شات ***جمهورية مصر العربية***

[كتكوتة كتكوتة]

وردة
ربنا يكرمك على الرد شفتى ادينا بنخدمك اهو علشان تروحى لعريسك خبرة ومتودكة
انا شفتك على الماسنجر وكان نفسى اسلم عليكى بس مريم صحيتلى وغلاااااااسة من اللى القلب ما يحبها متعوضة ان شاء الله
وربنا يصبركم ودايما كل ما تفتكروا جدكم ادعوا له بالرحمة والمغفرة

 

[habeba]

السلام عليكم
صباح الخير

يا بنات ادعوا لى ربنا ييسرها عليا صحيت الفجر لقيت الأفرازات دم سورى للكلام العيب ده خخخخ
دعواتكم بولاده سهله وأى تطورات ححاول أبلغكم

سلام

 

[sherwetta]

كتاكيتو
صباحك عثل ياباشا
وصفه الكيك روعه ياكتكوته والله
بس هى مش وصفتى دى موجوده فى العالم لقيتها وطبقتها بس بجد عجيييبه يعنى يجيلك ضيوف فجاه 5 دقايق وتكون متقدمه
البت مرمر اخبارها ايه؟


حبوبه
صباح الفل
خلاص هانت ياقمر
ادعولها يابنات حبوبه خلاص على وش ولاده ربنا يرزقك ساعه سهله ياحبيبتى وتقومى بالسلامه انتى والبيبى

 

[هالةالقمر]

ام نوران
تعيشي وتاخدى غيرها
والف سلامه عليكي

حبيبه
ربنا يسهلها لك وتقومى بالسلامه وتبقى ساعه سهله يااااااااارب
طمنينا عليكى

 

[om-noran]

السلام عليكم

صباحكم فل

انتم فين ..نايمين لسه؟؟؟

حبيبة...مبروك مقدما ...شكلك هاتعمليها النهاردة ربنا يقومك بالسلامة ان شاء الله

كتكوتة..
ليكي حق تضحكي..انا اساسا كل مافتكر اقعد اضحك..يالا.....بس انا نيتي كان واحدة ست..طلعت اوت المرة دي..خخخخخخخخ

هالة
الله يسلمك...انتي مشغولة ولا ايه..كتبتي كلمتين وطلعتي تجري..

ام هاجر...

مش باينة يعني لسه برضو

 

[sama_sehab]

صباح الفل انا متشكره جدااااا يا بنات لسؤالكم ربنا ما يحرمني منكم

واحنا الحمد لله احسن

كتكوته الف سلامه على مريوم ربنا يحفظها لك يارب

ام نورااان الف سلامه عليكي وعلى فكره صاحبتي في ثانوي جدها كان اسمه وفاء وحاجه كمان مدير مدرستي في

ثانوي كان اسمه صفاء ههههه مش عارفه ازمة اسماء ولا ايه؟

شيري الف هنا وشفا تسلم ايديكي شكلها حلو اوي

حبيبه ربنا يقومك بالسلامه يارب وعلى فكره انا حصل لي كده في يامن الفجر وولدت 12ونص بالليل

ربنا يطمنا عليكي انتي والبيبي

وروده ربنا يرحم جدك ويصبركم على فراقه يارب

كلبوزتي الف مليون سلامه عليكي يارب يتم شفاكي على خير ويديكي الصحه ويحفظك

هاله القمر طبعا انتوا اللي ليا ربنا ما يحرمني منكم بس انا فضلت انادي ما سمعتوش هههههه وبعدين

وقعت في التواليت ما جيتيش ليه تشيليني ها هههههههه ربنا يحفظكم يارب

د شيماء صباح الفل مبروك عليكي الاشراف اخبار كتاكيتك ايه يارب بخير دايما

ام هاجر وحشااااااني جدااااا فينك النارده مش سبت ولا حد ومش باينه ليه يارب تكوني دايما بخير

بنوته الف سلامه عليكي من الاكتئاب وفعلا غيري الرجيم ده انتي مش ناقصه ربنا يحفظك وحاضر ان شاء الله

باكون على الماسنجر اصلي بافتحه شويه وافتح اللي باسم جوزي شويه

تحيا مصر صباح الفل عامله ايه في البرد ربنا يهونه بجد الشتا مقرف وكئيب مش باحبه امتى الصيف ييجي باه

