اشحـــــالكم .. يا الحلـــــوات
وزعلت عـــذاري
<< هاتي راسج أحبــه
عذاري يا قلبي .. أنا عن نفسي أعترف إني مقصرة في مواضيعي تقصير يكاد يشيب له الرأس << أوووف يا العربية الفصحى
بس في مواضيعج متفاعله
.. أنا عرفت موضوعج من يوم ما وصلتوا نقطة الدستور .. وشاركت وياكم وكتبت دستوري ..والنقطه اللي بعدها الأسئلة اللي حطيتيها لنا اللي أول سؤال عن صمت الشمالي ومن أوائل اللي جاوبوا .. أما عن نقطة الحوار كل ما دخلت المنتدى طليت ع الموضوع ولا جديد .. طبعا أنا ما كتبت شي لأنه ما عندي شي أقوله .. أنا أكثر من مره قلت وحتى في الاسشارة اللي اريدها منج في هالموضوع ذكرت إنه حياتي مع زوجي ع السايلنت .. معدووووم الحوار .. لا تظنين اني أبالغ والله معدوووم .. أنا صح منهاره بس أقول ع الصامت أحسن من اننا كل يوم نتضارب ويوصل صوتنا لبيت الجيران .. يختي عندي زوج يتعامل على أساس خذوهم بالصوت ترعبوهم .. تونا اليوم كنا طالعين ودينا العيال الحديقة .. وأسمع الحبيب يكلم صديقه يقوله بيسافر مع أهله نهاية هالشهر << أمه وخواته << مخطط ومرتب وأنا ما ادري عن اي شي .. .. وطبعا أنا فهمني من بداية الزواج لو قلت بسفر أهلي لا تقولين بروح معاكم السفرة لهم بس << هو يوصلهم عند قرايبهم في دولة ثانية ويرد يعني اكثر شي اسبوع لو طول وفي الغالب 3 ايام .. ويقول لصديقه وبعدين بسافر معاكم وبعد ما نرجع بسافر مع خالد وشلته وبعد ما نرجع بسافر مع بوسالم وربعه .. طبعا أنا دموعي نزلت قبل ما اتكلم ما اعرف ليش .. يمكن لانه مخطط وما قالي .. يمكن لانه عادي يقول لصديقه وما يقولي .. يمكن لأني مب موجوده في جدوله .. يمكن لأنه ما تهمه مشاعري يتكلم قدامي وما يقول يمكن بتزعل اقول لصديقي قدامها وهي زوجتي ما تدري << الحمد لله كنت متغشيه ما شاف شي .. ويالله اتبلع واتبلع وبعد ساعه نطقت .. قلت له حبيبي شو رايك نسافر وياك نغير جو << للعلم صار لي شهرين اقوله نريد نسافر ولا يرد بكلمه .. المهم .. أول ما قلت له هالكلمه إلا يقولي و100 علامة احتقار فويهه : نعم !!!!! اشعندج انتي .. والله دموعي على طول نزلت وخنقتي العبره وسكت .. وبعدين تميت اسولف والعب العيال ولو طلب مني شي عطيته وانا مبتسمه << ماكشرت << يعني ما سويتها زعله .. .. وقبل شوي قبل ما ينام عطيته ماي وطلعت عشان انوم ولدي إلا يقولي ان شاء الله بحاول أرتبلكم سفره << شفتي .. هكذا تسير الحياة عندنا .....ما عندنا حوار ابدا .. هي الأمور تتم بالمزاج لا غير ..
لا تزعلين مني لأني ما رديت على نقطة الحوار .. والله كل يوم ادخل موضوع الشمالي عللي أحصل شي يفيدني في هالموضوع << يعني يوم قريت عتابج ليش ما شاركنا في نقطة الحوار مع الشمالي قلت جبتها ع الجرح وكنك ما دريت !!!
ع العموم .. الراي الأول والأخير لج .. إذا تحبين نراسلج ع الخاص ما عندنا مشكله ..
وأنا بروحي أعتذر منكم شديد الاعتذار .. مقصره على قد شعر راسي .. بس شو أسوي .. ما أفضى أدخل المنتدى ولو دخلت ما عندي وقت اكتب << ما بين برنامجي لعيالي ودراستي لدبلوم عن طريق النت وغيرها من أمور حياتيه والله ما أفضى حتى إني أرد ع المواضيع اللي كتبتهم .. حتى ربيعتي قلتلها طبقي الأوراق اللي طبعتلج اياهم << الشمالي الجزء الاول .. قلتلها ويوم تنفذينه وتشوفين انج مب مسيطره ع الوضع بخبرهم .. << الحمد لله حياتهم تتحسن بس على خفيف وطبعا ما سوا سالفه لذكرى زواجهم بس هي خذت بشوركم وما كبرت السالفه ... تعدلت ويابتله هديه تعرفون شو يابتله ؟؟ يا بتله ورقة كمبيوتر بيضاء ما فيها ولا نقطه ولفتها وربطتها بشريطة حمرا على لون ثوبها .. وعطته اياه وقالت له افتحها طبعا هو قاله ما اريد ,, قالت له عشان خاطري لا تخاف مافيها شي يزعل .. المهم تقول تم 10 دقايق بس يفكر تقول وانا بس اطالع فيه ومبتسمه بس تقول قلبي يبكي من داخل .. المهم يوم فتحها تقول ارتاح انه ما فيها كلام بس ويهه يبين انه مستغرب شالسالفه .. تقول قلتله خلينا نبداها صفحة يديده نفس هالورقه .. وخلاص من اليوم أنا سويت للماضي دليت .. أنا الان مقتنعه فيك انت اللي الحين راضيه بعيوبك وبمزاياك وما علي كيف كنت وشو صار .. أنا اليوم عروس وحياتي بتبدأ معاك من الحين .. تقول والله الحمد لله من ذاك اليوم في تحسن منه .. وتقول حتى أنا كل ما قلت بعاتبه والا بزعل أتذكر الوعد اللي حطيته على نفسي وأسكت ..
وهكذا الدنيا .. يوم لك ويوم عليك ..
الله يكون في العون .. أحباب ويتغلون ..
ع العموم اسموحولي ع القصور
واشوفكم على خير
