محتاجتكم باقي لي خطوه

[رحيـــــل..]

السلام عليكم ورحمة الله وبركاته

ماراح تكون غريبه ولاهي جديده مشكلتي
لكن بعد متابعه بصمت من خلف الاسوار وبفضل الله ثم بفضلكم
تقدمت بخطوات كثــيره باقي خطوه وحيده الشيطان غالبني محتاجه وقفه منكم
تصحيني لاني بكل غبــاء اشتاق له تعودت على اني اكون معه في كل صباح
مااحبه لانه وسخ ..


همس العذاري.. تقنعتني الكلمه القويه الرادعه المغلفه بأسلوب عذب كما هي عادتك
لاتحرميني منها بجد بجد
احتاج لك

اعلامية طموحه .. احب غيرتك علي لاني مثل اختك اشوف فيك طوق النجاة من اللي أنا فيه
لاتحرميني من وقفتك معي محتااااااااااجه لك كثيـــر..

غالياتي اعرفكم كلكم وقريت لكم وشاركت في مشاكلكم
والحين بس تشجعت افتح قلبي لكم تنصحوني وحتى من هي جبانه مثلي تقتنع
بانه الحب لعبة ابليس في النت ..

راح ادخل في المشكلة ومايحتاج اذكر كيف كنت وكيف صرت
لكن بسردها بتفاصيلها ..

للأسف من اول دخولي للنت اتجهت للشات ماعرفت حاجه اسمها منتدى
وبأول دخولي تعرفت على واحد هو دلني على منتداه وسوا لي ايميل
وعلمني بكل شئ في النت من صغيره الى كبيــره ..

اكبر مني بسنتين لكن مايشتغل ولاحبيته من البدايه
كان يشوف فيني براءة الأطفال على كلامه ماقد شافها في بنات الشات ولا النت كله
لانه اول معرفتي فيه وهو يعلمني كيف اعمل الايميل وانا كنت غبيه حيل ماافتهم بسرعه
قلت يووووه وش كثر يتعب صار يضحك حيل
بعدها قال رده لي : بس أول مره وضحك ..!!
رديت بكل براءه لاني بجد ماكنت اعرف شئ : ليه كم مره بسوي
رد : مافهمتي وبرضو ضحك ..!!
قلت: لا مافهمت
طبعا انا تو اتذكر اول محادثه بينا ونواياه القذره للاسف
الذاكره اسعفتني متأخر ..

المهم دلني على منتداه وتركت الشات نهائياً بعد ماعرفت المنتديات
لاني كنت بعقلي والشات مضيعة وقت لااكثر ..,
المهم شاركت بالمنتدى كان يعتبرني مثل اخته على كلامه
وكان يعرف وش كثر انا بريئه بكل شئ
ويحترم كثيــر كلامي وعلاقتي معه محدوده وان كانت يوميا بالمسن لكن ماقد تجاوز الخط الاحمر معي طوال السنتين والنصف ..
كنت اشتكي له كثيــر لاني كنت مخطوبه لولد عمي من يوم كنت صغيره وكنت متعلقه فيه
تتسائلون وين المشكله ..؟!

بعد مانهارات احلامي من ولد عمي وصار مايبي يتزوج واهلي قالوا البنت
بتدخل 24 وهو ماخلص دراسه خلاص وبعدها انتهى كل شئ
تحطمت ..بكيت حب عذري كان يمنعني من كل خطأ
حفظت نفسي عشان ولد عمي عشان حبه هو لوحده وماكان يدري عني
ولاكنت المح لاحد باللي بقلبي وان كان واضح لاهلي وخالتي لما يجي طاريه ..,
كنت اصلي استخاره قبل حتى لايخطبني رسمي بس لاني ابي اصير مثل كل البنات احب حيبي وهويبادلني
ومن اتعب من شوقه والتفكير فيه اصلي لربي واستخير ان كان نصيبي يارب
حنن قلبه علي عشان ارتاح ومااعلق نفسي بوهم لانه كان واضح مايبيني بس خالتي الله يهديها ويسامحها :no::no:


ماعلينا من كل اللي راح ..

بعدها قريت عن الاستغفار وفضله وانا اعاني من الفراغ قلت خليني استغفر ربي حتى اتزوج مثل صديقاتي
دايم اصلي وابكي واستغفر ربي تقربت لربي كثيــر
بعد 10 ايام بالضبط لاني موقته عالتقويم (الموضوع اللي قريته قالت بعد 3 شهور بس الحمدلله ربي فضله اكبر ولا له توقيت ) انخطبت لولد عمتي لكن
اقل مني دراسه واخلاقه مو شئ مايحترم اهله ماراح يحترمني
ورفضته بعد محاوله منهم لمدة شهرين
وانا كنت مكمله الاستغفار ..
بعد آخر رفض ب7 ايام خطبني واحد ثاني استخرت وارتحت له كثيــر
واخلاقه تمام لكن ابوي رفض لانه اسمر..!! وضعت برفض ابوي ليتك ماضيعتني :no:

رحت اتشكى لهذا اللي بالمسن وماكان معي غيــره وهو يدري بهالشئ
قلت له كل شئ وكان مثل صديقتي دايم يحتويني احس انه يراعيني مثل خواته ويخاف علي
ولاعمره جاب سيرة شئ قليل ادب ولاحاجه
رحت وتعلقت فيه وبس خلص وهو يهديني ويقول لي ماتدرين وش ربي كاتب لك
انتي تستاهلين كل خيــر ورجال يصونك لانك صاينه نفسه ويحلف باللي خلقه مااقد شاف مثلي
ومحظوظ من كان من نضيبي لاني على نياتي ومن هالكلام
قال وربي اتمنى انك حبيبتي وانا اصلا احبك بس مثل اختي
رحت الغبيه انا قلت حتى انا احبك مثل اخوي << تضحكون على مين والناس نايميين خخخ

المهم صار يوم ثاني يتقرب اكثر صار يقول احبك اكثر
صار يهديني اغاني اكثر تركت الاستغفار <<لاحظوا

قلت له من البدايه وش نهاية حبنا ..؟!
قال ماادري بس احبك
قلت له حبنا معروف له الفراق مايحتاج ندخل انفسنا بمتاهه
قال بس احبك
صار يضغط علي اكثر ويعطيني كلام اكثر حنان اكبر هيام وعشق حتى انعمت عيوني
وكانت بداية النهايه:questionmark:



بكمل لااحد يرد

 

[رحيـــــل..]

بعد اول اسبوع كلام عشق وحب
كنت احفظه عشان ولد عمي عطيته حبيبي المزيف
وبكل مافيني من قوه اسقيه من شعري وكلامي الحلو عشان يحبني اكثر واكثر< مغفله بغباء
ماكنت اظن في يوم اتجرأ واقول هالكلام بس الحب وحلاوته صار فيه لساني عسل

بعدها سمعني صوته وحطيته بجوالي وصرت انام واصحى عليه
الشيطااااان اعماني وضيعني
بعدها بأسبوع جيت بيوم ماشفته 12 ساعه قلت له اشتقت لك كثــير اشتقت لاحبك منك
قال ياقلبي عليك والله ودي دايم اكون قربك ودي اسمعك هي دووم
عرفت قصده يبي يكلمني بس تجاهلته وقلت هذا انا اسمعها ياقلبي
بس الح علي وصرفته جيت يوم ثاني وصار يقول احتاجك ابيك ومن هالكلام حتى اقنعني
وطحت بالفخ وسهر عشانه مشتاق لصوتي
كلمته وانا ميته من الخوف من البرد كان يقول ياحياتي
عالبراءه والطفوله وهات ياكلام الحب وانا ساكته مو قادر الحرف يطلع مني
مستحيه ومنحرجه مع اني بالمسن ماتبقى كلمه مااقولها له ..

يكلمني مره بس في اليوم وفي غياب خواتي للمدارس
لاني الوحيده عاطله الوالده نايمه
اروح اكلمه اقفل غرفتي واعيش معه عالمي المظلم
كانت مكالمتي بالنهار طول هالفتره <<وش يغير خخ بس توضيح لكم

ثالث مكالمه بينا كشف قناعه ونهشني
صار يبوسني حتى صار اللي بينا جنس بين الزوج وزوجته
ماكنت ابادله بشئ بس كنت اتنفس بسرعه ومتفاجئه ومصدومه وهو مبسوط بكل نفس
لانه يثيره مع كلماته الوسخه وصرت لعبه يقلبني بين يديه
صرخت بعد ماحسيت نفسي عاهره بين يدين كذاب
وقفلت منه وصرت ابكي بحرقة قلب
ليش ماني رخيصه الحب اطهر اعذب كان على بالي كله كلام حب وخلاص
بس اللي صار جنس في وضح النهار ..!!

قمت اتحمم واحس نفسي اغسل وساخته لوثني
وابكي كرهت الاكل كرهت اهلي كرهت ابوي لانه لو مارفض كان تزوجت
وماجبت لهم العار وهم مايدرون كرهت نفسي لاني خنت ربي

ورجعت يوم ثاني وشفته بالمسن ينتظرني وبعد ساعه بس افكر خلاص بقطعه رجعت
اسولف له وانبسطت وهو يمدح صوتي وانا اقول احبك صوتك احلى
وجاء وقت الظهر وقال يلا اكلمك ورجعت وكلمته <<لاتسالون ليه
غبيه وحبت وش بيصير ..؟!

