::icon26:
