شات ***جمهورية مصر العربية***

[om-noran]

انا بأه نفسي في حاجة طبيعية توحد لون البشرة..حد عندو فكرة..

على فكرة..انا بجيب المبخرة واحطها وهي مولعة في الدولاب علشان الهدوم تبقى متبخرة علشان مش عندي البتاعة بتاعة وردة دي..وكمان جبت بيرفيوم رخيص والله معرفش اسمه بريحة العود عاملاه للدولاب فقط برش على الضرف بتاعة الدولاب منه من جوه وبيفضل الريحة مع البخور جوا الدولاب يمكن اسبوع...البرفان ده شميتو عند جارتي وع انو رخيص لكن لقيتوا بيقعد مده طويللللة

 

[hassnaag]

صباح الخير حبيباتى

 

[بنت اسكندرية]

ام نوران

لو مش عاوزة تعملي المغربي عندي طريقة السوري ههههههههههههههههه

اسهل واسرع وغير مكلفة

والنتيجة واحدة

بس ايه موضوغ تغلي جسمك ,,,,يمكن تقصد تفلي جسمك ,,,ونقلبها جبلاية

ام ابي
وعليكم السلام

سألتك قبل كدة منين من ابوظبي ولا رديتي ولا شكلك بيقرا

 

[تحيا مصر]

معلشى يام نونو اصل التغليف اللى جوزى حاطه على الكيبورد ده بغير فى الكلمات
بس المعنى فى بطن الشاعر

انا امبارح ابتديت اول مراحل النضافه علشان استعد للحمله اللى جايه
مسكت الحمام من السقف للأرض والباب كمان وجوزى يقولى انتى مش سقعانه بس والله مكنتش حاسه بسقعه
ده الكسل هو اللى بيجيب البرد النضافه حلوة ياناس ههههههه

 

[تحيا مصر]

بنوته
انا قصدى تغسلى جسمك بشاور

انا هقوم اعمل الفطار قبل جوزى مايجى ويقفلى النت خالص
سلام
هحاول ارجع تانى

hassnaag ، بدر التماسي

اهلا بيكم منورين الملف

 

[أم أبي]

ايه حكايه النظافه دي يا ام نوران

 

[om-noran]

ام نوران

لو مش عاوزة تعملي المغربي عندي طريقة السوري ههههههههههههههههه

اسهل واسرع وغير مكلفة

والنتيجة واحدة

بس ايه موضوغ تغلي جسمك ,,,,يمكن تقصد تفلي جسمك ,,,ونقلبها جبلاية

ام ابي
وعليكم السلام

سألتك قبل كدة منين من ابوظبي ولا رديتي ولا شكلك بيقرا

نوفا اكيد قصدها تغسلي جسمك...بس حبيت اهرج شوية قبل ماروح انضف الحمام والمطبخ واطبخ..يومي طويييييييل النهاردة...اشغال شاقة...ادعولي..

ايوة ...عندي كمان غسيل..

ربنا يوفق الجميع..ههههههه

بقولك...ايه حكاية الحمام السوري ده...اول مرة اسمع عنه

بصو يا بنات..انا عملت عملة وطلعت لطيفة..جبت نص ازازة بيبي اويل وحطيت عليها بيرفيوم ورجيتهم في بعض..بتخلي ريحة المناطق اللي بتندهن منها ريحة البيرفيوم حلوة اوي

 

[أم أبي]

لا يا حبيبيتي انا بني ياس

 

[om-noran]

طيب انا هاقوم اصلي الضهر وادخل على الاشغال الشاقة المؤبدة اللي منتظراني النهاردة..

هاجي ابص عليكم كل شويتين ان شاء الله...

معاكم اسمي يونسكم

 

[om-noran]

ام ابي..

احنا من امبارح بنتكلم على موضوع النضافة الشخصية يمكن نستفيد حاجة من بعضينا..انتي اخبارك اييييييييييه

هالة...

صباح الخير...

اوعي تشوفي الحاجات العيب اللي انا كنت حاطاها امبارح وانتي مش موجودة...خخخخخخخخ

سلام بأه...أصلي لما بقعد معاكم بلزق في الكرسي وبقوم بصعوبة

 

[أم أبي]

ماشي يا قمر ربنا يعينك مش عاوزه مساعده

 

[hassnaag]

ماشاء الله ملف جميل

حابه اتعرف عليكم يابناااااااااااااات

 

[هالةالقمر]

صباااااااااااح الفل
اخباركم ايه
قلت اصبح بسرعه علشان احنا اجازه

يا سلام يا سلام بقى عاملين تضحكو عليه انا وريري ماشي ماشي

ام نوران
احنا عندنا رامز وعند سهوله من زمان بس اهو فاتح من سنتين ولا خطيته
حد يبقى متجوز راجل زي جوزي ويعرف يروح سوق
ولو راح حتى يعرف يشتري

بصي اسالى صاحبتك طبعا اكيد مش بتشتريه لانها بجيب معاها من المغرب


ايه الانحراف اللى انتى حطاه ده
ده بياثر في نفسيتي زياده ارحمى بقى خليكي في الدهب احسن


بنوته

ايه يا عم ده ما شاء الله ما شاء الله
بس ايه نظام السوري ده عايزين نعرفه



وروده
ما شاء الله عليكى
انتم فعلا الخليجين عموما اهم حاجه البخور والعطور الشرقي
سوال يفرض نفسه
ايه حكايه قشرالبن عندكم انا قريتها كتير انكم بتشربوه علشان الكرش هل ذلك صحيح