بعد كلام الحب في المكالمه قلت له
حبيبي الحين عادي يصير اللي امس بينا ..؟!
قال ايه كل اللي يحبون بعض لازم يبوسون بعض ويصير كل شئ
لانه يقربهم من بعض اكثر واكثر

ودخلت دوامه التوهاان ثاني وخضعت للعبته الجنسيه
علمني اقوله كل شئ بمسماه مع اني مااعرفه بالاصل بس علمني اياه
عشان يثيره وصرت فعلا اثار اكثر واكثر ..



تدرون كل هذا صار في ظرف شهر بس والمكالمات علي لانه طفرااان حده
طيحني على راسي ..؟!!

صرت بالشهر الثاني افكر بنفسي اكثر احتقر نفسي اكثر
اتقرب لربي اكثر ادعي بحرقة وبكاء يارب خلصني
اقراء سورة البقره كل يوم وبعد اكلمه <<اعصيه واتقرب له ادري بس الشيطان يلعب بس




توصلت في النهايــه اني اكذب كذبه تبعده عني
واتفاعل معه حتى يتركني بسلام
قلت له مخطوبه لولد عمي وخطبتي الاسبوع الجاي
زعل وعملت حالي زعلانه بس ابيه يتركني ابي ارتاح من العذاب اللي انا فيه

ووصلت معي اني تملكت وخلاص وتركته
شهر <<لاني اجهز للملكه المزعومه وبعد زعلانه عشان بفارقه


وتمت الخطبه على خير ههههه ورجعت له وانا متأثره حدي

رجعت قلت له خلاص انا مملكه الحين مايصير اخون زوجي
قال لا ااحنا بالمسن عادي مافيها خيانه خليك معي
لاجاء زواجك بتركك انا بنفسي
وبقيت معه وصار يقول لي كلام اكثر ويحبني اكثر
ويشدني اكثر يوم شافني بفارقه
وطلب مني اكلمه مره اخيره (طبعا مو مشتاق يبي يطفي قذارته فيني )
المشكله ادري بس وقت مايجيب طاري المكالمه الشيطان يعميني
وانا اللي اقوله يلا بكلمك :shutup::shutup::icon28::no::no:

 

[رحيـــــل..]

الوقت اللي تركته فيـه كنت استغفر ربي اكثر واكثر
وطول مكالمتي له بالشهرين استغفر ربي
وادعي واصلي واقرء سورة البقره بس ماادري هو ساحرني
من اكون معه اكون مخدره من كل شئ
وغبيه حيييل :dunno:

المهم في اسبوع فقط من قطعي للمكالمه جاني خطيب
وفرحت كثير ورحت ادعي ربي اكثر واشكره سبحانه
بس القهر اللي جآني طلعت نظره شرعيه لامه انا واختي الاصغر
لكن هو صار من عمري وقالت امه نبي الاصغر الثنتين مانبيها كبر ولدي:no::no:

تحطمتتتت حيييل
وقلت هذا من ربي لاني خنته استغفره وقطعته ورجعت كلمته


ألحيـــــــــن خلاص ضاقت فيني الدنيا
ماابي اغضب ربي ابي اعيش حياتي ابي ربي يرض علي
ليش اضيع ديني ودنياي لواحد يلعب فيني
ابي اتركه بدون ماارجع ابيكم تكرهوني بنفسي
اقسوا علي حتى اضحى من وهم الحب اللي يجذبني له
ابي يحترق شوقي الغبي عليه

تعباااااااااانه وربي تعباااااااااانه
ربي يكرمني واعصيييييييييه
الله يخليكم ساعدوني

ودي ارسل له على الايميل كلام قوي يحسسه بالذنب وحتى مايلعب ببراءة بنات غيري
ابي اكتب له (( ومن يتق الله يجعل له مخرجا ))
اذا اتقيت ربك بنفسك وتبت عليك بيرزقك بالوظيفه بدل بطاليتك بس اتركني
واستر علي وانتهينا ..

لانه هو يدخل من باب الدين وعامل نفسه ملتزم
قلت اجيه من نفس الباب بس احس اني العب مع شيطان بيحرقني بناره

ترى ادري انه كذاب مايحب واكرهه من قلب من قال ابي ابوس صدرك
وانا صحيت على نفسي بعد ماطحت بحفره عميقه
وللحين مو عارفه ابعد نهائي وهذا اللي ابيكم تساعدوني فيه <<مع انه مايعرف عني شئ ولايقدر يهددني بشئ بس الغباء اللي فيني خايفه على سمعتي بمنتداه لاني جداً محترمه هناك مااكلم رجال والبنات يحترموني
كثــير وهو يعرف هالبنات ماابيه يشوه سمعتي عندهم :questionmark::questionmark:



العلاقه عمرها 3 شهور ودي اطهر نفسي منها
ساعدوني ابعدوني وادعولي بالثبات..

