شات ***جمهورية مصر العربية***

[كتكوتة كتكوتة]

مساء الفل ع الكل ايه التجمع الحلو ده
وردة
ربنا يرحم جدك ويصبركم

ام نوران
بصى انا رايى صاحبتك تحاول تقنع جوزها علشان فعلا ممكن لو حصل حملغصب عنه يقرفها ومش هيجى غير على نفسيتها بس لو مصممة تستخير الاول واللى ربنا يقدره يكون

نيفو
ربنا يكرمك وتظبطى جسمك وتفرحى بنونو عسل البنات تلعب به

شيرى
العالم ماله مش عارف انزل صور الشاورما هناك خالص؟

 

[كتكوتة كتكوتة]

بقولكم يا بنات من شوية لقيت حبه كبيرة كده فى راس مريم من ورا مكان النوم ولونها احمر دى ايه؟
انا حطيت لها مضاد حيوى لحد ما جوزى يجى من الشغل صح ولا غلط؟

 

[كتكوتة كتكوتة]

قال الأستاذ للتلميذ... قف وأعرب يا ولدي: "عشق المسلم أرض فلسطين" وقف الطالب وقال: عشق: فعل صادق مبني على أمل يحدوه إيمان واثق بالعودة الحتمية، والمسلم: فاعل عاجز عن أن يخطو أي خطوة قي طريق تحقيق الأمل، وصمته هو أعنف ردة فعل يمكنه أن يبديها، وأرض: مفعول به مغصوب وعلامة غصبه أنهار الدم وأشلاء الضحايا وأرتال القتلى، و... و... وستون عاما من المعاناة. فلسطين: مضافة إلى أرض مجرورة بما ذكرت من إعراب أرض سابقا فهل اعرابي صحيح يا استاذي الحكيم؟؟

 

[الملاك الوردى 2]

مساء الخير ياشيمو
عامله ايه
وازى الأولاد

الحمد لله حبيبتى
اذيك انت ياجميله عامله ايه وازى الولاد
بوسيهملى

 

[الملاك الوردى 2]

شيما

جزاك الله الف خير حبيبتى نورتينى ربنا يسعدك شكلى حقوله مش حعمل تانى كرسى ماساج ويمكن اغيره عشان اعرف ايه الى عندى

متحرمش منك ومن اهتمامك ربنا يبارك فيك ياحجوج

واياك حبيبتى ربنا يخليكى ربنا يديك الصحه ويشفيك طمنينى عليك علطول وانا متابعاكى اول باول

الف سلامه يقمر

 

[sherwetta]

السلام عليكم مزاتى انساتى ستاتى

وحشتوووووونى جوى جوى يابوووووووى

انا والله نفسى اتابع تانى بس بفتح وبتلهى فى مليون حاجه وكان عندى اليومين تنضيف عميق كنت باخد كل جزء انضفه بزمه ولسه الصاله بقى عقبالها ان شاء الله

بصوا بقى

اللى عندها مايكروويف تقوم حاااااااااااااااااااالا تجرب الوصفه دى
عملتها وطلعت رهييييييييييبه
هى عباره عن كيكه فى كوبايات<<كوبايات عاديه او ماجات
وتتحط فى الميكروويف بس 3 دقاااااااااااااااااااايق وتطلع واااااااااو
شوفوا الصور اهى وبعدين هكتبلكم المقادير
الكوبايات انا بطنتها بدقيق

شوفوا بعد ال3 دقايق عامله ازاى بسم الله ماشاء الله

 

[الملاك الوردى 2]

السلام عليكم وحشتوني كلكم

انا داخله اطمنكم في السريع وهاخلي الصفحه مفتوحه علشان احس بونس

امبارح كنت تعبت شويه كده ومنى كمان يا حبيبتي ترجع من بقها ومناخيرها وانا مش قادره اغير لها ولا امسح

كل ما اقف اروح واقعه ومش عارفه اوصل للتليفون اكلم جوزي الكلام ده من الساعه 8 الصبح بس الحمد لله

هو اتصل 12 وجه على طول ومش عارفه وصلت للتليفون ازاي ومنى كشفت وعندها التهاب لوز واذن وانا

ما قدرتش اتحرك وانزل السلم فمريحه شويه

بجد لمواقف دي بتعرفني يعني ايه غربه بجد ربنا يهونها علينا جميعا يارب

معلهش انا حكيت لكم علشان اعتذر لكم بس على عدم ردي عليكم

يارب اسمع عنكم كل خير دايما

الف سلامه عليك حبيبتى والبنوته خلوا بالكم من نفسكم وطمنينا عليكم حبيبتى ......