سوال تانى
هل الخمريه ودهن العود والمسك في الشعر تودي للشيب

 

[hassnaag]

صباااااااااااح الفل
اخباركم ايه
قلت اصبح بسرعه علشان احنا اجازه

يا سلام يا سلام بقى عاملين تضحكو عليه انا وريري ماشي ماشي

ام نوران
احنا عندنا رامز وعند سهوله من زمان بس اهو فاتح من سنتين ولا خطيته
حد يبقى متجوز راجل زي جوزي ويعرف يروح سوق
ولو راح حتى يعرف يشتري

بصي اسالى صاحبتك طبعا اكيد مش بتشتريه لانها بجيب معاها من المغرب


ايه الانحراف اللى انتى حطاه ده
ده بياثر في نفسيتي زياده ارحمى بقى خليكي في الدهب احسن


بنوته

ايه يا عم ده ما شاء الله ما شاء الله
بس ايه نظام السوري ده عايزين نعرفه



وروده
ما شاء الله عليكى
انتم فعلا الخليجين عموما اهم حاجه البخور والعطور الشرقي
سوال يفرض نفسه
ايه حكايه قشرالبن عندكم انا قريتها كتير انكم بتشربوه علشان الكرش هل ذلك صحيح


سوال تانى
هل الخمريه ودهن العود والمسك في الشعر تودي للشيب

هاله القمر

انتىاللى ببيت حوااااااااااااااء؟

 

[هالةالقمر]

نيفو
ربنا يعينك انا حبدا يوم السبت تنضيفه الشهر
بس امبارح عملت الحمام بالفلاش يا سلام بستريح نفسيا

امشي بقى علشان متسحبش من قفايا وخلينا محترمين


اشوفكم العصر ان شاااااااااااااااء الله

 

[om-noran]

hassnaag

يا اهلا بيكي..

ايوة هالة واحنا كلنا بتوع البيت..ههههههه

انتي هناك برضو..انا عارفة..

اهلا بيكي معانا..

ام ابي,,

تعالي يا اوختشي..كل اللي عاوزة تساعد تيجي. ههههههه....والاجر والثواب عند الله

هالة..
ماهو مشكلتكم انكم هناك مش بتعرفو تخرجوا من غير ازواجكم..احنا الوضع عندنا مختلف..بس يعني رامز مايتبكيش على عدم زيارته..ولا يهمك

 

[بنت اسكندرية]

هالة
سمعتكوا ضربت بالنت هههههههههههه
hasshaag قفشتكم خخخخخخخخخخخ


hasshaag
اهلا بيكي يا قمر
عرفينا على نفسك شوية
معاكي ام حسام اسكندرانية وعايشة بابو ظبي وعندي توتو بنوتي الحلوة
ست بيت وباخد دورة انجليزي بالمنتدى ههههههههههه مش مصدقة نفسي

ام نوران
ربنا يعينك
انا جوزي على وصول ولسه مادخلتش المطبخ
امبارح عملت تنضيف كامل شامل ,,,ماصدقت ان رجلي اتحسنت قلت اديها
ماهو مش جايبنا لورا غير النضافة ههههههههه خارجيا وداخليا
وياريته بيطمرررررررررررررررررررررررر
بالنسبة للسوري
انت لو تعرفي واحدة سورية خليها تجيب لك من سوريا مفركة ,,,, هي قطعة قماش عاملة زي الكيس على قد اليد ,,,بعد ماتتنقعي بالمية السخنة بالبانيو وجسمك يبتدي يعرق ويبوش تفكري جسمك بيها وهو مندى يعني لا ناشف ولا مبلول وشوفي البلاوي اللى هتطلع ,,بيطلع التراب اللى بالمسام وبعدها ممكن تملي البانيو تاني وتحطي اي جل شور او عطر او زيت عشان المسام يدخل فيها وبعدها تاخدي شاور عادي وآخر حاجة رشة ميه باردة عشان المسام تقفل
واطلعي حطي لوشن واحساس واااااااااااو ,,, انا بعمل الموضوع ده من زمان ودلوقت بعمله لتوتو ,,, بجد فيه فرق بعد الحمام
ولا مغربي ولا صابون بريحة وحشة ولا الواحد يتذنب
فكرتيني بواحدة صحبتي ,,,حكيت لها الموضوع وقالتلي انا بستحمى كل يوم وجسمي زي الفل ومصممة ,,, قلتلها طيب اتحداكي ان هيطلع فتل وخيوط منك ههههههههه وروحتلها البيت واتنقعت بالبانيو ( طبعا بشورت وبدي) وبعدها وريتها الطريقة وعملت لها ضهرها وقلتلها عيشي حياتك مع خيوطك ,,,وبعد ماخلصت طلعت تقولي بجد ده انا كنت نتنة قوي هههههههههه وماكنتش متوقعة ان هيطلع البلاوي دي

ام ابي
ده انت بعيدة خالص مالص عني
وايه اللى وداكي بني ياس ؟؟؟

نيفو
بنهزر معاكي
اكيد غلطة مطبعية


سلام انا كمان احسن الوقت ضاق

 

[om-noran]

واخدة فسحة 10 دقايق..

جيبتلكم شوية الحاجات التحفة دي..بصوا..دي ماركة la senza

PYJAMAS​

__________________

 

[om-noran]

SHORTS​

 

[om-noran]

انا حاولت اجيب الحاجات اللي مش مكشوفة اوي ...الباقي بأه...ياخبرررررررر...

اكتبوا اسم الماركة وشوفوا الحاجت على الجوجل....