عـــــآئلتي ..!

[هنـاء]

عزيزتي ابتسامه .. اكملي غاليتي وكلنا متابعين معك ..
لكن رجائي لك ان لاتدعيّ على والدتك فـ مهما يكن هي اُم ..
ولن يرضى الله بدعائك ..
اقول كلامي لخوفي عليك من غضب الله وعقوبة الدعاء ..


اتمنى ان يكون القادم افضل بأذن الله ..

كوني بخير ..

 

[NicE-GirL]

كملي حبيبتي الله يعينك على ما ابتلاك


وحبيبتي حرام عليك ما تحللين امك


لا ضاق صدرك

قولي لاحول ولا قوة إلا بالله أخشى عليك ان يكون عقوق بسبب دعوتك عليها


واصبري ان الله مع الصابرين ،، الله يسعدك دنيا وىخرة ويصبر قلبك ويريح كل انسان بكربة

 

[rawiah]

الله يعينك اختي ويصبر قلبك

واسال الله العلي الكريم ان يحنن قلب امك واخوانك عليك

واتمنى منك اختي العزيزه انك ماتتحسبين على امك ادري انها اذتك وجرحتك فوق اللازم
بس مهما يكون هذي امك ...........الله يهديها

اكملي انا متابعتك

 

[Miis]

كملي متابعينك

 

[فتووته]

..

الله يكون بعونك ويفرج كربك يالغاليـــه

 

[غــلآ روحي]

عزيزتي ابتسامه .. اكملي غاليتي وكلنا متابعين معك ..
لكن رجائي لك ان لاتدعيّ على والدتك فـ مهما يكن هي اُم ..
ولن يرضى الله بدعائك ..
اقول كلامي لخوفي عليك من غضب الله وعقوبة الدعاء ..


اتمنى ان يكون القادم افضل بأذن الله ..

كوني بخير ..

اختي فيه مثل يقول " اللي ياكل الضرب مو مثل اللي يعده "

يعني يا اخت هنـاء انتي ما عانيتي معاناه الاخت ابتسامه

وانا بمجرد قرائتي لقصتها تأثرت نفسيتي

اقول كيف فيه ام بهذا الشكل

وخاصه ان الاخت ابتسامه واضح عليها خوفها من الله وتقواها

وانا سمعت عن وحده دعت على ابوها وهو في فراش الموت لانه حرمها من الزواج

فيا اختي لا تحكمي ع الناس بنظرتك انتي ..

وما اقول الا الله يصبر قلبها

 

[لآ اله الى الله]

اخت هنآ الي ايده في المويه مو مثل الي يده با النآر يعني لو انتي محله < ويآليت تحطين نفسك محلهآ.. انا اقدر اقول مثلك لهآ حرآم وحرآم بس لجآ الصدق بتسوين اكثر اتمنى انكم ماتزيدونهآ عليهآ وقبل ماتكتبين شي تحطين نفسك محلهآ... اخت ابتسسسسآمه الله يعينك انتي واختك وكل مسلم ويصبركم وينآولكم مرآدكم
تقبلي مروري حبيبتي ننتظر التكمله​

 

[نبضات تحدي]

ابتسامة جعلك الله ترين الابتسامة دائما قصتك ابكتني كثيرا وتألمت لحالك والله العظيم عسى الله ان يفرجها عليك ويجعل كل ماعانيتيه سببا في دخولك الجنة اكملي قصتك فنحن متابعات لك

 

[rawiah]

يله ابتسامه وينك

وش جديدك الله يخفف عليك يارب

 

[Ebtesama]

اششكركن ع ارائكن وتعليقاتكن
بس اسمحولي ودي اتفرغ للعباده في رمضان
وبعد رمضان موعدنا
اذا كنت انا وياكن من الاحيـآء
اسأل الله ان يتقبل مني ومنكن الصيـآم والقيـآم وصـآلح الاعمـآل
ويجعلنـآ الله من المقبولين في هذا الشهر الفضيل
ولا تنسوون دعوـآتكم لي في ظهر الغيب

 

[نهايات الوله]

نحن بأنتظار التكمله اختي

 

[rawiah]

الله يعيننا على طاعته وحسن عبادته

لا اله الا انت سبحاااااااااااااانك اني كنت من الظالمين

 

[صيتا الصيت]

اللله يكووون بعوون المسلمين

والله يومياتك مشوووقه

 

[هتان نجد]

أخيتي ابتسامه
نتظرك بشوق
واعانك الله على طاعته
واصلح عائلتك لسراط المستقيم
ولاتتجاهلي دروس حياتك
لتطبيقها على ابناءك
ننتظرك اختااه

 

[صجة ولجة ودجة]

آلله يعينك خ ـيتو


متآبعه لك }~

 

[اليوم المنتظر]

والله محد مرتاح بس الحمد لله على كل حال

 

[واثقة بنفسي]

بعد قلبي اسال الله بان يتقبل طاعاتنا وعباداتنا في رمضان
وبانتظارك على احر من الجمر
وان شاء الله اتكون النهاية سعيده

 

[Ebtesama]