 

[عذبة الروح1]

اختي والله انج نفس حالتي بالضبط انا متملكه وزواجي اقل من شهر ورجعت للي كنت اعرفه قبل الزواج بس مسجات

صدقيني شكلنا نحن عاطفيتات بزياده واي كلمة تاثر فينا

والي قاهرني زوج المستقبل بالمره مايقول كلام حلو ولا هو رومانسي

وانا احب الرومانسيه

الظاهر الزواج مجرد عيال وزوج بالاسم وبس والرومانسيه مربوطه بالغلط والعياذ بالله

مع اني احاول قد ماقدر اني اجاده نفسي الي تركض ورا وهم اسمه رومانسيه وحب

 

[اعلامية طموحة]

الظاهر الزواج مجرد عيال وزوج بالاسم وبس والرومانسيه مربوطه بالغلط والعياذ بالله

اسمحيلي عذبة انا برد عليج اول شي

ماشي حب اجمل واطهر وألذ من الحب الحلال .. والرومانسية عرفوها الناس من الزواج وانتقلت للعلاقات وليس العكس

روحي قسم الزوج والزواج وشوفي الأفكار والحركات اللي يعملنها المتزوجات .. لا وأبشرك لما تسعد زوجها لها أجر وثواب من رب العالمين.. وتحصل زوجها طاير فيها طول اليوم .. وهالشي يعطيها دافع في حياتها كلها .. شفتي احلى من كذا ..

لكن انتي لانك لسه ماصحيتي من سكرة الحب الحرام ومن تأثير هرموناته تقولي هالكلام ... والشيطان جالس يعزز في نفسك هالقناعة .. واذا ماتلاحقتي نفسك يا عذبة الروح بتنتهي حياتك نهاية وخيمة .. وبتحصلي نفسك من النساء المتزوجات اللي يركضن خلف الشباب

انصحك انك تقري مقال الاستاذة ناعمة "الحب قبل الزواج مالح كالبحر"

ولحقي على نفسك .. لان هالحالة النفسية اللي انتي فيها خطيرة

وفي معلومة .. معروف ان السنوات الأولى من الزواج هي أصعب سنوات العمر .. لكن بعد مرور 5 سنوات على الأقل من الزواج يبدأ التناغم بين الزوجين في حياتهم الخاصة .. وكل ما مرت السنوات احلوت العشرة:in_love:​

 

[عذبة الروح1]

اعلاميه طموحه

وربي احاول قد ماقدر

واتقرب من الله وادعي دايما انه يالف بيني وبين زوجي

يمكن لو كان ماعندي اي سوابق كنت بقتنع بنصيبي

وبصراحه في شي شاغل بالي لو ربي يريح بالي من هالشي انا ناذره نذر اني مارجع للغلط

لاني بصراحه ضميري مو مرتاح لان الوحده لازم تعف زوجها وتحافظ على عرضه

ياااااارب استرني فوق الارض وتحت الارض ويوم العرض

 

[اعلامية طموحة]

ماراح تكون غريبه ولاهي جديده مشكلتي
لكن بعد متابعه بصمت من خلف الاسوار وبفضل الله ثم بفضلكم
تقدمت بخطوات كثــيره باقي خطوه وحيده الشيطان غالبني محتاجه وقفه منكم
تصحيني لاني بكل غبــاء اشتاق له تعودت على اني اكون معه في كل صباح
مااحبه لانه وسخ

اختي رحيل .. انا في البداية احمد لله حمد يليق بجلال جهه وعظيم سلطانه على عدة امور

اولها انك استفدتي من قسمنا

ثانيها انك تخلصتي من هالانسان (اسأل الله ان يهديه)

ثالثها ان ربي هداك انك تستشيرينا في الخطوة الاخيرة وهي الخطوة السهلة الممتنعه

شوفي يالغلا

هالخطوة اللي انتي تتكلمي عنها هي جهاد أعظم وهو جهاد النفس

اريدك تصبي تفكيرك في مصب واحد علشان ماتتوهي وتحصلي نتيجة

اعلمي ان اللي تمري منه من وساوس الشيطان

انتي لما تكمي الشاب يصير عندك تركيز ع شيئين الاشياء اللي تحبيها اللي الحب والعاطفة .. والاشياء اللي تكرهيها اللي هي الجنس وخرابيه

طبعا كلنا نعرف ان الشيطان يجري منا مجرى الجسد وهالكلام كلام نبينا اللي ماينطق عن الهوا

طيب لو جينا نفكر فيها شو معنى ان في مجرى الدم .. معناها يعرف نقاط قوتنا ونقاط ضعفنا

