عـــــآئلتي ..!

[Ebtesama]

وينكم ترا اذا مافيه حماس ما راح اكمل :sad_1:

 

[الغيند]

كملي حبيبتي والله تاثرت مرررررررره الله يكون بعونك يارب

 

[اليوم المنتظر]

ننتظر البقيه اختي ابتسامه..
وطرحك جدا رائع وسهل..

 

[Shabasah]

لا تحزنين..الدنيا دوارة.. أساءت لي أمي زوجي وأخته وزوجي طبعا سلبي ..وبعد عشر سنوات............. أم زوجي وحيدة في بيتها وبناتها يتهربون منه وأخته كل فترة وهي في مصيبة أسأل الله العافية....... عليك بما يرضي الله وستأتي الدنيا تحت قدميك راغمة ....الله يالدنيا كيف كنا وش صرنا

 

[Miis]

لاوالله ياإبتسامه بالعكس ومسميه نفسك ابتسامه ياروحي انتي

كملي والله خربتي مزاجي

 

[ام الغالين8]

الله يعيينك
ويفررجها لك يارب
ويحنن قلب امك واخوانك عليك يااارب
ويسعدك بالدنيا والاخره
ويعوضك خيير
متآبعه لك استمري

 

[Miis]

 

[جنراله]

اكملي اللهم اعنها على ماابتلاها يارب

 

[Ebtesama]

البارت الرابع

اخوي فهد رحمه الله عليه

ذكرت انه كان طيب وحبوب الوحيد اللي كان يساعدني تدرون مره تعبت بنتي وارتفعت حرارتها
وطلبت منه يوديني المستشفى وما يعلم امي عشان ما تسويها مشكله
سافر اخوي للشرقيه اخر ايام رمضان وحنا كنا في مكه وقبل العيد رجعنا وفي نفس اليوم بلغنا ان اخوي توفى الله يرحمه


بعد كل اللي كتبته خلوني اشرحلكم كل اللي صار معي
والله ما اكذب عليكم بأي شي

بعد طلاقي من ابو بنتي صرت اقوم الليل اصلي واطلب من ربي يعوضني تزوجت من واحد اشترط
اننا نعيش مع اهله بس يعلم الله وش شفت عند اهله

اول ايام زواجنا سافرنا للشرقيه ويا عيني ع هذيك السفره :schmoll:
قالت ام زوجي ترا البكر لها اسبوع والثيب لها 3 ايام :thumbdown:
ويوك بغينا نمشي راحت اخته وبنت اخته الثانيه معنا عشان نوديهم لأزواجهم بالشرقيه طبعا بالسياره
طبعا عشت ببيت اهله طول اليوم طبخ ونفخ والجلال ( حق الصلاه ) دايما علي ولا اعرف غرفتي الا اذا جا وقت النوم
كان معنا بالبيت ثنتين من حيم اخوانه بس الكلام ع الزوج انا زوجي كان سلبي جدا ومنساق ورا اهله
حتى ان غرفتي خالتي مسويه مفتاح ثاني لها وتفتش الغرفه اذا رحت لأهلي
زوجي كان راعي سهر وما اشوفه ابد
طول النهار اشتغل واستقبل ضيوف خالتي ام زوجي وهو دوام بالنهار وسهر بالليل
يعني صرت زي الشغاله
حملت وبعد الولاده ما زارتني خالتي عند اهلي وطلعت من النفاس ورجعت لبيت اهل زوجي
وكل ما رفعت سماعه التلفون تجلس ورا الباب تتسمع علي حتى طلبت من ولدها يحط جهاز تسجيل
وصارت مشاكل كثيره سببها خالتي لين صار الطلاق

بعدها رجعت للمقبره " بيت اهلي " رغم اني حاولت اصبر ع اهل زوجي واتحمل لين هو طردني من البيت بسبب كذب اهله علي وظلمهم لي وافترائهم علي
رحت لبيت اهلي وكنت شايله الهم والله اني تمنيت الموت قبل ارجع لاهلي بس مافيه مفر
ظليت سنه اخوي محمد ما يتكلم معي وامي والله سنه ما ترفع بنتي وصرت من المطبخ لغرفتي
اطبخ وانظف وارتب البيت حتى كلمه طيبه ما اسمعها منهم
واختي نوره الله يهديها كل ما زارتنا قعدت تملأ قلب امي علي وكنت اصلي بالليل لعل الله يجعل لي فرج من همومي

" بعد مرور اربع سنوـآت "

