مشكوره حبيبتي على كلامجشوفي يااختي الريال اذا جان طبعه جيه ترا بيتعبج وايد وراح يتم الشك يلاحقج طول حياتج من صوبه وما في ريال وما فيه هالطبع في هالزمن الا من رحم ربي واذا كل وحده رفضت تتزوج واحد عنده هالسوالف سواء كانت بسيطه او وايد ترا نص بناتنا ما راح يتزوجون واحنا الحريم طبعنا الغيره والشك وكل وحده فينا تحلم بريال ملتزم وما عنده خرابيط بس اقولج اياها يااختي ترا قليل بهالزمن تحصلين واحد جيه واذا هو يحبج ومتمسك فيج راح يجيج بروحه يعتذر منج وانتي يالغالي عليج تقومين بواجبج كأنثى اسحريه بانوثتج ومحافظتج على دينج وطاعة ربج وادعيله بالهدايه واطلبي ربج اذا هالزواج وهالزوج راح يعينج على امور دينج صدقيني الله راح يوفجج ان شاء الله واذا كان غير جيه الله راح يعوضج باللي احسن منه اخلاق ودين وصدقيني ياحبيبتي ترا الريايل ما ياخذون الوحده اللي تسوي وياهم هالسوالف يعني رسايل فيها صور اباحيه او كلام مب زين بالعكس يخلونها حق التسلي وبس واذا بغى يتزوج يدور ع اللي تحفظ بيته وعياله ونفسه وراح تكون هيه تاج راسه والمكان اللي يحس فيه بالامان
السموحه اني طولت عليج بس انصحج ياحبيبتي انج تطلبين ربج وتدعين له بالهدايه وتلحين فالدعاء وان شاء الله قبل الملجه راح يكون عندج الشي اللي يريحج باذن الله واتمنالج التوفيج
الله كريم ان شاءالله و انا قاعده ادعي ربي وايد علشان اعرف شنو مصيري ..