متيمه بحب الله
New member
- إنضم
- 8 أكتوبر 2009
- المشاركات
- 76
السلام عليكم راح اكتب موضيوعي باختصار وارجو افادتي فانا في حاله لايعلم بها الا الله تزوجت رجل وانجبت منه ولد وبنت واراد الله وانفصلنا وبعدها تزوجت برجل اخر وعنده ابناء ولكن مطلق المهم حملت بداية زواجي منه وسقطت وبعدها ماراد الله لي حمل والحمدلله المشكله اني شرطت على زوجي الثاني ابنائي ووافق والحين وتقريبا من سنه واحنا حنه وطنه ودي عيالك عند ابوهم وغيره من الكلام وعلى فكره ولدي عمر 13والبنت 10 وهو من خذته مايجلس عندي طول الوقت يعني مشغووول طول اليوم بس في الليل يجي وينام ويروح ومحملني الايجار والبيت من اثاث وغيره وانا اللي قايمه بمسؤولياتي كامله واحيانا يعطيني مصروف واليون ثقلت علي احس اني موقادره على المسؤوليه واعرف بتقولون ليه هو مايدفع كان اول زواجي دفع نصف الايجار ونصف الاثاث وبعدها تعالي شوفي المنه والذل بحكم ان عيالي عندي المهم عيالهساكنين في بيت خاص فيه مع امه ويصرف عليهمم ببذخ وشي خيالي اما انا حتى فلوسي يدخل فيها وين راحت وليه باختصار حرمان لي بالكامل من اي شي حتى طلعات بالموت اروح والسوق بالموت اشياكثيره والحين الايجار حل ويقول ودي عيالك وادفع وبسراحه وديتهم اول جلست سنه ماقدرت اشوفهم والله الهم قتلني وماعندي الحين ادفع والا اطلعي وبرسل للك ورقتك وين اروح ماادري فانا يتيمه وصعبه اني اروح بيت اخوي وحتى لو اقول لاخوي ادفع الايجار بسوي بخوزي لي مشكله بيقول انت على ذمته ليه مايدفع والله يوم اتزوجه كنت ساكنه في بيت زوجي الاول وشغاله وبيت من احسن مايكون والحين بيت مافيه الا غرفتي وغرفة العيال وصاله مساند شكلها ولكن الحمدلله وباقي لبيت فاضي مافيه اثاث دلوني اجلس معه واخلي عيالي عند ابوهم والا على قولته اطلع