تزوجت من شخص مع اني كنت خايفه من الطلاق بس من كثر العذاب ببيت اهلي صرت ابي الطلعه بأي شكل
تزوجت واحد كبير في السن وعنده زوجه وعيال وللاسف كان متزوج للمتعه
بنتي الكبيره عاشت عند ابوها والصغيره معي
بعد 6 شهور من زواجي يالشخص هذا اكتشفت انه مسوي عمليه عشان ما يجيب اولاد بعده كذا عطاني الخيار اعيش معه او يطلقني وانا ماعندي الا بنتين وما عندي اولاد والزمن ما يطمن
واخواني اذوني في شبابي عاد اذا كبرت وانا ماعندي احد يداريني وش اسوي
وزياده ع كذا كل املاكه كاتبها بأسم زوجته الاولى خفت يروح عمري وانا ما طلعت بأولاد
ولا لقيت احد يضفني اذا كبرت طلبت الطلاق مع اني خايفه من المقبره اللي راح اروح لها
انا ماحب اذكر كل الظلم اللي شفته في حياتي من اخواني وامي واهل زوجي
استخرت الله ثم طلبت الطلاق

الحمدلله اللي كان مخفف الهم عني اني كنت اقوم لصلاه الليل واشكي همي لربي
بعد فتره رجعت لابو بنتي صحيح راعي سهر ومنساق دايم ورا اهله وطبعا تزوج وطلق مرتين بعد ما طلقني
بس قلت ارجعله واعيش انا وبنتي بع بعض بعيد عن اخواني لعل الله يرزقني اولاد ويعوضني
مع العلم ان ظروفه الماديه صعبه جدا

بعد فتره مرض ابوي ودخل المستشفى وكنت ازوره واقعد عنده طول الليل اقرا عليه القرآن
ثم اروح لام زوجي واقرا عليها القرآن بعد فتره توفى ابوي رحمه الله عليه
بعدها بدأت مشكلتنا مع الورث اللي لحد الان نعاني منها
وانا واختي فريده مطرودين من بيت امي عشان حنا اللي نطالب بحقوقنا من الورث
تصدقون اظن اني راح اموت وانا ماخذت ورثي من اخواني
طول عمري وانا اتمنى بيت ملك عشان أأمن غدر الحياه اهل زوجي ظلموني واهلي ظلموني
الله يفرج همي
الحين بنتي الكبيره بالكليه وبنتي الصغيره بالثنوي والحمدلله ربي رزقني اولاد صحيح الظروف الماديه صعبه بس الفرج عند ربي
الحين لي 5 شهور ما شفت امي بعد ما طردتني وانا طابت نفسي من زيارتها وظلمها لي ..

انتظروا البـآرت القـآدم

 

[Miis]

يالله ياربي

اول شي وش معنى الجمله ذي

قالت ام زوجي ترا البكر لها اسبوع والثيب لها 3 ايام

ثاني شي الله يعوضك باللي جاي وبعيالك ويفتح لك ابواب الرزق

الحمدلله رجعتي لابوبنتك بس العجيب

رجعتي تقرين على امه قرآآن هذا ان دل يدل على طيبه قلبك

وبرضوو تدورين حنان ام ولو كان بالكذب

الله يشرح خاطرك ويعوضك في بناتك

بغيت اسئلك سؤال

هل تعاملين بناتك مثل ماامك تعاملك؟

دعواتي الصادقه

 

[Ebtesama]

ام زوجي كانت تقصد بهذي الجمله ان السفره تكون 3 ايام بحكم اني ثيب يعني لا تاخذون راحتكم بمعنى اصح

آمين يـآرب الله يستجيب

بالنسبه لسؤالك
هل تعاملين بناتك مثل ماامك تعاملك؟
لا طبعا فيه فرق كبير واتمنى انهم ما يشوفون اللي شفته بحياتي
والله اني كل ليله ادعيلهم عسى الله يرزقهم باللي يخاف الله فيهم

مشكوره ع التواجد

 

[Miis]

اكملي ابتسامه

لاتقولين انتهى ؟.

 

[Ebtesama]

والله تحطمت كأني اكلم نفسي

محد متفاعل معي

 

[لمـى عمري]

ليه متاااااااااااااااااابعه معك ياقلبي

 

[الما حساسه سه]

والله اليوم كله ع الصفحه انتضرك بسسسسسسسسسسسسسسسرعه

 

[Miis]

محد متفاعل معي

وين رحنا

 

[اليوم المنتظر]

مووووووووووووووووووجودين ابتسامه الله يجعلك من المرتاحين المبسوطين
وماشاء الله ونصيحتي لك حتى لو امك طردتك اوصليها لو عشر دقايق..
الله يصلح حالكم يارب

 

[نبض الخواطر...]

اكملي عزيزتي انا اتابعك بصمت وانتظر قصتك بشغف الله يعينك

 

[Ebtesama]

مووووووووووووووووووجودين ابتسامه الله يجعلك من المرتاحين المبسوطين
وماشاء الله ونصيحتي لك حتى لو امك طردتك اوصليها لو عشر دقايق..
الله يصلح حالكم يارب

المشكله ما تدرين وش متهمتني فيه مطلعتني حراميه وهذي سالفه طويله
ذقت منها المر والغرابيل
حتى اني صرت اشك انها مرت ابو
الله لا يحللها من شي سوته معي

 

[Miis]

كملي ابتسامه معاك متابعين