شات بنات( قطر)2

[بيالة شاي]

بيه مابي اتفلسف..وايد خخخ:blushing:

بس غير حياتي وااايد.
هو كتاب ديني.​

عن شنو يتكلم؟؟ :idea:
الافضل تقرينه لانه راح يبهرج.
لانه يوضح لج انتي في شنو مضيعه حياتج وشلون ممكن تستفيدين من كل ثانيه.:idea:​

ممكن اسم الكتاب واسم الكاتب:icon30:

 

[بيالة شاي]

مشكوره.. عاد وين الخبيرات ابي اعرف جاوبوني.​

:icon31:

العيايز يقولون عادي اخلطيهم مع بعض في غرشه ماي ...بس انا ماجربت اخلطهم ...كنت حاطه غرشة لبان وغرشه مره ..واعطيهم 4 مل من هذيه و4 مل من هذيه ...حطيهم في غرشه قزاز احسن:icon30:

 

[مزايين/قطر]

ترى آآنه saryalia داشه بسم مزمز اغير صورتها الشخصيه
من كم يوم تقولي وانسى خخخخ

اوكي مزمووزه غيرتها.
عاد ان شاء الله عجبتج الصوره؟؟ ولا تبين شي ثاني؟؟

تدللي ماي سستر.

مشكورة ياسوسو

فديتك والله ...المهم انها تغيرت ....وهي حلوة بس اذا حصلتي أحلا ماأقول لا

 

[saryalia]

ياحبيبتي والله ياسوسو ...ادعي له دايما الله يخليك

وهو شطور بس اللا مبالاة ذابحتني ...وانتي تعرفينه الله يهديه ويدرس عدل

افا عليج ندعيله من كل قلبنا من غير ماتقولين
وربي يووووفقه يا رب وينجحه ويجيب ذيك النسبه

اللي تفرحج.. عاد لاتنسين تعزمينا ساعتها على عشا سنع..​

:msn-wink:

 

[مزايين/قطر]

افا عليج ندعيله من كل قلبنا من غير ماتقولين

وربي يووووفقه يا رب وينجحه ويجيب ذيك النسبه​

اللي تفرحج.. عاد لاتنسين تعزمينا ساعتها على عشا سنع..​

:msn-wink:

تامرين ....ماطلبتي شي :icon26::icon26::icon26:

 

[saryalia]

ممكن اسم الكتاب واسم الكاتب:icon30:

" كيف تطيل عمرك الإنتاجي "تأليف " محمد بن إبراهيم النعيم"0
والحين في له جزء ثاني حسب ماقريت.​

 

[ام صغننه]

و انا ادور كتب لقيت هالكتابين
الاول بالانجليزي:
supper nanny:How to get the best from children
مع اني احب اقرا كتب عربيه في التربه لانها ترجع للاسلام في اسلوب التربيه، بس احس سوبر ناني عندها خبره في التعامل مع الاطفال..
الثاني :
نحو والديه اسعد...ابراهيم الخليفي

حبيت افيدكم

 

[saryalia]

العيايز يقولون عادي اخلطيهم مع بعض في غرشه ماي ...بس انا ماجربت اخلطهم ...كنت حاطه غرشة لبان وغرشه مره ..واعطيهم 4 مل من هذيه و4 مل من هذيه ...حطيهم في غرشه قزاز احسن:icon30:

اكيد قزاز ماحب البلاستك.. بس عادي اخلي الغرشه اسبوع صح. ولا لازم كل يوم انقع.؟
تسسلمين​

 

[saryalia]

مشكورة ياسوسو

فديتك والله ...المهم انها تغيرت ....وهي حلوة بس اذا حصلتي أحلا ماأقول لا

اقول انج لووووسه ماتصدقين

تدللي اي ماركه ولااا يهمج.
عاد قلت احط لج LVعشان اسكتج..
مافي فايده تبين غير بعد خخخخ

انزين اش رايج احط لج ماركه صحون كشخه ((سيينيييه)) موقعه من هتلر​

:shutup:

 

[مزايين/قطر]

اقول انج لووووسه ماتصدقين​

تدللي اي ماركه ولااا يهمج.
عاد قلت احط لج لويس ففيتون عشان اسكتج..
مافي فايده تبين غير بعد خخخخ​

انزين اش رايج احط لج ماركه صحون كشخه ((سيينيييه)) موقعه من هتلر​

:shutup:

:blush-anim-cl::crazy::icon28::msn-wink::shutup::schmoll::tears::c017: :icon26: with my

 

[saryalia]

:blush-anim-cl::crazy::icon28::msn-wink::shutup::schmoll::tears::c017: :icon26: with my

وه وه وه صح بس مو كثرج خخخخخ​

:msn-wink:

 

[بيالة شاي]

قلت لكم من قبل اني باكتب لكم قصة دعاء

لما كانت بنتي صغيرة في سن السنتين وهل كلام كان من أكثر من عشرين سنة ....كان زوجي يدرس في خارج لندن وتعبت بنتي وحولونا المستشفى في المدينة وبطلب منا لمستشفى في لندن ....والحمد لله رب العالمين وصلنا المكتب الطبي في لندن وكانوا مجهزين سيارة خذتنا في نفس الوقت للمستشفى والصراحة عمري ماشفت تعامل راقي واهتمام في حياتي مثل ذاك المستشفى ...أول ماوصلنا كانوا الممرضات عندهم خبر بالحالة ودكتور التخدير جاهز بلبس العمليات والدكتور وكان بروفسور جاهز للعملية وأخذوا بنتي من عندي من عند الباب وتأكدوا انها ماأكلت شي طول الساعات اللي مرت ودخلوها العمليات

المهم والحمد لله ...نجحت عمليتها وكانت في الفخذ وقال لي الدكتور ان في ثلاث احتمالات اما ان الرجل بتكون طبيعية أو بتصير رجل أقصر من رجل أو يمكن ماراح تقدر تمشي والنتيجة بتبين بعد شهر ....والحمد فوضت أمري لرب العالمين لأن ماكان في حل غير العملية لأنها اذا ماسوتها بيكون في خطر عليها

في المستشفى تعرفت على كويتية ...وكان لها في المستشفى أربع شهور مع ولدها .....وكانت جايبته لأن فجأة طلع عنده على ماأظن اللوكيميا ....وجابته لندن للعلاج ....وكان الولد في البداية واجد تعبان وكان عشان مايؤثر عليه أي شيء ....كانت اذا دخلت الحجرة عنده ماكانت تطلع منها لين آخر الاسبوع وكانت تحط الماسك اللي ينحط على الفم عشان ماياخذ أي عدوى وتتعب حالته أكثر لأن الزكام عنده ممكن يتحول لالتهاب رئوي ....وكانت حتى لو جاوا أهله من الكويت عشان يتطمنون عليه ماكانت تسمح لأحد بالدخول عليه من خوفها

ومرة تعبت حالته على الآخر وكان الدكتور والممرضات يحاولون انقاذه وحتى من كثر ماكانت حالته صعبه واحدة من الممرضات تعبت وطاحت عليهم وودوها يعالجونها (وهناك أصلا تحسين ان العلاقة بين الممرضات والمرضى عجيبة )

المهم ان الأم ماشاءالله عليها والله ياجرها كل خير كانت طول فترة مايحاولون ينقذون ولدها ماقامت ولا تحركت عن سجادتها (كانت بس تصلي وتدعي رب العالمين انه ينقذ ويشفي ولدها )

تقول الأم أيس الدكتور من ان الولد بيعيش ووصل الى مرحلة الموت فلفوه مادري بايش وطلعوا (ماأذكر بالضبط وش قالت )وتقول بعد ماراحوا قلت ماأبي ولدي يموت وهو كذا ...تقول قمت وشلت كل حاجة عن ولدي وسندته خليته كأنه جالس وفتحت الشباك شوي عشان يشم الهوا وفتحت له الفيديو

بعد شوي بدا الولد يفوق وشوي شوي صار أحسن ....ولما جا الدكتور وكان يهودي استغرب وبدا يفحص الولد والعجيب ان الولد كان شفى من كل اللي فيه ....فقال لها الدكتور اليهودي ان اللي كنتي طول الوقت ساجدة له هو اللي أنقذ ولدك

والحمد لله بعد فترة بسيطة رجعوا البلاد وهو بخير ....وهي اللي حفظتني الدعاء اللي كانت دايما تقراه على ولدها واللي قالت لي اقريه على بنتك كل يوم بس بيقين تام بأن الله بيشفيها لك وان هذا الدعاء سبحان الله يرد كل شر عنك اذا قريتيه بيقين تام بالله سبحانه وتعالى يرد كل حاجة الا طبعا الموت لأن كل انسان بيومه وهذا لأنها سمعت الممرضات يقولون ان حالة بنتي صعبة وان كرات الدم البيضاء عندها واجد مرتفعة

والحمد لله تميت أقرا هذا الدعاء وبتوكل تام على الله وبيقين تام به وبعد شهر أول ماشالوا كل اللي في رجل بنتي ...طبعا ماكانت في البداية تقدر تمشي بحكم المدة اللي تمت فيها في السرير وأنا كنت حاجزه على الرده للدوحة بعد يومين على أساس انها بتكون بخير ان شاءالله ....وقالوا لي الممرضات روحي تمشي أو تسوقي للسفر واحنا بنشوفها ....وفعلا طلعت ولما رجعت كانوا قاعدين ينطروني قدام الأسانسير هم ووياهم بنتي وأول مافتح الأسانسير خلوها تجيني ماشية