ام محمود ربنا يقدرك على الشغل ومسئولياته بس اوووووعي تنسي محمود وباباه وسط زحمة ومشاكل الشغل

هم الاول وبعدين اي حاجه تانيه ربنا يوفقك

 

[كلبوزه هانم]

السلام عليكم

كتكةته الف سلامه على مريومه القمر

نونوتى سلامتك قلبك الحلو يجميل خيرا باذن الله

سمسومه الف سلامه على الاولاد ربنا يحميهم وعليك الف الف مليون سلامه يارب


حبيبه خير يحببتى الافرازات مع الدم مبشره بالخير ربنا يسهلهاك يارب وتقومى بالف سلامه يحببتى

 

[كلبوزه هانم]

بنات خايفه اكلم حبيبه جوزها يرد واتحرج لانه معرفش غير رقم البيت

 

[habeba]

قلت اطمنكم
لا جديد غير مغص بسيط كل ساعه تقريبا
وميعادى مع الدكتورة على 5 عصرا

تسلموا لى جميعا

هاله القمر
ماتحرمش من تليفونك كنت نايمه

 

[habeba]

تسلمى لى يا كلبوزة
سى السيد جه اتطن عليا وخلع تانى على الشغل
وحيجى إن شاء الله على 5

 

[كلبوزه هانم]

بنات

طلبه منكم تدعولوحده صاحبه احلى حكايه عملت حادثه وحالتها مايعلم بها الا ربنا فى غيبوبه وحالتها صعبه جدا ربنا يشفيها هى وكل مرضى المسلمين ويقومها بالسلامه لاولادها الاتنين يارب تتصوروا 25 سنه سنها

 

[كلبوزه هانم]

حبيبه طيب مرحتيش المستشفى ليه

 

[كلبوزه هانم]

خير ياحبيبه خير يحببتى ان شاءالله

 

[habeba]

حروح على 5 يا كلابيزووو

 

[habeba]

بنات

طلبه منكم تدعولوحده صاحبه احلى حكايه عملت حادثه وحالتها مايعلم بها الا ربنا فى غيبوبه وحالتها صعبه جدا ربنا يشفيها هى وكل مرضى المسلمين ويقومها بالسلامه لاولادها الاتنين يارب تتصوروا 25 سنه سنها

ربنا يشفيها يارب

 

[كلبوزه هانم]

امريكا ألغت قرار إرسال شحنة الذخائر لليهود نظرا لرفض اليونان عبور الشحنة في مياهها

الله اكبر استمروا في الدعاء

الله اكبر الله اكبر الله اكبر فوق كيد المعتدى

الخبر جاء في bbc
​

 

[كلبوزه هانم]

بالسلامه ياحبوبتى ربنا يكرمك بالساعه السهله الطيبه يارب ويقر عينيك بزيودى حبيبتى

 

[sherwetta]

كلبوزى
اخبارك ايه ياقمر دلوقت؟
ماتطوليش فى القعده ياحبى وخدى راحتك
والف سلامه على صاحبه احلى حكايه
لا اله الا الله
ربنا يقومها بالسلامه يارب لبيتها وعيالها


حبوووووبه
هانت خلاص ياعم الحج
كل اللى بتقوليه ده بشاير خير ياقمر
ان شاء الله خلال اليومين الجايين نسمع وئوئه الاستاذ

 

[sherwetta]

سمسمتى
الف سلامه عليكى ياحبيبتى والله
انتى اصلا شكل مناعتك ضعيفه خالص
خدى بالك من نفسك

 

[هالةالقمر]

هههههههههههه
طلعتى نايمه وانا اللى قلت يمكن في المستشفى والموبايل مع جوزها مش عايز يرد
اتكسفت اتصل تانى هههههههههه

معلش اتمشي كده على خفيف ومادام المغص منتظم يشبه مغص الدوره يعنى الم في ضهرك بعدين بطنك يبقى ده طلق خفيف
وممكن على بكره ولا حاجه ربنا يسهلهالك
مش تقلقي
وبرده ابقى طمنينا لما تجعى من عند الدكتوره