محتاجتكم باقي لي خطوه

[رحيـــــل..]

اختي والله انج نفس حالتي بالضبط انا متملكه وزواجي اقل من شهر ورجعت للي كنت اعرفه قبل الزواج بس مسجات

صدقيني شكلنا نحن عاطفيتات بزياده واي كلمة تاثر فينا

والي قاهرني زوج المستقبل بالمره مايقول كلام حلو ولا هو رومانسي

وانا احب الرومانسيه

الظاهر الزواج مجرد عيال وزوج بالاسم وبس والرومانسيه مربوطه بالغلط والعياذ بالله

مع اني احاول قد ماقدر اني اجاده نفسي الي تركض ورا وهم اسمه رومانسيه وحب

ياقلبي انتي
صح تأخرت بالد عليك بس بالآخر رجعت ..,

ماراح اسوي مثلك واذكر حالتي لانها بتكسر مجاديفي في التوبه
انا ماالومك يالغاليه بالعكس حلو انك تغلبتي على نفسك وكتبتي مشكلتك
معي لانك لقيتي وحده مثل تصرفك غلطتك مثل انتي
وهذا عادة البشر مافيه احد معصوم
بس أكبر خطأ يخليك في دوامه ماتقدرين تطلعين منها
انك تحصرين نفسك في لب الخطأ
ساعدي نفسك أكثر قوي ثقتك بنفسك اولاً
وبعدها قولي أقدر اترك فلان لانه حلالي معي وربي بيعوضني خير
مثل ماقال تعالى (( من ترك شيئاً لله عوضه الله خيراً منه ))
تذكري انه سبحانه مايخلف ميعاده وراح ينفذه لك ويعوضك
ويطلق لسان زوجك ويقذف محبتك في قلبه ويغرقك بالرومانسيه
يمكن يكون هو خجلان ومحتاج منك شوية دف حاولي
لاتقولين حاولت وتعبت وفشلت لاااا
لانه الفشل هو تجارب قولي جربت وبكرر التجارب
حتى توصلين للهدف وتعيشين انتي وزوجك بتبات وتخلفين صبيان وبنات :nosweat::in_love:
العيب مو في زوجك في نفسيتك انتي غيرها وصدقيني بترتاحين طول حياتك..,

ربي يغنيك عن حرامه بحلاله
موفقه ياقلبي ..,

 

[رحيـــــل..]

خواتي الغاليات أحبـكم وربي أحبــكم في الله
وربي يجمعنا تحت ظله منعمين في جنة الخلد .., اللهم آميــن

ربي يجزاكم عني ألف خيــر
ويسعدكم ويرزقكم من واسع فضله..,

ابشركم بفضل الله ثم بفضلكم تجاوزت المحنه
وألحين صار لي 10 ايام من تركته
لاندمانه ولا مشتاقه
لكن اعتذر لنفسي اللي ضيعتها بالضيق والنكد والكآبه بسبب المعصيه ..,

تركته قبل يومين من كتابة موضوعي وعزمت على التوبه في اليوم الثالث
بردودكم مباشره..,

صح تعبت اول ايام بكيت كثيــر
وانا اشوفه يدخل مسن مااقدر اكلمه ((طبعاً من نويت التوبه والشيطان يردني كان لي شهر وسويت لي ايميل ثاني ومابقى الا هو وحده في الايميل الثاني ))
بس كنت أتذكر كلامكم أكثر وكنت أنشد لكم واطيعكم بكل حواسي

كانت تترد في قلبي هالكلمات
*جاهدي نفسك
*ربي مايتعب من مغفرة العبد <<كانت اكبر حافز لي للتوبه لاني كنت استحي ربي ادعي له واعصيه لكن بالعكس سمعت العوضي يقول بمحاضره برضو
حتى وانت تعصيه صلي وادعي لانه الصلاه تنهي عن الفحشاء والمنكر وراح توصل للتوبه
وهذا مثل كلامك الغاليه اعلاميه :icon31:
*ذلي نفسك اللي تبي تعصيه ذليهاا
*الدعاء اجمل عباده وربي اختارك يااااه ماتتخيلون وش حلاة اللذه اللي احس فيها
يوم اخلص الدعاء
ابتسم غصب عني وربي لاني ذقت حلاوتها أخيراً
كنت ادعي من يوم تعرفت وحسيت نفسي طحت بحفره بس الحين صرت استشعر حلاوة الدعاء ومعية الله كثيييير كثييير <<كنت اتمنى احصل عليها وربي حباني ولله الحمد:icon26::icon26:
* لاتجعلي الله أهون الناظرين إليــك..
* ردود كم خواتي كانت تساعدني على المجاهده
اقوى فيها ولله الحمد ..ربي يسعدكم ويحفظكم من كل سوء ويحقق أمآلكم :in_love:

المهم كان من يدخل عالمسن
يدق قلبي بسرعه وكل شوي افتح المحادثه <<طبعاً مااخذ مني هالشعور الا يومين وبعدها صار بااارد جدا
كلامكم وخوفي من ربي لانه سترني وانا باقي ابي اعصييه يمنعني
واقول الحمدلله انه تركني بدون تجريح ولا صور ولا تهديد
وكل هذا بفضل ربي لاني كنت ادعوه الستر وانا على المعصيه وسترني
ونفسي الاماره بالسوء ماتستحي من ربي تبي تعصيه
يوم اتذكر كلامه لانه هالشئ يبي يدفعني للعاده السريه
استغفر ربي واقول سبحان الله والحمدلله والله أكبر
والف عن الوجه اللي كنت عليه وانا افكر بذاك الشئ
واشوف نفسي تصد خلاص ماعاد ترجع للتفكير واحس بهذا كثير
واحمد ربي أكثــر..

والحين بفضل الله ووقفته معي ثم بفضلكم ((اعلامية طموحه وهمس العذارى ))
وبفضل خواتي هنا
ماعاد يجيني الاحساس دقة القلب لادخل وانسااه كثير ولااعاد فتحت المسن بعد
لاني ماابي اكون مثل الزباله- الله يكرمكم - مجرد تسليه للتفريغ
ضحكت من قلب مثل ماقالت همس العذارى على نفسي اللي كانت غبيه
الضعيفه قدام كلمة حب طلعت من طرف لسانه مو من قلبه وبعد تشتاق له وش هذا يااه :schmoll:


لجأت للكتابة وكتبت كل هالكلمات اللي نقطتها لكم
وضعتها لي حتى تتم خطوتي بكل نجاح
وصارت بين عيوني
لذاك وصلت للي ابيه ولله الحمد
ارضيت ربي اولاً وارضيت نفسي ثانياً
وحصلت على راحة البال واستشعار معية الله اللي ماكنت احس فيها قبل بصراحه
كنت اتمناها كثير بس مااستشعرها لكن الحين لااا ..

ممكن يكون للتفكير الايجابي المؤدي لليقين بالله اللي جالسه اقرا عنه دور
فأصبحت اردد في الوضوء بيني وبين نفسي اني اتطهر لاني بكون بين يدي الرحمن
واثناء قيام الليل في الوضوء اردد انه ربي سبحانه نزل لسماء الدنيا عشاني
وينتظرني فهو القائل سبحانه من يدعوني فأستجيب له ..ومن يسألني فاعطيه ..ومن يستغفرني فأغفر له ).. وانا ابي يستجاب لي وابي اساله المغفره والتوبه ليعطيني سبحانه

اللهم لك الحمد ماأعظمك
ولك الحمد ماأكرمك
ولك الحمد ماأرحمك


اللهم اني عبدك ابن عبدك ناصيتي في يدك ماضً في حكمك
عدلاً في قضاؤك ..أسألك بكل اسم هو لك سميت به نفسك أو انزلته في كتابك
أو علمته أحد من خلقك أو استأثرت به في علم الغيب عندك
ان تحفظ كل من ساعدتني من كل شر وتستر عليهم..وتظلهم برحمتك وتكتب لهم الخيــر
وتغنيــهم بحلالك عن حرامك وبفضلك عمن سواك ياآرحم الراحمين ..

دعواتكم لي بالثبات والستر والزوج الصالح بظهر الغيب :blushing:

 

[للحياة معنى]

اسال الله لكن الهدايه 0000فقط غيري البريد الاكتروني ورقم الجوال 00واغلقي الجهاز 00وسيبتعد عنك كل الاشرار00شاهدي التلفاز 0اقرئي كتاب 0استغفري خوذي دورات 0اشتغلي بالبيت سوي رياضه 00وتذكري ان ابليس لن يتركك حتي تقعي بالحرااااااااااااااااااام فكوني حذره منه 00

 

[اعلامية طموحة]

ماشاء الله لا قوة الا بالله

كلماتك تشع من قوة الايمان ماشاء الله وتبعث السرور والتفائل

عساك دووووم عالية الهمة وربي يثبتك ويثبتنا على الق يااااااااااااااارب

 

[FloOowers]

يــــارب لك الحمـــد
اسأل الله لك الثبـــات

لم تفارق البسمه محياي وانا اقرأ اسطرك
النقيــــه وكلمـــاتك الصـــــادقة....
حفظك الرحمن اخيتــــي وحقق لك مرادك

 

[اسرار2008]

نكك والزخارف اللي حوله .. واسلووبك ... يذكرني باحدى زميلاتي ...

عسى ربي يفرج همك ويسترك وويزوجك الرجال الصالح او يرزقك بالجنه الزوج مثل يوسف بالجمااااااااال

 

[*غاليه*]

ماشاءالله يارحيل ردك الاخير فرحني كثيييييييييييييير
الله يسعدك ويقويك ويعوضك باللي مايشوف غيرك

وفقك الله دائماااا