طيب كلنا نعرف ان كيد الشيطان ضعيف بس كيف

انا لما فكرت فيها استنتجت ان معنى ان كيد الشيطان ضعيف بأن الشيطان مايجيب شي من عنده

كل شي من عندي انا هو يلعب بنقاط ضعفي انا .. من خلال وجوده مجازيا او فعليا في مجاري دمنا يقدر انه يولج لنقاط معينة في ادمغتنا ويحرك بعض نقاط الضعف

لكن كلنا نعرف ان الشيطان ماله سلطان علينا

فهل لو انا طردته شر طرده باليقين بالله تعالى وحسن العبادة وان انور جوفي بالقران (لان الشيطان يحب القلوب المظلمه ومايعيش في النور)

هل لو انا نورت قلبي بيذهب الشيطان؟ الاجابة نعم

طيب هل بيذهب للأبد .. لا لأن محد معصوم من الغلط .. تارة الغلط من النفس وتارة من الشيطان

بس الانسان يتعب من المعصية وربنا ما يتعب من التوبة على العبد والمغفرة له

انا بفصصلك شو يقولك الشيطان .. هو يوسوسلك بأن لو فلان كلمني كان سمعت كلام حب حلو .. طيب تذكري ان فلان هذا يقول الكلام تمهيدا لكلام ثاني .. واذا على كلام الحب حتى الهندي يقدر يقولك كلام حب وشو يعني كلام الحب .. اذا ماكان في بيئة نظيفة بالحلال يطلع لاهداف شريفة .. يكون حالة حال الزبالة يالغلا فلا تشتاقيله

الشيطان يقولك ان لو ابوي وافق كاان اناا الحين متزوجه ومرتاحه.. ومن قال ياختي .. ياما بنات افترقوا ومن غير سبب بعد الشوفه وحد بعد الملكة!!

حبيبتي زوجك مكتوب لك في اللوح المحفوظ قبل ما ينخلق ابونا ادم .. فلا تتحسري على اللي راح هذاك مش نصيبك انتي نصيبك غير وهو نصيبه غير هالكلام مافيه نقاااااش هالكلام اختميه في عقلك

دام ماشي يمنع زواجي .. انا بنت ناس .. مافيني عيوب .. سمعتي طيبه .. خلاص بتزوج بتوفيق من الله .. سواء باجر او بعد سنه بتزوج دام ربي كاتب المسألة مسألة وقت .. وقولي في بالك انا بدل ما اجلس اندب حظي وازعل بستثمر هذا الوقت في الدعاء والاستغفار .. أكيد مليون بالمية ربي اختصني بهذا الأجر فليش اضيعه ربي يريدلي هالأجر ليش اضيعه

في بنات يتزوجن بس مادعوا ربهم بالزواج .. أو الذرية ..هذي ربها ما كاتب لها .ز بس انتي لا ربي ومن بين كل البنات ربي كاتب لك هالأجر .. للصبر والعفة وتحصين الفرج واجمل عبادة عبادة الدعاء .. كل هذا خير خير خييييير اجنيه ولا تهتمي ... والزوج جاي في الطريج لا تحاتي

واذا وصل امسكيه من أذنه وقوليله اخر مره تتأخر علي

اتمنى ان كلامي يوصل لقلبك وينيره ..

 

[اعلامية طموحة]

اعلاميه طموحه

وربي احاول قد ماقدر

واتقرب من الله وادعي دايما انه يالف بيني وبين زوجي

يمكن لو كان ماعندي اي سوابق كنت بقتنع بنصيبي

وبصراحه في شي شاغل بالي لو ربي يريح بالي من هالشي انا ناذره نذر اني مارجع للغلط

لاني بصراحه ضميري مو مرتاح لان الوحده لازم تعف زوجها وتحافظ على عرضه

ياااااارب استرني فوق الارض وتحت الارض ويوم العرض

وليش تحكري طاعتك لله بشي ربي يحققلك اياه ؟

استغفري ياختي من هالكلام .. لان كأنك تقولي لنفسك وحده بوحده لو ربي حقق هالشي انا بترك الغلط

الهداية من الله تعالى ومن يضلل الله فلا هادي له .. ولا يغير الله ما بقوم حتى يغيروا ما بأنفسهم

قولي اللهم تركت هذا الشئ لوجهك الكريم .. فارضى عني .. وانر صدري وبصيرتي .. وارزقني من اليقين ما تهون به علي مصاعب الدنيا

اختي عاااااندي نفسك .. وكسري راس نفسك وذلي نفسك جدام خالقك

ذلي هالنفس اللي تبي تعصي ربها .. واستسلمي لله تعالى هذا جوهر الاسلام

صارعي علشان تنجي من مهالك الدنيا والآخرة

الله ينور صدرك باليقين .. اللهم آمين​

 

[كالماء]

تذكري دائما الطيبون للطيبات والخبيثون للخبيثات
خليك طيبه طاهره عشان يجيك طيب طاهر
لاتخلي لذة ساعات تحرمك لذة سنوات

بعدين لما الواحد يكبر ويتذكر شريط حياته ماوده يشوف فيه نقطة سوداء وده يكون كل شريط حياته ابيض صح؟

عزيزتي من ترك شيئا لله عوضة الله خيرا منه هذا وعد من الله اتركيه وربي يعوضك واحد يشبعك حب وحنان وانت جربتي كرم رب العالمين
وانت تقولين انك تقفلين غرفتك لما تكلميه ليه؟ لانك تبغين تضمنين ان مااحد من البشر يشوفك فكيف يكون الله اهون الناظرين اليك

من قلبي ادعي الله انه يخلصك منه

 

[السَحر]

اهلين حبيبتي بس حبيت اذكرك بزوجك الللي كل وقتك تنتظرينة
هل تررضين انه يكون متعرف على وحدة قبلك ومسوي معاها كل اللي سواه هالنذل معاك
فكما تدين تدان وفكري باليوم اللي بتواجهين فيه رب العالمين اذا سألك عن السبب اللي
خلاك تعصينة عشانه وش بيكون ردك!!
وياليت تفكرين بنقسك لانها اغلى عليك من اي شخص

ونصيحة كل ماحسيتي انك ممكن ترجعين علاقتك فيه ياليت تفتحين هالمنتدى وتشوفين اللي يحبونك وشلون بيمنعونك ان شاء الله

والله يثبتك

 

[FloOowers]

بما انك بدأتي اولى خطواتك الصحيحه وهي العزم على التوبة
اعتقد ان الخطوة الثانيه راح تكون اسهل وهي التنفيذ

شوفي يا اختي, انا مرة قلت اني ما عمري خضت اي تجربة "حــب" ولله الحمد
بالرغم ان عمري 25 سنه عشان كدا مــا اقدر احكم على مشاعرك!! بس اقدر احكم على
حكمتك ونضجك الكافي بمعرفة الصح من الخطأ.. خصوصا انك بدأتي تعرفي غلطك وحابه انك تتغيري للافضل

بإختصار ياعزيزتي: انا متأكدة انك لو راقبتي الله في كل صغيرة وكبيرة راح تقدري ويكون من السهــــــــل عليك ان شاء الله انك:
​

1: تقطعي اتصالاتك به نهائيــا
2: تقطعي مشاركتك بالمنتدى حتى لا تضعفي مره اخرى
3: تحذفيـــه تماما من ايميلك​

وتذكري انك غاااااليـــــــة وان " الحب لا يأتي الا بعــــــد الزوااج"
تماما كما قالت لي (اعلاميــه طموحه):icon30:

والله يثبتك على الصوووووااااب
​

 

[ارووج]

الشيطان هو اللي يبيك تقربين له خلاص اذا انتي صادقه مع نفسكـ وخايفه من ربك حطي ربك بين عيونك لاتفكرين فيه اقطعي علاقتك فيه من غير مبررات لان مهما تبررين راح يقنعك ولانه بيقنعك ويخليك تتمسكين فيه بالكلام الحلو والحب والرومانسيه هذا المنفذ لدخول عالمك لانهم يعرفون ان البنات يحبون هالشغلات انهيها وخلاص هذي حياتك وانتي اخترتي الصح...
واحمدي ربك واشكريه بكل ثانيه انه مايعرف عنك شيء والمنتدى غيريه ولاتدخلين عشان ماتشوفين شيء يضايقك وعشان ماتذكرينه امسحيه من مفضلتك والمنتدى بداله الف منتدى...

الله معكـــ والله يحب التوابين ويحب المتطهرين ...

 

[Ms.RoZa]

الحب / إذا ذهب بعضه هـآن كلــه .. !


وإنتي ربك حبك وساعدك كثير ع الخلاص من هالشخص بداية بإشمئزازك من تصرفاته
حتى بـ خطابك الي ماتقدمو لك إلا لما عزمتي الخلاص منه , وكأن ربك بيقولك قد ماتعملي خير بتحصدينه
وقد ماتعملي شر بتطيحين فيه ..


انتي تعيشين بـ فتره إستثنائيه وقصيره جدا من التعب والإحساس بالضعف لكن ثقي جيدآ
بإنه خلال فتره وجيزه وقريبا ً جدا ً سـ تضحكين كثيرآ ..


والحمدلله الف مره على ان ذالك الحقير لم يطول منك سوى القليل من الوقت والمشاعر ,
والحمدلله انه لم يطول شيء آخر واغلا ..