 

[sherwetta]

المقادير بسييييييييطه وسههههله جدااااااااااا
4 معالق كبار دقيق منخولين عليهم معلقتين كاكاو كبار منخولين وعليهم 4 معالق كبار سكر وعليهم ربع معلقه مصغيره بكنج بودر قلبيهم مع بعض وحطى عليهم 3 معالق كبار زيت ومعلقتين ميه مغليه وعليهم 3 معالق كبار حليب ساااائل وبيضه ورشه فانيليا

واخلطى ده كله مع بعضه بالمعلقه وحطى فى كل كوبايه معلقتين كبااار
وحطيها فى الميكروويف على 3 دقايق بسسسسسس

 

[sherwetta]

سمسمتى
الف الف مليون سلامه عليكى وعلى الولاد
خدى بالك من نفسك ياحبيبتى
ومعلش فعلا الواحد وقت التعب بيحس يعنى ايه غربه

 

[الملاك الوردى 2]

شيرى اذيك فينك يابنتى

 

[الملاك الوردى 2]

بصى الكيكه دى ينفع اعملها فى الفرن والا لازم مايكروويف

 

[om-noran]

ام نوران
هى الصراحه صعب الحكايه لانها ممكن طول فتره الحمل مش حيعبرها وممكن يبقى مضايق
طيب تتناقش معاه لو علشان المصاريف يبقى كده فعلا حرام
لكن لو علشان بتتعب او حاجه او خايف عليها فيها كلام تاني

بصى هو في حل مكار
انها تقوله انها تعبانه من اللولب وعايزه تطمن
وتروح للدكتوره وتقولها تشيله وترجع تقوله ان الدكتوره قالت انه اتحرك من مكانه ولازم يتشال
ومتقدرش تركب غيره دلوقت لازم تريح شهرين تلاته علشان جرحها لما اتحرك (الف سلامه عليها طبعا )
ولو قالها تاخد حبوب تجيب وتقوله تعبتلى معدتى مش قادره او تعمل نفسها اخدتها
بس وهى وشطارتها الايام دى
ويبقى امر واقع

خخخخخخخخخ

ماهو انا كمان كده طلعت شريرة لآني قلتلها تقريبا نفس الحاجات دي..

هو مش خايف عليها وهي مش بتتعب ولا حاجة ولاهو خايف من المصاريف..مش عاوز مسئولية زيادة بس كده..

ربنا يهدي الجميع

 

[sherwetta]

اهلا اهلا شيمووووووووو

ومبروك الاشراف ياقممممر

انا موجوده اهو والله بس ملل وقرف بعيد عنك وشغل البيت ورجعنا للمذاكره تانى وهكذا

انتى الولاد عاملين ايه؟؟؟؟؟؟؟

 

[om-noran]

شيري..

هي دي بأه المج كيك اخت الكب كيك..ههههههه

تسلم اختراعاتك يا معلم..بس انا مش عندي مايكروويف ولذلك مش هاينفع اجربها مع انها سريعة وسهلة..بألف هنا

 

[sherwetta]

مش عارفه ياشيمو تنفع ولالاء

جربى كده وقوليلى

بس هى فى الميكروويف اسرع 3 دقايق بس وتكون جاهزه

 

[sherwetta]

الله يخليكى ياام نوران ياقمر

هى مش اختراعى والله ولاحاجه ده موضوع لقيتها فيه وجربتها وطلعت حلوووه اوووى

لو عندك كوبايات كب كيك جربيها فيه

 

[om-noran]

نوفا

انا كمان جوزي كان رافض مطلقا اني احمل تالت..مطلقا مطلقا بمعنى الكلمة..وانا بأه الحمد لله رب العالمين الحمل ماغيرش في جسمي حاجة الحمد لله

بس هو مش كان عاوز غير البنتين وخلاص على كده..

بس زي مابيقولوا..الدي على الودان امر من السحر..والدعاء...قعدت ادعي ربنا انه يوافق لغاية اما وافق الحمد لله..

دلوقتي ساعات اهزر معاه واقوله ايه رأيك نجيب رقم 4..خخخخخخخ..مش عاوزة اقولك ردة فعله..هههههه

ممكن يعمل فيا حاجة ساعتها او يرميني من تالت دور..بس انا عن نفسي اساسا مش ناوية على حد تاني..الحمد لله كده رضا اوي اوي اوي...

 

[الملاك الوردى 2]

اهلا اهلا شيمووووووووو

ومبروك الاشراف ياقممممر

انا موجوده اهو والله بس ملل وقرف بعيد عنك وشغل البيت ورجعنا للمذاكره تانى وهكذا

انتى الولاد عاملين ايه؟؟؟؟؟؟؟

الله يعينك ياقمر ربنا معاكم بس هو انتم لحقتم تاخدوا الاجازه وتخلصوها كمان؟؟؟؟؟؟؟

 

[om-noran]

بقولكم يا بنات من شوية لقيت حبه كبيرة كده فى راس مريم من ورا مكان النوم ولونها احمر دى ايه؟
انا حطيت لها مضاد حيوى لحد ما جوزى يجى من الشغل صح ولا غلط؟

مش عارفة والله ياكتكوتة...لو كنا في الصيف كنت قلتلك يمكن عرق..سيبي الحبة في حالها ولو فضلت كام يوم ابقي وديها للدكتور وان شاء الله مافيهاش حاجة

 

[الملاك الوردى 2]

خخخخخخخخخ

ماهو انا كمان كده طلعت شريرة لآني قلتلها تقريبا نفس الحاجات دي..

هو مش خايف عليها وهي مش بتتعب ولا حاجة ولاهو خايف من المصاريف..مش عاوز مسئولية زيادة بس كده..

ربنا يهدي الجميع

اذيك ام نوران واذى البنات؟

عاملين ايه فى البرد ده

عارفه انا كمان راى من رايكم تعمل كده بس تخلى بالها وربنا معاها.......