بالنسبة ليا فى موضوع التجهيز وكده مؤخرا ونظرا لظروف الاخت الفاضلة المبجلة مريم مبقاش فيه حاجة اسمها امتى الاهم هو انه يكون فيه هههههههه
فى العادى لما باصحى باخلص اللى ورايا علشان لما انضف افضل كده لحد ما يوصل بعلى
باعمل سكرب مرة اسبوعيا علشان البشرة مش تنشف اوى ولاااااااازم بعده كريم لكل الجسم او لوشن
وباخد شاور واحط بودى لوشن جربت بالمسك كان حلو ورقيق اوى وجربت من فيكتوريا سيكريت واحد كان من دبنهامز كان تحفة وسعره حلو جدا وجربت بالورد من بودى شوب المجموعة البيضا بس مش اخدت بالى ان صلاحيته صغيرة وكنت باستعمل اكتر من نوع فى نفس الوقت مكملتوش واترمى
المهم ادهن جسمى كريم وعندى عطور من اجمل احلى حاجة منهم عجبتنى المسك خطيير وفيه مسك روز واسكادا ادهن جسمى بحاجة منهم وكام نقطة على اللبس علشان لو حر وعرق وكده تفضل الريحة
البس ولو اظبط ميك اب وشعرى فى السريع وللاسف من بعد الولادة مش بالاقى وقت ولا نفس استخدم المكواة السيراميك وكمان لان شعرى بيقع اوى بخاف يبوظ اكتر ودى حاجة بتخلى الشكل النهائى ناقصه حاجة دايما
وبحاول على اد ما اقدر اكون جاهزة ولابسة كويس على قدر المستطاع والفترة دى بحاول اتعلم المكياج شوية بقالى فترة حاسانى باحط زى كل يوم مفيش جديد
باقى مشكلة الشعر عاوزة اعرف اعمل فى شعرى حاجة تديله لوك زاهى وبيلمع كده جربت احط السيروم منفعش جبت زيت الحية منفعش معرفش عاوزة كريم يطريه واعرف كام تسريحة تظبط شوية
من كام يوم عملت حاجة عجبته الحمد لله لقيت عندى طرحة ستان بيضة ربطها على شعرى وعملت فيونكة كده كانت ملدعة وطلعت حلوة الحمد لله
ياريييييييييييت تدونى افكار للشعر والمكياج كمان هاقولكم عليه بالتفصيل لاحقا ان شاء الله
مختصر الكلام انى بقيت مؤخرا بحاول ابقى جاهزة على اد ما اقدر لانى اخدت كام انذار قبل كده ههههههه وكمان ظروف مريم
وحاجة اهم اتعلمتها الفترة اللى فاتت ان كل ده قبل ما يكون للزوج بيكون ليا فى الاول انى اتعود اقعد نضيفة لبس كويس لا منكوشة ولا متوسخة بيكسبنى ثقة فى نفسى اه اوقات مش بابقى على سنجة عشرة بس على الاقل تكون ريحتى نضيفة ولبسى نضيف الحمد لله ربنا يدينا الصحة والارادة والمقدرة اننا نتزين لازواجنا وناخد الثواب ويجعلنا اجمل فى عيونهم ويحفظهم من فتنة النساء