وصج كانت مفاجأة وأحلى مفاجأة لي في حياتي ((الممرضات قعدوا طول الوقت يدربونها انها تمشي عشان يفاجئوني )) وطبعا رجعنا على نفس الحجز اللي حاجزته وهي بخير بس مع علاج مضاد حيوي كان لازم تاخذه لفترة طويلة

المهم اني اعتمدت هل دعاء في كل حياتي ...أي حاجة أحس اني بحاجة لقراءة الدعاء أو حتى لو أحاتي لو تأخر ولدي برجعته بالبيت..أتم شوي الا هو راجع أو متصل يطمني بعد قراءة الدعاء بفترة بسيطة ((والله أقراه على كل حاجة بس مثل ماقلت بيقين تام ))((وأنا أصلا تعودت أقراه يوميا أكثر من مرة وحفظته لبناتي وخواتي))

والدعاء هو :
((اللهم أنت ربي لااله الا أنت عليك توكلت وأنت رب ذا العرش العظيم ..ماشاءالله كان ومالم يشأ لم يكن ..لاحول ولاقوة الا بالله العلي العظيم ...أعلم أن الله على شيء قدير وأن الله قد أحاط بكل شيء علما ...اللهم اني أعوذ بك من شر نفسي ومن شر كل دابة أنت آخذ بناصيتها ...ان ربي على صراط مستقيم ))

ولا تنسون بأن ((( يقيني بالله يقيني )))

تم حفظ الدعاااااااااااااء ...جزاك الله خير على القصه ...الصراحه صيحتيني ..والله يحفظ لنا عيالنا وعيالكم ولا يروينا فيهم مكروه يارب

 

[مزايين/قطر]

تم حفظ الدعاااااااااااااء ...جزاك الله خير على القصه ...الصراحه صيحتيني ..والله يحفظ لنا عيالنا وعيالكم ولا يروينا فيهم مكروه يارب

اللهم آمين

وصج والله يابيالة هل دعاء مالي غنى عنه ....أقراه يوميا والحمد لله رب العالمين أحس براحة وأمان

 

[ام صغننه]

اكيد قزاز ماحب البلاستك.. بس عادي اخلي الغرشه اسبوع صح. ولا لازم كل يوم انقع.؟

تسسلمين​

لا حبوبه عادي اسبوع
و ما يشوف شر هموووومي

 

[saryalia]

تم حفظ الدعاااااااااااااء ...جزاك الله خير على القصه ...الصراحه صيحتيني ..والله يحفظ لنا عيالنا وعيالكم ولا يروينا فيهم مكروه يارب

آنه ماقدر اقرى هالنوعيه من القصص..
اتم في بالي وبروحي وايد اخاف على بيبياتي.
هاي الدعاء حافظته من كانت مزمز في لندن.. من سنيييين
وقالت لي قصة الكويتيه.. وانها لما قرت هالدعاء بنتها صارت بخير((خل مزمز تقول لكم القصه))
ومن يومها واقوله يوميا.. واذا قلته خلاص ارتحت وتطمنت.. وحتى الوسواس يروح.
صج دعاء رهيب.ولما تقرون فضل هالدعاء راح تعرفون بس سوو بحث وشوفوا.​

 

[مزايين/قطر]

لا حبوبه عادي اسبوع
و ما يشوف شر هموووومي

فديته هل حلو :cupidarrow:

الله يحفظه ....هل ولد كله تعبان ....نتطمن يوم ويرجع يمرض ثاني يوم

 

[saryalia]

لا حبوبه عادي اسبوع
و ما يشوف شر هموووومي

الشر مايجيج تسسلمين يا خبره
باروح انقع البان واجهز عشان اروح معرض الكتاب
يلا جاوو جاوو​

 

[saryalia]

فديته هل حلو :cupidarrow:

الله يحفظه ....هل ولد كله تعبان ....نتطمن يوم ويرجع يمرض ثاني يوم

:tears:

 

[ام صغننه]

:tears:

حبيبي
انا ولدي يوم كبرهكان نفس الشي و حتى عطوني له بخاخ بس هالشتويه الحمدلله واااايد اشوى

 

[بيالة شاي]

" كيف تطيل عمرك الإنتاجي "تأليف " محمد بن إبراهيم النعيم"0


والحين في له جزء ثاني حسب ماقريت.​

ميرسي ..تم الحفظ ..وجاري البحث :blow: