زوجي مشغول مره ما يجي الا اخر الليل ويقولي بموت من التعب
يوميا؟؟؟
نعم تقريبا يوميا في النادر اللي يجي بدري ويكون فايق وطبعا مقدر اقوله نخرج لانه بيقولي انا جاي بدري عشين ارتاح واجلس معاك وتقوليلي نخرج
طبعا... مع الضرب على وتر المشاعر... يرضيك تكسر بخاطري؟؟؟و....مايشبه ذلك إلخ
راح اجربها ان شاء الله
حبيبي....ما تتصور قد ايش أنبسط وأحس براحة غريبة وأماااااان لما نكون مع بعض.
دايما اقوله هذا الكلام خصوصا لمن نكون خارجين مع اهله او اهلي اقوله انبسط بس ياليت كنا انا وانت لوحدنا كان تكون الطلعه احسن
واوقات اعتذر عن خرجات مع اهلي لا اي سبب بس اقوله انو الخرجه مو حلوه الا لمن نكون انا وانت بس وانو انا ما تهمني الخرجه قد ما يهني اني اكون معاك لوحدنا وزي كذا من هذا الكلام ((بس كالعاده انفخ في قربه مفقوعه))
تبغي الصراحة.... انت محتاجة أول شي تعملي على أن تحظي بوقت يجلسه معك في البيت أولا..
معاك حق وانا حاولت لكني ما شفت نتيجه
وكمان لاني دايما لوحدي بالساعات وما عندي اولاد وجيراني مشغولين عشين كذا مركزه على الخروج
عوديه على هذا الجو يوميا... ولا تنتظري منه شيئا..أو تغيرا سريعا...فقط راقبيه.
مو هو ماينام الا بالمساج او التكبيس زي ما يقول لكن راح احاول اغير في جو المكان واغير الطريقه
ممتااااااااااااز... التطبيق هو الهدف..بارك الله في جهودك ..وأسأله أن يقرّ عينك بالثمرة الحلللووو
ابغى هديه احلى من اللي اعطيتك هيا ((بدينا في النق))خخخخخخخخخ
امين يارب
خطأ... انت تركت الباب مفتوحا..ولن يغلق...
خلاص توبه معد اعيدها ههههه
المهم اني عرفت خطائي وراح اتعلم منك الصح واطبقه الله لايحرمني منك
مانوع جنوبية زوجك؟؟ هل هي شرقية؟؟
لا زوجي اللي فهمته انو جنوبي جنوبي لكن بالنسبه لطموحه في شغله يحب يطوره شغله وهو اهم شي عنده يعني في هذي الناحيه هو شمالي ((اللي فهمته من استاذه ناعمه انو الانسان ممكن يكون له اكثر من نمط في شخصيته ))وزوجي جنوبي في كل شي الا شغله شمالي
شغلي ذهنك وستجدي مساحات يمكن استغلالها لتنفيذ مخطط الجذب
جاري العمل عليها وان شاء الله ابشرك بالنتائج الحلوه
هل تذكري هذا الموضوع أمام زوجك باستمرار؟؟
اول شي شكرا على الدعوه والله يجعلك نصيب منها
ايه دايم واوقات تسير مشاكل بسبب هذا الموضوع ((انا سليمه وهو عنده مشكله))
رافض عمليه الانابيب اوقات يوافق ولكن بعدين مو دحين اوقات يعصب ويقول الله اذا اراد يرزقنا وانا دايما اقوله الله قال اسعى يا عبدي وانا اسعى معاك ما قال نام في بيتك والرزق يجيك
فالفجر الجديد يأتي بالبشائر...
وانا انتظرها بكل امل وشوق
حددي بالضبط الأرقام التي حصلت عليها
وحددي نمط زوجك أيضا بدقة
لا انا اختبار الارقام ما عرفتله لكن طلعت النمط من الاختبار الجديد للاستاذه
انا جنوبيه شرقيه وهذا متاكده منه
لكن اوقات احس اني جنوبيه غربيه في بعض الافكار والتصرفات (ممكن اكون غلطانه))
لكن زوجي متاكده ميه بالميه انو جنوبي اصلي كمان
لانه ما يزعل بسرعه لكن يرضى بسرعه طيب حنون يعشق اصحابه بجنون ويفضلهم علي يساعد الكل وسباق للمساعده لكن لادخل البيت اغسلي يدك منه يبغى ينام وياكل ويشرب ويدلع ويتكبس
اهله حياته وانا مستغله هذي النقطه والحمدلله اهله يموتون فيه واحاول دايم اراضيهم عشينه
ما يقدر يعيش بدون ناس حوله يعني لو اعزله عن العالم يوم يسير فيه شي خخخخخخ
يكره ياكل لوحده وممكن توصل لزعل وعصبيه اوقات ما اشتهي الاكل وكنت بس اجلس على الصفره يقولي ليش ما تاكلين اقوله ما اشتهي يعصب ويقول انا ماني كلب ((عفوا على اللفظ))اكل لوحدي
فسرت اكل شوي شوي اذا انا مو مشتهيه واذا سال ليش ما تاكلين اقوله جالسه اكل وانتهت هذي المشكله الحمدلله
جزاك الله خير وبارك في كل ما تقدمينه
