واخيرا الغربي وجد من يناقش شخصيته
يابنات انا اعاني من غربية زوجي
فهو حسااااااااااااااااس مره
ويزعل على اسباب تافهه
مشكلتي اني شرقيه النقيض لشخصيته
ماااااااات وهو يقول انتي ماتفهميني
الان هو مسافر وتاركنا بسبب عمله
كيف اتعامل معه وقت السفر
تخيلي عادي ما يدق ومايسأل
ويوم دقيت عليه وقلت وينك من زمان عنك ومسويه صوتي وكاني قلقانه وخايفه عليه
قال ليه تكلميني بصوت حزين ، وبعدين ليه التحقيق
فهم من صوتي اني زعلانه لانه ماكلم ومن اسئلتي اني احقق
ومشكلتي الكبرى انه يفسر المواقف على كيفه ويدخل في نيتي ويحكم على تصرفاتي من منظوره
تعبت معه مرررررررررررره
ساعدوني يابنات ارجوكم
مانبي شرح لشخصيته خلاص شخصيته معروفه
نبي طرق للتعامل معه
كيف نكسبه لصالحنا كيف نتعامل معه
مثلا الان وهو مسافر وش الافضل اطنشه وما اسال عنه والا ادوره وادقدق عليه
والله احترت فيه
عزيزتي أنا حاسه فيكي لأنك كنت مثلك قبل
من خلال حياتي مع الغربي عرفت إنه ما يحب النكد وما يحب حد يحسسه إنه السبب في حزنه
ما يحب الكلام اللي يبينله إنك خايفة عليه وقلقه !!!
مثلا إذا ما اتصل أو تأخر في الإتصال لا تقوليله ليش ما اتصلت أنا كنت خايفة عليك
بل الأحسن إنك مثلا تطرشيله مسج تسلمين عليه وبعدين قوليله توقعت أسمع صوتك اليوم وكملي وكإنك تكلمينه عن أحوالك مثل احنا بخير والحين مثلا في المكان الفلاني أو قاعدين نسوي كذا المهم إنه ما يحس إنك تلومينه أو إنك تجبرينه على الإتصال خليه يحس إنك مب زعلانه ولا عاتبه عليه وعايشه حياتك .
إذا اتصل كوني عادية بل فرفوشة وضحوكة إذا كان مزاجه يساعد ويشجع على ذلك لأنه يحب المرح والفرفشة وحتى إن كنت متضايقة لأنه ما اتصل لا تلومينه أبد امسكي نفسك.
بس ممكن بعد ما يرجع اختاري يوم يكون فيه هادئ بينيله إنك تحبي إنه لما يسافر يتصل فيكي أكثر فهذا يفرحك لأنك تفتقدي صوته وما تقوليله لأنك تخافي عليه وبعدين تقبلي رايه وما تعاندينه لأنه بيعاندك وممكن ما يتصل أبد أو يتصل من ورا خاطره.
هذا رأيي وإن شاء الله يناسبك. الله يوفقك حبيبتي