اخرجي تلك البريئه التي بداخلك من جديد واعتبري ان ماحدث لك ليس سوى موقف تافه
يتنافى مع طبيعتك واخلاقك وتربيتك وتم الإنتهاء منه ,

فكل ما أفتقديه من ذاك المريض أعلمي جيدآ بإنك ستنالين اضعاااااافه

أولم تعلمي بإن من ترك شيئا ً لله عوضه الله خيرا ً منه ؟!


وماذا افضل واطهر واجمل من ذالك ,, إنه الزواج ياعزيزتي ,, اعملي بإحتساب الأجر في كل تصرفاتك ..
أستغفري واقري القرآن [بنيـــــــة الزوااااااج ] .. وكرري اللهم اغنني بحلالك عن حرامك وبفضلك عما ً سواك


ادعي الله دائما ً وستتلذذين حتما ً بمعيـة الله لك ِوحينما فقط ستشعرين ان الله معك ستطلبين منه كل مافي نفسك
وبإخلاصك لن يرد لك حبيبك العظيم طلبا ً كيفما كان وكبر ..


اسأل الله لك الستر والهدايه وان يجنبك الشيطان والفتن ماظهر منها وما بطن وجميع بنات المسلمين

 

[عذبة الروح1]

وليش تحكري طاعتك لله بشي ربي يحققلك اياه ؟​

استغفري ياختي من هالكلام .. لان كأنك تقولي لنفسك وحده بوحده لو ربي حقق هالشي انا بترك الغلط​

الهداية من الله تعالى ومن يضلل الله فلا هادي له .. ولا يغير الله ما بقوم حتى يغيروا ما بأنفسهم​

قولي اللهم تركت هذا الشئ لوجهك الكريم .. فارضى عني .. وانر صدري وبصيرتي .. وارزقني من اليقين ما تهون به علي مصاعب الدنيا​

اختي عاااااندي نفسك .. وكسري راس نفسك وذلي نفسك جدام خالقك​

ذلي هالنفس اللي تبي تعصي ربها .. واستسلمي لله تعالى هذا جوهر الاسلام​

صارعي علشان تنجي من مهالك الدنيا والآخرة​

الله ينور صدرك باليقين .. اللهم آمين

​

استغفر الله استغفر الله استغفر الله

وتسلمين الغاليه على الدعوه الطيبه
لج بالمثل باذن الله
وربي يوفقك ويسهل لك كل ماتتمنين

 

[المداوية بسيفها]

اختي الغالية، والله اني اقرا اللي تكتبينه واحس اني اقرا قصة

من حياتي، والله هالصبيااان لاعب فيهم ابليس اعوذ بالله منه

اسأل رب العالمين الهداية لهم والمغفرة وان ييسر لهم ولنا طريق

الهداية ،، وبالعكس لا تحاولين تدعين عليه او شي ثاني

ترا هو هم مبتلي ...

نرجع لج يالغالية، شووفي حطي في بالج انج تضيعين وقتج معاه

انتي اللي قاعدة تعشينه فراغ عاطفي واغلب اللي حولج قاعدين

ينخطبون ويتزوجون وانتي قاعدة وتشووفين القصص وكلام البنات

فكل هاي الامور تأثر فيج ياعمري فتخليج ترجعين له

لانه ودج تعيشين هالحب والغرام والدفئ لكن في شي

بداخلج ابيض ناصع ايمانج قووي هو اللي منبه ضميرج ومتعبج ..

اللي عليج ياقلبي انج تتوجهين لربج بقلب صادق وتكونين صادقة

مع ربج في كل خطوة تسوينها، اقري مووضوع عيشي كأنك

متزوجة تتزوجين قريبا ان شاء الله ( مو متذكرة العنوان عدل ):nosweat:

بس اقريه يشجع ونفع وياي انا شخصيا ترا والله ماراح ينفعنا شي

دائما حطي في بالج ان زوجج نصيبج مايستاااهل انه تخونينه ولازم

تحتفظين بالحب والحنان والغرام وكل شبر بجسمج له مو لغيره

رقمج غيريه اذا قدرتي، او اذا اتصل لا تردين عليه، المسن مالج غيريه كله

على بعضه المنتدا اللي كنتي فيه ويااه قطعيه ولا تردينه بعدي

عن اي طريق يرد لج له ...

سوي لج شي في البيت تعلمي الطبخ قعدي حفظي القرآن سوي لج برنامج

لا تقعدين هلون لانه الشيطان يدخل لج من كل باب...

وابيج تسووين اللي ننصحج فيه وننتظر منج موضوع ثااني يبرد قلبنا

يااارب اسألك ان تستر عليها وتزيل الغمامة من على عيونها

وترزقها الرجل الصالح وبنات المؤمنين والمؤمنات..