السلام عليكم

طولت عليكم اعذروني

بعد رمضان اللي توقفت فيه عن الكتابه ..
فكرت احج وكنت مشتاقه للحج ولمكه خاصه اني كنت احس الحرم بالنسبه لي مثل الاهل اللي اذا ضاقت الدنيا في الواحد يروح لهم من بعد الله ,
في ايام العشر من ذو الحجه تكون الاعمال الصالحه فيها مضاعفه قلت بروح اشوف امي قبل الحج يمكن اموت او يصير لي اي شي فـ اكون سويت الي بيني وبين ربي .
فعلا رحت لأمي واخذت معي هديه لها عباره عن عطر وقماش وجلابيه من الغاليات وشنطه راقيه ,
جلست معها شوي كانت تعبانه حتى انها تتكلم معي وكلامها مو واضح مره بس كنت مشتاقه لها مره ,
يوم رحت لها كانت اختي الكبيره عندها كنت اتمنى القى امي لحالها لاني مشتاقه اضمها واقبلها بس الشكوى لله .
بالرغم من قسوه امي علي الا اني استغرب من تصرفاتي اذا شفتها .
الموهم رحت لمكه وانا حاجه بعد عرفه يعني ليله العيد وانا نايمه شفت امي بالحلم وكانت جالسه في مطار وجمبها ذهب ومعها ولد في حضنها فهمت ان هذا الولد لي , قالت راح اصلح بيتي بهذا الذهب وانتهى الحلم .
عرفت من الحلم ان امي خلاص قربت منها المنيه بس ما قلت الحلم لاحد ولا تكلمت فيه ,
بدا التعب يزيد على امي ودخلت المستشفى بعدين طلعت منه لانهم ماقدروا يسوون لها شي بعدها دخلت مستشفى الحرس بالرياض كانت معها بطاقه من الحرس جتها عن طريق زوجي الاول لاني يوم كنت معه طلعت لها هذي البطاقه قبل ننفصل عن بعض ,
قعدت بالعنايه المركزه 10 ايام كنت اروح في الصباح والليل اقرا عليها الرقيه الشرعيه , بعد ما طلعت من العنايه حطوها في غرفه عاديه بالمستشفى في يوم رحت ازورها اول ما دخلت وجيت اجلس
قالت: انتي ليش جايه ..؟! جايه عشاني ..؟!
قلت : اجل ليش جايه اذا ما جيت عشانك !
قالت : لا انتي ما تحبيني !
طلعت من غرفتها وانا ابكي حسيت اني محطمه مع اني كنت اروح لها وهي في العنايه وكانت في غيبوبه بس والله كنت اجي واقرا عليها وهي ما تحس !
مر يومين بدون لا اروح بعدين رجعت ازورها ومره من المرات زرتها في الليل عشان اجلس معها لحالي خاصه اني مابي اشوف اخواني ,
قالت : ابي كوكتيل
قلت : ان شاء الله
وطلعت من المستشفى طبعا مستشفى الحرس في منطقه بعيده وما فيها مطاعم كانت الساعه 12 او 1 بالليل
قعدت ادور لها الكوكتيل وفعلا لقيته قعدت عند باب المطعم ربع ساعه عشان يسوونه بعدين رجعت لها
بالرغم من ان الزياره انتهت طلبت من الامن اني ادخل اشربها اكوكتيل بس واطلع
فعلا شربتها وطلعت كنت فرحاانه رغم اني تعبت وانا ادورها العصير بس حسيت اني سويت شي هي تبيه او تحبه .
بعد كم يوم طلعوها من المستشفى كانت حالتها سيئه جدا وتدهورت حالتها ورجعت للعنايه كنت ازورها يوميا مع العلم ان ظروفي صعبه جدا .
خاصه ان صاحب البيت اللي احنا فيه طالب منا نطلع لانه ايجار فـ كنا ندور بيت .
في يوم الخميس مريت على امي وهي في العنايه كانت تعبانه مره وفمها ينزف دم وقفت عند سريها وقعدت ادعي قلت يارب اني سامحت امي اللهم فرج لها وفرج لي ..
في ليله الجمعه وقبل الفجر توفت امي ..
صلينا عليها بعد صلاه الجمعه كانت بالنسبه لي مثل الجبل اللي ينهار جزء جزء حتى انتهت حياته ..
توقعت اني ما راح اتأثر بس للاسف تعبت وبكيت وحسيت ان فيه شي راح مني واكتشفت اني ما زلت احبها بالرغم من قسوتها علي .

للحياه بقيه انتظروني يومين وراح اكمل لكم
انتظر ردودكم

​

 

[لاجل عيونك]

قلت يارب اني سامحت امي اللهم فرج لها وفرج لي ..

ما اروع موقفك يا ابتسامه .. في مثل هذه المواقف يبان معادن الناس ..
وانتي ذهب بل اغلى من ذلك ..

الله يرحمها امك ويغفر لها ..

توقعت اني ما راح اتأثر بس للاسف تعبت وبكيت وحسيت ان فيه شي راح مني واكتشفت اني ما زلت احبها بالرغم من قسوتها علي

كلماتي تعجز الكلام .. كم انتي رائعه

 

[Ebtesama]

لأجل عيونك
اشكر مرورك العذب
كوني هنا دوما