تقبلي مروري

المـ بسيفها ــداوية​

 

[ميميته]

في بنات يتزوجن بس مادعوا ربهم بالزواج .. أو الذرية ..هذي ربها ما كاتب لها .ز بس انتي لا ربي ومن بين كل البنات ربي كاتب لك هالأجر .. للصبر والعفة وتحصين الفرج واجمل عبادة عبادة الدعاء .. كل هذا خير خير خييييير اجنيه ولا تهتمي ... والزوج جاي في الطريج لا تحاتي

استوقفتني هذه الكلمات
جزاكي الله خيرا نبهتيني لشي مقنع يجمعلني اشعر بالرضا في تأخر الزواج
دام فيها الاجر يا رب بصبر


اختي رحييل كوني قوية ارجوكي و دائما اعيدي قرائة الردود من شأنها تقويتك اكثر و اكثر
انتي انسانة عفيفة نقية و تستحقين انسان يضعك فوق رأسه تاجا
و الله يهيدكي و يهدينا وياك و يستر علينا

 

[كالماء]

والله ياقلبي باين من كلامك انك بنت ناس ومتربية أحسن تربية وتعرفين ربك زين وأهلك ماقصروا معاك
ولو ماكنت بريئة وحبوبة ماكان يقدر يستغلك هالجشع

حرام تشوهين كل هالصفات الحلوة
هذا الشخص اقل من مستواك أخلاقيا ودينيا فليه تنزلين نفسك له باسم الحب ؟؟
الحب برئ من كل أفعاله

انت الان في وسط دوامة وكل ما تحاولين تبعدين تنجرفين مره ثانيه ابعدي عنه والله كلها شهر و رح تستغربين كيف كنتي مستمره معاه لأنك رحت تشوفين الامور بعقل

عموما طمنيني عليك

واتشرف بصداقتك

 

[محرومه من زوجي]

(الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ )
(وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكاً وَنَحْشُرُهُ يَوْمَ الْقِيَامَةِ أَعْمَى. قَالَ رَبِّ لِمَ حَشَرْتَنِي أَعْمَى وَقَدْ كُنْتُ بَصِيراً. قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنْسَى﴾

عليك بالتوبه النصوح أخيه قبل أن يطرق بابك ملك الموت..
ولترك المعصيه عليك..
1- الدعاء .. وهو أعظم دواء , وأنفع علاج لكل بلاء .. يا أيها التائب ..
يا أيتها التائبة يامن يريد ترك الذنوب ..ارفع يديك إلى الذي يسمع الدعاء ويكشف البلاء ...
لعل الله أن يرى صدقك ودموعك وتضرعك فيعينك ويمنحك القوة على ترك الذنوب قال تعالى :
( وقال ربكم أدعوني استجب لكم )
وقال ( أمن يجيب المضطر إذا دعاه )
2- المجاهدة... لا تظن أن ترك المعصية يكون بين يوم وليلة ..
إن ذلك يحتاج إلى مجاهدة وصبر ومصابرة ,
ولكن اعلم أن المجاهدة دليل على صدقك في ترك الذنوب وربنا تبارك وتعالى يقول :
( والذين جاهدوا فينا لنهدينهم سبلنا وإن الله لمع المحسنين ) .
3- معرفة عواقب المعصية ونتائجها...
إنك كلما تفكرت في النتائج المترتبة على الذنوب فإنك حينها تستطيع تركها ..
فمن عواقب الذنوب ( الهم والغم والحزن والاكتئاب والضيق والوحشة بينك وبين الله وغيرها من عواقب الذنوب )
6- تذكر فجأة الموت,( كل نفس ذائقة الموت )
(وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلاً يَا وَيْلَتِي لَيْتَنِي لَمْ أَتَّخِذْ فُلانًا خَلِيلاً لَقَدْ أَضَلَّنِي عَنْ الذِّكْرِ بَعْدَ إِذْ جَاءَنِي وَكَانَ الشَّيْطَانُ لِلإِنسَانِ خَذُولاً)
(يَوْمَئِذٍ تُعْرَضُونَ لَا تَخْفَى مِنكُمْ خَافِيَةٌ)

 

[يارب افرج همي]

اللهم استرهااا فوق الارض وتحت الارض ويـــوم العــــــــــــرض

 

[Ms Uae]

الله يستر عليج

الغي ايميلك القديم .. علشان لو مسحتيه يمكن يضيفك مرة ثانية ويجيك الشيطان

اتركي المنتدى ولو شوه صورتك جدام البنات..على الاقل البنات اللي هناك ما يعرفونج

توكلي على الله والله ييسر الأمور ويفرجها